為食仔海鮮火鍋專門店

营业中

休息中

個個係都係黎食麻辣卜卜蜆煲 我就要試下呢到未被人發掘嘅美食😂 （其實係我唔食得太辣🙈🙈🙈）所以我地叫左呢個胡椒豬肚雞黎試下呢個湯一上枱就聞到淡淡藥材味同胡椒香味 唔會過重或過輕 飲落一d 都唔油膩 都唔會太辣 而且好鮮味 飲落好滋補 湯入面亦都冇豬肚個種腥味 或者雞個種雪味 正👍🏻👍🏻👍🏻豬肚食落好爽口 雞都好嫩滑 好值得黎試下😆😆跟著我地仲叫左個韭菜餃 加落個湯一齊食 韭菜餃好鮮味 餡又多 熟左一咬 好多汁爆出黎 配合胡椒豬肚雞湯黎滾 好好味👍🏻👍🏻

夏日熱辣辣 梗係要食番個麻辣雞煲 出下汗 排下毒啦😂一黎已經聞到好香麻辣味 正👍🏻 上格再煲滾番 就食得 雞件都有好多 應該唔止半隻雞 而且件件都好嫩滑 一d 都唔鞋😛個醬又夠惹味 唔會太咸或者太油 麻辣度岩岩好😆😆😆 一食就停唔到口😋😋 差唔多食曬d 雞 可以加上湯打埋邊爐😚餸方面我好想推介呢個 芝士墨魚丸一口芝士爆曬出黎 所以要小心吹凍少少 唔好好似我咁辣親😂而且個墨魚味唔會比芝士味搶左 正👍🏻雖然呢日黎有好多人 但侍應忙到踢曬腳 但服務態度都勁好 又會成日留意我地有咩需要👍🏻👍🏻

呢日黎到呢到 突然掛住好耐未食過嘅龍蝦 就叫左呢個 龍蝦湯冬陰公海鮮鍋 黎食夏天食辣野真係好正 辣出一身汗就最舒爽😂😂講番呢個鍋 個湯底好濃郁嘅龍蝦味 配搭埋冬陰公湯 真係冇得輸 而且冬陰公配合番香港人口味唔算太辣 龍蝦同海鮮都勁足料 食整都仲有😂龍蝦鍋配芝士拉絲飯呢個龍蝦鍋仲可以配個芝士拉絲飯 怕唔夠飽嘅人可以叫 飽左嘅人都要叫 因為真係好好食😆😆個飯加左個龍蝦湯再撈 會變到好似risotto 咁💖💖💖 超級好味象拔蚌仔呢個好新鮮又冇沙 做開胃菜一流👍🏻👍🏻👍🏻

一直以為這間店只得蜆煲吃，因為蜆煲是這店的招牌菜，發現原來還有很多特色火鍋，今天就跟朋友特意點選了這款龍蝦湯水煮龍躉鍋。龍蝦湯水煮龍躉鍋，顧名詩意就是用龍蝦湯煮成的龍蠆鍋，用龍蠆作為火鍋主食，還真是第一次，龍蠆足料大條，豪氣十足！龍蝦湯底異常濃郁，除了有龍蝦的味道，更有龍蠆魚油的鮮味，湯底濃而鮮甜，份外驚喜！當然不少得本店主打的辣椒香蒜等香料，辣的龍蝦湯底更能突出龍蠆的鮮味！很有川菜水煮魚的特色，更亦有廣東粵菜的味道！作為火鍋湯底，夠創新特色！手打四寶丸火鍋當然要有火鍋配料，方稱得上『打邊爐』。手打四寶丸可算是中高質的中菜火鍋店才有的配料，沒想到這親民火鍋煲餐廳，也有得選擇！一般火鍋店一分都只得四粒，而這店竟有八粒，價錢亦相當宜人！四寶丸分別有牛丸、鯪魚丸、墨魚丸和蝦丸。手打丸比一般機打的丸，就是多一份彈性的口感，用料也份外足料，入味！田雞份量也相當足，少見火鍋店有田雞配料，肉質鮮嫩，又多肉，十分大隻！

講起卜卜蜆就諗起有一次去澳門摸門釘既經歷，搞到一直都好想試，原來香港都有又有睇過唔同介紹朋友食過又話好正，咁就去試下啦。個煲真係有好多蜆我諗都有1-2斤，湯底就比教清用蒜蓉辣椒去調味，但d蜆都比較細隻唔夠滿足，不過當見到d蜆打開真係會覺得開心，食到咁上下我都係覺得佢個湯唔係好夠味，只係食到蒜同辣唔係好食到鮮味。我地就叫左個象扙蚌三文魚刺身，新鮮既唔錯！我覺得佢d配料都有心思，各款手工丸類都好特別，我就有試佢個墨魚奶黃丸， 都幾得意可以試下，而哩個牛肉拼盤都新鮮有肉味既不過價錢就貴左d，我覺得叫手切牛就夠啦。整體黎講，都唔錯既但價錢就貴左小小啦，930之後入座就應該會抵d，都可以試下！

我半年內總共係為食仔食咗4次，第一次食，我覺得超級好味，蜆好新鮮，好甜。但今日嚟食，蜆係無味架，我好失望！希望可有改善！而員工態度抵讚！特別係扎馬尾既姐姐，好主動！

返到屋企打開電視見到東張西望介紹一間火鍋店用6分鐘食完辣蜆送手機做卓頭，本來都唔覺有咩特別，依類卓頭經常有唔同店舖都會做，睇落去原來佢湯底係用非洲同印度辣椒乾製成，聽落去覺得勁辣又惹味！唔食辣唔安落又自命食得辣嘅Venus決定衝去試！ 上文提要食飯慣咗book位嘅我去到就唔使等位直入la~~~入到去見到全場都冇人食依個18禁卜卜蜆煲都有D擔心係咪真係咁辣@@唔理la！一場嚟到就係為咗食依個辣蜆煲！死就死～豁出去la！叫依個煲果陣職員再三提醒好辣！嘩！搞到我都緊張埋！ 18禁卜卜蜆煲上場la！嘩！一片紅海......聞到d味都打乞嗤！開始擔心緊頂唔頂到......周圍d客人都向我地依枱報以驚訝嘅目光@@睇下幾咁紅！！！ 職員介紹返可以另外嗌嘢食用返依個湯底打邊爐18禁卜卜蜆煲係為食仔新推出菜色，招牌龍蝦海鮮鍋係佢地鎮店湯鍋 都幾多特色自家製食材 除咗啤酒仲有紅酒同白酒飲 最後我地加左稻庭烏冬、皇帝菜、自家製紫菜炸響鈴 好！入正題la！開始食之前俾大家睇下非洲同印度辣椒乾@@ 足料3斤蜆！真係無呃秤！仲要大大粒！多到個煲都差d裝唔到！ 嘩！好辣阿媽.jpg~~真係辣到頂唔順！現場睇係食到流

今晚食左卜卜蜆，職員拎到埋黎已經成鍋都係蜆。超多亦好好味，另外都order了一個鮮蝦水餃亦好好味，蝦同肉既比例合好，所以覺得好好味，價錢勝價比亦非常合可，有時間會再食

食過2次，第1次等蜆熟冇搞搞個湯所以冇乜味第2次浸哂D辣椒蔥蒜落底就夠味啦推介鹹蛋黃墨魚丸（叫咩名吾記得啦，系個拼盤到食到）咬開好香吾太鹹 個丸吾會粉肥牛都吾錯，幾新鮮菠蘿沙冰吾太甜幾好飲 但價錢略貴左D但真系好熱好焗 冷氣吾夠再加埋全場D煙 食到一半有小小辛苦火就吾知因為爐問題定驚太大火會痴 個火食2次都系較弱雞服務還好 算系咁 始終咁多人食又要顧2邊鋪 等耐小小先有人應 但時間可以接受。蜆殼都幫您清得好快手~問題系店員真系會瘋狂問您食吾食刺生同其他海鮮配料 話吾洗轉個頭都會繼續問有小小覺得煩整體黎講算吾錯幾抵食“4個人大約800蚊左右” 吾會特價就小左份量（2130後原味蜆煲$98）最大問題就真系個冷氣

久不久的朋友聚會，經一輪不容易的時間遷就下定了日子同地點，埸地就沒有太多要求了，因為火鍋店大家都不會太要求的，座得ok略嫌座位狹窄，不過香港人都是習慣的！火鍋最重要就梗係湯底喇，而湯底我個人亦偏向叫店內主打出名的，因為既然試新店就梗係要試你響朵的名菜喇！大家下了兩個鍋底1.招牌龍蝦海鮮鍋。2.卜卜蜆煲！另外頂級本地手切牛頸脊，响玲，餃子，種種火鍋必備的都下單了！單看火鍋配料新鮮度是合乎標準的，以這個價錢我覺得是應該的！龍蝦海鮮湯底一些龍蝦味都沒有，根本就係一個普通到爆的上湯加晒啲材料上去就上枱，本身個湯底味道就已經無味，加埋啲海鮮頂多只是一個滾湯！對火鍋食物的提味一些都沒有！至於個卜卜蜆煲我下單前問佢辣唔辣有乜分別，他答我只差辣椒數量，可以自加！佢講得真係無錯這個卜卜蜆湯根本就係清水加蜆甚麼都沒有，可能我誇張咗，因為我覺得清水同佢嘅清湯無分別！當然本來火鍋料只要新鮮其他都可以填補的，但我7個人你收得3000幾你比這種料我是否有些那個呢！如果個湯底稍有誠意我都過到的！但連其他食物都影響我真係接受唔到囉！

聽過朋友個朋友講話好好食~亦有上網搵過,有讚有彈.....決定嚟會一會佢~~只係早兩日喺Openrice度訂座,好方便不過5人以下得1.5個鐘,實在太唔夠時間喇~去到叫咗個原味卜卜蜆~個鍋嚟到我見湯底太清,就放咗啲蒜粒同辣椒粒落去.....等到佢滾開蓋時~熱滾滾~我哋都齊齊都: 嘩~~~好似好好味咁喎~~但一食落去,原味真係原味,原來湯底只係清水(我估),再加上朋友加咗蒜頭同辣椒....完全唔好味,蜆太細太瘦,得幾粒係大,我本身都有預計會有沙,但其實都幾多沙我哋另外叫咗一碟牛,一碟丸,一碟菜牛,丸,菜都好味,但重點係....個鍋除咗喺我哋一開始打開蓋之有滾水咗一陣之後,就一直無滾過喇,換咗gas都係唔滾,唔知係咩問題喇~~(我哋有企起身睇其他人,都好似係咁)啲牛肉,丸同菜都係浸熟,我哋齊齊望住個煲等佢浸熟....如個咁樣的話,得1.5個鐘,真係唔夠時間囉~想叫多啲嘢食都無時間....應該唔會有下次...

聽講呢間蜆幾好食，一去到食，除左辣不外如是，蜆好細粒，好多死蜆重點係佢本身話可以食個半鐘，但我地一食完（一個鐘）就係咁趕我地走蔗渣既味道，燒鵝既價錢，垃圾既服務態度

旺角可以話係香港最多美食既地方，亦係香港美食創意既英雄地。早前就係網上唔同既渠道都聽講過旺角18禁卜卜蜆，識得食住之前18禁辣條水，係叻叻既過左一段時間，本身又係愛蜆之人，終於都忍唔住要去試下~不過做過功課18禁辣真係有返咁上下料到，自問自己未夠玩，都係揀番原味食算~個人揀原味其實都有一個原因，因為我覺得咁食可以食蜆肉本身既鮮味！果然無揀錯，個煲蜆足三斤，而且肉身的確比平時食既特色大！湯底有咁多蜆去煲，必然係鮮甜，加上辣椒、香蒜、蔥，個味都好充足，有基本適中既辣度~~另外亦點左個黃沙豬潤，真係好大塊好抵食，無諗過會有咁大塊，仲洗得夠乾淨！口感唔會話沙到一餅野咁，又番少少質感、爽嫩既，外層口感爽脆,中央就綿滑如流沙！桶蠔好creamy，好適合煲煲食，亦都係洗得乾淨既，肥美，唔會縮好多水，可以一試！呢餐總算無揀錯喇~~~

香港人一向喜歡吃、喝、玩、樂！尤其是喜愛食海鮮，而蜆更是甚！原來蜆都可以咁樣食，做邊爐喎更鮮味！湯底充滿海水味道，蜆外殼大隻得有光澤，數十隻堆砌在窩內，肉厚，有彈性，無沙，乾乾淨淨！加上蒜容、辣椒、葱，更色香味俱全！加上一碟墨魚奶皇包，外形白雪雪，又彈牙，內裡奶皇，最佳配搭！超用來加在蜆的邊爐，好像食湯包一樣。再加一碗白飯做湯飯，靚呀！

久聞旺角卜卜蜆，終於有機會一試了！原味的卜卜蜆，看著送到桌子上時，感覺口水已經流滿一地，太愛吃。這個卜卜蜆加了那麼一點點的辣椒，還有加了一點蔥和香蒜，所以吃的時候能吃出了一點點的香蒜味。另外，吃蜆時能吃到鮮甜的味道，連湯也喝得出蜆所帶出來的鮮甜味，蜆的口感並沒有很韌的感覺！！【墨膠奶皇丸】看到名字, 有餡在裡面是一定的，但沒有想過一口咬下去, 餡是流心的奶皇啊!外皮口感跟普通的丸是差不多, 但有點滑滑的, 並沒有那種"鞋"或"韌"的口感......而流心奶皇的部份, 味道不會太甜, 吃多幾顆也沒有膩的感覺！！生蠔吃的之前先浸一下, 也蠻大隻的, 看上去也蠻新鮮的,吃上去也沒有很腥的味道，清爽又有點軟軟的感覺！