焱丸水產 (已結業)

一月，生日月，朋友飯局例牌多，今天相約銅鑼灣，朋友話食日本菜，又想有新意，咁就試吓主打磯燒的焱丸水產。主打磯燒，仲要喺你面前燒清楚說明每一款的醬油帆立貝、甜蝦（赤海老）及原隻平貝刺身，朋友見到就話一定要點平貝刺身，因為之前在日本試過，那獨特的甘甜，必須回味。三種刺身用料新鮮，令我們差點忘記這裡是以磯燒為主打的餐廳。麻醬蕃茄豆腐沙律，這沙律的重點是麻醬，味濃又香，配上蕃茄和豆腐，怪不得那麼多人都點的菜式。焱丸號壽司，又是一款以餐廳名為名的菜式，我又點會放過呢。上枱時的視覺震撼，我們都用了點時間消化。三件普通的軍艦壽司配上重量級的材料，包括海膽三文魚籽, 吞拿魚蓉及蟹柳絲，每種材料都多到滿瀉的，這感覺非筆默所能形容。另外，餐廳選料新鮮，這點大家是明白了吧。烏賊磯燒開火喇，職員會細心的在你面前完成這美食。完成品，不單賣想吸引，味道絕對是頂瓜瓜。職員同時間服務多位顧客，但火喉還是可以控制得宜，真的沒話說。泡菜黑豬肉鍋加烏冬，寒冬的天氣，來一客烏冬鍋，絕對暖身又暖心。微辣的泡菜配上黑豚肉，更能突出肉的味道，日韓的混合，好吸引。另外，我們亦加了錢配烏冬，一於享盡泡菜鍋的精華。青蘋果乳酸和巨峰梳打，

之前去日本旅行的時候經常會到磯丸水產吃夜宵，原來香港也有日本著名的焱丸水產！今晚來到銅鑼灣分店的焱丸水產，只是看門面已經是日本居酒屋的風格，入去浜燒海鮮的味道已經蜂擁而上～果然連餐牌款式都差不多，令人感到仿佛回到日本般！來到這裏當然要吃新鮮刺身！先點一個刺身3盛 $160，再加梭子魚 $228我不是很好刺身這類的食物，但一吃就知道是非常新鮮！三文魚、油甘魚、帶子是吃得到的鮮甜！尤其是梭子魚，肉質雪白，幼嫩鮮甜，味道清香，口感清爽、油脂不會太豐厚！雖然魚肉的油分少，但魚皮卻油脂豐富，師傅連皮切成魚片，炙燒魚皮令油香更加突出！令人回味無窮！焱丸號壽司 $158壽司配料十分豐富，有蟹肉沙律、海膽、三文魚子和吞拿魚蓉等，旁邊還有一些雞蛋絲，吃下去帶點牛奶香氣！很特別三文魚子味道鹹甜夾雜，帶有海味；蟹肉沙律味道香甜；海膽味道甘甜，質感細膩，入口即溶；紅色的應該是吞拿魚蓉吧，我也不太懂分辨><壽司飯吃下去充滿米香，調味剛好，醋的清香與微甜滋味，米飯粒粒分明，軟硬適中，非常美味！蟹味噌甲羅燒 (2個) $136之前好後悔在日本沒有嚐過這款，想不到在香港也有機會吃到！在蟹蓋上盛載蟹膏、

呢間餐廳之前經過見到好有日本Feel, 所以一定要擇個日子去試下～今日準時7點去到，一入去已經有一陣好強烈燒海鮮既味，喜歡食水海鮮一定覺得好正～好彩當日一早BOOK咗位同準時否則就要等位，提提大家呢間餐廳成日都爆架，所以要食就一定要早BOOK位同準時由於當日算係提早慶祝情人節，所以大叫特叫仲要叫一D平時少食既，由剌身，甲羅燒到汁煮金目鯛頭，都好特別，當日就全部叫哂前菜：車厘茄漬 ＄48對車厘茄本身麻麻地，但愛人話想試所以叫咗一客。一客有6粒，食落好似食提子咁，好多水份仲要好甜，可能用咗漬既方法所以少咗一陣草青味。脫咗皮既口感幾得意，的確比較少有地方有呢款車厘茄漬原條池魚 ＄188、油甘魚剌魚 ＄68、活雲丹一隻 ＄98首先對於魚類剌身小妹同愛人都唔係太喜愛，因為怕魚類既腥味但見到呢到D野好新鮮所以叫2款魚類剌身2款魚類都好新鮮，食到魚既甜，肉質係爽既，唔係好食魚類魚生既我地都覺得幾好味，質數好高。活雲丹即係海膽，即叫即開十分新鮮而且十分鮮甜，成＄98一隻但真係值得建議：如果想食剌身最好問下店員有咩是日推介或者抬頭望下個牌會寫咗是日新鮮貨，絕對可以俾到靈感大家蟹味噌甲羅燒 ＄68/隻呢期

今晚已經是第三次來焱丸浜燒，星期一晚上約九時，整條棉登徑都安靜靜的，惟獨是這間位於長街的一角的浜燒， 人來人往， 即使訂了位六要等半小時才能入座， 人氣指數果然爆燈！餐廳依舊保持濃厚的日式風格，最喜歡的是其海鮮每日空運到港，刺身新鮮清甜，海產則浿在浜燒(即以明火把海產燒熟)後又別有一番風味。今晚以蟹味噌甲羅燒及浜燒鮑魚最令人回味，其餘食物質素保持於高水平以上，性價比甚高，難怪未夠7點已坐無虛席!綜合餐廳環境、服務態度、價錢和食物品質四大評分準則，推介指數有9.5分（ 10分為滿分)。刺身5盛:由三文魚、油甘魚、左口魚及鮮帶子組成，配以清甜海膽。三文魚色澤鮮明、甘甜肥美，鮮帶子肉質豐厚，同時帶出帶子本身的鮮味; 最值得一讚的是切得薄薄的左口魚精螢通透，入口煙勒。活生蠔 :西式生蠔平時食得多，日式的亦絕對吸引。足足有手板般大隻，海水味重，蠔味濃郁，本身的咸鮮味道蓋過海水味，口感厚實。蟹味噌甲羅燒:店員極力推介，蟹蓋上放有大量松葉蟹膏、蟹肉、蟹子，簡直將蟹的不同部分一次過放入口。松葉蟹膏新鮮白滑，溝入蟹肉、蟹子後帶來多重層次感，牙縫流香。據介紹客人可自行決定是否放上爐上燒五分鐘加熱。焱丸活貝

望住隻蛙周圍去，成日又唔肯番屋企，咁自己又未有得去日本玩番轉，唯有係香港一食浜燒解鄉愁，等遲下先可以去日本大食特食。門口已經掛上左大大個日本水產既布幕，另外仲畫上左唔少水產圖好五顏六色，仲寫上左唔少當造既水產。一入去已經聞到好大陣浜燒蟹既香味喇，會搞到人勁想食，座位都隔得幾開唔會同人地太親密，放左個小郵箱幾得意。牆上都貼滿左好多日本酒名，仲掛上左唔少日本既海報，仲有潛水衣好得意，成間店都充滿左日式既風味。刺身就係係外面，大家可以望得一清二楚，另外旁邊仲有個大水缸，望到啲海鮮生生猛猛咁係入面真係超級新鮮。當然唔少得餐具都好有日式風味喇，另外每台仲會有唔同既調味醬料。先叫左一大堆小食，最先黎既係《辣味炸豆腐》($38)，外層黃金炸得香脆，入面豆腐仲係超嫩滑，加上少少辣味幾開胃。第二道係《魚子焗薯蓉》($45)，一上台就見到真係勁多魚子，再加上辣辣地味既明太子個味都幾出，薯仔都好淋。第三道係《醋漬蕃茄仔》，呢個係店員推介我地食，有幾粒細細既蕃茄仔，已經整到淋哂入口估唔到會有陣甜甜既味道。刺身要左《関脇3点盛》($160)同《活象拔刺身》($158)，店内有水缸象拔即點即撈既切超新鮮，3点盛有

天寒地凍，友人知道銅鑼灣都有焱丸又話想再食我無所謂既，行到過去咁岩餐廳外整緊路，好彩未多人，要排隊就gg了裝潢方面都係以誇張同睛為主誇張在於一定要字大，有幾大就幾大!不過都真係欣賞餐廳既實木設計，燒野食有油煙，難免有油漬甚至會油淋淋，但餐廳完全無呢個問題我算係最早一批客了，揀定靚位靚野慢慢食餐桌擺設都同尖沙咀一模一樣，見到呢個爐就非常期待!先點左份蟹子蟹肉薯仔沙律!天氣凍都真係要食多啲澱粉質去禦寒薯仔夠甜夠粉打得夠幼，但係蟹肉就唔太食得出，可能味道唔係濃而且份量少。魚子焗薯蓉!!呢份薯蓉好有驚喜!用既係辛魚子，食落微辣，薯粒食落夠香夠粉，加上微辣同魚子彈牙既爆破感，正!!三文魚牛油果酢漬，擺盤非常拀仔，中間既三文魚蓉cup到好似一件餅咁最香係佢墊底既沙律菜同汁，有少少微酸食落好開胃三文魚加牛油果第一次食，兩種食材都係d滑既野。三文魚唔洗講，刺身既質感油脂香，加上牛油香個種獨有香味，食落冇違和感，但唔係太特別可能因為質感太似，而味道上冇1+1=2既效果海草白飯魚子煎蛋!呢份煎蛋就相當有驚喜!，做法都係玉子燒咁，但較乾身，可能因為入邊有餡，要挺身d先唔會散入口可以俾十個贊! 因為超香香乾

去完大阪番黎 又心思思想食日本菜一直想試下哩間 放假約咪屋企人去試蟹膏配白飯直係一流同係日本食既味道一樣刺身唔算好新鮮 吞拿魚同油甘魚最好食其他都一般特別海膽唔係好新鮮好大粒既帶子！侍應會幚手燒可能燒得太耐 有d老加上醬油無咩特別個人認為麻麻地新鮮炸出黎 仲好熱！好好食油甘魚魚鮫比三文魚鮫肥美好多！好值得一試 好味平時都唔係好鐘意食薯仔！哩個沙律加左蟹肉同蟹籽仲好美乃滋口感不錯炸粉薄薄地 正壽司d組合唔係好吸引直接叫左D三文魚腩壽司三文魚腩唔算肥美 麻麻地食飯其間有人生日 全場會熄燈所有侍應會行過黎唱生日歌 都幾窩心

凍凍地，除了打邊爐，燒烤也是另一受歡迎之選。除了燒肉，磯燒水產也是good idea。 磯燒在香港愈開愈多，對海鮮控來說是天大的喜訊。是晚就來到焱丸水產，一試磯燒活水產之味。 餐廳不算很大，枱蠻多，有點迫夾。但勝在抽氣做得好，不會煙霧彌漫。 餐廳盡頭的魚缸裝滿不少海鮮，超吸引！ 桌上貼了不了燒烤貼士，但其實店員會幫手燒，不用擔心燒焦 Suntory $58 巨峰提子啤酒 $60 食燒烤當然要飲啤酒。除了有Suntory生啤，還有果味啤酒：巨峰提子和柚子。 巨峰啤酒甜甜的，提子味夠突出。啤酒泡還有點forzen，配熱辣辣燒烤非常perfect。 刺身三點盛 $160 原條池魚 $188 先來個刺身warm up~ 三點盛有：三文魚、帶子及油甘魚。三文魚、油甘魚夠肥美，惟薄切帶子口感稍為遜色。 池魚口感爽脆，鮮味濃郁。 原條上又點止數片刺身？剩低的魚肉碎拌以香蔥、芝麻來吃，絕不浪費。 辣味炸豆腐 $38 看似普通的炸豆腐並不是想像中簡單。 外皮脆薄，灑上七味粉辣辣的，蠻惹味。豆腐超滑溜，外脆內嫩滑，令人驚喜。 味噌甲羅燒 $136 吃罷前菜，來第一道燒水產，蟹膏不少呢。

大半年沒去日本玩，真的很懷念當地的日式美食周末和朋友剛好談起旅行時的趣事，一時興起就臨時上網找附近有沒有日式餐廳可以試下，亂打亂撞下竟然發掘到這家不錯的餐廳!餐廳的裝修很用心，入到去你會覺得好像去了真的位於日本餐廳，整個氣氛都很棒我們坐的是二人座，寬闊舒服，和隔壁也有一定距離，如果人多還可以坐有門掛的小房，私隱度更高到日本不可不吃的一定是刺身！所以我們點了刺身五盛，有三文魚、海膽、帶子、吞拿魚和油甘魚不得不說海膽很新鮮，完全沒有腥味其他刺身同樣都是很新鮮，而且都是厚切！然後是一人一個甲羅燒，係香港比較少地方有得食光看樣子已經很吸引，不用擔心不會煮或是時間控制不好，店員會幫手燒的另外我們也豪食一頓，把鮑魚也點了，餐牌寫是"殘酷活鮑磯燒"，當店員拿上網燒時，牠們那個激烈掙扎真的會讓人難忘...接下來就全交給店員幫忙弄在等待時，被推薦的吞拿魚魚鮫登場了，三文魚魚鮫就食得多，吞拿魚就真係第一次食拿過來時真的人嚇一跳，份量比想像中大太多 (可以留意後面的啤酒杯顯得很小)第一個印象就是很大的一塊骨頭，原來中間藏著很多魚肉魚肉可以配上附上的醬汁一起吃，酸酸甜甜又可以去油膩感，很好吃!烤好的甲羅燒，賣

小店係CWB一蘭附近, 好易搵, 人流較少及清靜, 不過都一樣要預早BOOK位, WALK IN真係好難有位.小店全木裝飾, 大量BANNER及漁市場的裝飾, 有如去了日本一樣.櫃檯上面掛有即日海鮮推介ORDER了今日新鮮刺身- 梭子魚 及 刺身3盛梭子魚原條切成刺身, 肉厚, 魚皮面燒一燒, 帶點焦香, 魚肉雪白清香, 幾清甜, 肉質少少爽口的, 不HEAVY不油的.刺身3盛, 好厚身, 有三文魚, 油甘魚及帶子, 好鮮甜, 油香滿口.要一點青菜~ 叫了麻醬蕃茄豆腐沙律, 沙律菜好新鮮, 好REFRESHING.每張檯都有一個爐, 當然要叫點燒物, 店內出名聽說係"蟹味噌甲羅燒", 我們點了一人一個.上檯時真係好吸睛, 顏色已吸引.放在爐上燒, 店員會幫你燒埋, 把蛋也打好混入蟹膏內.吃的時候, 蟹籽一粒粒的在口內爆開, 好特別, 味道較為咸的, 不過好特別!白蛤磯燒, 十分肥美的! 看著它慢慢張開口, 肉是飽滿肥美的, 好正!燒柳葉魚, 即是多春魚, 肉質較實, 店員用慢火慢慢燒香~愛吃魚的我, 不再ORDER三文魚鮫, 今次要試吞拿魚鮫, 好多店舖都無架!!吞拿魚比三文魚大隻好多

近來工作已經忙得要命,連少少私人時間也沒有了,難得最近有空,決定要好好慰勞一下自己,放鬆身心之餘,也想和朋友一邊傾計,一邊品嚐美食。之前一直都想食這間焱丸,但總是很full,幸好之前bk左位,所以今次一去到,不用等很久,已經有位坐。每張枱的都有距離,不會太逼,也不怕對話太大聲,影響旁人。牆上也貼著一些教學,以及一些留言,點完野食的空檔時間,看下這些留言也能不錯的消磨時間的方法。整本menu都幾多選擇,也會問問店員有什麼推介。店員也會友善介紹,所以我也聽從他的意見,先來一碟: 刺身五盛看到整碟都很豐富,有著五種的刺身。三文魚,油甘魚,拖罹,海膽及帆立貝。前三者都是厚切,每片不但夠厚,也同時令到口感更為豐富。三文魚入口會覺得魚油厚重,鮮甜美味,食下去口感豐富,雖然少少幾片,也夠滿足到我對三文魚的欲望。油甘魚,口感厚實而不腥,帶著一種甘甜的口感。拖罹,入口有一種快融化的感覺,不但好食,也會食到鮮甜味美。帆立貝,彈滑而有甜美,爽口而不帶腥。海膽,要是不新鮮的話,就會好腥,但今次食完令我改觀,不但覺得好食,海膽也帶著海水的鮮味,令我一改海膽的印象。這個刺身五盛不但好食,也能食得出刺身的鮮味,厚厚

星期六23:15去到，職員話last order 咗星期日14:15 去到，又話收咗咁你門口嗰塊opening hour 牌,寫嚟托咩你們是實行彈性營業時間嗎？還是客戶太多了吧

星期日的早上, 義務為朋友參加馬拉松去做些準備工作, 忙完之後已是中午, 發覺自己已經是飢腸轆轆, 於是便想找個地方慢慢食餐飯, 順便休息下, 行到來銅鑼灣謝斐道, 見到有間日式居酒屋便鑽咗入去. 見到店內都差不多滿座, 每張枱嘅枱面都放了一個細細地的燒爐, 而且每枱都在燒緊海鮮, 睇到我食指大動, 都決定選一些海鮮來燒, 慢慢嘆. 落咗order之後, 好快, 店家已將我叫的魷魚拿到枱面,鮮魷魚比我整個手掌還要大, 干淨新鮮, 色澤鮮明, 店家將魷魚鋪在枱面的燒爐上, 點著火, 我們的燒海鮮午餐開始了, 未開始食燒魷魚之前, 首先來了椰菜沙律,新鮮的椰菜切成細片, 上面淋了些黑色的黑芝麻醬, 入口的椰菜索索聲, 並夾有非常香濃的芝麻香味, 沒有豉油, 沒有盐, 全靠黑芝麻醬調味, 但竟然是出奇的咁好食, 淨係這碟簡單的沙律, 我已對這間食肆信心大增,簡單先至食到店家真功夫. 見到店家將我們的燒魷魚反轉, 見到燒好的那邊, 魷魚皮已呈紅先, 裡面的肉已是全白, 店家又在魷魚身上掃了一層醬汁繼續燒另一面, 而我們的龍蝦頭湯這時也上枱來了, 每個碗裡都有半個龍蝦頭, 湯裡仲有海帶