熊小館

营业中

休息中

今日黎到Magabox行街 發現開左一間用熊仔黎做主題既餐廳 覺得超級特別！😍起餐廳真係好多個角落都見到熊仔 例如餐枱 門口都已經見到超級大隻熊仔！！仲有一間房係for開生日會 或者同朋友聚會都好岩！我覺得呢間餐廳好適合親子一齊黎食！蜜桃焗雞脾飯平時好多時都會食到焗豬扒飯但真係冇諗過完來蜜桃同雞脾係可以禁夾！！蜜桃🍑好鮮甜多汁 令成個焗飯帶出左一份清甜既感覺 因為用上左雞脾肉所以即使經過烤焗仍然好嫩滑 飯面子仲加左好多芝士 完全可以做到拉絲既效果呀😍🧀🧀朱古力心太軟🍫🍫🍫一向鐘意食甜品既我又點會唔試下呢到既甜品！心太軟真係好有驚喜！外皮好脆 只係輕輕一切已經有滿滿既朱古力湧出黎😍😍鐘意朱古力既朋友一定要一試！

今日去開宜家傢俬買野所以就順便喺megabox食埋晏，揀左陣就決定黎呢間以熊bear bear做主題嘅餐廳😆😆😆本來諗住實係貴野🙊🙊🙊 點知望真平均一個set lunch只係大約$6,70咋!!!😲😲😲😲 好難得可以係香港搵到主題餐廳而價錢又咁親民!!!!!餐廳門口放咗兩隻好大嘅啤啤熊🐻🐻🐻行入少少發現全間餐廳都係🐻!!!! 周圍都係打卡影相位😍😍😍 跟餐有歐陸式濃湯+法包今日既餐湯係忌廉粟米海鮮湯，好足料😋 法包好脆好香蒜蓉味。白菌西冷牛扒 🐮 $72菌汁好香牛扒煎到啱啱好，大塊又juicy😋😋😋吉列豬扒半香草茄蓉汁🐷 $68豬扒係新鮮炸起嘅，外皮好脆不過有少少乾，沾多少少茄蓉汁就岩岩好食完夠鐘下午茶嗌埋甜品 心太軟🎂 $42OMG好好味!!!!! 係我食過既Top 5之一！🤤🤤🤤外層香脆，入面滿滿超流心朱古力醬🍫香濃但唔會好甜！順帶一提我地坐左個近邊位仲可以睇人溜冰

同老公行過九龍灣見到呢間人見人愛既啤啤熊主題餐廳，食物價錢又唔算貴！環境又夠大！仲有咪遊戲區俾小朋友玩，真係一間好好既親子餐廳，又有得俾小朋友放下電，又可以俾家長放鬆下！「唐揚脆脆雞翼」$48雞翼金金黃黃卜卜脆，小朋友大人都岩食加埋杯「橙色派對（芒果橙汁）酸酸甜甜好醒胃！呢個「蜂蜜味BBQ燒豬仔骨」$140大大條豬仔骨，啖啖肉，肉質好易撕開醬汁唔會太甜，小朋友食一定無難度唔痴牙經典焗意大利波隆那肉醬意粉$69意粉面鋪滿超多芝士，仲啖啖波隆那肉，真係十分足料！雖然唔係生日，但老公都點左呢個自家制心太軟生日版！真係好靚，唔係生日都食得我好開心，呢個心太軟十分流心，唔會太膩，甜度適中有口感！食完真係想再點多個黎食呀！

呢間餐廳絕對係一個打卡，呃like，影相聖地 除左裝修別緻，仲有好多熊熊出沒(公仔)咁當然啦，除左硬件靚之外，呢間餐廳既軟件都絕對唔錯，食物方面性價比仲相當高去相。。。玫瑰熱情果茶 & 甘吉玫瑰茶法式蛋黃醬燉鮮露筍我個人覺得蛋黃汁係呢碟露荀既主角，因為本身露荀味覺清清地，加埋呢個蛋黃醬中又帶有好微量既芥末，簡直係絕配。意大利魷魚墨汁意粉各位女士需注意，食完呢碟墨汁意粉真心非常好味，墨魚夠料，味道夠鮮，但食完要小心記得離開前睇清楚自己d牙同咀先離開餐廳啤酒脆爆洋蔥圈傳統芝士焗意大利飯呢個飯對我黎講不過不失，可能因為我比較鐘意食濃味芝士，所以呢款芝士焗飯既芝士可以濃返個double咁就perfect 玫瑰法式燉蛋白平時食開既燉蛋普遍都係熱食，但呢個燉蛋用左凍食既方法，唔會因為凍食而食唔到蛋同焦糖味別有風味2條友開大餐咁食，都只係每位182蚊連加一服務，絕對性價比高 可以食到飽之餘，仲可以同熊熊影相呃埋like以上開飯食評，只係本小姐個人食後感

九龍灣mega box 出左名岩一家大細黎行街食飯🥳朋友係附近番工話開左間又好食又好多熊仔影相打卡既餐廳🤔我黎啦熊仔sssss個場好大bro🤔重係對住個溜冰場！食住睇人打比賽好chillchill👏🏻😻嘩 埸入面真係有超多熊熊仕你影任你玩🥳發現到佢地重有小朋友既小天地！大人食飯小朋友又可以玩👏🏻👏🏻好細心！我細個既餐廳好多都有小朋友玩樂區嫁😂總係覺得比玩ipad 好law😌起馬對眼睛好👏🏻😽好啦！除左玩就係食la 😂肥妹的生活態度呀🤗係一輪既討論之下我地叫左啤酒脆醬炸洋蔥團（$48)嘩 係勁大圈既洋蔥圈塔呀💌外脆內重有汁既洋蔥圈唔乾身好高質🤗份量都好夠多bro😍配埋檸檬既小清新😌重有沙津醬可以點🤤🤤大人細佬都岩食🥳燒美國穀飼厚切小牛扒伴醋（$168)配菜有燒茄子，薯仔同埋酸蘑菇🤤酸酸地好開胃😽7成熟既牛牛🐮🐮可以煮到外面脆身入面依然係軟而不乾又鬆軟🤗果然係大師手切牛🐮🐮🐮配埋芥未醬正呀🥳🥳白酒忌廉煮藍青口（$68)用3色辣椒同白酒去煮青口有甜忌廉味之餘脅幾分辣既味道🥳 青口唔會乾身係比重重既忌廉所包圍😌入面有份軟綿綿既質感😌肥厚既藍青口🥳粒粒都勁厚肉😊上台唔洗5分鐘清曬😽紅豆pop-p

今個星期日同阿肥嚟Megabox搵平價嘢買,唔想次次都嚟食宜家傢俬咁悶喇今次搵到Megabox終於有新開張嘅<熊小館>餐廳,一於上嚟試吓啦!其實商場四周圍都見到有poster呀等等嘅宣傳,一個個可愛嘅熊寶貝隨處可見,搭扶手電梯或者搭𨋢上十一樓都得,原來餐廳佔地面積好大,除咗有小朋友嘅玩樂區,仲有不同位置同熊仔嘅裝飾用餐區,勁多影相打卡位!無論一家大細或者充滿少女心嘅朋友都適合呢~職員都示意我哋可以隨便揀選想坐嘅位置,咁我哋就揀咗一個可以望到溜冰場嘅景觀位置,享受一個寫意悠閒嘅下午。睇一睇個餐牌,發現呢度嘅食物原來都好抵食喎最貴嗰款都唔超過$100蚊,我而家週日呢個下午茶時段用膳仲有九折優惠添!!!唔怪之得,都吸引咗好多帶住小朋友嚟玩嘅家庭幫襯羅宋湯配牛油法包：每份全日套餐加$6蚊就可以升級埋有湯同包,估唔到個羅宋湯咁足料,不論蕃茄,西芹,椰菜,紅蘿蔔同牛肉都齊哂,兩碗一樣!牛油多士雖然細細件,但都有烘過的。D餐:芝士焗忌廉菠菜龍利魚柳飯($62蚊)：本身我驚住叫下午茶餐唔夠飽,咁不如叫個飯啦~個飯嚟到之後我就後悔喇嘩...乜咁大碟嘅(?!)建議胃口小嘅人可以同你朋友開心

Megabox人流越來越多，帶旺餐廳越開越多，質素亦越來越好。就係戲院個層發現到有一間好可愛，以熊仔為主題既西餐廳🐻周圍都放滿了不同的熊公仔同熊仔既畫，好得意。餐湯是正宗的羅宋湯，有少少辣，十分開胃。蜂蜜味bbq燒豬仔骨 好香好香 一上枱勁香bbq味Cooking time 控制得好好 無過熟肉質鬆化兼離骨 而且仍然juicy 唔會乾爭爭伴碟嘅薯條亦熱辣辣脆卜卜 內心真係好想食晒  但好驚熱氣焗法式焦糖燉蛋白入口香滑，焦糖香脆又無焦苦味，對小女生來說甜度也屬於適中，不過對於我來說，少甜會更好薔薇之戀-（凍）-玫瑰花茶柚子柚子味比較重，蓋過了玫瑰味 意大利飯 好濃郁的cream sauce，飯煮得軟硬適中，雞柳好入味，大人小孩都喜歡這是一間值得推介的餐廳，無論環境，食物質素，店員的友善態度和相宜的價錢，絕對令我會介紹朋友來幫襯！

唔知你地細個中唔中意抱住熊啤啤架呢？依間餐廳有好多熊啤啤陪住你食飯，亦有閱讀區，充滿童心嘅環境，小朋友嚟到一定好開心！都係一個唔錯嘅親子餐廳。.忌廉汁黑松露煙三文魚天使($92）總係有種意識，覺得一樣菜式個名越詳盡，就越唔會有伏。而且類似嘅意粉一向係比較穩陣嘅選擇，事實證明係啱嘅！比較幼細嘅天使麵吸收到忌廉汁嘅香味，係每一啖都有。即使唔係主角嘅菇同樣都有忌廉嘅香濃。.蜂蜜味BBQ燒豬仔骨（$140）BBQ汁味道比蜂蜜味突出。豬仔骨嘅份量好大，肉質唔會太過韌。另外一提個薯仔配菜，好有以前喺英國食到嘅味道。$140可以話係性價比高。.白汁忌廉煮藍青口（$68）成日都講「要趁熱食」，但我地掛住影相，就錯過左最適當將青口擺入口嘅時機。中途侍應見到都有提我地快啲食，有點兒warm！好彩凍左嘅味道都唔差，食曬成碟都冇咬到任何海草，證明洗得好乾淨，可以放心食用！.啤酒脆漿炸洋蔥圈（$48）洋蔥圈炸得好透徹，食落唔會有未熟帶嚟嘅辣味，取而代之嘅係洋蔥本身嘅甜味。而外面嘅脆漿即使喺影完相之後都keep到脆。.羅宋湯 牛油法包 （+$28）跟餐加$28就可以換到羅宋湯、蒜蓉包同一杯野飲，個湯輕微帶酸都幾開

周未來到了MegaBox 見到熊仔做主題既餐廳好特別 即刻一試 一入到門口已經見到2隻人咁大既熊仔 小朋友攬住唔放餐廳入面有個兒童角 專門比小朋友玩的入面有熊仔公仔，玩具，更有圖書比小朋友睇 簡直是小朋友的天地 在場見到個個小朋友走完入去都唔想出黎成間餐廳的環境佈置都是不同款的熊仔 喜歡熊仔的朋友一定好開心 可以狂打卡熊仔仲會坐係隔離陪你食飯餐牌方面選擇亦算多亦有小童餐 頭盤有湯/沙律主食點了白菌西冷牛排牛排份量很大 食晒成份已經好飽薯條是即叫即炸的 很香脆配菜也很多 平衡到健康甜品點了心太軟心太軟一切開就爆發朱古力醬 很好食 再食多一件都仲得

原來megabox都有個親子餐廳，以熊bear bear做主題。內裡很大，可以望到溜冰場，夠開揚。有個小城堡，𥚃面大約有2張8人長枱。我估可以包房開小型派對，是不錯的選擇。還有一個小角落，有一些玩具給小朋友玩樂。點了2個麵，只要加$28便可轉為套餐，有餐湯，多士及飲品。是日餐湯 - 羅宋湯，夠熱辣辣，多士浸著湯一起喝😊唐揚脆脆雞翼 - 有4件，新鮮炸起👍意式焗肉醬茄子 - 多醬而味濃，茄子吸盡了精華，面層也有點熔了的芝士😊香草醬乾蕃茄野菌闊條麵 - 材料多而熱騰騰。軟殼蟹牛肝菌意粉 - 大大隻既軟殼蟹😍食到好飽😊部份餐牌，其實仲有甜品，但肚子已是滿滿的了😂總括而言: 坐得舒服，價錢合理。

主題餐廳一向給人又貴又不化算的感覺，不過，凡事往往有例外。 早前來到一間以熊仔為主題的餐廳，價錢不但貼地近民，而且場內佈置花盡心思，絕同適合一家大細棒場。 到處都可以見到與熊仔公仔，充滿童話感覺。 全日套餐選擇共有12款，價錢由HK$58-HK$72不等，加HK$6可餐湯及牛油法包。 芝士焗蜜桃去骨雞脾飯這個雞脾飯味道超讚，芝士味道香濃，出現拉絲效果，而飯內有大量雞脾肉，雞脾肉質嫩滑，入口淡淡肉，加上香甜的蜜桃，很好吃。 黑椒雞扒雞扒挺大塊的，肉質與雞脾肉一樣，同樣嫩滑，肉汁豐富，唯一美中不足是旁邊的蔬菜，用上了葡汁，與原本的黑椒汁格格不入。 烤棉花糖吐司吐司送上來時香噴噴，賣相滿分，棉花糖半溶化，再灑上朱古力醬及練奶，配上口感香脆的吐司，吃後大滿足。 即磨咖啡咖啡的質素雖然不及一般的cafe，但味道還是很不錯，奶味香濃。

今日去完megabox買野順便食埋飯，去到11/F見到衣間熊小館裝潢好靚就入左去試。我地2個人叫左個白酒忌廉煮藍青口做前菜。個忌廉汁幾濃，再加埋洋蔥粒，令到d青口好入味。主菜方面，分別叫左個燒美國穀飼牛扒同黑松露蟹籽帶子黃金意大利飯。而每個主菜+$28就可以加埋餐湯同蒜蓉包。今日餐湯係羅宋湯，好濃郁既蕃茄味，非常開胃，而蒜蓉包亦十分香脆。講返主菜，個牛扒叫左7成熟，牛味幾重，再加上有少少燒烤既味道，好好味。而牛扒既配菜都十分出色，特別係D菇既漬物，酸酸甜甜，好特別。另外，個意大利飯主要係用粟米忌廉汁去煮，本身味道已經好濃郁，再加埋黑松露估唔到個味好夾。口感方面，意大利飯一般比較腍，但粟米同蟹籽令個飯有唔同既口感享受，令成個飯無論味道同口感都非常好。同場加映可愛既熊熊裝飾Menu

今日同小朋友一齊去megabox玩，聽朋友說這裏開了一間親子餐廳在九樓 。咁我哋就上去望一望。呢間餐廳叫做熊小館，餐廳一如其名有好多好可愛嘅熊啤啤 ，也有一個專為兒童而設的Reading corner, 感覺這餐廳很適合一家大細一同前往。我哋叫咗個 燒帶子意大利飯 ，好濃郁的cream sauce，飯煮得軟硬適中，燒帶子好好味，大人小孩都喜歡。肉醬意粉也是小孩的favourite, 不錯的番茄味道但油有点多，意粉質感幾好，上面有焗芝士，格外可口。爆谷红豆冰，味道十分特別，第一次飲爆谷味道的飲品。甜味也較重。心太軟一流，香濃的朱古力 ，內裏有暖暖流心的朱古力，跟cream一起吃，也是十分正凍咖啡，味道不錯 。有香濃㗎啡味也不會太甜。我們都很喜歡這間餐廳，下次再跟朋友來。。

今日去左megabox行宜家家居，跟住發現左一間好得意既熊bear bear 主題餐廳，就決定入去試下啦！入邊既裝飾全部都系熊仔，無論掛畫還是台上裝飾，簡直就系俾一大班熊bear bear 包圍既感覺呀！仲有個小朋友遊戲小天地添，小朋友可以係入邊玩，大人都可以放心慢慢坐來休息下喔！真係好貼心！首先我地嗌左個芝士焗忌廉波菜龍利魚柳飯，一上台就覺得香噴噴啦，醬汁岩岩好，D飯唔會太濕，魚柳都好大塊，淡淡肉，飯有波菜味道真係好惹味！再來一個烤美國牛肉芝士煙肉漢堡包伴炸薯條，個樣真係好吸引吖，估唔到食落更加吸引，薯條香之餘淡淡肉，又松又脆，個漢堡包真係好好味，材料十足，好有牛味，加埋D煙肉芝士蕃茄生菜！真係經典之作！個餐62蚊有配野飲仲有D沙律菜添！正！抵食！再來一個西多士配糖漿，西多士乾身唔滴油，食落口都唔會油膩膩，幾好！個熊仔心太軟真係好得意，我地無人生日都忍唔住點左個生日熊仔心太軟，影相靚之餘仲有蠟燭可以吹，一切開D朱古力就流曬出來，睇落真係好邪惡呀！入口唔會太甜，同D cream 夾埋一齊食真係perfect！總體來講，價廉味美，值得大家一試！

今日一家三口👨‍👩‍👦去左MegaBox 行街，到夜晚7點左右餓餓地，喺11樓有幾間餐廳...點知見到熊小館呢間親子餐廳，bb好興奮咁拉我地行埋去...店內服務員很友善，我地就咁入左去啦😆😆原來入面有好多Bears 🐻 ,我地不停同bb影相，然後order 左海鹽炸薯條配肉醬汁、芝士焗肉醬意粉、燒巴馬火腿伴野菌意大利飯、特濃芝士鐵板雞扒，今日呢餐味道算係好好，價錢亦非常合理，叫左咁多野食埋單都唔洗$400😍😍😍服務員還非常貼心，給我們兒童餐具...🍴今日除左我同老公，bb都食得好開心🥳（因爲有得玩😂）