烏蠅館 (已搬遷) 新店位置

連續幾天都在下雨，整個人都軟趴趴，手指也是凍冰冰的。體內寒濕之氣很重，想食辣來祛濕驅寒。剛好聽同事講，這邊有家以辣為主的新餐廳～主打冒菜。她們的評價：係几好味，不過午市好多人幫襯。　誰叫上班一族都在同一時段LUNCH！！　　解決方法，就是避開繁忙時段光顧！　今天放工後，來到同事口中＜味道不錯，無奈客多＞的冒菜餐館。果然，在非繁忙時段，客人不多，更能細看內裡裝潢。有茶餅，有茶壺，木製枱椅，最重要是環境寧靜，所以環境比高分。來到最重要一環：選菜。　看到落單紙上這麼多的配菜和湯底，選擇困難症又會發作。　不過，今天想走肉，即是集中在左邊整棟＜植物系列＞的配料，再選麻辣小辣的湯底加土豆粉，然後註明多蒜多芫茜蔥，另加十元要有機烏龍熱茶。　　　等了十多分鐘，一碗特色冒菜來到了！高身的大碗，放著八餸＆土豆粉，還有堆得高高的芫茜蔥蒜。　先嚐一口特色湯底，帶微微的甜味，亦有點似大陸小龍蝦湯料的味道。雖然味道比較淡，但味蕾的記憶依然認出那個味道。還有浮面橙色的油，是特制的香油。用膳過後，這種油凝固為橙色固體。以前在成都市的火鍋時，常常看到枱面大量橙色固體的情景。再看窗外昏昏暗，雨濛濛，好像成都的天氣。驅寒祛

係漢口道睇完醫生，一條友，又無地方去，上黎睇下附近有咩新餐廳見到「冒菜」好像幾得意，望真啲其實又係個啲一人鍋麵個啲fd，岩晒孤獨精🤣張餐單食冒菜都係四川菜的一種，禁食辣🌶一定要飲凍野啦🥤叫左杯烏龍凍茶，味道好清新，無落糖漿👍🏻烏龍茶葉落左都幾多，感覺有半個茶包，所以茶味好出菜單，一眼睇晒，好簡單的六餸飯原理不過標題都有寫啦，份量偏少，大家見到右手邊有一個紅色框框寫了主食$4，大家千萬千萬要係里到另外點麵同飯，如果係上面配菜個到選得好少好少咋，兩下就無（不過主食都係多少少，建議大食的人加兩個麵比較好）里啲四川麻辣鍋類別，我無論去邊一間都必食鴨血 / 萵筍 ❤️❤️❤️落左單之後等左差不多廿分鐘有多，終於有野食。*要等位的時候諗定食咩，一坐低馬上點菜。如果唔係，等到天荒地老都未有野食*一見到碗麵即係覺得好像返左去深圳食野，勁多香菜 / 蔥 / 蒜 / 芝麻👍🏻👍🏻👍🏻點左麻辣少辣，對於我來說只係帶微微的辣味，唔會食到滿頭大汗😋而且紅油唔算好勁，只係薄薄的一層，可以連湯都飲埋（我見坐對面個人用黎撈飯）豬耳滷得幾入味，夠爽脆，無蘇味鴨血我真係係好多地方都有食過，里間最薄亦都太薄👎🏻成碗先得個四塊👎🏻

真正隱世正店，上樓鋪連個易拉架都係放「車立」口唔係路邊，所以一定要誠意推介比大家！大碗粉有6或8餸 咁多料但每樣都好足料唔會偷工減料，堅有誠意! 粉類嘅選擇都多，火鍋寛粉不得了，索汁之餘又有咬口，正! 但湯底簡直一絕，麻而不辣，感覺到用嘅辣椒好新鮮，食得好過癮！另外，佢哋嘅特飲都非常好飲，個茉莉蜂蜜好清甜，簡直透心涼，仲有一粒粒原粒茉莉花喺到!咁嘅價錢有咁多選擇其實真係物超所值(埋單只係70蚊)，食完一定會覺得非常滿足下次要試埋打邊爐不過佢地好早閂門，最好8點前去到啦!

每日中午食飯都會行經亞士厘道，每次都會見到一個招牌，寫住（冒菜），已經好想試下，但係午飯時間只有一小時，怕唔夠時間，所以今日收工就和同事試試吧！門口設計好有心思，個名都好特別（烏蠅館)七點時段，人流唔太多，有卡位和大圓枱，舖面面積都幾大，環境好優雅舒服😌每人八個餸連飲品，埋單都是＄140玫瑰蜂蜜，茉莉花茶清新感覺，少少甜帶有花味，飲了喉嚨好舒服！䔳茜蔥特別多，不得了👍🏻👍🏻火煱寛粉，少麻辣吸入湯汁，令寛粉好入味亦好有咬口！淮山是營養的食材，清爽的口感，多食有益😋！鴨血，薄切入口更顯滑溜！火鍋麵，麵質爽口，好少地方有得食！因為食材太豐富了，如果隻碗可以濶身些會更好，每款餸我都可以睇得更清楚，容易進食😋

每次經開尖沙咀都會相當頭痛，頭痛在唔知食咩好。今日獨自經開附近，發現呢間食店以冒菜作招徠，我慧食妹當然唔可能錯過！環境方面：呢度以茶葉為主題，放滿好多茶葉裝潢都相當文青，令人想多留一會好好享受。食物方面：店員都好有禮，佢推介左我飲碟豆花茶，有安睡寧神的作用，入口有清淡的花香，應該好多女仔中意飲！我點左豬腸，芋絲，娃娃菜，雞翼，豬耳，寬粉。豬腸處理得好乾淨，簡直係誠意小店！而且亦相當入味，一定會回頭再食！

於社交媒體中，見到有關此餐廳的報導，感覺有點新意及期待，故特意與太太入內一試。 現場所見, 大約有七成滿,吉位不少, 但衛生情況不錯。本人及太太分別叫了兩碗六餸面，一碗選擇要火鍋面，另一碗則要火鍋寬面。而餸方面，則分別點了鴨血、豬手、玉子豆腐、豬潤、豬皮、海胆丸及肥牛；湯底則選取麻辣（小辣）。整體而言，本人與太太均覺得味道一般，與其他車仔面沒太大分別。 飲品方面，本人點了一罐汽水，而太太則叫了一杯檸檬蝶豆花，太太表示該特飲味道清甜，配塔不俗。

近來發現左尖沙咀有個地方食嘢又平又正無論遊客定係附近嘅職員都 識得去，所以平時lunch都幾多人，“烏蠅館”位於亞士厘道天星大廈1樓，我見樓下都冇特別嘅水牌指示，所以係識食嘅先識上去。佢哋主打四川冒菜，有啲類似車仔麵形式，分別有一人六個餸或八個餸既餐，另外仲有二人餐，一人六餸餐都只係48蚊，對於女士嚟講已經夠曬飽。我哋每人點咗一個八餸餐，八樣餸真係好豐富，佢哋嘅餸菜選擇好多 有成40幾50種選擇，成日嚟食都包你唔會厭，湯底亦都有好幾種有麻辣、酸菜、清湯同蕃茄湯底等等， 食得辣嘅就一定要揀麻辣或者酸菜湯，兩種菜湯底都超級野味， 反而我覺得酸菜湯底仲比起碼湯底更加辣。而面底有四川火鍋面、米線、火鍋寬粉同土豆粉，我想一次過試曬兩種面底，所以主食係揀咗火鍋面，而餸嗰度就揀咗一個寬粉，咁就可以一次試曬兩樣面底， 我個人就最喜愛火鍋麵 佢有啲啲類似公仔麵 但係佢嘅口感比公仔麵彈牙無咁淋，索咗酸辣湯就非常好味。而配料就真係非常多嘅選擇，魚腐、雞中翼同埋午餐肉就係我最喜愛嘅，餸菜份量同主食既麵底都好多，食完一碗已經非常滿足。另外飲品有多款選擇，可以加錢點選，我就飲咗熱桂花蜜，桂花蜜非常清甜，桂花味又香

今日同朋友去左尖沙咀食午餐，去左一間餐廳叫烏蠅館！形式好似車仔麵，但味道和選擇就非常創新特別！我先選湯底，叫左清湯。另外要選擇主食，我就叫左特別既火鍋寬粉。單人餐可以叫六款餸菜，我就叫左魚皮餃、豬耳絲、牛丸、墨魚丸、海膽丸、海帶結！選擇好多好吸引呀！飲品我就叫左玫瑰蜂蜜！火鍋寬粉味道和口感都好特別，入口爽口好滑溜，掛湯力好高，清湯底味道唔好好淡口，反而香甜清香！我好鐘意食丸，叫左好多唔同味道既丸試一試！我好鐘意海膽丸和牛丸，入口非常彈牙，而且有獨有味道，海膽丸味道濃香最驚喜！朋友叫左都係清湯底，主食叫左土豆粉。餸菜都可以叫六款，墨魚丸、雞肉、豆卜、蒿筍、貢菜和菠菜。依款就比較健康，豆卜吸哂湯汁味道都好出色，土豆粉朋友大讚，而且蔬菜新鮮好爽甜！間中經過可以食個午餐！

約左朋友出尖沙咀飲野，因為我早到左，所以去埋亞士厘道接埋個Friend放工。 佢提意去佢公司樓下間四川小店食少少野先。 果間四川店，原來係食冒菜，有麻辣火鍋食，不過要預約。 我地當然唔係食火鍋，而係食冒菜車仔麵。間店以木色為主，我見牆上仲用好多茶具，茶寵做裝飾，個Friend話個老闆以前做茶葉生意。 所以特別喜歡同茶有關嘅擺設。我地兩個都係點單人A餐，好似食車仔麵咁，要自己剔紙仔揀六個餸，個Friend推介，主食揀四川火鍋麵，跟餐加錢仲可以試原片茶葉特飲。我杯原茶檸檬茶，口感清新怡人，原片茶葉真係比一般檸茶香醇。 個Friend果杯，有機烏龍茶，都係原片茶葉，茶香清新、濃而不澀。我碗麻辣冒菜車仔麵，湯香辣但唔算麻，唔太油膩，又無麻辣鍋嘅霸道氣味，自選配料我推介午餐肉同鴨血。 不過我果碗d 麵質比較硬，如果唔係咁硬會更好。 店長好好人，當佢知麵質硬，佢想再做過一碗比我，不過飲野前我唔想食太飽，所以婉拒左。個Friend果碗係清湯全蔬麵，不過佢果碗d麵質剛剛好，唔會太硬。我應該會再來試下佢地個冒菜火鍋。 

今日見新假期有廣告，所以決定試試呢間車仔麵。門面唔算係好出眾，地點都唔算係難搵之前到點餐啦，我就點左單人 A餐，係有分$48 六餸 同埋 $56 八餸的。我就點左一個六餸餐， 另加 $4 要土豆粉，其實個湯底係ok 既，不過個土豆粉真係少到離晒譜，得兩啖😂， 都唔知好嬲定好笑🤷🏻‍♀️。講下d 餸啦， 千其唔好以為六個餸好似好多咁，基本上娃娃菜都係得兩條，金菇得幾條，大腸得一塊🤣🤣🤣。一個女仔份量叫六餸，其實唔係好夠🙊再講下個野飲啦，我朋友叫左呢個檸茶 係冇茶味，只係水 加糖，仲有d 茶葉做下裝飾🤣🤣而我叫左呢個玫瑰蜂蜜， 都係水 加糖， 下面多幾塊玫瑰做下樣囉🧐🧐勁伏總結：呢度個湯底其實幾好，但建議店主唔好咁孤寒😂，落多小小麵或餸，五六十蚊，呢個份量就唔多值。 同埋千其唔好叫佢地既特飲，超難飲，叫返汽水好過🤭👋🏻

傳媒既威力真係唔少野，一介紹完真係比平日多左勁多人，一上到去成個門口都排哂長龍，等左十幾分鐘先入到去。外面有個大大既標語寫左我們擅長用味道表達，亦都有寫左一啲佢地既特色，少少既巷仔用左黑白既招牌標語表達。入面都有好多中式既擺設，最吸晴既一定係個木架既茶杯茶壺牆，放滿哂好靚好有特色既器具，另外仲有放左一餅餅既茶葉。可能突然人多關係，啲餸真係要咩就無咩，改完又改仲要錯完又錯不停黎問左幾次先確認哂，仲要不停送錯枱，最後等左四十分鐘先食到，另外出餐收餐同一個地方都幾污漕。咩都無既情況下都要揀左六款，《麻辣六款餸》($48)四川冒菜係燙熟小茶再用調汁撞落小菜度，小辣湯底係辣而唔膩易入口，土豆粉索左湯汁夠入味，特別既餸賣哂只係試到鴨血，餸菜用左水煮所以有啲未夠入味。野飲都係搞錯哂，不過黎左就照飲唔係都唔知等幾耐，《桂花蜂蜜》(+$10)同《有機烏龍茶》(+$10)，兩杯都係茶味較出，不過都係麻麻地好飲。店名：烏蠅館 地址：尖沙咀亞士厘道38號天星大廈1樓B舖餐牌:

今天午餐想食下新餐廳。這間餐廳位於尖沙咀亞士厘道，他們供應比較少有的冒菜。心中好奇什麼是冒菜，然而見他們差不多全是好評，今天試試看。午餐有四款，分別為單人餐及二人餐，價錢為$48-$128。 這間餐廳裝潢都幾型格。餐廳外牆掛著藤製小燈籠，窗戶又有別緻的格框，而牆上放置多種中式小巧的盛器，滿有中式元素，感覺古樸又不失現代感。這兒的麵食有五種主食可以選擇，有一般的白飯或米線，也有比較特色的四川火鍋麵、土豆粉和火鍋寛粉。麵餸的選擇唔少，有成五十款！而湯汁也有四種可選，組合彈性幾大。單人餐B 餐8款$56+$4土豆粉今曰選了魚皮餃、龍蝦丸、牛丸、墨魚丸、蘿蔔、冬瓜、雞髀菇、豬潤配清湯土豆粉。每款的麵餸都有兩顆，每一款的味道唔錯，起碼唔係無乜味又粉的劣質丸。龍蝦丸幾彈牙；牛丸爽口又有肉汁；墨丸都有墨丸味；蘿白唔係咁入味，但煮得幾腍；豬潤就麻麻地，由於切得太薄又太熟，口感有點硬。然而這碗麵都幾有個性，清湯味道淡淡的，土豆粉上有滿滿的香蔥和紅棗，配搭有新鮮感。土豆粉粗身，滑溜溜的，唔係咁Q彈，但口感比米缐好。玫瑰蜂蜜$10這玫瑰蜂蜜味道清甜，穩穩約約的透出玫瑰香氣，唔錯。$56的麵食有成八款餸，雖然

近排最愛烏蠅館辣妹又出動，今次晚餐近近地去左好就腳既烏蠅館，一如既往既正！我叫左一個大辣麻辣湯底，辣味同蒜味都好足，好上癮！最正係佢可以揀8個餸，任揀唔嬲，一定可以配搭到你最愛既口味不！特別推介，淮山、貢菜同蓮藕，好爽脆，同湯底非常夾。食肉既朋友千其一定要叫豬耳，又入味又脆口，好味道！唔係太食得辣既朋友，可以叫小辣，麻香得黎唔會辣到入唔到口，可以一試！另外，當然要飲佢地既養生野飲。桂花烏龍茶，好清好解渴，飲完解晒油膩咁。烏蠅館係正尖沙咀，又好味環境又好又就腳，店員服務好好，大家愛冒菜愛辣既一定要試呀！

又到放工後要匆匆一人吃個晚飯然後去上堂嘅日子，但係匆忙得來總不能虧待自己！今次就搵到呢間近嚟人氣幾高嘅烏蠅館，聽落名字已夠趣怪，仲要係食聞所未聞嘅冒菜，最鍾意試新野食嘅我當然要一試啦。餐廳係樓上鋪，位置不太顯眼，但係估唔到晚上6點半左右餐廳幾乎已經坐滿。一人餐基本上一係就六餸麵一係就八餸麵，極肚餓嘅我當然就要了八餸，點菜紙嘅形式就好似食車仔麵咁揀餸，望住三四十款唔同嘅選擇，選擇困難嘅我掙扎左起碼10分鐘先揀好。最後我叫了娃娃菜、通菜、豬潤、貢丸、肥牛片、豆卜、魚腐及鵪鶉蛋，湯底揀了麻辣小辣，再選了火鍋寬粉，蒜蓉芫荽葱全部都要。一上菜見到綠色鋪滿成碗麵，啱晒芫荽控嘅我!翻開滿滿嘅芫荽終於見到我叫嘅餸，八樣餸嘅份量果然唔係講笑，而且麻辣湯底味道調得剛好，尤其係牛肉同豬潤吸收晒湯嘅精華份外惹味。第一次食寬粉，口感超級煙靭，少啲牙力都食唔掂！餐飲點了熱檸茶，檸茶用原片茶片沖成，茶味香濃。

平時去開尖沙咀都係係h8個面搵食 今次朋友上網見倒烏繩館 所以一齊去試試 而且我個人好鐘意食辣 所以好吸引去左亞士厘道都搵左一陣先搵到 上到去見倒都好full 我地三個人 原本以為要撘枱坐 但店員示意我地去後面圓枱坐 而且好有禮貌不過去到既時候有好多野都無晒 而目限定6款或者8款餸 我點左6款 豬耳 芝士腸 芝士丸 生菜 蓮藕片同埋火鍋寬粉 食物都好足料 所以我無加麵都已經好飽 講一講湯底 我點了麻辣小辣 其實本身想試中辣 但因為只有大辣同小辣選擇 但個人而言 下次再食會叫大辣 ，另外試左朋友既清湯 味道稍嫌有d咸。