為食仔海鮮火鍋專門店

营业中

休息中

幾個月前食過2次，覺得幾好味兼過足蜆癮，啲蜆又幾大隻，而且仲要堅多，所以諗住今日翻兜....點知，keep唔到水準，失望！啲蜆起碼小左3份1，仲要全部細粒到爆，又無味，嗌左個竽絲，得7粒咁多...飲品方面揀左2杯沙冰，菠蘿同柚子各一，但2杯都淡茂茂...仲有個年紀較大既男人態度又晦氣...講真，價錢唔算經濟抵食，環境又逼又焗，態度又唔算好，唯一綽頭係卜卜蜆煲，夠多蜆過足蜆癮，但呢樣野都keep唔住，我真係覺得呢個價錢可以有其他更好既選擇！P.S:我每次泥都係食正價時段$168，所以唔會有價錢落差既分別！

呢排最流行最Hit都可以話係卜卜蜆煲啦！真係拍得住以前雞煲興起果陣甘！雖然未叫成條街都係！不過就發現愈來愈普及！睇嚟卜卜蜆煲已經係潮流嘅趨勢！講到要食就梗係食第一間興起嫁啦！為食仔宜排重要宵夜時段做$38特價辣版卜卜蜆煲！真係唔太食得辣都要試下！三斤蜆先$38！真係街市都買唔到！睇過啲評語都係鬧入座限時！話4人以下得90分鐘限時唔夠！打去訂座問下，原來有Vip房！細房（最多容納5人）先$1200！平均先$240！最重要係唔限時！咁我哋梗係要間房啦！我地成班酒鬼鐘意慢慢飲！每人$240就有間房，真係飲幾杯大Hon都夠啦！食物質素就一般啦！個牛頸脊個人係欣賞既！好有牛肉味！丸同餃都唔錯！食得出新鮮！欣賞真係每款餃都人手包！我覺得宜到配料價錢唔叫特別平，不過係合理既！淨係計食個平鍋底都抵！一定有下次！最緊要係可以自己有間房！可以有自己嘅空間！岩晒我地宜d酒鬼！問過店員，原來呢度有11間VIP房！大中細Size乜都有呀！岩晒開Party

朋友黎過呢度食卜卜蜆話正, 今晚約左佢食飯話再黎, 一早訂枱, 全場爆滿.黎到好肚餓, 先要左幾款熟食食住先.燒元貝用蒜蓉燒, 特別惹味. 元貝肉厚彈牙, 蒜蓉亦蓋不住元貝既鮮甜味, 好新鮮.炸黑松露鮮蝦餃, 炸既餃好特別, 一咬夠晒卜卜脆, 好清香既黑松露味, 蝦肉又夠爽口, 食D香口野特別開胃.椒鹽雞軟骨香口唔油膩, 雞軟骨唔會太硬, 椒鹽黎炒好入味.仲有個龍蝦鍋, 好多海鮮, 樣樣都好新鮮, 之後仲加錢換個芝士黑松露海鮮飯, 因為好鍾意食芝士.芝士夠creamy, 味道唔算太搶, 感覺無咁易漏, 入面有D海鮮, 食到陣陣鮮甜味. 飯唔會太腍, 口感不俗.

昨天跟一班朋友去了為食仔食飯，我們book 了一間房，有麻將打，座位亦不算迫，我們Order 了一些牛肉，蜆煲，胡椒豬肚雞煲，但全餐飯重點係啲墨丸和黑松露丸，起初諗住會超細粒，點知嚟到超大粒啊⋯⋯淨係食丸都飽！😂😂😂😂😂

食過澳門卜卜蜆嘅人，來到此店一定有點失望。湯底味道太淡，另外再點了一個辣口味蜆煱又只純有辣油味而不夠香辣。 蜆也可能香港貨源問題，有點細隻。整體意見，一試無妨，但不要期望如澳門贏到粥的馳名卜卜蜆鍋比較。

為食仔，波波蜆入座起計個半鐘，以為你任食羅😒😤三百蚊叫碟牛冇牛味，又咬晤爛成枱野未食完吹你埋單，晤收咭架仲要到夠鐘企係你隔離又吹你夠鐘吹完又吹，但坐左未夠個半鐘4個人食千幾蚊個個都未飽就要走坐多陣都晤得，任食都未吹得甘厲害啦埋單個個一肚火，一定晤會再有下次😡😡大家係想去吹水既就晤好來啦入得去大家一人一句叫個咩煲都要時間啦可況你係做火鍋呀，晤係任食呀有咩理由甘吹人走架晤止我地後面同隔離枱一樣反感，因為人地都係未食完成枱野比人吹走😡😡😡😡😡太離譜重點，味道都係一般架炸

店鋪（為食仔）咩都差，只有服務可以！星期二(29/8/2017)，我同兩個朋友到為食仔食飯。接待員安排左個枱係樓上房，迂迴曲折 之下去到房入面（因為要左穿右插），見到張枱細到好似暗春咁即時問店員換枱（我同兩個朋友都屬於肥胖型）（斜對面有張大圓枱），男店員話要問下先，最終都係無枱換。興致大減！無奈飢餓難耐！唯有坐低，手都唔知放係邊！問題繼續，我地叫左個鍋，配料同飲品。鍋同配料上枱速度一般，飲品（沙冰）速度更加過份，足足四十分鐘先上到枱。其間有催促，有個短頭髮女店員幫我地追，無幾來就上左。又不停跑來跑去幫我地倒殻，加水，到我地差唔多食完之後斜對面果張枱先有其他客坐，我地三個埋單都成千二蚊！「唔會有第二次光顧為食仔！」

睇雜誌介紹， 話依間好出名卜卜蜆煲嘅餐廳出咗個勁辣版本！叫18禁卜卜蜆！重點係……9點半後個蜆煲只係$38…我同熱愛食辣既朋友緊係要去試下真係足三斤蜆！好有份量下！ 雖然宜個優惠四位或以下只可以叫一煲！五位以上先可以叫兩煲！（下次一定要搵夠五個人黎）但係個人認為都唔錯呀！$38三斤蜆重想點？配料就普普通通啦！一般質素，正常價錢！最出眾就手切牛頸脊，食得出真係新鮮靚牛黎！但食辣野就點都一定要叫返個紫菜炸響鈴呀！索晒D辣汁又脆口！正！朋友飲啤酒，自己就叫左杯鮮果(菠蘿)沙冰！$38 （個人認為有點貴，但解辣一流，都飲得出係新鮮菠蘿肉打）

為食既我，又同朋友一齊去食好西啦！個小食炸黑松露蝦餃，賣相炸到金黃色，已經好吸引我想快啲食落肚，第一啖咬落去，皮脆咬感唔錯，雖然黑松露既味道唔係好重，但勝在餡料夠哂足，餡料既口感亦有點咬口。之後再食個麻辣雞煲，望落雖然唔多料，但味道辣得好過癮，一啖接一啖根本停唔到口，雞既肉質唔"鞋"身，有點嫩滑，除咗辣之餘，佢日既汁底亦很濃郁香口。最後，都叫咗個大手切牛，比我想像中大份啲啲，同啲肉有好多雪花整熟咗後，口感唔錯，一樣唔會"鞋"身又唔會靭。

又話入座計食個半鐘，已經過份，仲要食左一個鐘就催埋單，大佬，而家打邊爐呀，仲要唔係任食，四個人食1800蚊趕人走，仲有成枱野食，同我講得返10分鐘有無搞錯，大家千其唔好去，根本唔係打邊爐，d牛肉又難食，28x一碟，手切，雪藏牛肉，仲差過任食果d,

D FD響group話出黎食飯, 睇都無睇食咩就跟住地址去, 原來係打邊爐, 都好多人.除左鍋類好多款之外, 呢度既火鍋配料亦好多選擇.呢個手切牛頸脊令人食完再想食, 牛頸脊呢個位置本身都好好味, 手切更加彈牙, 紋里分怖分明, 肉質軟嫩, 一D都唔韌, 而且牛味好濃.羊肉片都非常正, 厚薄適中, 咬落特別彈牙, 又唔會起渣, 感覺脂肪較牛肉多, 但食落又唔覺好肥, 口感更加軟腍.同埋呢度既丸都好多特別野, 有黑松露蝦丸, 黑松露味道好清香, 但個味唔會蓋過蝦丸既味, 兩者配搭得宜.鵝肝墨魚丸, 就咁食鵝肝驚好油, 配搭響墨魚丸就唔怕食, 鵝肝個味較清, 唔算好濃, 墨魚丸好爽口彈牙.墨膠奶皇包呢款好特別, 墨魚膠入面係奶皇餡, 起初覺得唔太夾, 但食落又唔錯, 奶皇餡唔會太甜, 有流心口感, 墨膠好彈牙, 除左芝士餡, 呢個配搭都好好味.

我同男朋友book咗8:45～去到即刻入座～落咗野食冇耐～啲餸陸續上～個卜卜蜆煲都未到！到個煲黎咗～冇幾耐就冇gas~換咗gas之後好耐都滾唔起！三文魚刺身到咗冇俾wasabi同豉油～追咗一次！個待應唔記得咗又再追！由入座起計45分鐘我地冇野落過肚！食完刺身個煲先開始滾～我地仲點咗個菜同安格斯手切肥牛未上～心諗～食完啲蜆應該會上啦～食完啲蜆同待應講爭咗兩樣野未黎！轉個頭個菜即到～又心諗！個牛要切～再等等啦！差唔多到1個鐘20分鐘～出面派位啲待應係咁講差唔多夠鐘！個問題黎喇～我地坐咗咁耐！基本上個煲都係微滾！仲要我男朋友去拎個煲蓋蓋足全程～有冇人試過打邊爐要冚蓋先？差唔多成枱野食晒～碟牛都未到！我同待應講～碟牛未到～幫我取消！轉個頭佢就拎碟牛俾我！乜唔係要時間切咩？我地等又等咗、吹又吹埋～我話取消碟牛就到？最終我忍唔住同待應講～我唔要喇！你地又吹我地埋單！話取消就拎碟牛黎！我真係好不滿！要埋單～（已經唔理後面枱啲人眼光大聲講）個待應幫我地埋單既時候想打完場～佢話我地果個係風口位～所以個煲難滾啲！做生意唔係咁做架！個半鐘咁趕～都要你地有條件俾到人先得架！落單要準冇漏單～待應又唔上心！明知個

今次第二次來為食仔 試$38辣卜卜蜆好失望 同第一次來差好遠首先 可能因為優惠價 所以多左好多人卜左枱都要等成半個鐘被安排去到好似住宅單位度入座一坐得即叫$38煲點知又等左半個鐘都未到 連遲過我地入座既人都已經有個煲了🙈🙈叫左小辣 真係好辣好辣 唯有係咁加清湯 老公食得辣 但都覺得得個辣字 冇左蜆陣鮮味同埋蜆既數量比第一次來少左3份1所以都有啲失望叫左牛！依然好好味！keep到上次既水準雜菇拼盤同油麥菜正常芋頭有點"溢溢"地既味道😩😩😩調味料有呢幾款 但個豉油唔太咸ps. 好多食客飲醉左 講野好大聲 加上坐客既地方東一忽西一忽 好難揾到職員 飲醉左果啲經常大叫 所以連坐對面既人講野都聽唔到🙉🙉所以都係等冇優惠先來會好啲

同FD響旺角睇完戲, 佢地提議黎呢間打邊爐, 門口好多人要等位, 不過好快就有位.原先諗住係普通既火鍋, 點知有好多特色鍋, 大家一致食好D, 要個龍蝦海鮮鍋.一上枱即時嘩嘩聲, 原隻龍蝦非常正, 仲有D蝦同蜆.龍蝦鮮甜無比, 肉厚彈牙又爽口. 蝦同蜆都好彈牙, 好新鮮. 個湯底仲滾到夠晒甜.一個鍋又點會滿足到, 食晒D海鮮就要多碟手切牛, 紋里分怖平均, 入口好彈牙, 一D都唔韌.手打鯪魚丸, 手打特別彈牙, 鯪魚無骨唔腥.蟹子蝦滑自己刮到細細粒, 都夠爽口, 而且蟹子都幾多.

9:30pm後宵夜時段$98卜卜蜆，雖然預訂，但仍需等一會兒，因為早到了……友人不太能吃辣，所以上了後，馬上把紅色的挑走。吃起來鮮甜、沒有沙、淡淡肉，但吃得多，會有點兒無聊。推介紫菜腐皮卷！口感、食感都較一般特別，但稍微有點兒膩，但感覺上還可以。加了其他配料後，結帳人均200左右？不太記得了，只記得那時候想，如果不是$98卜卜蜆，可能會更貴。