無敵家

营业中

休息中

男朋友話食過lunch 定飯好食，所以晚餐嚟試下。order時個侍應講左幾次冇其他拿？唔叫其他呀？我心諗唔可以淨係叫拉麵同餃子咩.....日式剪餃子， 呢個唔錯，個餡好味而且有肉汁，皮脆，但唔夠薄叉燒豚骨湯拉麵呢個拉麵都可以話食過最難食既拉麵之一湯底係味精湯，個麵底淋pat pat，味道亦好奇怪，好似食緊麵粉咁，好想食哂佢但真係食唔到，好難食

今次黎到無敵家食拉麵，點知有驚無喜。叫左通常最穩陣嘅豬軟骨拉麵，湯底唔夠香濃幼滑，比起出前一丁既九洲豬骨湯仲要失色。而且味精多左少少。另外同事a叫左豬軟骨豚骨湯拉麵，同事b叫左叉燒拉麵，湯底分別都有好多味精。豬軟骨無入口即溶既膠質，而叉燒拉麵塊叉燒好咸。說實話，個湯感覺似沖粉，麵條不彈牙，失望而回。個名係幾霸氣既

一直認為居酒屋的食物就係串燒，送下酒的食物都唔會太講究，老闆娘介紹蘿白沙拉，唉～有什麼特別呀…… 試入口蘿白沒有苦澀味，有鮮甜味, 唔係成日食果隻和風醬汁，都唔係 mayonnaise, 係自家制的dressing, 配搭得好好呀！睇到師傅做明太子鷄卷的心機，一層一層的，唔會太咸，暖暖地，如果可以再熱d就perfect.鷄皮虾卷送啤酒最好，脆脆地，無油淋淋的感覺。羊扒好有口感，食到差d唔記得同佢影返張相潻。再嘆埋個咸味雪糕, 好满足呀！希望可以保持水準，下次再擦過！😋

因為係星期六，又攰又餓諗住輕鬆食一餐，經過門口見到個牌有牛肉飯豬肉飯又有小食就入咗去。點知係menu完全見唔到以上飯類，waitress 話嗰個係lunch 先有😡 算啦！叫多幾個小食吧。當時大約18：30， 我哋係第一檯嚟，當時以為因為時間尚早，但食落就好後悔冇睇清楚其他食評先入嚟😢因為真係食到冇心機影，相嘅質數好差，唔好意思原本有六粒的蒜片炒安格斯牛柳粒。第一口咬下已經反曬眼，樹皮雪味牛，又鞋又韌，蒜味亦不知所終多春魚雖然明白做生意係要賺錢，但係咁嘅份量上菜，叫人無不 O 咀。味道方面，就咁燒當然不可能有差池上面係$20燒雞皮，細塊都驚！下面嘅露荀煙肉串，煙肉出奇地無味，夾埋露荀我地都只係知係食咗一舊爽而無味嘅食物！食到依到，我地都「好慶幸」只叫咗不太多，心𥚃都諗緊下場去邊到食飽。對其餘的都沒有期望，但居然會更失望，例如厚切牛舌- 食橡膠咁餃子- 建議廚師們可去參考下王將餃子嘅煎法而唔係半煎炸咁😔完全冇肉汁可言還好啤酒夠凍，叫做好過冇。一次非常失望的晚飯經驗。食咗三百幾都唔知食咗D乜。用依個價錢去食燒物，西環BBQ係更好嘅選擇PS: 之後有對情侶一坐底，都係想點我地門口個牌見到嗰D

早陣子在這邊辦完點瑣事, 正好是中午時份, 在這條林立著不少食肆的街道上逛著, 剛巧見到之前吃過的無敵家, 想起上次吃的醬油魚介湯拉麵還不錯, 便入總店一試其出名的掛麵。全麥粒粉掛麵分有辣與不辣兩種, 差價$8, 結果選擇了有辛辣味的。當麵端上桌時, 第一個感覺是湯不夠熱。掛麵跟沾麵一樣是把麵條放進湯裡, 然後整箸夾起來吃, 不夠熱的湯難以揮發香味之餘、更只剩下一個咸字。再者, 辛辣湯壓根兒半絲辣意也沒有, 卻要收多$8, 請問貴在那裡?粗身的麵條確麥味, 而且頗有嚼勁, 然而放入不熱的湯裡都是不好吃。义燒肥瘦比例尚算均勻, 邊位雖有燒過, 但不夠香。蔥是最香的了; 木耳和那數條青豆角是硬而不爽的, 難吃…… -_-#軟殼蟹沙律除了炸軟殼蟹外, 有蟹籽、牛油果及沙律菜。牛油果不夠腍, 失去其軟糯的口感; 炸軟殼蟹並非原隻上, 亦不夠脆, 然而這都未算最大問題所在。奇怪的是整碟沙律中無端端的有幾"舊"以類似粉皮包著跟沙律同樣材料的卷物, 咬下去那塊皮是沒有味道的, 餡料就是和沙律一樣的東西, 只是增加了一種很黏的感覺。沙律就是沙律, 何解要多此一舉?百份之百中伏, 已再提不起興趣試甚麼燒

上環區唔想行咁遠唔想上Soho, 無敵家係好方便嘅選擇~平時會叫全麥粒粉掛麵, 但因為今日天氣凍, 所以想食湯麵多d~1) 湯麵叫了豚骨湯拉麵($68)同濃口味噌湯拉麵($78, 相片中), 我鍾意濃味d嘅濃口味噌湯拉麵多d, 個湯好味~黎無敵家必食我至愛嘅串燒:2) 燒鷄皮($20)同燒鷄翼($28): 好好味, 燒到乾脆, 咸味啱啱好; 之前有叫過鷄皮蝦($45), 幾特別, 但自己鍾意食個雞皮夠脆多過隻蝦~3) 安格斯牛柳串($68, 相片中): 唔夠入味同破唔抵, 但餐牌唯一嘅牛, 所以都會叫~4) 煙肉露筍串($28): 普通~5) 炸蓮藕片($48): 可以整得薄d會更好~6) 薯蓉餅($48): 呢個反而薄得濟, 普通~

下午茶時間！未入到去就已經比吸引住！兩個字*霸氣*入面好多裝修都好得意。坐正係佢下面，有點壓力。菜單好方便，想食咩就睇邊份。我叫左個豬骨湯叉燒拉麵同煎餃子。個拉麵就真係一般，味精多左少少，同份量有點細份但不得不食就係個餃子。入面好多肉汁、仲有個醬汁，酸酸甜甜又樣似豉油，又唔係喼汁更加唔係雞汁。不過講到尾黎到都係想食個拉麵，但就一般般，只好下次再去試下個飯再同大家分享。

十分後悔沒有看清楚食友的食評才幫襯！小弟對麵食十分鐘情，拉麵、炒麵、撈麵通通喜愛。對曰式拉麵雖不算得上係達人，但對湯底及麵底都略 懂一二。每次到曰本旅遊，每天起碼至少一餐拉麵，而池袋嘅無敵家亦係必吃之一。得知上環開咗間無敵家，每次經過都想試試，諗住止吓咳都好。始終水質及用料 唔同，通常都預咗香港店同曰本店唔會做到一樣，心諗有七成咁好食都開心啦。去到坐低，見到 menu 咁雜，心諗都有啲唔妥，可能香港生意難做，加啲 side track 嘢都唔出奇。於是斷續 focus 番拉麵嗰 menu，兩口子叫咗兩個豚骨拉麵，跟著個阿姐好奇怪地覺得我哋點解淨係叫拉麵，仲話：係咁多啦？咁幫你寫住先啦！全 店只有兩枱客，但都等咗成二十分鐘先有得食。第一啖當然係飲湯，點知完全唔掂，同我屋企嗰枝曰本豬骨湯精個味一樣，仲要十分慳皮，唔知係咪以1比99嘅比 例開水，味淡如水！跟著試麵底，完全唔係嗰回事，超難食！應該係本地快餐業務用嗰隻，但比快餐店煮得更難食！小弟平時每次食麵都一定會一口接一口咁食晒， 但呢碗真係食唔到…後來得知呢間野係渾水摸魚，完全同曰本嗰間無關係，淨係話個老闆係曰本人！最後結論係：如果你係曰本

今次冇INTRO, 因為冇野想講同佢D食物一樣,食完都冇乜意見好甜的蜜桃特飲特別之處: 特多冰個餃子講真味道唔算差既,而且皮都幾薄,不過個底咁即係算點?一大塊粉皮成舊野咁,真係好唔專業囉蟹肉忌廉餅: 唔錯! 挽回不少分數~裡面是熱辣香濃的蟹柳忌廉醬,雖然唔算咩貴野但味道一流,剛炸好的炸餅部分亦很脆口~主角出場!先講豚骨湯拉麵拉麵是下價超市拉麵,湯倒是有一點點豬骨味,但2塊叉燒細細塊,荀直情唔見影唉地獄豚骨湯拉麵拉麵完全冇叉燒!只有一堆不像樣的辣炸醬,除左辣, 都唔知有咩特別...老實講,食物味道還可以的,,不過真係完全唔及其他拉麵舖囉, 完全冇特色

Love All kind of Japanese food, Sushi, Sashimi, Yakiniki, Hinabe, and Ramen... I have been at this shop a few times, and just ordered a Ramen with pan fried dumping for lunch. Sometime, My bf will add one or two skewers and a beer or sake.They have so many types of Japanese sake, and taste is quite good and price is reasonable. That is why my bf will choose this shop for lunch quite frequently, as he is a sake lover. We have tried to collect the full set of the four seasons sake's bottle this y

小妹一向都中意食三文魚,所以任何日本餐廳都必叫三文魚➨❶三文魚西柚汁沙拉 推介程度❤❤❤❤❤(我見個名幾得意,所以就叫黎試下,佢黎到好似一朵花咁上菜,中間有少少黑松露,之後撈埋個西柚汁真系幾開胃,酸酸甜甜,原來系好Match三文魚!!正,d蔬菜系老闆間有機店入貨的,所以非常鮮甜)❷三文魚刺身 推介程度❤❤❤❤❤(呢個真系超正!個三文魚好新鮮,無怪味,好鮮魚既甜,真系一入口d魚脂慢慢熔,超正!!)❸火焰三文魚試卷 推介程度❤❤❤❤❤(個三文魚經過少少火燒之後d魚脂系熔與吾熔之間再放入口,真系超頂絕正,上面再配少少魚子,一入口少少脆卜卜感覺,好鮮味,一脆一軟,真系好好味)❹麵豉湯撈鳥冬 推介程度❤❤❤❤❤(佢個烏冬真系人手打做,因為真系非常彈口,同一d都吾"黏口"真系超絕,佢個秘訣系為左防止烏冬脹曬,所以佢系同湯分開上,所以就可以keep住烏冬彈性,再加埋店最出名糖心蛋,真系非常襯,佢個蛋一咬落去,d蛋黃咇曬出黎,至於湯底,系麵豉湯黎,但吾系非一般麵豉湯,系用魚煲既麵豉湯,所以特別鮮甜,一d都吾會過咸,非常健康)總結:雖然呢間店真系貴左少少,但勝在佢地食材新鮮,有機!所以系非常健康回頭指數

岩岩同朋友去食無敵家,食左個拉麵同牛舌本人偏向牛舌覺得無敵家牛舌口感很好!汁醬味道好捧再來一個北海道冷麵冷麵配上泡菜汁少少辣,廷開胃的下次再找多些朋友去無敵家光顧.值得再回味的一家居酒屋.

今日一個人係上環係午飯。。經過無敵家。。凍凍地食碗拉麵暖身。。入到去差唔多坐滿哂。。職員帶左我上二樓。。。。入到去第一個感覺好古典！好有舊式既感覺。。Ｄ職員仲話可以包場開ＰＡＲＴＹ！個環境幾好！！坐底叫左個味噌拉麵。。。同一支薑啤。。。個麵底好彈牙。。咬落有口感。不過接受唔到濃味唔建議！因為真係有香濃既味噌湯底！飲唔到有味精！支紅薑啤少少辣。。。。都幾開胃。。可以同男朋友再黎過。。

係呢度總共有兩次坐低食飯既經驗, 有一次爭D食既經驗~第一次係同成班同事二十幾人去慶祝生日, 果時呢間野先岩岩開張無幾個月, 態度都算幾好。當日我叫左一個L5 - 鹽燒三文魚定食...件野除左咸同埋硬同埋凍之外我無別的評價, 但聽到其他同事話其實拉麵/其他定食都OK既! 所以就決定俾多一次機會佢!第二次同同事兩個人去食拉麵, 其實佢都唔算平! 一碗豬骨湯拉麵無叉燒都要$78的。但味道算係中等, 但仍然會機會可比!因為始終上環唔係太多日本料理餐廳, 有時都算食下既!第三次, 需要打去題外話/補充資料

最近轉戰上環覓食，才發現這區食肆真的不少。不同地方的菜式，平也有、貴的也有。在午飯時間，要知道那間食肆又平又好味，只要看看店外的人龍已可見倪端，因為食客的胃口就是最公平的評判！未熟悉周圍的環境，經過這間在孖沙街的日式拉麪店，沒有人龍，就試試看吧。心裡知道它的價錢應該不便宜，要不然午飯時間好應該門庭若市。點了木魚味湯底的叉燒拉麪，因為怕豬骨湯底太肥膩。湯底真的帶有點木魚香，不錯，不過嗜濃味湯底的就應該不太合胃口。配料一般，叉燒當然不是入口溶化的那種…自從在日本吃過入口即溶的豬脊肉之後，在香港真的再難找到一家有好吃的叉燒的拉麪店！加$15的所謂溫泉溏心蛋，沒有蛋香，極其量只可叫做半熟蛋而矣。朋友點的咖喱雞飯，反而好吃。有咖喱香，辣味溫和，炸過的雞也算嫩滑，相比之下，比拉麪優勝。我又看見隔鄰客人點了個類似日本掛麪的菜式「全麥粉粒掛麪」，不過食法就似乎不算得很正宗，麪碗內已有湯底，但又有一碗小湯另上，其實掛麪應該是麪條放在碟上，吃的時候把小撮麪條放進湯裡，沾著湯汁才吃。總的來說，這頓午餐尚可，不過還是貴了一點吧。