煮打菜打冷小菜館 (已結業)

筲箕灣區真係有好多好野食，有朋友帶路真係次次都食過再食！雖然門面唔係好靚，但絕對禾桿冚珍珠！朋友食左好多次，佢話以下呢幾樣係必試冇走雞～平時好少食肉餅，因為我媽媽係屋企經常整黎食。但係呢度既肉餅係好唔同，係好爽口彈牙，我相信佢加左D軟骨同個肉一齊挆先有呢個效果！十分驚喜～肉質鮮嫩，外面被濃濃既蜜汁包住，加上香脆果仁，賣相同味道都值200分！！！從來未食過豬仔脾呢樣野，原來豬仔脾係咁好食！近乎入口即溶～幼嫩既肉質，不用多咬就食完一舊。剛剛開始冬，食個羊腩煲(加腐乳)就最好。羊不太膻，有點可惜，不過，加埋腐乳既感覺真係好正！

今天放工返隨便走走，走到了平常不會常去到的一帶，原來總帶一間餐廳在你左近。感覺不太像一般菜餐廳，是一個專吃小菜的地方。蒸豆豉帶子豆腐。帶子很少帶的只蒸至半熟，保持了其軟淋的鮮甜，配上更是幼滑豆腐，一滑配一爽，非常有口感。好像是招牌菜的蒸肉餅。選擇了配上土魷。不像一般的像餅，非常有咬口，肉質爽口加上少少的彈牙，而非只是盲目的淋。調味適中，不用加上豉油已經很有味道。加上檸檬茶的晚餐，不會太甜，還算可以。

每次到筲箕灣「搵食」，基本上都圍繞東大街與鄰近的食肆。以東大街提供中式小炒的食肆，大都嚐過了，所以當晚提早挑選了步程較遠的「煮打菜」一試，先讓老公下班去拿位，老媽和我安頓好外婆後，馬上到食肆會合！豈料來到大門口，老公坐在門前冒著汗，原來人齊方能入座，真不好意思讓老公久等了！內進後，舖內座無虛席，看來「煮打菜」的生意蠻不錯！ 「煮打菜」除了小炒，也同時提供潮式打冷食品，店舖的後方可看到潮州的滷水鵝、墨魚、紅腸等懸掛著。 還是對「煮打菜」的小炒更感興趣，牌上寫有多款廚師推介的菜式可作參考！ 花生眉豆雞腳煲唐排 HK$98 平日湯水不足，加上老公和我都是湯癡，於是選了花生眉豆雞腳煲唐排的是日例湯。瓦煲內湯料充足，雞腳和唐排都相當充裕。以我們三人來分享，每人起碼可享用三至四碗，份量要比預期多！至於味道，不屬於濃厚，但自然與清甜卻來得可取，是沒有住家湯日子的另一選擇！ 古法生煏大白鱔煲 HK$198 「煮打菜」備有幾款煮打菜，古法生煏的煲仔菜是其一。何謂生煏？在網上簡單搜了出來，煏音「逼」，是順德烹調方法之一。由於淡水魚帶泥味，順德人會先在煲底放入薑蔥，薑蔥上再放上河鮮，蓋好煲蓋後，在煲邊逐小加

黎開筲箕灣呢頭睇戲，事關附近開左個cinema，不過也不算是新鮮事，晚飯便就地搞掂去。有D想食潮州野，去左煮打呢間，充滿傳統風先是美極煎鮑魚，鮑魚大大隻，每隻都好多肉，色水幾靚，好吸引我一口吃。鮑魚鮮甜，彈牙多汁，絕對係平生食過翻尋味的味道，煮得好不錯，下次有機會來一定要點，惹味！！！XO醬西蘭花金勾帶子，帶子一點也不乾，濕濕潤潤似的，排得好鬼靚，感覺juicy多汁，點知食落又真係喎，完全係可以咬碎，不會有渣滓在口腔，XO醬唔算好辣，卻是香口，可口得很！！蜜燒吊燒骨，骨附近的肉是特別嫩是常識吧，因為咁我地叫左呢碟。蜜糖香是微微的，調配得好好，唔會好怪。肉方面無咩脂肪，肉地是瘦嫩吧，我同朋友們你一件我一件，大叫'好食！'最後是炒糯米飯，花生粒粒是我的最愛，糯米飯的黏度十足，痴牙得很，十分正宗，而且不算太油膩，不用怕油，我愛它！！

今晚同左班朋友去左筲箕灣個頭食打冷小菜,地鐵站出口附近都易搵!　呢度咁出名籠仔荷香蒸爆牙肉餅,攞左美食大賞, 我地當然都有叫到黎試下我地揀左銀魚配黎蒸,真係不副其名肉餅以竹籠黎蒸,下面以荷葉墊底,賣相睇落已有自家制味道,食落肉餅食得出係自己啄成唔係用機攪成,所以特別彈牙好有口感配上銀魚一齊食,特別野味! 大家都掛住食完全唔記得影相! 潮式爆花蠔餅,上枱熱辣辣香噴噴,蠔餅粉唔會過多炸得岩岩好,好香脆蠔仔又多,味道調教得岩岩好唔會過鹹! 美極煎飽魚,擺放得靚靚伴碟畫晒花之餘,鮑魚既新鮮,食落又唔會過韌,煎得好香,味道唔錯!l即叫即整,碟碟份量十足,伴碟畫花功夫精湛,食物新鮮熱辣辣送上枱,又抵食又好食!下次可以再黎試其他餸菜!

今晚又同朋友聚餐，每次聚餐都離不開放題、Pizza、韓燒、日本菜…已經可以食厭了，朋位就介紹黎呢到食潮洲打冷。我地冇預約就咁walk-in黎到都有位，應該係時間仲早吧，通常打冷菜愈夜愈旺 。餐廳環境幾乾淨，空間又寬敞，唔會坐到好迫好辛苦 食打冷當然唔少得煎蠔餅，呢碟"潮式爆花蠔餅"望落似炸蠔餅多D，炸到金黃色，蠔仔好多好足料，食落香脆鬆化，好正 但好鬼熱氣 "蜜汁吊燒骨"睇個名都知係甜既，其實食落係好鬼死甜，好似有好幾層糖漿包住每條燒骨咁，而且甜味仲滲哂入肉，燒骨肉厚且肉質嫩滑，好惹味  食完個口好似食完甜品咁甜牙牙 好耐冇食過鱔煲，見到呢個"古法生煏白鱔煲"忍唔住要試下，用瓦煲盛載一打開蓋香味四散，大量既蒜頭、芫茜、乾葱味撲入鼻，白鱔味道鮮甜冇泥味，口感爽滑 ，不過呢條白鱔有D瘦，唔夠肥美同樣用瓦煲盛載既"胡椒豬肚雞煲"一樣出色，本人比較鐘情瓦煲煮出黎既野食，覺得特別好食 。咸菜+豬肚食得多，豬肚+雞第一次試，雞肉嫩滑，豬肚爽口，其實特別在於個湯，清雞味中又好香胡椒味，帶少少辣，飲完個人熱血沸騰

由於真係太耐無去過打冷，今日收工約埋班老友記去筲箕灣䦕餐，店內環境都幾寬敞，而且已經滿哂座，好彩有預早訂定位。真.芝士拉絲蝦丸 - 送啤酒一流，表皮炸得金黃香脆，入面蝦丸係有流心芝士係入面，芝士溶左之後仲可以拉絲添，另外配埋個泰式辣醬仲惹味。鹵水併盤 (細) - 好足料，有墨魚、鵝肉、鵝腸、生腸、豬耳，全部都好入味，配上啤酒一流。豉油王鵝腸 - 鵝腸份量夠多，都算幾入味，又唔會好un，配埋芽菜一流。鵝片－肥瘦適中，食得出食材用料新鮮，鵝片底下亦有鹵水豆腐，吸收哂鵝片既精華，一流。生福白鱔煲 － 由於我地唔太食辣，所以就簡左蒜蓉果皮既煮法。白鱔啖啖肉而且食落非常彈牙，白鱔煲既醬汁非常濃郁，吸收埋白鱔既精華送飯一流。.

是晚相約幾位朋友去筲箕灣耀東邨探望一位舊老師，喺老師屋企搗亂過後大家開始肚餓，原來已經玩到7點鐘～老師明知道我地會請食飯，就錫住我地個荷包，建議我地去呢間正正位於耀東邨正口對住既「煮打」食飯，因為有小菜又有潮州打冷，價錢亦經濟實惠！我地拍板叫菜，我見到呢個《大白鱔煲 $198》簡直雙眼發光，非叫不可！大白鱔煲用大量蒜頭同陳皮爆香，鑊氣十足！大白鱔果然夠大片，肉厚帶點爽脆鮮甜，在外實在難有大白鱔食！連唔食魚既朋友都讚好味～嚟碟香口既《真芝士拉絲蝦丸 $98》！8大粒熱辣辣上枱，我地唔等放涼已經急不及待咬落去！芝士「真流心」，而且「真拉絲」！蝦丸彈牙可口，蝦味濃～相信係餐廳手打既！最後發現放涼左都無縮水，果然真材實料～食潮州野點少得《滷水拼盤（小） $82》，份量大，叫左個細既～一座山中有4-5片紅腸、豬耳、鵝片、生腸、墨魚、腎，聽見都豐富～每樣都夠稔，易咀嚼，配埋酸醋食唔錯～不過如果滷水再入味d就更好。叫個菜食，點左《魚湯海味浸時蔬 $78》並揀左用莧菜～魚湯浸住d莧菜及放上銀魚乾，賣相即時加分。魚湯底味道清甜，莧菜夠嫩，吸左d魚湯更惹味。《蠔仔粥 $92/窩》少不免！今次多人所以叫一窩

筲箕灣是一個頗多人口聚居的社區，亦聚集了很多多元化的食肆在這區經營，鄰近耀東邨的南康街l8號康華大厦地下就有一間曾獲2015年(美食之最大賞)肉餅組的銀奬。街坊味十足的煮打菜打冷小菜館，除了叫了必吃之潮洲鹵水鵝片($88-)和鼓油皇鵝腸($88-)外，另外，街坊菜館怎少得了鑊氣小炒，大大碟的小菜，份量十足。小菜叫了真芝士拉絲蝦丸($98-）和魚湯海味浸時蔬($78-)，再來青島啤酒一支($23支-），總覺得食鹵水食物加啤酒才是絕配。嗒一口啤酒，吃一片鹵水鵝片，鵝片肉質鮮漱，最喜歡挾一片鵝片點一下蒜蓉白浙醋再放入口，蒜蓉白醋味和鵝片味道混在一起，頓時令胃口大開。值得一讚的是豉油皇鵝腸，用芽菜仔舖碟面再把鼓油皇鵝腸放於芽菜仔上面，以便芽菜仔能把鼓油的鹹味減低。曾經食過似足橡根的鵝腸，但這碟鼓油皇鵝腸入口爽脆，挾一柱芽菜仔和鵝腸一起食，真的會聽到口中傳出疏疏之聲呢。接着上枱有大大粒的真芝士拉絲蝦丸和魚湯海味浸時蔬。大大粒的蝦丸炸得脆扑扑的，未食已聞到香香的炸蝦丸味道，一咬開，裹面的芝士絲就拉得長長的黏貼在筷子上，吃過一粒芝士蝦丸，就知道甚麼是香味四溢了。吃過濃濃味道的鹵水鵝片、鼓油皇鵝腸和香

今天想不到晚餐煮甚麼，於是一家三口去了筲箕灣食飯。爸爸愛吃中菜，煮打當然是不二之選～我們叫了一個雞煲（一隻）和蜜椒薯仔牛柳粒，再加了碗白飯今次叫的雞煲是奇味雞煲，半隻＄148，一隻＄228，送生菜一碟雞煲看起來不辣，但媽媽不太能吃辣，覺得還是有一點辣味，不過不是四川式的辣！一隻雞好足，成煲都係雞，而且每一件都好多肉肉質好嫩滑，醬汗滲入雞肉入味，每一啖都好夠味。而且越耐會越重味，香料嘅味道都好濃食完仲可以加水淥生菜食，不過就好油膩另外，廚師推介的蜜椒薯仔牛柳粒（＄98）味道好特別，甜甜地嘅蜜糖味，仲有啲燈籠椒嘅味道。但兩種味道又好夾，而且蜜糖都好多，每粒牛柳都沾滿晒牛柳粒好嫩，唔會韌，又唔會太熟！雖然薯仔切得有啲大粒，但係都好入味，而且唔會硬整體而言，啲野食比一般大排檔好食，但價錢又唔係太貴菜式選擇多，但樣樣都好有水準，值得再三光顧。

今晚去食大餐，去左 煮打菜 ，因有個套餐好底，$1588全包宴，十個餸連甜品，簡直冇得頂。店舖係一些小菜酒家，都幾整齊，有些大圓枱，還有些卡位牆上掛了一菜式，又有一些打冷小菜，唔食套餐都可以散叫菜，有廚師推介滷水拼盤，真係無花無假，有好多野，有生腸、豬耳、豬腸、鴨、豬肉、雞蛋、墨魚、紅腸，真係好滿足，好耐沒食過了，好正銀魚爆牙肉餅，原來係得獎名菜，肉餅係用竹籠蒸，荷葉墊底，好有家鄉風味，肉餅似家整嘅，就係感覺似自己琢，冇打爛成蓉，咬落去有肉，一口口肉餅，唔會係淋淋地，真係好有自家製一樣的感覺，再放上滿銀魚，特別惹美，加上蔥花和芫茜，增加賣相及香味，怪不得係得獎名菜. 美極煎鮑魚，美極蝦食得多，用來整鮑魚都係第一次食，好唔錯，煎得好香，簡直係美極，鮑魚新鮮，唔會硬，食多隻都唔會覺硬胃，想提下隻碟都幾靚 胡椒豬肚雞煲，熱辣辣，來到已嗅到胡椒香，好多雞肉，雞好滑，滲透了胡椒味，好香好香！胡椒剛剛好，好香胡椒味，豬肚好好味啊，有胡椒真係唔可以少左豬肚囉，但唔會太辣，個湯好好飲。忍唔住都要叫杯凍飲先，因飲完胡椒湯好熱啊古法生煏大白鱔煲，勁香噴噴，好肥美嘅白鱔，加上少少芫茜、蔥，好得，唔好以為抵食

今晚約了朋友去筲箕灣買日本精品，吃完下午茶未有餓意，朋友介紹附近有間中菜餐廳，晚餐我們點上三個小菜。蒸肉餅。肉餅蒸得香口滋味，入口彈牙滿滿肉香，加上魷魚味道咸香，肉餅打得爽彈，尚能吃到微微肉粒，用料足。豉汁帶子蒸豆腐。醬汁咸香，帶子鮮甜沒有雪藏味道，帶子鮮嫩彈牙，豆豉味道濃香豐富，豆腐滑溜滿滿豉汁香味，簡單清蒸方法，味道卻咸香出色。枝竹牛腩煲。枝竹吸盡醬汁香味，牛腩炆得軟腍掛上濃厚醬香，牛肉軟腍帶筋，入口油香不重但鬆化入味，點上一碗白飯，醬汁拌飯味道惹味。

初次來到吃打冷，也是因為朋友住在東區之後推薦我們吃~這個通菜的湯底很有魚的味道!很濃郁!通菜吸收了湯的精華，令平時少吃通菜的我也吃了不少~還有加了一些海鮮，整碟菜十分豐富!這個是$98的蜜椒薯仔牛柳粒因為是蜜糖的關係，薯仔和牛柳粒吃起來也甜甜的~牛柳粒不會硬，很香口第一次吃甜的牛柳粒，個人覺得不會很怪，而且會令人想一直吃，這也是一個不錯的配搭這個是奇味雞煲($148)來到這裡的原因也是為了這個雞煲半隻雞已經足夠我們3個人吃了~雞煲不會很辣不過吃完後加了水去吃菜的時候就突然變辣了~而且也很油膩下一次吃應該就只會吃雞煲而不加水繼續吃了~

今日試佐煮打，啲菜好有特色。我地2個人 點佐兩樣菜一個係滷水拼盤一個係蜜糖牛柳粒，另外叫佐一碗湯。個滷水拼盤好正，啲餸好入味，啲豬耳好爽脆。另外個蜜糖牛柳粒，甜甜地勁好食好啱送飯，加上啲薯仔都好有蜜糖同黑椒味勁好食。碗湯就勁足粒。都幾扺食架。會再带屋企人同朋友去

有陣時後得兩個人，收咗工又好攰，返到屋企都唔想煮飯，甚至連沖個面都懶呀，咁呢個時候又唔想食杯面喎，咁有啲咩辦法呢？就係搵一間飯堂可以近近地去食，又唔會太貴，又好好食，咁就啱晒我嘅心意啦。啫啫通菜煲--啫啫呢個詞語係一個煮法，我相信大家都知，甘呢個煮法除咗煮雞煲之外，仲煮乜嘢好食呢？答案就係通菜喇。呢個通菜十分惹味，仲加左好多材料，例如蝦乾肉，乾蔥頭，肉碎落去一齊煮，食落去份外香口，而且材料十足。滷水鵝拼盤--潮州嘅打冷拼盤除咗滷水鵝係必食之外，仲有生腸，豬頭皮，雞蛋，豆腐等等。而我最鍾意食嘅就係鵝片同埋生腸。鵝片會嚟起埋骨，淡淡肉，食起好方便，又入味。生腸煮起外面除咗有滷水嘅香氣之外，咬落去仲好爽口，另外再配埋佢潮州特色嘅辣椒醋，吊起唒d滷水味。銀魚蒸肉餅--原來銀魚餅係呢一間餐廳嘅得奬作品，所以我就要試一試佢嘅真偽，呢個肉餅係用籠蒸，肉下面就放左荷葉，令到肉餅可以嘅吸收埋荷葉嘅清香。亮點係肉餅上面嘅銀魚，銀魚預先炸起，放上肉餅上面，銀魚炸得金黃，口感脆身。一啖脆嘅銀魚，一啖彈牙肉餅，直情有雙重口感。呢間餐館除咗小菜之外，仲會有啲潮州打冷，有陣時諗起想食嘅時候，都係一個唔錯嘅選擇。呢度