為食仔海鮮火鍋專門店

营业中

休息中

本身好鍾意蜆嘅我見到有呢個 ”卜卜蜆”就滿心期待個鍋一嚟到賣相係ok嘅但食落去就係無味就好似白灼咁，因為可能無叫地獄蜆煲叫咗普通蜆煲而其他火鍋料係新鮮嘅，不過打邊爐最緊要都係個湯底

呢排其實成日留意社交媒體的餐廳食評，見到有介紹卜卜蜆，就覺得好有趣好想試，加上本人幾中意打邊爐n食蜆而且翻左新工幾日，星期一至六忙不停，所以趁星日同男友撐枱腳。我地book左7.30，準時到達，店鋪都算大，有十幾張枱，我地一坐低店員就好細心俾個爐同menu我地，我地點左卜卜蜆煲，生菜，手打四寶，響鈴，聖子同肥牛。材料好快就到，一路等緊d卜卜蜆熟的時候，我地都係度討論d食材幾新鮮。滿滿的蜆！好正！d湯有d辣但好清甜！食唔停口！店員好細心幫我地執走d蜆殼，值得加分！肥牛一般，但價錢合理。手打丸好新鮮，幾高質，幾彈牙有口感。響鈴無乜特別，但係幾好食。聖子好新鮮，好爽口彈牙！值得一試。最後當然要嗌翻碟生菜。埋單600幾，不過不失啦，下次試下930後黎會再平d。

很久以前已有朋友推薦這家打邊爐餐廳給我，可惜當時正值夏天不想打邊爐。近日秋涼，立即訂座試試。蜆煲一直是是這家店的有名菜式之一，難得來到必定要一試，另外還點了手打牛丸，安格斯牛肉，紫菜響鈴。蜆煲非常足料，全個煲鋪滿蜆，湯底微辣，非常惹味。安格斯牛肉，牛味十足，口感腍；手打牛丸非常彈牙。整體來說，如果大家想吃高質素打邊爐，必定要試試為食仔。

約左D舊同學聚舊, 有人提議出旺角打邊爐, 跟大隊黎到為食仔, 除左出名既卜卜蜆, 仲有其他鍋.人多要左款龍蝦湯水煮龍躉鍋, 好大鍋, 龍躉有頭有尾, 大條魚魚肉特別滑溜, 慢火慢慢滾起都唔會韌, 好鮮甜, 魚皮亦夠彈. 至於個龍蝦湯都好鮮甜, 加埋D蔥調下味.隔離枱碟牛肉好正, 我地又叫左碟牛頸脊, 脂肪分怖得平均, 油脂豐富, 好JUICY, 牛味濃郁.手打四寶丸, 有墨丸, 蝦丸, 鯪魚丸, 牛丸, 夠晒爽口, 響口腔彈下彈下, 每款丸用料認真, 食到原有既味道, 唔會款款同一個味.午餐肉都算厚, 淥完無咁易散. 呢度既餃類亦好多選擇, 要款黑松露鮮蝦餃, 包得夠實, 餡料無咁易散出黎, 皮夠薄.蝦餃好彈牙, 黑松露味又香又濃, 而且感覺無咁飽濟.除左主要鍋底出色, 其他火鍋料都好用心製作.

想食卜卜蜆已經一段時間趁有時間空檔就不如去旺角吃下啦兩個女仔真係勁大食，叫咗勁多，誇張出發我已做足功課,雖然第一次應該試正宗卜卜蜆，但係怕辣嘅我都跟各食評家建議食18禁卜卜蜆已經叫咗小小辣，仍然食到出曬汗食辣可以驅寒，啱曬蜆份量多，粒粒都有肉，新鮮飽滿叫咗手切肥牛，花枝片牛肉加埋辣汁好正，必食墨魚滑出色，蝦丸就被比下去可能再食會食蝦滑食食下唔夠喉，再叫餃子出色，不過兩個人食又真係太多最後食烏冬簡直係畫龍點睛下次再食要試9:30減價時段💪🏿💪🏿值得一提呢道店員親切有禮就算食到過時都冇話熄爐趕我哋走

食左胡椒豬肚雞煲 個湯都幾辣下 怕辣既朋友就唔好揀呢個 個湯豬肚都幾好 係雞比較少同瘦 不過比一般出面食到既胡椒豬肚雞好食 值得一試👍🏻另外佢有個卜卜蜆煲 有分辣同唔辣 我見人地食好多蜆 下次會試下

上次黎食過好正, 趁假期又約埋D朋友一齊再食過, 不過今次幾多人, 要等左一陣先有位.今次都係要左卜卜蜆, 鍋底唔貴而且蜆既份量又多, 食晒卜卜蜆就開始打邊爐.近住中秋最興奶黃, 要左碟蝦膠奶黃丸, 加左少少奶黃, 所以睇落都係黃黃地既, 不過食落就唔會太重味, 奶黃味道清D, 唔會太甜.仲有黑松露鮮蝦餃, 皮夠薄但無穿, 蝦膠食落好爽口, 而且黑松露味仲幾濃香. 手切牛頸脊打邊爐既精髓, 厚薄適中, 入口特別彈牙, 而且軟腍有咬口, 肉既鮮味一啖啖浸出黎, 令人回味.新鮮魚卜好大個, 好滑唔腥, 食落好爽口, 索埋D湯食更加好味.

響附近收工, 同同事食埋飯, 佢地話呢間食卜卜蜆出名, 時間仲早walk in唔洗等太耐.一心都想打邊爐, 所以快手整碟手切牛頸脊, 脂肪紋里分怖好平均, 食落非常彈牙嫩滑, 一D都無韌, 手切功夫不錯. 而且肉味好濃, 牛味十足.蟶子王大隻, 肉質都幾粗身, 食落飽滿肥美, 鮮甜.黑松露墨魚丸都幾特別, 味道清清地但好香, 咁食無咁易漏, 手打丸爽口彈牙.芝士蝦丸芝士味唔算太濃, 易入口唔漏, 除左芝士味仲食到少少既蝦丸味, 同樣爽口彈牙.蟹棒而唔係蟹柳, 條條都手指咁粗, 鮮甜軟嫩.整體食物都足料新鮮, 丸類款式夠特別.

經網上介紹，得知為食仔既卜卜蜆好出名。咁就二話不說去試下。因為訂左枱既關係，所以去到即刻有位唔洗等。去到即刻叫個18禁卜卜蜆煲(麻辣)試一試。個煲黎到好吸引，而且好重麻辣香味。點知一食落去大部分都有沙，肯定未處理好。再叫一碟手切肥牛試下，鞋恰恰，完全失望。坐底唔夠一小時便埋單走人。價錢仲要完全係又貴又唔好食。只可以講 無下次。

琴晚同我講我咁多人要唔要房3600。重話有2800房。我話今日覆。同佢講要2800房。佢都重覆我話琴時隨時入座。轉個頭打黎話冇。服務真係差到不得了。原全地失望。未食已經差評。

在open rice app 約咗18:30一人套餐，18:21到達，但店子啲阿姐們個個都話18:30先開工，想入去坐住先咁等都唔比⋯使唔使揸到咁正呀？依家天時咁熱，企在街上真係十個不願⋯咁約咗果個時間如果之前啲人未走係咪都揸正即刻比到檯我呀？未食都已經心情受影響囉⋯⋯18:28 核對預訂，18:30帶入座，坐底即時拎調味料比我，但大夥兒似乎唔係咁知一人套餐嘅野，最後由一位阿姐指導大夥兒有一人套餐依樣野。一人套餐係餐廳指定，所以無得揀，而之前都無資料睇到一人餐有咩東東⋯⋯⋯⋯⋯內裡裝潢充滿神密嘅一人套餐終於有些食物出現我面前，18:41一碟牛肉拼豚肉和一籃雜菜出場，但最重要嘅鍋還未出現，教我如何是好？生食牛豚刺身同沙律菜？最早嚟到但眼見遲過我嚟嘅食客佢地個煲煲都陸續上檯⋯咁我果個呢？？？？？唔通個一人套餐係唔包鍋？ 問完一個又問一個，答案係啲煲係即整，但遲過我嚟嘅好幾檯個鍋都上咗⋯最重要嘅終於在18:50隆重登場其實眼見係一堆生蜆上面加啲生蒜茸、生辣椒、生蔥同水，都只係放入煲，一分鐘都唔使嘅蜆嘅數量大約有卅幾隻，細細為主當中有幾隻大少少。湯底辣辣地但湯是很淡，正如之前睇其他食評所言，幾

響旺角收工, 呢頭大把野食, 行來行去睇, 記得呢間為食仔響網上睇過D片幾得, 一於入去試下先.雖然主打卜卜蜆, 但我驚蜆唔夠飽, 所以都係要雞煲穩陣D.呢款麻辣魚春魚卜雞煲, 麻味夠香, 辣味唔算太重, 易入口.雞肉都多而且唔會太乾, 幾滑, 而且索晒D麻辣味. 至於魚春魚卜好少機會出街食, 咁樣整法好入味, 而且一D都無腥味, 好滑溜.食完雞煲加湯打邊爐, 要左碟手切牛, 雪花非常平均, 紋里分明, 厚薄剛好入口特別彈牙, 食落juicy, 而且肉味又香又濃.仲有拼盤丸, 有蟹子丸, 墨丸, 黑松露丸等等, 因為手打非常彈牙爽口, 黑松露丸仲有陣陣香氣, 幾款都好好味.新鮮鵝腸至愛, 鵝腸唔算太肥, 乾淨. 夠大片, 淥完唔會縮到細細粒搵唔番, 食落仲好爽口.份量夠飽肚, 而且新鮮, 下次黎會再食卜卜蜆.

經openrice 訂檯，餐廳好快回覆確認！當日仲會有個whatsapp 提示！讚！本人唔食得辣所以只揀左原味蜆煲！原味都會有少許辣椒粒加蒜做湯底，等左6分鐘左右蜆開始一隻一隻打開！一埋蜆有大有細！雖然係原味湯，但配蜆一齊食都夠味道！建議先食蜆後點火鍋配料我們只有2人所以食左一煲蜆，之後點左手切牛頸脊，響鈴，手打蝦丸，蝦水餃共4款及2杯咸檸7食物新鮮好味，飲品一般及需要改善室內空氣，冷氣不足一邊食一邊流汗，隔離檯要用自己風扇仔！

同舊同事黎依度食生日飯，記得要book枱呀，因為真係好多人架！一坐低，我地就決定食卜卜蜆！但因為同事唔食得辣，我地就試唔辣口味。卜卜蜆一到，嘩！好多呀！正！等到佢滾，我地就開動喇！我地先食左蜆先，一路食，火鍋料就一路送上，我地叫到一枱食物，好豐盛呀！蜆肉都幾鮮味呀，我地個個都食唔停口肉類我地叫左手切肥牛，仲有黑豚肉。海鮮就有脆鯇。其他仲有蝦丸，魚片，蔬菜，鵝腸等等，樣樣都好食呀！我地最後食到攬住個肚！下次要試下18禁卜卜蜆

有朋友話呢排好多人係蜆煲....當時我真係冇乜點聽過...但食完呢次之後..就見到網上好多人介紹...今次食呢間算係頭幾間做呢樣野的鋪頭..當日係訂左位的,所以唔駛等~入到去當然係叫蜆煲喇...個煲一上到黎~係幾多蜆的~都唔算好細隻~但睇返個湯底...其本上係水...蒜頭...九層塔同辣椒...冇其他野..如果作為一個蜆湯..佢係可以接受的~但因為佢呢到係可以打邊爐的..咁黎講...就唔係幾得..因為太淡...當然...一開始食完的蜆飲個啖湯係真係好清甜的~但之後一開始打邊爐問題就黎....凍豆腐係好食..因為係一開始就落....吸曬的甜味..但之後就好似清水煮野食咁...總括黎講...蜆煲可以一試...如果係為打邊爐而黎就要諗清楚...