烏蠅館 (已搬遷) 新店位置

事隔一排 又返去encore一下烏蠅館🤪 睇下啲水準保唔保持到😎.單人A餐 + 主食 HKD48 + HKD4；不專業評級：5.5/10油麥菜｜豬大腸｜腩肉｜鴨血｜豬手｜娃娃菜｜米線｜清湯湯底單人A餐 HKD48；不專業評級：6.5/10蓮藕片｜鮮淮山｜油麥菜｜豬大腸｜豬手｜土豆粉｜麻中辣湯底.今次試左佢地既豬手同腩肉🐷 本身以為會得一舊大豬手或者幾舊豬手碎 點知佢會比2️⃣大舊豬手😍 炆得都算淋 有豬騷味 我鍾意💗 腩肉份量都唔少 厚薄程度都幾好 脂肪比例都唔錯 唔會太多肥膏 搞到好似食油咁👍🏻今次既土豆粉麻麻地😭 煮耐左 搞到好易斷 無左佢種煙煙韌韌既口感😭好傷心💔湯底方面 由於病君L先生要食清淡啲 揀左清湯 清湯會有幾粒紅棗😎 望落好似幾健康咁 不過味道方面就 健康得濟🤭無乜味 建議大家唔好食清湯⚠️玫瑰蜂蜜 HKD10；不專業評級：7/10超級濃郁既玫瑰花香氣💗 配合蜂蜜味 一啲都唔伏 仲好好飲添😍 好清新的感覺 飲完好舒服☺️ 想潤下喉的朋友仔可以試下😍

由於自己唔食辣既關係，平日都好少接觸四川麻辣菜式，但上星期朋友帶我去尖沙咀一間叫做「烏蠅館」食「冒菜」🌶🍜經介紹後先知冒菜係四川菜之一，同麻辣燙差不多。 心想：咁我點食呢？去到才發現有不辣的選擇😌😌餐廳係天星大廈一樓，真係之前經過都唔知😅室內環境寬敞，可能係樓上舖關係，座位間隔足夠，沒有擠逼感Menu就好似平時既車仔麵點菜紙一樣，有多款小食選擇，可揀單人/雙人餐，八款餸都只不過是五十幾蚊～😮重點係湯底有清湯/蕃茄湯揀，岩哂唔食得辣既人😬😬清湯B餐 ～$56友人揀左清湯，原來會有大量芫茜，岩哂朋友既口味😅唔中意食既話落單時記得剔走芫茜/蔥/蒜/芝麻丫。配料揀左豬手、雞翼、淮山片、雲耳、娃娃菜⋯⋯食物份量都不少，清湯底仲加左紅棗，味道唔會淡蕃茄湯B餐 ～$56同樣是八款餸菜，我就揀左蕃茄湯好濃稠又甜既湯汁，唔似平時茄膏溝既貨色配料有雞翼、肥牛、芋絲、海膽丸、海白菜、海帶片⋯⋯一樣係多到滿瀉最特別係海白菜，我都係第一次食，口感似啫喱，原來係藻類既一種，具有清熱解毒功效左：原葉檸檬茶右：玫瑰蜂蜜跟餐加$10，點了杯玫瑰蜂蜜，好香好甜，滋潤一下

午飯時間來試烏蠅館，在門口已感到好新奇，一家「早上飲茶、中午冒菜、晚上火鍋」的店，實在太豐富了吧！進到店內已是滿滿的人，位置密密麻麻挺多的，只是有點擠。牆上有很多茗茶用具和茶葉，似乎是真. 飲茶，近年來多了不少茶館呢，這樣的點綴很別緻。木窗欞外掛著燈籠，實在令人忘了自己身處之地。人人都簡稱冒菜是「車仔麵」實不為過，可以點的菜太多了，最少點六款起跳，有很多火鍋用料，山根午餐肉芋絲多款丸肥牛etc，麵或飯另加四元，換言之可以只吃餸哦。由於本人大意沒點，於是追加了客飯。清湯湯底味道挺濃，加入大量蒜和蔥；另外藤椒湯的風味跟清湯有點像，但有種麻辣感。見到旁人點的麻辣，湯很紅，很正宗吧？以這區午飯價格來說不貴，滿足的一餐，選擇多也不會令人很快厭倦。很想來試它的火鍋喔

今日約左朋友去尖沙咀行街睇野，諗緊食咩好，突然想起有介紹過烏蠅館，一於同朋友嚟試下冒菜。平日夜晚少啲人，去到唔洗等，但夜啲都開始多人，早啲去好啲。有一人餐，二人餐咁，但二人餐有千層肚、黃喉，唔係咁啱食所以都係叫返一人一個餐。$48可以揀6餸豬大腸、豬耳絲、肥牛、蓮藕片、土豆片同火鍋寬粉。麻辣湯底要小辣。小辣真係唔會好辣，完全食到，但麻味略欠，感覺清左啲。蒜蓉勁多，好香蒜味，我幾鐘意。豬腸洗得好乾淨，唔臭，豬耳爽口唔會太肥。寬粉似內地火鍋個種，煙煙韌韌。配料都幾多。餐配$10桂花烏龍茶好有茶香，唔係用出面支裝買既茶而係自己沖，幾有誠意。茉莉蜂蜜，少少甜但有返茉莉既香味，幾好。本身想叫烏龍奶茶，可惜當晚冇，唯有睇下下次有冇機會再飲到。

朋友仔係尖沙咀返工，話呢排發現左一間比較少人識去的冒菜餐廳，所以就拉埋我一齊去試下新野。冒菜，聽都未聽過，咁就一於去睇下啦，去到先知原來係食四川菜，不過環境又設計得幾新派，同我想像中的四川菜館似乎唔太一樣。黎到呢度係好似車仔麵檔咁自己劃野食，有張紙仔可以揀主食同菜式，揀得多就俾得多錢，視乎自己有幾大食而去揀啦。湯底有唔同選擇，例如麻辣、酸菜、清湯同蕃茄湯底等等，不過黎得食四川菜，當然係以辣為主。叫完麻辣湯，發現呢度的湯底又無想像中咁辣，可能係我自己食得比較辣，睇黎下次可以叫辣少少，但朋友就話覺得佢個碗辣度剛剛好，唔會食到好辛苦。而小菜方面份量都算適中，味道不過不失，比較出色就係鴨血、大腸、魚腐等，大家都可以試試。

冒菜，食法跟車仔麵相似，配料、湯底任選有很多配料任擇，粉、飯麵同吃，我那天看不到有薯粉，而配料感覺上不太特別。檸檬蝶豆花味像檸茶酸甜 消暑，亦可解辣麻辣湯感覺麻不多，但辣很香服務禮貌不錯，但服務員只見一個，令送餐出錯

小妹係尖沙咀返工，平時早餐同晚餐都係尖沙咀解決，真係食到咀都歪埋。呢間野睇住佢裝修，又睇住雜誌推廣，成日都想來試下，但次次放lunch 都唔醒起佢，又去左食其他野，今日終於有機會上來試下啦。我同事叫左清湯，佢話有紅棗同杞子，要加分喎！🤭我就叫左麻辣小辣，驚好辣特登叫杯凍飲。我地都簡左6個餸，配麵底要加$4, 飲品就$10, 冷熱同價。埋單每人$62, 價錢可接受，因為多餸選擇，無咁悶嘛。睇得出食材選料方便幾好，唔係d 下欄野，呢d 無得呃人，一食就知。我幾欣賞佢d 杯，凍飲同熱飲杯都算特別，唔係茶餐廳用開果d🤭佢d 飲品唔錯，值得一試。仲有d 碗碗碟碟同台面都幾乾淨，靚女侍應小姐好勤力同快手。成碗麵用料好足，豬手有兩舊，豬大腸有成6,7 舊，呢兩款都夠入味同軟熟。反而豆結同豬皮就硬左少少，但都可以接受。我地都食唔曬個麵，下次要叫少麵，唔好浪費。成碗麵都好野味，每人仲有一粒薄荷糖，比客人除下d 大蒜味👍好貼心。場內冷氣充足，唔驚食到大汗疊細汗，見到仲有部空氣淨化/抽濕機。可能食野太野味，去到夜晚都仲係口渴，飲左好多水都解唔到，我同事清湯佢話無事，下次再試下其他湯底先。

我最愛既面食之一，每次黎親尖沙咀都會想起它！每次都會㨂8餸先夠喉😂仲會飲埋啲湯，一啖都唔淨❤️今次食得豐富少少！哈哈，就快可以試曬佢既配料選項啦🤣唔好睇佢個樣俾佢嚇親會好辣，其實平時食得辣既都可以考慮小辣黎試一試先咖！第一次食土豆粉，感覺係紅薯粉同烏冬既混合體，口感一流！同埋今次終於可以試下一直缺貨的海白菜，感覺好似海帶，但好似蘆薈咁厚身，又爽又滑👍🏼另外腐皮結都唔係道道有得食咖！好開心呀！

由於最近真係買得太多、太多野，晚餐係尖沙咀想搵間性價比高既，慳返個錢，都真係有D難。係OPENRICE碌兩碌就發現呢間烏蠅館 ，主打不常見既川菜味道，價錢亦相當親民，相當之岩我心水。餐廳裝潢都幾雅致，走森林系路線，感覺好放鬆，有CAFÉ既FEEL。呢到單人8餸餐都只係56蚊，係尖沙咀黎講超抵食。叫左個蕃茄湯湯底配 魚皮餃、芝士丸、芝士腸、龍蝦丸等等 。配料主要都係丸類呢D大路野多，全部都有2份，真係好多餸 (食到好飽)。而數特別，就有雞翼、蓮藕片、豬手。雞翼照樣有2大隻，無雪味之餘又夠入味蓮藕片有大量，而且好爽，口感幾好。豬手同樣有2大舊，出手真係好大方，因為出面食個豬手都都係比得3-4舊。好彩地，豬手咁岩2件都多肉，肉質滑，骨膠原位唔少。我就配左白飯，其實仲有米線同四川麵揀，但今日好餓既關係，就揀左飯，蕃茄湯味道清清的，夏天飲落幾開胃，我就淋埋落飯到做湯飯。

又逛尖咀，又行經果條愈來愈多金鋪同藥房既海防道。心血來潮想刺激下脷，又醒起Y假期提過一檔四川野，原來就喺隔離阿士厘道，於是孖女友一探究竟。店舖座落舊商廈一樓，搭LIFT時都冇其他人，開LIFT門後都係見唔到人影，門外招牌大大字寫住「火鍋」，標語「我們擅長用味道表達」好大陸文青FEEL。推開一道沉重既門，裡面座位8成滿，我地隋意搵位坐低。其實當時都唔清楚咩叫冒菜，見到點菜紙既餸有啲似「車仔面」，譬如墨魚丸、豬大腸、午餐肉等等，比較特別既有鴨血，共大約40個選擇，單人餐可以揀6樣或者8樣餸；另有雙人餐都係6樣或8樣餸，價錢比單人餐DOUBLE仲貴，但雙人餐會另送你鴨舌、豬黃喉、鴨腸呢3種隱藏食材。所以…除非你非常好呢3種野，否則建議都係各自嗌再SHARE！另外每個餐加野飲加7至10蚊，唔怕肥既我地，食辣梗係揀汽水。其實咩係冒菜？原來即係麻辣燙，不過應該係成都叫法。我地都保守咁揀左「麻辣小辣」湯底。出餐速度稍慢(汽水除外)，2個人既野大概要18至20分鐘先到齊。女友個碗個色明顯冇咁紅，佢第一口飲左啖湯先，感覺唔夠辣；到我個碗都幾鮮紅，我覺得辣度大概「痰仔」４小辣左右，食到冒汗。個湯底其實唔算

知道公司附近開左新餐廳，當然要去試下啦～雖然呢間餐廳個名叫「烏蠅館」，對一向討厭昆蟲既Si黎講一D都唔討好。。。。。。。不過聽聞呢間餐廳係食「冒菜」，由於唔知係咩黎，就俾次機會佢啦～間餐廳唔算大，不過可能今日落雨，所以好好彩一上去就有位。午餐時間就用呢張紙點餐，感覺有D似食車仔麵，揀8款餸$56蚊，喺尖沙咀食晏黎講都唔算貴～不過就唔包飲品，要另加$10蚊。野飲揀左茉莉蜂蜜，淡淡地無乜味湯底揀左清湯，其實都幾夠味，仲有幾粒紅棗添。其實湯底仲有麻辣同藤椒揀，店員話藤椒係麻多過辣，都好似幾吸引，不過第一次食就試清湯先啦～餸就每樣都有兩件，其實都幾豐富8款餸當中其中一樣揀左土豆粉，又幾得意喎有少少似烏冬，又未去到薯粉咁煙韌，出面好似比較少見～店員話如果另外點主食即係麵飯類，份量就會多D～上菜速度慢左D，都等左成半個鐘先有得食。。。整體黎講幾好味，蒜味濃，但食完個蒜味喺個口有D揮之不去既感覺。。。

麻辣冒菜🌶($56/8餸)-香港真心少見到冒菜店，有時一個人想食辣野，揀冒菜都係好選擇啊，感覺似足自己一個食麻辣火鍋🤪。-$56可以揀八種配料，尖沙咀黎講幾抵食，司令當然係食麻辣大辣啦🤟🏻，湯底幾香，配埋蒜蓉、葱、芫茜，夠曬惹味，配料推薦豬紅，夠滑唔散，寬粉都一定唔少得，煮得煙韌，襯曬個湯啊😍！-如果唔鍾意食辣，店內仲有其他湯底可以選擇，就算係清湯，都唔會好似水一樣冇乜味，唔食得辣嘅朋友就啱啦。

今日做完gym同女朋友經過尖沙咀，諗左好耐都唔知食咩好，上網見有人推介呢間食店，又對冒菜好好奇，所以就帶埋女朋友黎呢度試一試。店員推薦我試胡麻湯底，仲好細心咁介紹我地知，胡麻湯底有少少麻香，但絕對唔會太辣，而且湯底會有油份，但油份係由辣椒仔流出，令一向怕辣怕油既女朋友好放心！我地各點左一碗黎食，女朋友大讚好食過車仔面，而且一次過可以點好多款材料黎食，岩哂佢呢個花心妹😂個人推薦食豬腸，豬耳，雞翼！

中午唔係太肚餓，見聞附近有間食冒菜既餐廳。地方就係棟大廈裡面，如果唔係睇清楚都唔知間餐廳位置。剛過1點，已經好多人，遲少少仲可能要排隊餐廳環境同一般既火鍋類似既唔一樣，環境都唔錯，唔會有好大油煙味。有唔同既set餐，一人份量都可以選擇6樣嘢，款式都幾多得選擇，不過選擇主食就要額外加，如果唔係啲份量就比較少。建議其中一個改為主食比較好啲，唔係唔夠飽。最後兩個人試左麵線同土豆粉，小麻辣和清湯底。午餐時間人都比較多，都等左約10分鐘先來。總體賣相都唔錯，味道應該OK。同大陸啲麻辣燙差唔多，不過改到好似車仔麵形式。首先試個清湯，味道都算清淡下，偏淡一點。如果唔走蔥或者蒜就無乜味。不過總體來講都算唔錯，跟住啲食物質素很不錯。雞翼的滷水味唔錯，其他都係正常水準。不過啲土豆粉就麻麻地，可能煮的時間較長，比較軟身，韌勁差啲。小辣湯底就野味不少，就算平時小食辣野既都可以接受到。覺得比清湯抵吃好多。建議落小辣湯底較好。最後份量建議男士加多份主食。午餐又多個選擇，食完見人龍都排左唔少人。

一点过到，高峰期等了十分钟左右就用餐啦。点了双人套餐，主食配火锅面与宽粉。食物包含了油麦菜，唐生菜，金针菇，芝士丸，鸡肉，肥牛，鹌鹑蛋等大概二十分钟餐来啦我是成都人，感觉这个辣度（小辣）还是可以了，喜欢食辣的可以试试中辣呀~和成都的麻辣不同，麻的部分基本没有，更类似和香港的一种结合。味道不错，种类很多，每种的份量很小，而且鹌鹑蛋没有上!超级喜欢吃鹌鹑蛋的!而且芝士丸只有两个不过总的来说质素还是不错的，而且服务态度OK，没有收+1，表扬!!!