影片
更多
2018-09-10
109 浏览
又逛尖咀，又行經果條愈來愈多金鋪同藥房既海防道。心血來潮想刺激下脷，又醒起Y假期提過一檔四川野，原來就喺隔離阿士厘道，於是孖女友一探究竟。店舖座落舊商廈一樓，搭LIFT時都冇其他人，開LIFT門後都係見唔到人影，門外招牌大大字寫住「火鍋」，標語「我們擅長用味道表達」好大陸文青FEEL。推開一道沉重既門，裡面座位8成滿，我地隋意搵位坐低。其實當時都唔清楚咩叫冒菜，見到點菜紙既餸有啲似「車仔面」，譬如墨魚丸、豬大腸、午餐肉等等，比較特別既有鴨血，共大約40個選擇，單人餐可以揀6樣或者8樣餸；另有雙人餐都係6樣或8樣餸，價錢比單人餐DOUBLE仲貴，但雙人餐會另送你鴨舌、豬黃喉、鴨腸呢3種隱藏食材。所以…除非你非常好呢3種野，否則建議都係各自嗌再SHARE！另外每個餐加野飲加7至10蚊，唔怕肥既我地，食辣梗係揀汽水。其實咩係冒菜？原來即係麻辣燙，不過應該係成都叫法。我地都保守咁揀左「麻辣小辣」湯底。出餐速度稍慢(汽水除外)，2個人既野大概要18至20分鐘先到齊。女友個碗個色明顯冇咁紅，佢第一口飲左啖湯先，感覺唔夠辣；到我個碗都幾鮮紅，我覺得辣度大概「痰仔」４小辣左右，食到冒汗。個湯底其實唔算
店舖座落舊商廈一樓，搭LIFT時都冇其他人，開LIFT門後都係見唔到人影，門外招牌大大字寫住「火鍋」，標語「我們擅長用味道表達」好大陸文青FEEL。推開一道沉重既門，裡面座位8成滿，我地隋意搵位坐低。
其實當時都唔清楚咩叫冒菜，見到點菜紙既餸有啲似「車仔面」，譬如墨魚丸、豬大腸、午餐肉等等，比較特別既有鴨血，共大約40個選擇，單人餐可以揀6樣或者8樣餸；另有雙人餐都係6樣或8樣餸，價錢比單人餐DOUBLE仲貴，但雙人餐會另送你鴨舌、豬黃喉、鴨腸呢3種隱藏食材。所以…除非你非常好呢3種野，否則建議都係各自嗌再SHARE！另外每個餐加野飲加7至10蚊，唔怕肥既我地，食辣梗係揀汽水。
其實咩係冒菜？原來即係麻辣燙，不過應該係成都叫法。我地都保守咁揀左「麻辣小辣」湯底。
出餐速度稍慢(汽水除外)，2個人既野大概要18至20分鐘先到齊。
8餸火鍋寬面
$56
29 浏览
0 赞好
0 留言
6餸火鍋寬面
$48
18 浏览
0 赞好
0 留言
女友個碗個色明顯冇咁紅，佢第一口飲左啖湯先，感覺唔夠辣；到我個碗都幾鮮紅，我覺得辣度大概「痰仔」４小辣左右，食到冒汗。
個湯底其實唔算好麻，同上次食重慶火鍋差好遠，配料主要有芫茜、蔥花、蒜泥、芝麻(我走芝麻)，每樣都落幾多下，其中蒜泥既味道好重，芫莤次之，其實聞落都幾香架！
果8樣餸每種份量唔多，逐樣講下︰
生根正常，但浸多幾分鐘口感會變差；豆皮比一般食到既硬身，但唔係太索到湯汁味；蘿蔔好好食，無渣又入到湯汁味；蓮藕片爽脆既但切得好厚；雞翼本身醃得入味既；貢丸冬菇味濃幾正；腩肉普通味道較淡；油麥菜係最吸到辣既，推薦！
重點來喇，原來我唔記得剔粉面！要麻煩伙記另加一碗火鍋寬粉！半透明既火鍋寬粉，咬落原來十分煙韌，但口感幾好。LIKE既！
總括黎講，我個人PREFER湯底再麻一點，而8樣餸水準中規中矩，價錢2個人埋單先120元多，晚市計係窮人恩物！另外值得一讚，雖然地點位於舊商廈，但餐廳本身室內裝潢係幾有心思，佈置簡單得來算幾優雅。
张贴
