無敵家

营业中

休息中

呢間居酒屋打卡一流呀…環境特別。估唔到d串燒好正呀～首推荔枝豚肉燒，荔枝甜味同豬肉味道好夾，清甜多汁。燒蝦同豬軟骨拉麵正常，好食唔算特別。但豚肉棒好正囉…撈埋蛋漿嚟食一流呀！銀鱈魚都燒得好香，個汁好味。炸豬扒外脆內軟，掂呀。唔係好飲酒既我鐘意呢度d梅酒，自家釀製，好fresh好清新又帶點清甜。

放工行下上環就搵食，經過見到居酒屋又想懷念下去日本既日子..就入左去入黎果陣一個客都冇，可能6點幾太早店內就日本居酒屋feel不過d野食又細件又貴又一般..食食下睇到食評咁差原來好多受害者😭我明點解佢做左咁耐都做得住…因為賺太多了…..汁燒白鱔得5舊仔已經成百蚊，初時叫果陣以為都有一碟…（諗起之前係某酒樓食4舊大d既燒鱔都只係50蚊，仲要燒得香好多）真係冇咩香味黑松露三文魚炒飯就個黑松露好香既，但佢唔係炒，頂多都叫撈，仲有得一個飯碗咁少，整到好似一碗飯咁筆出黎燒飯團硬到痴線，我直情吐返底面果層硬飯焦，仲硬過出面d煲仔飯底既焦，2舊白飯搵d醬油燒一燒仲要唔顧火侯就承惠33，難怪間野䇄立不倒其他野食都中規中矩..侍應都算有禮貌，但唔叫佢就唔識添茶後來見有好多人黎嗌酒飲，個環境都岩人去飲酒傾計，但如果係為食物而去就唔好客氣了

一心諗住帶媽咪試壽司郎，點知5點半嚟度己無walk-in籌，唯有即刻搵間居酒屋晚飯啦，《無敵家》距離無限極廣場大約8分鐘，環境算寬躺，服務都幾好，好似好多熟客嚟幫襯。🥢蔴醬苦瓜 $78 ⭐️⭐️⭐️⭐️日本沖繩苦瓜，苦中帶甘，鍾意食苦瓜嘅人讚口不絕🥢汁燒白鱔 $98 ⭐️⭐️⭐️⭐️超好味，入口熱熱辣，外層非常香脆，魚肉非常嫩滑，不過$98得一串超級貴🥢明太子玉子燒 $88⭐️⭐️⭐️⭐️好耐無食過咁嫩滑嘅玉子燒，一口咬落去有些少蛋漿流出嚟，明太子又夠熱，好味高水準🥢頂級牛小排 $198⭐️只覺得係普通貨式，口感有啲韌，肉味又唔夠濃，非常失望🥢燒油甘魚魚鮫 $158⭐️⭐️⭐️⭐️啖啖肉熱辣辣，魚味夠濃郁，魚皮又香脆，個酸醋汁又好味🥢豚肉生薑燒 $88⭐️⭐️豚肉同洋蔥都好腍好入味，可惜個汁咸咗啲啲，同埋一啲薑味都無🥢味噌湯拉麵 $88⭐️⭐️⭐️拉麵彈牙掛湯，不過味噌味唔夠，呢個價錢最貼地三人共消費：$876

先來重點：找數，「三百蚊樓下我地唔收卡！」語氣講到好似我無錢畀食霸王餐好彩仲有現金找。我好少唔畀tips但呢一間我畀唔落手。入門口又唔講明，好似我一定會食到$300？正文：上環嗰頭做晚市的日本野日本野無魚生賣好少見，可以“欣賞”下自家梅酒比較淡口 60濃味味噌拉麵OK，叉燒好冧 88燒三文魚腩很好，入口即溶 96價錢除了拉麵比較平民之外，其他都比較貴。可惜，員工態度問題我唔再去。老闆娘同熟客傾計很投入，但唔識教員工。可惜。

親人生日，一齊到無敵家品嚐美味午餐。餐廳服務很好，環境舒服，坐的空間足夠，不像某些餐廳那麼逼夾。店員及老闆介紹多款美味菜式，食材新鮮而且味道也很傳統像日本那些居酒屋。家人第一次去無敵家也非常滿意，下次再會一齊去食！

餐廳環境唔錯，居酒屋咁樣睇完餐牌，同職員落單叫咗兩碗拉麵同一件三文魚煎飯團明明餐廳無乜客人但等咗足足廿分鐘先上拉麵叉燒豚骨湯拉麵叉燒尚算唔錯，有少少焦香紫菜都叫新鮮，不過浸咗湯好快淋咗但麵質一般，湯底充滿味精味食一碗麵飲咗兩大杯水都唔夠豬軟骨豚骨湯拉麵麵質一樣咁一般湯底一樣充滿味精味最差嘅係豬軟骨，超鞋超韌味道差，好難食三文魚煎飯團賣相唔錯飯團每邊都有煎香味道係唔錯但一樣充滿味精味食完飯團要飲成杯水二百幾蚊一餐可以值得食更好的上環有更多更好嘅選擇呢間真係可一不可再

🐽叉燒豚骨湯拉麵 $78連紫菜都有自己名夠晒特色😆溫泉蛋幾正🥚煮得岩岩好又入味重要係流心🤤麵屬於硬硬地 多爽口 我中意叉燒既厚度都剛好 所以咬落好軟幾冧湯底豬骨味都幾濃 有層油香味好吸引～

最近星期五加班到夜晚8點到附近看到這間日式串燒店，於是打算入去「啤啤」佢。估唔到咁夜嚟到舖頭都咁多人，要上二樓。但二樓因為本身無準備，所以先啱啱開冷氣，有啲焗促，不過唔緊要，好快就涼返。隨後都陸續有3，4枱客人，實在十分旺場。不過成間舖頭得1個侍應負責2樓，當隔離枱早過我哋落單之後，久久都未有人上返嚟落單。當落咗單之後，食物亦都好耐先到。我哋2個人嗌咗幾串串燒，包括豚肉荔枝卷、厚切牛舌、炸雞皮等等。另外叫咗碗叉燒豚骨拉麵、玉子燒同豬軟骨。雖然等咗頗耐，但啲串燒都真係好得，好入味同啲食材都好好！另外個玉子燒都有意外驚喜，連我朋友本身麻麻地鍾意都話好好食！反而個拉麵同豬軟骨就無咩特別，拉麵味道唔突出，麵質都麻麻地，不過不失啦。始終坊間嘅串燒店都唔會平，依間都唔例外。但唯一想挑剔嘅係個坐位真係坐得好唔舒服。如果坐近牆，就完全無得「捱」。如果坐走廊位置嘅櫈，就太矮，要全晚吊住隻手嚟食嘢。所以本來想由於坐得唔舒服，加上上菜慢，所以本來想喺餐廳暢飲嘅念頭都打消咗，食完就走lu。

收咗工 睇吓附近有啲咩日本嘢行到入嚟其實店員態度都唔錯打開個餐牌基本上唔知可以叫到啲咩最基本嘅刺身都冇叫咗啲嘢食 雞泡魚乾濕度爆炒椰菜仲衰過自己住拉麵個湯底 飲咗幾次都唔知自己飲緊咩只有水同埋油串燒都叫做新鮮好食叫咗杯飲品 原來只係開個罐頭其實呢間舖頭個賣相同啲食物非常之格格不入完全估唔到會係咁樣嘅感覺相信都應該好快執笠個店員行嚟行去 想點啊又唔加水以價錢計完全唔掂 千祈唔好嚟極度後悔後悔後悔後悔後悔後悔後悔後悔

真的第一次用餐驗驗可以如此惡劣首先，賣相完全跟menu中顯示的不同，更有不少的菜式沒有的圖片，使人沒有初步的印象，只能憑文字選餐。其次，當食物來到的時候，不但只樣相極其不同，份量也出奇地少如 ：50 元的串燒只有兩粒38元的雞翼，比我的中指還短40元的八爪魚，size比豉油碟還細如果份量少，味道佳也不至如此。然而，味道卻難食得令人驚訝我們特意去試的炭燒飯團，原是有著不少的期望結果來到的，不是飯團。。。而是兩粒燒焦的飯，像極我在鄉下婆婆煮飯時，煮燶的飯焦一樣，使我不禁吐在桌上我想狗狗也不會吃結果，結帳時結了我佢四百大元的帳單。性價比來說，簡直是到了十八層地府級別。總括而言，唔食更稱心。

🇭🇰無敵家·我地個日本身想食我愛慢煮架 但係佢full booking左 所以我地見到呢間感覺幾地道就入左黎試🤤佢D野食都唔錯既 而且真係好岩嗌少少酒一路等野食一路吹水 不過佢漏單既情況都幾嚴重 我地有3樣嗌左既野都無黎🙊·豚肉荔枝卷 $35鮮露筍煙肉卷 $32見個荔枝卷好似好得意就嗌左黎試 佢粒荔枝係好食juicy既 但係佢地好似唔係好夾咁 食落口好似兩回事咁😂😂佢個露筍煙肉卷就好食D啦 個配搭同油脂都合理D😌·燒日本餃子 $38呢個出乎意料幾好食 佢個餡調得幾好 而且個皮都幾薄 仲要煎得好脆唔錯唔錯😎·味醂雞泡魚乾 $68呢個都唔錯 不過佢個醬汁好似搽得有D太多 有D痴牙🤣但係超級配酒😈·豬軟骨豚骨湯拉麵 $88最後呢個係我地怕唔夠食嗌既 都唔錯 係一碗正常既拉麵 值得一讚係佢個豬軟骨做得幾出色 係真係好lum好入味🥳·#rbyeat#rby日本菜#rby上環·📍上環孖沙街9號地下

呢間日本餐廳系公司附近但一直都無諗過要試，因為每次經過都覺得佢好似重門深鎖，價錢一定吾平，今日經過竟然中門大開，個waitress重好熱情問我地幾多位，呢個場面從來無見過，見佢甘有誠意於是試試佢，見到餐牌都有好多款定食，不過價錢就吾太親民，重要收加一服務費，我同同事叫左一客鯖魚定食，一客照燒雞扒定食照燒雞扒定食$88鯖魚定食$88定食都系例牌嘅前菜， 味噌湯，甘嘅價錢，白飯竟然吾系珍珠飯，真系有啲失望，鯖魚，照燒雞扒都燒得幾好，不過甘嘅價錢lunch黎講就真的有點貴

雖然在公司附近不過都是第一次過來孖沙街的無敵家，入到去比我嘅感覺好有日本居酒屋feel環境地方都唔錯，lunch set都有幾多選擇價錢由七十八元起，我和同事order 了一個塩燒鯖魚定食同一個秘制香燒雞扒定食一齊share，鯖魚同雞扒定食都跟一客沙律菜少少中華沙律同一碗湯~雞排同鯖魚都燒得唔錯八十八元，另外個同事就order滑蛋雞肉丼七十八元不過好似就一般般，本人就覺得lunch set 其實都唔太便宜還要加一真的有點貴

話說呢排要減肥🤷‍♂️🤷‍♂️，本來打算去食西餐，但路過呢間日式餐廳，有定食餐好似幾吸引🍱就同同事突然改變主意揀左呢間，順便同埋諗定食咩🤭，過左無幾耐，我揀左呢個炙燒三文魚定食套餐😍可能因為午市，上菜都幾快😀，定食包括左有一碗麵豉湯， 一個細碗沙律菜，同埋一細碟中華沙律， 另外有碟西柚汁，用嚟點三文魚都幾夾😋，所有野夾埋味道都唔錯， 由於白飯我無全部食曬呀，所以份量都ok👍下次lunch可以再嚟過✌🏼🤭

又係上環lunch time由於上環返工 所以日日都係上環lunch今日又同事帶我去食飯啦當然 去到一間唔駛點等位嘅食店無敵家係食日本嘢嘅食返個日式午餐先餐牌都幾多選擇嘅價錢ok啦塩燒三文魚定食 $88一盤拎過黎其實望落都幾豐富呀賣相唔錯呀有個頭盤沙律有個麵豉湯跟住 主菜三文魚加碗飯食完個沙律再飲個湯 開咗個胃先味道唔錯嘅塩燒三文魚我唔知第一個字點讀不個三文魚燒得唔錯嘅叫做幾惹味下同埋份量都算多原來佢仲可以添飯嘅總體黎講味道唔錯份量適中 可添飯 而家仲有冇呢個服務我就唔知喇算唔錯嘅呢間