煮打菜打冷小菜館 (已結業)

我聽聞筲箕灣有間食中菜不錯的菜館，本想跟家人一行四人一起來這裡晚饍。於是一早打電話來訂枱，接線的竟説四位不能預訂，要自行來這裡等位。我們於是一早晚上6點鐘就來到，希望早點吃，可以不用等位。當我們到達時，其實那時都有很多張空的小圖枱，怎知一個男的服務員，態度差劣之極，竟説這張圓枱係俾6個人，但其實嗰張枱頂多只能坐四人。有訂位先坐得，要我們4人擠進一張窄得可憐的卡位，周圍充塞著一排排啤酒的角落位置。態度幾乎想說你要坐就坐在這裏，唔坐就走啦，如果不是帶著兩位老人家，我真想一走了之。被這個極不禮貌的侍應對待，令到我跟家人吃飯都提不起勁。我們叫了四餸一湯，食物質素普通之極，尤其是冬瓜盅，水準一吃就明白D湯係之後倒落去，並不是原盅煲。但價錢一點都不便宜，要138元。隻霸皇雞雪味甚濃，叫做比較食得落就係個肉餅，佢叫做鎮店之菜，水準都是一般。我期間望去訂左位坐嗰張圓枱，數來數去只得三位女士。我們匆匆食完一餐不知所謂的晚飯，還要有咁嘅加一服務費，一共560元。我打死下次一定不會再幫襯。

有朋友説這店不錯，抱着希望之心，帶埋阿媽一家4人去試。點知因為安排坐於一角有啤酒的位置，我後入來想問可否換位，點知一位年輕男人，應該是店內的服務員工吧，態度惡劣，話我們4人這是6人枱，就是那個角落位無得換，坐唔坐就冇，意思指你可以走人，不做你生意！我因為有阿媽在不想吵大，所以忍下來，之後來的三個人入來卻坐在那6人位！我看今時今日這樣的服務態度，這間店可以維持幾耐最後我們叫了4餸一湯，湯是八寶冬瓜盅，平心而論，只有銀魚肉餅比較出色，冬瓜盅淡而無味，所謂八寶有雞肉，不新鮮，一陣雪味沙薑雞也是雪雞味，一點口感都無。另外蜜椒吊燒骨，也燒過了，炭味都出來。四季豆也是一般並無特別。理單一計，竟然加一，這樣的大排擋形式，加上店員這樣的服務態度，這餐飯食得不甘心，以後永遠也不會再去了。

旺中偏靜既位置，行上幾級樓梯打開門，feel到茶餐廳既氣息有卡位有圓枱，都坐得舒服同朋友2人睇過餐牌後，都覺得價錢唔便，但一場黎到都會試下皇牌主角銀魚爆牙肉餅，另外配合均衡飲食，馬拉盞通菜炒牛肉雖然朋友不停話價錢貴，但食完個肉餅都無聲出，的確唔錯，肉質食的出有被經過幾十次撻出膠既口感，配上銀魚乾既香，調味又剛剛好，好難唔愛上，2人份量剛剛好，配返碗"靚仔"，完美通菜牛肉中規中舉，味道都唔錯掃晒2碟菜，侍應收走d野，跟住拎左2細碗糖水，woo~腐竹雞蛋糖水，甜度剛好，腐竹味不算太濃，但都過得去，但做多一步都值得加分

今日同老婆過左筲箕灣探朋友的初生bb，晚上就順道在附近吃飯。落樓不久就見到這家餐廳，大家也肚餓了，便決定在這兒解決。先來的是魚湯浸時菜，時菜可以選白菜仔、生菜、莧菜、西洋菜、等等。如果不喜歡魚湯浸，也可以選擇蒜蓉炒或是清炒。我們選了魚湯浸莧菜，魚湯很香，味道很濃，吃不出味精，莧菜也很鮮嫩可口。第二道菜是醬燒野菌牛仔柳。醬汁的味道很特別，有一點點的甜，也有些微像上海菜鱔糊將的味道，好味，拌飯一流！第三道菜是煎𧐢餅，粉漿不會太厚，就像一個美女只塗上薄薄的粉底，香脆可口，而且裏面的𧐢 十分大的，密密麻麻，每一口也有起碼一隻𧐢， 非常足料。第四道菜是籠仔蒸爆牙肉餅。這道菜是這間餐廳的招牌菜，果真有她獨特吸引之處。上菜時一個大大的竹籠捧上來，掀開籠蓋的時候，一陣香氣湧出來。肉餅本身的香味再夾雜了荷葉的香氣，整體的感覺非常良好，一點肥膩的感覺也沒有，而且肉餅吃得出製作很細緻，果然名不虛傳，難怪這道菜式曾經獲奬。

今日約左對家住筲簊灣的夫婦朋友同埋兩個小朋友食，是我第一次來呀！如果不是朋友帶我黎，我平時係唔會行過黎，因為食黎食去我淨係識得去東大街。第一眼看到這餐廳，門口有不少剪報和名星合照，都咪話唔犀利～裝修方面沒什麼特別，反正就是實力小店的模樣。首先來的是潮式凍烏頭，烏頭魚肉新鮮嫩滑，而且夠凍，配上醬汁，好開胃好好味。跟住係是日老火湯：老黃瓜扁豆煲雪耳湯。我們叫了一鍋，有好多碗，足料，湯渣食埋雪耳、瘦肉，而且冇味精，小朋友們爭住飲，添完又添！接著是滷水鵝片，鵝片肥瘦適中，滷水汁好味，有豆腐薦底。跟住係煎蠔餅，蠔餅煎得好脆，好香口，而且啲蠔好大粒，密麻麻的，脆卜卜！個蛋漿唔會話太厚，味道好。最後走到全店最重點菜式：籠仔蒸荷香爆牙肉餅。這個菜色以曾經獲奬不少，今天一試，果然是一絕。用籠仔蒸已是風味十足，再加上用荷葉薦底，整塊肉餅有一陣荷香的味道，肉餅本身滲透着很多很多肉汁，再加上加配的銀魚，兩者口味非常配合，好味！

今日一收工老友就打電話嚟問我今晚有咩搞，佢話屋企附近有一間菜館啲肉餅係出色到攞獎嘅，我咁鍾意食肉餅，正中我嘅下懷，二話不說，立即飛奔過去。豉汁涼瓜斑腩煲，個班腩煲夠哂份量，一放上枱，豉汁嘅香氣撲鼻，耳邊傳嚟個煲嘅滋滋聲，特別惹人垂涎，啲涼瓜夠哂甘，鍾意食涼瓜嘅老婆大愛。鹵水鵝片拼墨魚，鵝片充斥著滷水嘅味道，每一塊都滷得好入味，鵝片嘅肥瘦適中，鵝皮同鵝肉中間夾著應有嘅油脂，令每一口嘅口感更加豐腴，墨魚充滿咬口，彈牙得嚟又唔會太靭，隨滷味附送嘅兩種醬汁分別係辣椒油同埋蒜蓉辣椒醋，個醋充滿住蒜蓉同埋辣椒嘅香味，間唔使用嚟點吓啲滷味，份外惹味。黃金豆腐，將豆腐切成小粒蘸漿，擺落油鑊度用高溫炸起，再以蛋黃碎回鑊爆炒，令每一粒都均勻咁樣包滿香噴噴嘅蛋黃，每一口都係食到嘅酥脆，另外每一粒都只係大過粒骰仔少少，一啖一粒，十分稱心，如果能夠有如椒鹽類嘅菜式一樣有啲喼汁點吓嘅話相信會更加好。土魷爆牙蒸肉餅，我哋今次係衝住呢一個餐廳嘅得獎菜式而嚟嘅，果然無令到我哋失望，爆牙嘅意思係呢度嘅肉餅食起上嚟特別爽脆，而爽脆嘅獨門秘方就係混入咗豬耳同埋海蜇落啲肉餅度一齊蒸，令每一啖都食到爽脆嘅豬耳，而瘦肉同肥肉嘅比例

今日難得一家人食飯，我叫媽咪唔好煮喇，見屋企樓下間中菜館，講咗咁耐都未試過，就一齊落去試試佢先。南乳齋煲，呢度餸係婆婆嘅至愛，幾乎每一次同佢食飯都嗌，可能係因為老人家特別鍾意陣南乳味啩，不過食食下嗰陣味道連我都鍾意埋，煲入面嘅支竹，冬菇，筍，茄子，白菜，紅蘿蔔粒同埋最重要嘅粉絲全部都充滿住南乳味，零舍好餸飯。大漠風沙金錢鱔，金錢鱔走油後香酥撲鼻，咬一啖脆到不得了，酥脆入面既鱔片亦都相當有份量，絕對唔會話淨係得陣脆漿可以食，伴隨著上面嘅炸蒜頭，香蔥，芝麻同埋紅椒粒一齊食，份外惹味。魚湯海味浸勝瓜，一上枱先試一啖個魚湯，嘩，真係好鮮味啊，一飲就知道無落到味精，嗰陣魚嘅鮮味，加埋湯入面嘅蝦乾同埋銀魚仔，同個勝瓜好夾。糯米釀雞翼，呢個糯米釀雞翼認真過癮，好似好少地方有得嗌，將糯米炒香之後，釀入拆咗骨嘅雞翼入面，再將雞翼炸到脆卜卜，咬開脆卜卜嘅外皮之後就傳嚟香噴噴糯米飯嘅香味，最過癮係拆咗骨，啖啖肉吖嘛。臨尾仲送多個腐竹糖水，個糖水夠哂熱得嚟又唔會太甜，正。

朋友係英國翻黎，好耐冇食過海鮮同小菜就搵左間近大家既餐廳食⭕茄汁煎老虎蝦 $128同朋友一樣非常喜歡食蝦，見到就立刻叫左！蝦好大隻，十分新鮮，有膏😍😍茄汁酸酸地撈飯一流。個汁食落有d似唔太酸既咕嚕汁，好正💁🏻。 食既時候同朋友2個女仔徒手拆蝦肉，成件事非常麻甩，希望冇嚇親其他人😂但食蝦唔用手拆殻，點會食到個鮮味😎😎⭕蒜蓉牛油焗蜆 $88朋友非常喜歡食蜆，黎到時就知冇叫錯！聞落好香蒜蓉牛油味，蜆肉又大又鮮甜！最重要係，蒜蓉味唔會整到個口臭哂，推薦！份量亦算多，每人起碼食到8隻💁🏻 ⭕枝竹豆腐火腩煲 $78本身想叫鵝片，但又怕難送飯，見到餐牌有好多煲仔小菜就叫朋友簡翻個。朋友知道我唔食牛就叫左呢個火腩煲，所以話豆腐火腩唔只係男人既浪漫☺☺☺☺ 黎到時，個煲仲係到"炸炸"聲，非常燙口！枝竹同豆腐都入味加上唔會咸，份量多，呢2樣用黎撈飯一流！最值得講既係d火腩！見到肥肉唔算多，擔心會好un，點知原來非常鬆軟！又唔會咸😍😍食完成個煲都冇口渴既感覺，應該冇味精😎❤出面食小菜既地方d飯通常會好硬，但呢度既白飯唔會硬幾有咬口💁🏻 d姐姐唔似大排擋個d甘惡，加上2個人平均

剛過去嘅星期日 天氣好好 陽光普照晏晝同朋友去石澳享受陽光與海灘回程的時候喺筲箕灣落車去到筲箕灣就梗係醫肚先啦唔好以為喺筲箕灣 搵美食一定要喺東大街喺個頭長大嘅朋友就介紹咗一間超抵食嘅街坊食肆呢間就係位於耀東邨對面嘅《煮打菜打冷小菜館》呢間小菜館喺【街坊廚神】節目入面小儀 金剛都有介紹過最出色嘅除咗係打冷之外 仲有個款特色小菜保證喺其他菜館食唔到第一樣嘅必食推介※籠仔荷香蒸爆牙土魷肉餅※$88大廚專登喺肉餅下放上荷葉令荷葉嘅清香可以滲入肉餅之中 叫做「爆牙」肉餅嘅原因就一定係因為肉餅爆汁兼彈牙肉餅除咗加入適當嘅肥豬肉外亦加入咗獨家秘方--- 豬耳所以肉餅咬落索索聲 夠曬彈牙 充滿肉汁至於配料方面可以揀土魷 咸魚 鹹蛋 梅菜等今次選擇咗嘅土魷就較為煙韌 有趙口肉餅嘅香 同口感令人滿有驚喜※ 魚湯海味浸勝瓜※$78呢度菜式夠曬健康美味勝瓜吸收咗魚湯嘅精華撇除咗平時嘅泥味食落份外清甜爽口奶白色嘅魚湯 非常鮮甜上面嘅銀魚仔同埋蝦乾尤其出色銀魚仔健康又惹味 蝦乾又能夠帶出咸鮮※ 黃金一口豆腐※$76黃金一口豆腐係椒鹽豆腐嘅變奏版黃金選用咗鹹蛋黃製成每一口嘅豆腐都被鹹蛋黃嘅鹹香包圍比起椒鹽豆腐更加

這晚與舅父到筲箕灣的煮打菜打冷小菜館晚飯位置很近耀東邨呢。位置很寬敞呢，適合一大伙人打冷，家庭聚會或是日常晚飯也很適合呢。菜式選擇包羅萬有！海鮮、煲仔、小炒、潮式打冷，甚至古法生煏也在菜單內呢！花多眼亂的話不妨看看廚師推介呢。去了骨後放入糯米與雞翼很配很惹味蒜蓉、牛油，合拍的組合很入味，蜆肉十分香口。蜆肉大顆而且新鮮淨肉的鮮鵝片，滷水很入味呢，啖啖肉汁舅父很滿意的一餐呢住在附近的話，不妨也和家人一起去打冷吧

今晚我帶媽媽到家附近的打冷店下館子。事緣妹妹今晚不在家吃飯，而我最近工作還未開始忙，所以決定和媽媽簡單地出去吃一餐。這餐廳的地點是比較不起眼，因為在內街。要不然以它的高質素和親民價格，在居民眾多的筲箕灣，恐怕要排隊上一會兒吧。我們七點半左右到，幸運地還可以選坐位呢！媽媽平時對於出街吃飯非常挑剔，但這次難得地對這間餐廳很欣賞。她說雖然餐廳不大，但店主沒有刻意排多一些桌椅，反而在每桌之間留有寬敞的通道，使每桌客人有私人空間，不會太迫。餐牌其他食家已上載很多，都一樣，我便不浪費圖片數量了。不過如果讀者有選擇困難，倒是可以參考店內張貼的推介菜。雖說是推介菜，但它價格卻仍然合理。我們最後點了茄汁煎虎蝦、蒜蓉牛油焗蜆、清炒油麥菜、一碗蠔仔粥。可惜我們只有兩個人，點它的吊燒骨和肉餅怕吃不下，唯有等下次多些人來吃再試了。另外這店的服務員態度非常好，我們原本點了一窩蠔仔粥，然後店員建議一碗兩人就已經足夠。果然最後發現是很大一碗，好在沒有點一窩。我們吃完後店員還很有禮貌地問我們夠不夠吃，非常體貼。茄汁煎虎蝦虎蝦吃過不少，但用茄汁煮的是第一次吃。它另外可選豉油皇煮的。茄汁的配搭很好！有鮮甜的味道，而且不咸。

每次家庭聚會也去的飯店，必食蜜汁串燒骨，甜美香脆。咕嚕斑球，肉餅有多款選擇，他的肉餅放了豬耳，吃落脆脆的，味道配合得剛好，什菌紅燒豆腐，獻汁一流。還有不得不介紹的，是他們的例湯，每天都不同，味道濃郁好像自己家裏媽媽煲一様近期很喜歡去的飯店

今次去筲箕灣揾食, 好耐冇食潮州野, 所以試下.廚師推介都幾多款.是日例湯: 木瓜雪耳湯，一煲有6人份量。唔會太油，唔會太咸，木瓜雪耳都入口溶化。小食叫咗[ 韭菜豬紅]，份量都幾多。豬紅好滑，唔會腥；韭菜有一半都比較難咬，扣分。打冷點少得，要咗淨肉，有12塊左右。味道唔會過咸，肉質有一半較淋，有骨果邊就要咬多幾。海鮮叫咗，唔同平時的蒸鱔，口感豐富。微微辣，好開罥，配菜都食晒。同埋，好香口，外脆內軟。外面蛋黃都幾多，非常送飯，成餐最好味係E碟。最後有，太咸，唔OK。

朋友相約聚餐在筲箕灣等,人到齊互問在那裏吃,友人建議去東大街,我不想去就提議open rice推介,之後就決定去煮打菜(潮式)打冷,就在天悦附近好易揾,鋪內環境裝修普通食市,即叫啤酒再點小菜,數分鐘上了滷水拼盤,鵝片味道過得去,銀魚爆牙肉餅(是得獎之一作品)潮式爆花蠔餠好香脆,避風塘老虎蝦(蝦不新鮮)真芝士拉絲蝦丸芝士焗大蝦伊麵大漠風沙金錢鳝這晚餐總算朋友們都好滿意,下次再來。

同事推介這間煮打菜打冷小菜館，令我也心動想去試試，潮州菜式我比較少捧場，跟家人提及時他們也很樂意去試試，下班後去到餐廳門口，見裡面的食客也有七八成慢，對於閒日來說已算不錯，等齊家人我們就進餐廳內坐，服務員安排我們坐下之後，我就留意身邊食客叫的菜式，看看這兒的招牌菜。由於下班後肚子也有點餓，所以叫我的寶貝女兒多叫兩個醫肚子。我通常喜歡叫女兒任意安排，年輕人嘛，口味多元化些，沒有媽媽那麼單調，我就做個乖乖食客