煮打菜打冷小菜館 (已結業)

18:15我倆入到店內，未坐低女店員已下逐客令，要90分鐘內交枱，有店員仲話要消費滿$600才可訂枱！實情有致電訂過枱，回覆兩人walk in就可以了。當堂冇晒胃口！仲見到大多數客人都等人齊才開始點菜，我倆早到入店內，只有一、兩枱客人，為何要用時間困綁住啲客人，食畢就走唔通係到留宿咩！山長水遠由九龍嚟到，勉為其難食咗$389，環境和食物水準一般，冇驚喜！只有驚嚇！咁嘅服務質素，幾好食都假！唔夠60分鐘離場！唔駛錢都唔會再嚟囉！

今晚經同事介紹去筲箕灣既中醫師針灸推拿，治療完已經8pm，要係附近食晚飯醫肚。係天慌廣場對面見到呢間打冷小菜店，門口有人等緊位，牆上有好多報導、名人光顧合照同拎迴既獎項....心諗呢間店應該幾好食，就等位食啦。等左一陣就入座，全場坐無虛席。餐牌有打冷美食、小菜、炒粉面。黎到...梗係要試下打冷美食啦～叫左一條烏頭魚、一份鵝片雙拼（拼鵝腸）同埋啫啫通菜煲～烏頭魚一黎到，我嘩左一聲！呢間店好貼心呢！幫客人起埋骨！最岩我呢d平時怕食魚多骨既朋友😌👍🏻呢碟鵝片雙拼又係正～滷水汁唔會好咸，鵝片既肉唔"鞋"、鵝腸好爽口又乾淨！好食😋啫啫通菜煲係我去食中菜多數都嗌，因為一試就知夠唔夠鑊氣呢間店整得好食！通菜仲係青綠色及好爽脆、配上蝦乾同肉碎，令淡味既通菜有了鮮味👍🏻最後又點少得一碗潮州白粥白粥煲得好綿，用心之作！飲品方面，呢間店有王老吉，出面多數得加多寶，好耐冇飲呢隻牌子，所以order 左罐黎似整體黎講呢間店幾好，食物好味，坐得都好舒服唔係好逼！不過呢度好旺，晚飯時間要預左等一下位~下次決定帶家人黎食，爸爸最愛鵝片同蠔餅😋

而家以蒸肉餅做小菜館既招牌菜越黎越多，呢間除左獲獎既肉餅仲有潮州打冷，可以同時食埋滷水鵝，所以過去試下～我地平日晚市去，都幾多人等緊位，等左10-15分鐘就入得去唔使搭檯。滷味我地叫左2味，滷水鵝片可以自由雙拼任何一款，我揀左掌翼，因為鐘意lun骨～哈哈 都幾入味，食呢個掌翼都要食好耐下，因為份量都幾多，鵝片就啖啖肉幾滑！反而嫌墊底既豆腐唔夠，唔夠搶！跟住招牌銀魚仔蒸肉餅出場喇～幾有特色用蒸籠仔上菜！肉餅其實可以揀魷魚乾、梅菜之類，不過見到每檯都係銀魚仔，唔係唔試呀？果然，銀魚仔好香口，幾乾身慢慢咬會有好多魚味！而肉餅口感好豐富，裡面脆脆地原來加左軟骨一齊剁碎豬肉！唔怪得肉餅咁彈牙！另外仲有蠔餅，炸得好香脆，但係就油左啲，最好一人一塊！我地仲嗌左金沙骨，雜菜煲，雜菜煲口味清甜，有咁多濃味既餸，呢煲菜可以中和一下！而金沙骨都唔錯，表面甜甜地～本來仲諗緊食完飯去食糖水，點知送左2碗糖水比我地，仲要係最鐘意食既芋頭椰汁西米露，滿足左我地個甜品胃😋

上完堂之後同朋友係附近行下，見到呢間幾多野食嘅打冷小菜館就決定入去食啦。第一樣上嘅係照燒豬仔脾，有5隻，好惹味，肉質鮮美，正！第二樣係滷水拼盤，有d咸，但食落還好，紅腸最好食。腸好爽口，芽菜入味之後係魚湯雜菜煲，好大一煲！入面好多粉絲，好入味，菜亦有我最中意嘅小堂菜，仲有好多菇菇值得一讚個湯好好飲，冇味精，唔會口渴飲完都最後仲食左個牛油炒䙺，好香牛油味！d䙺都有好多隻撈飯好正下次可以試下個肉餅，見好多人都叫

今日同媽媽黎到筲箕灣探外婆，之後我地就一行三人去食佢樓下既一間打冷小菜館。平時食潮州野，我地都習慣左會叫蜆肉同滷水拼盤，今次都唔例外滷水拼盤（細） ＄82滷得好入味，尤其是大腸，仲洗得好乾淨添韭菜蜆肉 $ 40好送飯硯肉佔既比例大過韭菜不過整體比較細碟小菜方面，我地叫左個餐廳推介既美極香葱焗魚雲（$82 ）同埋籠仔荷香蒸爆牙肉餅（$88）。一上枱已經聞到好香土魷味個肉餅好彈牙！！又多肉汁，食落偶爾仲有小小爽脆口感，媽媽猜測係加左豬耳。份量好大，三個人分有點太多呢。魚雲十分香脆，惜略為鹹左啲。呢間啲野食質素唔錯，性價比高，值得一試！

之前聽朋友講過呢間潮州打冷好好食，今次就特登帶埋屋企人去試下，去到都要排一陣隊先入到坐呀今次就叫咗幾個餸首先上嘅就係腐乳炒通菜。呢道餸嘅份量好大，亦都好惹味，唯一小小美中不足嘅係好似唔夠鑊氣，但都不失為一道好食嘅小菜然後就係韮菜蜆肉，我每次食潮州打冷都必叫嘅小食 呢度D蜆肉好乾淨，完全冇沙或者殼， 加埋啲韭菜碎食，真係送飯一流!最後就係嗰豉椒鵝腸，必須讚嘅係呢度d鵝腸炒到啱啱好，冇乜點縮水而且好爽脆，加上各種椒去炒係色香味俱全

今次特登黎到筲箕灣煮打菜打冷, 之前見到個鱔煲好正所以黎幫襯。叫左潮式爆花蠔餅, 荀蝦, 豬紅, 豉油皇鵝腸, 蝦醬炒通菜當然仲有個主打菜古法生煏鱔煲。爆花蠔餅同平時食既唔同, 唔會好似食粉咁, 因為而到落足料。啖啖都係蠔, 而且比平時D蠔仔大隻。荀蝦爽脆, 豬紅入味夠實夾起唔會散。豉油皇鵝腸有驚喜, 因為坊間好多所謂鵝腸都混雜左雞,鴨腸, 而到食得出全部都係鵝腸先有既爽脆。鱔煲比想像中仲要好食, 我地要左蒜蓉果皮, 一黎打開個蓋已經好香蒜同果皮味。果皮同鱔好夾, 令到食落口無咁溜。生煏方式用半煎半焗的方法，利用煎香蒜頭的濃香除去白鱔既腥味。而且咁樣整D白鱔唔會過老,保持白鱔應有既彈牙。

--* 煮打菜打冷小菜館--* 筲箕灣南康街18號康華大廈地下1號舖這間店的員工十分親和友善，讓人感覺很親切！然而環境雖普普通通但勝在坐得舒服！食物方便選擇蠻多，味道不錯，另有酒精類飲品出售！• 佐酒絕配：滷水拼盤，對一間不是只做傳統潮洲打冷店來說，這裏的滷水拼盤算是出色的，滷水味蠻香夠入味，配啤酒一流！• 馬拉盞炒通菜，色澤清綠而不黑，入口爽脆，每條通菜都掛著汁液！• 佐酒絕配：椒鹽一口滑豆腐，名副其實，外脆内滑，沾小許喼汁，酸酸微微，味道更佳！

本身個日約左女朋友食飯 但平時食開嘅餐廳又食到悶悶地 就諗住問下朋友介紹下啲比較特別嘅餐廳 之後佢就話呢間打冷嘅菜館都唔錯 價格又較親民 所以就嚟左一試！一去到都見到幾多人食緊 店員就就問我地撘唔撘枱 我地都冇所謂 而就算撘枱嘅距離都幾舒服唔太逼我同我女朋友因爲屋企人係有潮州人嘅關係 都幾鐘意食打冷野的 當中唔小得嘅滷水小食同蠔餅等等當然唔小得 而呢間小菜館都有👍🏻我地一嚟就叫左個滷水鵝拼魷魚個滷水鵝滷得非常入味 而個魷魚十分爽口 下面仲有滷水豆腐薦底👍🏻👍🏻加埋酸酸地嘅汁非常開胃之後我地就當然叫左個蠔餅啦🤤佢個名叫爆花蠔餅係因為佢面頭炸到好似開花咁 仲即叫即炸👍🏻 但略嫌芫茜可以再多啲建議3-4個人share 因爲都幾大同埋食得多有少少"漏"之後我地就叫左女朋友最鐘意食嘅豉椒炒鵝腸佢一嚟就聞到好惹味 加埋其他椒類睇落好吸引！ 佢嘅口感好有咬口 但又唔會話咬好耐都食唔到咁韌 如果配埋啤酒慢慢飲慢慢食更佳👍🏻最後我哋怕唔夠飽就叫多個瑤柱蛋白海鮮炒飯 本身以為佢個樣平平無奇 同普通炒飯差不多 但估唔到炒飯夠獲氣之餘 仲粒粒分明而且配料都幾足 我地最後埋單食到飽晒除番開每人都係百幾蚊 仲要差

同打令去打冷^^我同男朋友都中意食 chinese food但男友媽咪煮野食好叻 我地已經成日有好餸食 揀間潮式野 平時唔會咁常係屋企食到我地都係港島住 search hk island 潮式就見到呢間 所以就決定試呢間古語有云: 一兜兜到落筲箕灣 未知何日上中環 以前筲箕灣同中環好遠 我係中環撘地鐵去 唔使半個鐘就到 餐廳就係耀東邨附近去到都坐無虛席 更發現佢係攞獎食店Bk左八點 早到左 7:45左右到等一陣就有位了D員工都幾nice 可能平時都係會同d街方熟客講計多 個個都好親切叫左幾樣野 吃貨派推介既係豉油皇鵝腸 鵝腸本身爽口 再加埋芽菜 非常好吃😍 必吃!!之前都提及過自己好中意蒜頭 個蒜容鱔煲除左蒜容仲有蒜頭 好合個人口味吃蠔餅記得配啤酒! 滿足的一餐

下大雨的日子一行六日去左朋友的屋企玩因為朋友住杏花村晚上諗住去東大街食飯因為友人提議想食小菜所以黎左lee間第二次光顧知道一定要book位book 左20：00六個人俾左張十人枱我地因為大家都好餓叫左好七個餸一湯籠仔銀魚蒸肉餅潮州鵝拼豆腐大漠風沙黃金鱔帶子炒西蘭花煎（炸？！）蠔餅籠仔蒸滑雞青紅蘿蔔湯生炒骨方魚粥首推銀魚蒸肉餅不太肥無so 味銀魚份量好多味道很香再推大漠風沙黃金鱔就係用避風塘炒鱔味道不錯太濃鱔好爽脆蠔餅味道幾好唔腥但炸粉較多配啤酒一流其他餸菜都ok不算特別

睇我哋啲食評就知我地平時冇乜出街食中菜，今日就聽朋友介紹，去左呢間叫主打菜打冷小菜館嘅餐廳。由於我女朋友唔鍾意食打冷，所以我哋冇叫，但見到周圍嘅人都叫打冷菜，唯有下次自己食！我哋叫啲餸都係比較家常小菜，分別有魚湯海味浸時菜，椒鹽豬仔脾同埋荷香籠仔蒸滑雞。首先係魚湯海味浸時菜，時菜我哋揀咗白菜仔，仲有生菜、西洋菜選擇。魚湯味好濃，完全冇味精可言，啲蝦乾大粒到你唔信！成道菜都好足料，淨係飲湯都飽死我地呀。之後就係椒鹽豬仔脾，外皮炸得好香脆，肉質幼嫩，辣辣地。之前都未聽過豬仔脾，原來都別有一番風味！最後就係荷香籠仔蒸滑雞！特別之處就係佢用竹籠加荷葉嚟蒸雞，食落去雞唔「鞋烚烚」，反而好嫩滑，師傅蒸嘅時間應該控制得好好！食嘅時候仲有一陣陣嘅荷葉香味湧上喉嚨，好特別。蒸滑雞嘅份量已經可以送到一碗飯！兩碗白飯三道小菜兩罐汽水，加埋大約＄260左右，上菜嘅時間都好快，order完等5至10分鐘就有得食，依個水準來講價錢真係算合理

這次選擇到筲箕灣煮打菜食飯，看見打冷這個名詞令我期待這餐廳能夠嘗試的食品。煮打菜請來了個懂潮州菜的師傅來做的,除了小炒，也同時提供潮式打冷食品,其中爆牙肉餅更是當中的招牌菜，味道果不其然，口感獨特且不會像一般的過咸。令我也推介這煮打菜。除此，還有更多數之不盡的菜式能夠嘗試，誠意推介這餐廳。😂😂😂😂😂😂👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻

🍽🍴🥄🍽🥄🍴🍽🍴🥄🍽🥄🍴🍽🥄🍽🍴食煮打菜 出名既係肉餅 食既係海鮮當然🙆去到 不斷會嗌海鮮食🤔明智既決定丫🐙🐚🦀🦐🦑🦑🦐🦀🐚🐙🐋🐬🐟🐠🐡佢有好多款肉餅揀我揀左招牌個隻😙肉餅好彈牙😏幾正幾爽好欣賞佢既糯米饟雞翼😍係我食過最好味既佢糯米好飽滿 配埋雞翼 一啖入面有2種層次😙佢既芝士丸完全估唔到會流心😍😆其實佢既所有菜式都好特別 絕對值得一食

• 煮打菜打冷小菜館• 筲箕灣南康街18號康華大廈地下1號舖• 大漠風沙金錢鱔，它的名字很有趣，貌相一流，一上枱香味撲鼻！• 色香俱全，而味道亦有水準，入口爽脆，味偏濃夠野味！• 蒜蓉炒西蘭花，生熟程度拿捏得好，咬落不會太硬亦不會太稔，用蒜蓉炒總是簡單又絕配！• 香蔥魚雲，外脆内軟，十分香口！在這裏想跟大家說明一下，其實魚雲是魚頭的部位，為什麼想跟大家說明一下呢，因為當日共進晚餐的朋友不知道是什麼，所以這樣簡單的問題都未必一定人人知道呢！