熊小館

营业中

休息中

聖誕節，今日帶女女去megabox 睇戲，我地睇戲前去搵下午茶食，發現了一間主題為Bear Bear 既餐廳，女女已經嘈住要入去食啦。門口已經有兩大隻Bear Bear ，未坐低已經周圍要影相，因為周圍都係Bear Bear。餐廳仲有一小角比小朋友玩同睇書既地方，女女已經掛住玩唔去食野。餐廳價錢經濟實惠，好抵食，唔會話因為主題餐廳價錢而偏貴西多士（$42）西多士配朱古力漿真係好邪惡，炸得乾身不滴油，完全沒有油膩感。尼哥斯吞拿魚沙律伴溫泉蛋（$68）份量都好多，新鮮的沙律菜，十分爽口，而且加上吞拿魚一齊食，口感好豐富紅荳pop-pop (凍）爆谷紅荳冰（$18）以為會有爆谷加入紅荳冰，原來係爆谷漿加入紅豆冰，第一次飲，味道好特別，愈飲愈多，味道有點似粟米味😂😂😂，值得一試

果日去Mega Box行街，行到咁上下有d肚餓，就睇下有咩食啦。行行下突然見到呢間餐廳門口兩個大大隻既熊啤啤被電親既我地見到餐牌又好抵所以即刻入左去係呢度食飯真係好治癒，周圍都係熊啤啤😍真係少女心爆發呢間餐廳都幾多小朋友，仲有個閱讀區域比小朋友等餐果陣去玩周圍影相既時候發現有間privite room，係度開party一定好開心啦影完一大輪我地終於心滿意足咁返去準備食野，啱啱坐低餐就送到了帶子菠菜忌廉湯$32加了菠菜既忌廉湯沒有咁heavy，感覺上健康不少。雖然加了菠菜，但都係好creamy同奶味重，好飲蜂蜜味BBQ燒豬仔骨$140大大份，外皮少許焦，骨與骨中間既肉幾juicy，燒烤汁配上蜂蜜，感覺不錯烤美國牛肉芝士煙肉漢堡包$62呢個餐真係好抵，62蚊就有一個漢堡包、沙律、薯條同餐飲！漢堡包材料十足，有美國牛肉漢堡排、煙肉、番茄、芝士同生菜，是最經典既漢堡包搭配唐揚脆脆雞翅$48雖然外皮是炸得很脆的那種，但內裏很入味juicy，讚👍🏻心太軟$29十分有驚喜的甜品！外皮不厚，一切開內裏既朱古力便湧出黎，熱辣辣既心太軟配上忌廉好好食呢間餐廳有咁多啤啤熊陪我地食飯，而且價錢又咁抵，真係好正

其實預咗聖誕節去食另一間既high tea,點知公眾假期冇做，唯有同舊同學嚟MegaBox睇little twins star順便溜冰過個凍啲啲既聖誕應下節😂望到有間響冰場樓上既cafe開左就去試試新野成間野熊仔做主題，周圍都係熊熊🐻任影入座其實有啲晏，下午茶同全日menu佢地都俾左我地睇下午茶全部澱粉質😂好飽咁喎，全部都係四十幾蚊都要選架喇～揀咗金磚西多士同埋要肉醬薯條熱奶茶：幾香濃個杯仲有印左熊仔樣金磚：6條～如果入面有花生醬就好，因為佢地得糖漿同煉奶揀，我哋揀咗糖漿，侍應姐姐已經特登幫我地加咗少少煉奶都係唔夠甜😀雖說糖都係食少啲無咁易老，不過食邪惡野就唔理啦😗肉醬薯條：分上⋯⋯薯條係粗薯條，原個切條薯好脆好好味，肉醬好鬼難點因爲個兜好細😂倒落去又唔係，如果有隻小小的匙就好喇，面家點點下會唔夠過癮價格真係相宜👍🏻新開張間無乜客，地方大招呼又好好，聖誕節仲有個聖誕老人黎同我地say hi😂咦諗諗下好似無收加一喎🤔搵日再黎食個晚餐先

聖誕節為了避開人群，到了這個商場。來到這家餐廳，因為是新開的，可能知道的人不是太多，所以完全不用等位。我們點了兩個主菜，芝士鐵板雞扒及肉醬意粉，並加了＄28升級為套餐，包了是日餐湯丶牛油法包及飲品。餐湯是正宗的羅宋湯，有少少辣，十分開胃。芝士鐵板雞扒，雞扒嫩口多汁，味道濃郁又不會太咸，薯條新鮮熱烘烘的，我給滿分！至於肉醬意粉，味道不錯，有獨特的東南亞香草味，但唯一略嫌份量比較少。愛人加了$16轉了特飲－爆谷紅豆冰……但送上是沒有爆谷，在細問下說是沒有爆谷的，只有爆谷糖漿......暈，而且味道淡淡的。我點了奶茶，味道不太行，不是茶餐廳味道，沒有茶味。整體食物屬於中上，唯一略嫌食物份量比較少。

今日特登同朋友過嚟megabox 影Little Twin Stars 聖誕燈飾，影完之後諗住搵間餐廳食個飯，見到有間新開無耐嘅小熊餐廳🐻，裝修好可愛，咁就一於試下呢間。入面成間餐廳都係熊仔🐻，大人細路都一定啱，仲有好多影相打卡位，肯定呃到唔少like👍，小朋友仲更加啱，有個位置擺咗好多圖書📖，仲可以玩埋煮飯仔添🍳。啲食物都唔錯，全日套餐都幾抵食，而且選擇又多，我哋揀咗2個全日套餐，一個係Set B 吉列豬扒🐖伴香草茄蓉汁🍅，另一個係Set C嘅黑椒雞扒🐔，Set A至Set C都可以配沙律/湯/法包/甜品🍨，同埋餐飲；而D至L餐就要另外加錢配。我哋揀咗2個餐湯配蒜蓉包，羅宋湯材料足，蕃茄味濃🍅，蒜蓉包又香又脆。Set B 吉列豬扒伴香草茄蓉汁，揀咗跟飯🍚，飯嘅份量好足夠，吉列豬扒炸得金黃，又鬆又脆。Set C嘅黑椒雞扒好大塊，黑椒汁好香，雞扒入味，薯菜炸得脆卜卜🍟。另外揀咗款型廚推介嘅磨菇紅酒汁🍷牛柳伴法式田螺薯蓉批，由大廚手切，用上牛隻少量珍貴部位，再加上唔同嘅刀法，令牛肉更加突出，紅酒汁又香又甜，令牛肉味道更多層次。牛扒🐂做到7成熟，只有少量血水，食出肉質的嫩滑。伴碟同樣精美，有

今晚約了3位舊同事dinner, 其中一位提議去熊小館，因為上一次她到Mega Box睇戲時已見到這間以Bear Bear熊作為主題的餐廳，覺得甚為吸引，她又知我極喜愛Bear Bear熊，所以今晚決定試一試一踏進熊小館已覺十分開心和興奮2隻大嘅Bear Bear在門口歡迎我呀差不多每個角落都有Bear Bear熊的裝飾，我勁like ar室內裝修大部份用上天然木材，古樸的窗花，手做的Teddy Bear掛飾和十字繡，襯托着柔和的燈光，散發出一份浪漫溫馨的氣氛這個private room自成一角，可供十多人一起進餐，絕對有足夠私人空間，朋友或家人gathering最適合不過兒童專屬區，設有兒童圖書供小朋友借閱，大人就可以放心進食，亦需擔心小朋友扭計餐湯+ 蒜蓉包~蘑菇湯好濃郁，好滑好creamy 蜂蜜味BBQ燒豬仔骨~一上桌已聞到好香的BBQ蜂蜜味豬仔骨燒得恰到好處，肉質鬆化而離骨，充滿蜜味，外皮還有些少燒焦，有少少似义燒的表層，好惹味朋友們一致讚好蘑菇紅酒汁牛柳伴法式田螺~牛柳煎得外脆內juicy, 肉質嫩滑而略有頭，配上黄椒，紅椒，茄子，煙肉露筍卷和蘑菇作為伴碟，略為烤過的蔬菜

上星期陪朋友去megabox 溜完冰後，就黎左呢間試業中既餐廳食番個晚餐🥣！店員安排左個坐位可以睇到個溜冰場，環境都唔錯！店內每張檯都放左隻小熊比客人影相打卡，好多熊仔擺設，岩晒女仔或熊仔fans黎朝聖一下，另外，還有兒童遊戲地方隔開，家長可放心把小朋友放係度玩，而家長就可安心在餐廳內用膳，這心思設計都唔錯！這間好適合親子一家人weekend黎既好去處！👍 睇完menu後就點左蜂蜜味BBQ燒豬仔骨，豬仔骨肉都好腍身，好易可切開，肉質都幾嫩滑！配有薯條🍟同沙律🥗菜可中和一下！友人就點左蘑菇紅酒🍷汁牛柳伴法式田螺，牛柳肉質有口感配紅酒汁甚配，薯蓉內有多粒田螺肉，味道唔錯！而飲品方面就點左薔薇之戀，玫瑰花🌹味唔太出，而檸檬草蜜茶就偏甜左少少！最後叫左個甜品：心太軟，即叫即整，一切開流心既朱古力醬一溶而出，好香濃，朱古力醬都好滑，唔太甜，如果佢配雪糕比用cream會較匹配！😋😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

一家大細去megabox睇戲見到有間熊仔主題cafe，入面有好多熊仔公仔，又有兒童餐，小朋友就話要入去全日套餐好抵食我地叫左西冷牛扒配沙律薯條可以揀沙律或湯，沙律菜裝滿一碗都幾多沙律有芝麻醬，前菜好味芝士焗忌廉菠菜龍利魚飯份量大份又夠熱忌廉波菜好creamy，魚柳厚身啖啖肉意大利卡邦利扁意粉扁意粉有口感，煙肉惹味全日套餐跟一杯餐飲我地仲叫左蜂蜜味bbq燒豬仔骨share跟左沙律，粗薯條豬仔骨肉嫩入味，好易切開食落甜甜地，又有BBQ醬鹹味，味道剛好，無過鹹👍🏼兒童餐B小朋友最鍾意熊仔形狀既啫喱糖，可以用手拎住食，店內仲有提供兒童餐具，相當貼心

揸車到megabox睇完傢俬之後諗住食埋lunch先出去，咁啱俾我發現到一間叫熊小館的餐廳。 餐廳入面有很多熊仔擺設，每一張枱都放了一隻帶住聖誕帽的熊仔很有節日氣氛呢！ 看見餐牌上有全日套餐價錢相當經濟， 於是我們點了兩個套餐: 芝士焗忌廉菠菜龍利魚柳飯$62， 香草茄蓉汁雞扒飯$68，本身是黑椒雞扒飯的， 但我們不想吃黑椒，店員提議我們轉香草茄蓉汁實在太好了！ 每一個套餐再加$6可以有歐陸式濃湯和牛油法包，加$9可以有事呀沙律或甜品。歐陸式濃湯和牛油法包 ~ 熱辣辣的濃湯好creamy， 配埋牛油法包吃，好味道！香草茄蓉汁雞扒飯 ~ 超大塊的雞扒，煎得又香又juicy，最正茄蓉汁，味道適中用來送飯一流！芝士焗忌廉菠菜龍利魚柳飯 ~ 龍脷柳好大塊， 最喜歡沒有骨的魚啖啖肉， 芝士味濃郁又不膩， 份量多到一個人食唔曬。朱古力心太軟 ~ 除咗心太軟之外還有又邪惡又好味的cream， 配上清新的粒粒桃可以中和番，感覺冇咁heavy!最後嘆埋杯香濃的即磨咖啡，完美又經濟的一餐!第一次到熊小館， 對這裏的印象非常好。平時去megabox好難搵到鍾意食的餐廳， 這裏的食物質素好之外， 裝修擺設都很

MegaBox不嬲都係冇啖好食，大部份餐廳都又貴又唔好食，睇完戲本來想出返去德福揾食， 不過喺不遠處見到好大隻啤啤熊Lego好得意咁店內地方超大，每張枱都有一隻公仔，試問有邊個小朋友同女士會唔鍾意啤啤熊？店員服務殷勤有禮，環境令人有莫名其妙的歡樂感香港地好少有咁舒服嘅餐廳入面仲有一間房仔，裝飾非常童話，好適合小朋友們的聚會餐牌上食物款式也有不少，價錢亦算大眾化套餐包了餐湯、法式麵包和餐飲，是日餐湯是忌廉甘筍湯，蒜蓉包烘到脆卜卜，蒜味香濃主菜點了美國安格斯牛肩肉及忌廉汁松露煙三文魚天使麵散發着濃郁黑松露香氣，天使麵煙韌彈牙安格斯牛扒熟度剛好，表面微帶焦香，肉味香濃富肉汁店員推介的心太軟，外層焗得脆口，切開有濃濃的朱古力醬湧出，伴上忌廉和生果，非常滿足！整體來說，不論是食物還是侍應的服務，拍拖又好一家大少又好，都是一個不錯嘅選擇，以後去MegaBox終於有啖好食啦

睇住冰場嘅小朋友打冰上曲棍球賽，食住五成熟厚嫩紅酒汁牛柳，仲有燒豬仔骨同沙律相伴，人生幾何？咁又一Day!磨菇紅酒汁牛柳伴法式田螺薯蓉批$158，牛柳香煎過，熟成度剛剛好五成。牛柳軟嫩，易切開，肉汁包滿，配埋紅酒汁鮮味立即解鎖個法式田螺薯蓉批雖然細細碟，但裡面都有5隻田螺肉，份量唔少。牛油味香濃，配埋牛柳食就一流。蜂蜜味bbq燒豬仔骨$140，蜂蜜燒過香味四溢，亦令豬仔骨顏色更吸引，肉一切就開，醃料亦不俗，大大份，一家三口都好夠。

今天跟別人去親子樂，朋友就介紹前往九龍灣的大盒內，因為他知道那裏開了一間新的親子餐廳。餐廳以熊寶寶為主題， 內裏以熊為主題的公仔很多，有大的，也有小的。餐廳內朋友一個區域為Reading Zone。 難怪朋友說， 這是一個適合小朋友前來的地方。內裡更有Party Room， 小朋友發現時，更加驚喜。食物方面，點了芝士醬油魚柳鮮蛋焗飯， 味道方面，醬油味道豐富，內裏更有一隻流心蛋，味道一絕。熱檸水及熱奶茶，屬於正常茶餐廳水平。下次再加入別人的親子樂，又多了一個新好去處。