無敵家

营业中

休息中

前天和同事去覓食..本想想食三星牛肉麵, 竟然執左/搬左?!咁就繼續搵下食什麼好...最終來到這間無敵家食拉麵! 食過後覺得不錯,門面真的挺像日本店鋪, 而內裡的設計也滿特別, 燈光暗暗的, 座位都是木櫈木桌, 也有bar枱座位能望到師博們煮食的~周圍也佈滿了日本的擺設, 令人感覺很有日本的氣氛呢。翌日我又再次幫襯, 這次我選擇坐在bar枱位置, 但今次發生點小意外,侍應給我送上熱茶的時候, 不小心把整杯茶倒左桌子和我的褲子上...大半條褲子也濕透了連我的鬆弛熊吊飾也濕身了!...幸好熱茶是"暖"的..否則真的不堪設想.. 店員連忙換了位置給我...也對此十分抱歉, 想不到隨後竟然送上一張50元的優惠卷致歉..也和我寒暄一番, 所以基本上我也沒有"嬲"的意慾..繼續進行我這頓午餐。這裡的餐牌也有分幾款, 每張都是不同的食物, 如拉麵/串燒/甜品/飲品~而今次再來的原因是想試試出名的溏心蛋 $15, 溏心蛋原隻送上, 要再問侍應領取刀叉後才能分開一半, 不太方便...為什麼不幫客人切後再送上?這個溏心蛋雖然是凍的, 但切開後也有蛋汁流出, 蛋黃味道滿重, 也有煙燻味道。不錯味增湯拉麵 $

慕名而來，全為吃全麥粒粉掛麵。麵是賣點，麵質的確煙韌彈牙，有麥香。但湯汁同肉都是一般而已，湯汁是超濃版魚湯，好鹹但鮮味稍欠。可能期望太高了。LUNCH來說一碗麵實在不夠飽，90元真的略貴呢!

哇真係好耐冇寫食評啦。今次小妹又去番無敵家到食野！其實我幾鐘意去無敵家食野，佢地Ｄ串燒好夠味！我見之前Ｄ人寫食評有影下個裝修，等我又影下。不過我影左一張咋哈哈！！Ｄ酒幾靚。今日叫左罐波羅酒！係日本酒黎，味道幾香！男朋友叫左支啤，今日主要都係串燒！串燒同串燒。嘻。今次講下雞皮蝦卷！蝦卷好出色！食得到係雞皮同蝦味。個設計幾特別，仲有當然唔少得我既雞亦啦，嘻。今次同上次陣味冇太大分別！^^口感幾好再黎牛舌，串燒牛舌食到有少少咸咸地。一串有三件，好有咬口！！食完串燒梗係唔少得雪糕啦！！呢隻係天日鹽雪糕，開頭以為好咸，點知陣味好ＦＲＥＳＨ！第一口好濃既云呢拿味！之後入口慢慢出Ｄ鹽味，少少咸，又唔會太咸！隻味幾得意。下次可以試下個柚子雪芭先=PPP隻鹽雪糕我鐘意！３５蚊黎講超值！！！\^0^/ 最後要講下D服務!D服務員好有耐性咁介紹D ORDER!服務都唔錯！今日食得好開心！下次再黎食！

同朋友周圍行下,見到一間門口幾有日本風味既餐廳就入去試試。入到去都裝修得幾令,有居酒屋既感覺。待應既服務態度好好,好有耐性甘介紹有咩好食,原來系主要食拉麵同串燒。而且有7張MENU, 好多選擇^^ 首先, 黎咗個軟殼蟹沙律 個醬汁酸酸地突出咗軟殼蟹既鮮甜,同MA軟殼蟹炸得好香同脆,好開胃><之後黎左個露旬煙肉串,露旬好JUICY,好新鮮, 跟住係牛舌, 食個甘多間, 最好食係里間, D肉汁BLOCK左係入面吾會好DRY好難咬, GOOD!!! 之後,試MA個芝士年糕芝士夠濃，年糕夠煙韌，不防一試。 最後,黍個全麥粒粉掛麵系張D麵放落鯖魚濃湯, 好似撈麵甘食,好香好野味,而且D麵好Q, 粗身,好煙韌,D肉烤得吾錯。 會再來吃的。

第 2 次黎食, 話說朋友突然同我 LUNCH, 原本好想用 TABLE MAP 訂位, 不過時候太趕, 用唔到真係冇辦法 (人地想儲分都唔得 )唸唔到食咩都可以黎食, 原因係:-1) 其實唔算好好食, 不過唔難食, 2) 唔怕冇位3) 服務態度好好, 今之我坐 2 樓, 都 KEEP 著有個妹妹成日走上黎酙茶遞水4) 食飽又會即刻同你清理台面, 亦冇催人走因為以上原因我都會再黎幫趁

7月16日係啊喵生日,一班好朋友相約開飯...佢地知道喵鐘情於日本風,於是帶喵去無敵家..因為大家都好神秘,完全系好驚喜!啊喵入到去,見到個裝修,哇左一聲...完全係啊喵既喜好!坐底睇餐牌....(因為真係好肚餓)...即時叫左個掛麵. 再睇串燒.....侍應生姐姐介紹O左啲串燒比啊喵.一行五人,最後叫左:全麥掛麵X2豬骨湯拉麵X2地獄拉麵X1餃子X2雞亦串燒X1芝士年糕X1厚切牛舌X1咁上下....嗌完野食,參觀個環境!好多清酒...本來想叫酒飲,不過大家都唔識飲酒..啊喵又要渣車...酒...下次啦........隔O左一陣野食黎齊掛麵個汁好清新,麵好彈牙..叉燒又唔會太肥...印象分唔錯!餃子煎得剛剛好...咬落去好JUICY....啊喵食左三隻...好喜歡啲餃子...其實食完都撐撐地...但都食埋牛舌牛舌有少少咸,但系系啊喵O既口味..哈哈今年啊喵個生日好滿足,好滿足...多謝哂一班朋友仔!>3<

今日行街去上環....經過一間"無敵家".....睇左出面既MENU發現有我至愛既溏心蛋...為左佢...我選擇左入去呢間食野.....一坐底睇MENU...哇..有便當有拉麵..好多野食揀..而我揀左個掛麵....當然仲有溏心蛋啦....自從上次係日本番來之後都無再見到有溏心蛋.... 等O左一陣..個麵同蛋一齊到...聽D職員講...個麵汁係青魚汁.....個麵黎到..個汁仲係熱既..麵質好彈牙...而且睇得出係用小麥粉整...感覺唔錯!!!再講返個蛋........蛋上黎係無切...唯有自己切啦...切開....哇....D蛋汁流哂出黎.....正O丫...今餐小和子食得好滿足!!準備埋單時個職員拎O左兩盒雪糕黎介紹....好啦...天氣熱熱地...都想食返D凍野........要O左個柚子雪芭..聽D職員講係日本既雪芭...不過我覺得個雪芭甜左少少....可能我唔太好甜野掛??不過整體今餐小和子真係好滿足好夠皮...下次會拉埋班同事一齊黎LUNCH..我見D便當都好吸引...下次會再來

這個餐足足一個月才記得還未寫食評!3號和朋友去無敵家相聚.其實因為夜晚約了人,簡簡單單的聚會.沙律味道不錯.本身的沙律汁也很香...朋友點的酒..忘了是什麼名堂....串燒味道不差.可惜咸了些少.可以再改進.簡簡單單有酒飲.而且當時也頗多人但見service也不錯..久不久有侍應來加茶.整體也值7-80分,值得再試.

尋日係同老公既周年紀念～～因為上之去完無敵家又身痕想去。。不過今次好無記性唔記得影相。。。其實我好簡單。食來食去都係果幾間食店。但主要食過最好味既都係呢間，所以忍唔住又要寫下食評。哈哈～今次我老公試左我上次食果個全麥掛麵。佢食完都讚不絕口。。。我自己今次就試北海道冷麵。有意思。有意思。　　個汁酸酸地帶少少辣。個味道好開胃。。其實我一直都想試ＤＳＡＫＥ！不過可惜老公要渣車。。。食完個麵都飽飽地，但都叫多串雞皮蝦卷同一客餃子！雞皮蝦卷：好食到唔識形容！聽講經理講係店既招牌菜～～～食完其實我忍唔住想叫多客。不過實在太飽了。餃子，Ｄ肉係豬肉。好有肉汁。加埋餃子汁真係一流。。。不過又係趕住下半場。下次會試多Ｄ唔同既菜。。ｈｅｅｈｅｅ

果日補假。行完街同個ｆｄ番左上環。有一間一直都想試既串燒，今日終於有機會試到喇！今日叫左：豬骨湯拉麵。牛油果軟殼蟹沙律汁煮花螺串燒就試左：牛舌，雞亦，飯團，露荀。一坐底，因為太肚餓，即刻叫左個豬骨湯拉麵。之後再叫串燒！先講個拉麵，個湯底好夠豬骨味！麵夠彈牙。個拉麵唔錯。不過真係太肚餓，一來到即刻食。唔記得影相。ｈｅｅｈｅ。。再講串燒。牛舌：有少少咸，味道ｏｋ雞亦：烤既時間岩岩好。不錯。飯團：咯咯覺得佢硬左少少，除左呢樣都唔錯。露荀：呢個我冇食到，所以唔知ｏ丫>_<小菜:汁煮花螺汁好juicy，成兜差唔多我食哂ＸＤＤＤＤＤ好有驚喜！沙律：因為本身鐘意軟殼蟹。所以好評！整體其實唔錯。尤其ｄ侍應服務好好。俾個ｇｏｏｄ你地！今晚餐飯我食得好開心。下次一定會再去。^+++++++++++++^

一向喜愛日本食物，拉麵係其一，食過好多係日本打嚮名氣再來港開店既日本拉麵，各有所長，而這間無敵家不止拉麵，忍唔住要評一評！２人於７點左右入座，立即有位了，我們由餐前小食至雪糕都唔放過。以下係所點食物：　芥末磯貝漬－即係ｗａｓａｂｉ醬配螺肉薄片，個ｗａｓａｂｉ醬完全冇攻鼻感，只有香味，螺肉片有哎口，好清新好特別既前菜，唔太好辣既我非常欣賞溏心蛋－蛋黃大隻，流心蛋黃入口濃郁，正！牛油果軟殼蟹沙津卷－軟殼蟹好脆，比想像中大隻，正呀！牛油果份量都唔少，個菜好ｆｒｅｓｈ，如果個汁係芝麻汁會更開心，哩個係醋汁。雞肉軟骨棒－支棒肉幾厚，冇好大粒骨碎，雞肉有鮮味。最緊要係個汁，已加左蛋黃，自己拌勻後汁變得杰左，點上雞肉棒後，滋味大大提升！個汁似保ｘ爾差唔多杰，唔止鹹味，甜味，仲有雞味，食哂串雞棒都唔捨得放棄個汁。雞皮蝦卷－雞皮燒得香脆乾身，蝦肉好爽，一咬之下，雙重口感，這個是經理推介既，因為雞皮有限，要有雞皮才可做，日日新鮮拆下雞皮，果然。。。。個蝦有雞皮既香，食後戀戀不捨，ａｆｔｅｒ　ｔａｓｔｅ悠長！由於仲有個正既汁，我們點一客燒飯團來點埋佢。燒飯團偏細，圓古碌，外圍有紫菜包邊，一咬就甩。個飯團外脆

說實在，光顧兩次，食物可以，侍應服務可以，但於週四的飯局，一行四人，那經理之不濟，就拖誇一切了。 簡單點說，那經理自說自的什麼繁忙時間串燒不可單串點，最少必須起雙，解說是串燒師傅的意思云云。如果這是貴司的政策，我想說這是趕客的。首先，餐牌上的串燒全都是一串計的價錢，餐牌上或餐廳內怎麼也找不到什麼「繁忙時間串燒不可單串點」之規定，那規定何來呢？於理，不合。但如果這只是一些中層管理員之德政，我就真的希望貴司可以檢討一下。（那晚是多人了一點，也未算爆場，5至6，共16，17人左右，無人等。）再者，那經理的態度及處事方式更令人髮指:1) 解說串燒師傅硬要食客吃最少兩串才燒，我想大師級也未必有這排場，這也是我第一次聽到。作為管理人員，別找做小的吃這死貓。2) 有一服務員於我們第一次點單時，經我們請求下，特別為我們點了一串小青椒，她換來給經理一頓臭罵（對，是經理，不是什麼定下規定之串燒師傅）。在此要向那服務員說聲謝。3) 我們第二次點單時，經理親自出馬，我們點了第二瓶720ml生酒、豬頸肉兩串、紫蘇豚肉卷兩串，鷄皮一串，即時被拒，她不理掉頭走開，你不點雙就罷了。4）結賬，盛惠$1580。我找經

我好幾個月都冇係上環食晏，見呢間有團購餐，加上係中環搭電車去上環都方便。我一早訂定位，一去到就有位啦! 團購餐可以揀味噌湯拉麵同豚骨湯拉麵，小食就係田園沙律或燒日本餃子，仲有杯抹茶特飲。我同朋友都揀左味噌湯拉麵，下次可以再試埋豚骨湯拉麵，再配燒日本餃子同抹茶特飲。碗味噌湯拉麵份量交足功課，拉麵QQ、彈牙，湯底味道適中，唔會太咸，仲有塊紫菜伴係碗邊。叉燒有2片，肉質鬆軟，讚。我都幾鍾意食餃子，燒日本餃子煎得好香脆，火喉o岩o岩好，完全冇煎燶，唔駛蘸餃子汁都好味。杯抹茶特飲係凍飲，走左冰，中和番D味噌湯拉麵o既咸味，又有D麥香。大熱天時，飲番D凍飲，即時涼晒!

有親戚話5錯琴日夜晚同朋友去食完全5洗等位我第一個睇中既係掛麵,跟住D服務員話我識貸,話果到D掛麵好有特色.7~10分後,掛麵到,有碗湯+碗麵我recommand先張麵以外野放入湯食果時在放麵入湯1~2secD麵好爽,同其他麵5同湯5錯,我最鐘意濃,湯係麵最重要既部份,只係湯已足以比滿分,聽D服務員講,個魚湯好有益.(10/10)因麵太好食既關係,我叫多左個燒雞皮包蝦串,雞令淡既蝦變得好好味(但價錢不太值)(9/10)最後再叫甜品溏心蛋(9/10)+雪糕(8/10)+柚子沙冰(10/10)(手累,只寫評分)總野好快就到,可以一路談天,一路等P.S. 柚子沙冰好有特色,入口就溶,千萬千萬要食完野先叫,否則好浪廢

睇雜誌介紹全麥粒粉掛麵雖然知道是膳稿居多，不過心思思還是想去一次試下!全麥粒粉掛麵侍應幾耐心介紹，食之前先將Ｄ蔥放係汁度，再將麵浸過湯麵身都尚算爽口，不過D湯味道好一般~ 未見有特別之處豬骨拉麵麵條是粗身，帶曲的一種湯底係拉麵的靈魂! 不過這個湯底濃厚度不足~ 過份清淡 味道一般明明店內無咩人，不過落左ORDER 成10幾分鐘過外先有麵食效率有待改善