炎鳥羽

营业中

休息中

今日去咗尖沙咀厚福街一間新開張食日本串燒的炎鳥羽， 餐廳裏面裝修舒適， 大約可容納三十人左右， 首先嚟咗第一道前菜 有三樣精美小點， 牛蒡， 紅蘿蔔 ，茄子， 除咗賣相精美 食落口有一種清涼嘅感覺令人胃口大開燒白鱔， 肉厚多油， 燒到剛剛脆皮香口， 咬落口 極之美味。燒西京銀鱈魚， 銀雪魚雪白肥美配沙律醬， 一絕小黑松露帶子， 松露味香， 帶子鮮甜， 配搭可謂一香一甜。雞肉棒， 職員稱係自家秘製， 食落口 香脆鬆軟 配雞蛋黃， 堪稱一絕， 值得推介。明太子雞翼， 將明太子釀入雞翼内， 味道配搭恰到好處。鵝肝釀雞翼， 一咬落口 濃郁嘅醬汁由雞翼滲出， 鵝肝味濃， 同明大子雞翼 比較有另一種風味除咗肉類串燒， 嘗試咗另外兩種蔬菜種類， 京蔥與及秋葵， 同肉類比較， 不遑多讓。今次除咗嘗試不同嘅串燒， 亦都叫了一道刺身拼盤， 拼盤賣相精美 顯出師傅極有心機， 仲要係刺身非常新鮮， 啖啖鮮味。除咗串燒同埋刺身， 亦 嘗試牛肉稻庭烏冬， 牛肉香 ，咬落口鬆軟， 湯味濃郁 ，烏冬彈牙。最後飲咗一杯津輕蘋果汁， 味清香甜。值得一試嘅餐廳

經過厚福街呢條食街餐廳滿佈有好多選擇,但今日係有目標而黎朋友見呢到新開左間樓上日式居酒屋叫我一齊黎試試.長到想餐廳地方唔大有幾張4人枱同吧枱位可以一邊望住師傅一邊食同朋友就坐左係餐枱位打開餐牌菜式都以簡單居酒屋料理為住同朋友點左份刺身拼盤，一份玉子燒同幾串串燒share.明太子玉子燒感覺好輕盈好鬆軟雖然唔似平時食既玉子燒咁厚實但蛋香同口感唔會比下去,外層同內層都有少少微焦香加上明太子少少辣味更香濃.刺身拼盤一共有8款刺身,刺身大多都好厚切食落口好滿足而且好新鮮又解凍得夠唔會食到冰,赤貝好爽脆鮮甜,油甘魚厚而甘香,帶子鮮甜回甘,蝦好厚身而且甜味好濃郁,仲有拖羅一入口慢慢溶化魚油香十分重.日本魷魚軟骨感覺軟中帶骨感覺似食厚身牌雞軟骨,但富有魷魷鮮香味加上少少鹽用調味好香.雞軟骨,雞翼,厚牛舌燒得剛剛好外層脆內面軟而多汁,雞翼值得一讚外皮燒得好脆口但內裏雞肉一咬好多肉汁流出而且燒得全熟得黎又唔會乾,牛舌厚要慢慢嘴嚼內裏好軟身帶咬勁牛味好香濃.

今次黎到呢間新開張既居酒屋，座位唔算好多，大約可容納20人左右，裝修走日式風格，感覺幾雅緻。想靜靜地食飯認真可以考慮下！前菜新鮮開胃，牛蒡配上白芝麻好香！主要都係叫左串燒：雞肉捧$38雞肉有嚼勁，頗有肉汁唔會太乾。日本生雞蛋黃拌勻燒汁，令燒汁更加甜，質感亦更稠，幾出色！串燒日本A4和牛$148OMG!好好食！朋友同我都食得生，就叫左三成熟。牛肉肉汁豐富，一放入口，油脂就會係口中溶化。極力推介大家要試！燒黑松露帶子$48帶子唔會太熟，味道鮮甜。配上黑松露，添加香味及帶出鹹香。燒甜薯$22口感軟韌，配上蜜糖，味道更甜。日本冬菇$20好香口，次次食串燒都忍不住叫。野菜稻庭烏冬$68本身諗住係咁耳叫碳水化合物，點知😍😍😍😍蔬菜有好多款，最鍾意左下角既露荀（？），好清甜。最湯底鹹甜恰好，鳥冬軟韌。侍應好細心，不斷為我添熱茶。不經不覺，食下傾下，我地竟然由7點半食到11點😳

其實我自己好鍾意食日式串燒，因為我真係覺得好方便，坐喺度睇一睇餐單落order，等十幾分鐘之後就會有人燒好，上碟拎埋俾你食。知道尖沙咀開咗呢一間新嘅日式居酒屋，又3號風球，涼涼地梗係要來試吓啦！串燒$2X至$9X不等，肉類、菜類，海鮮類皆俱備。如果串燒唔岩，都有刺身，炸物，飯粉類選擇。落單之後，店員送上精美前菜三點。厚燒牛舌$48牛舌做到咁厚切，通常都好un。但呢度做得好稔而且充滿肉汁！鹽燒雞翼$32雞翼開半咁燒最好，食又方便而且成隻都有燒過咁，特別香口。個皮好脆，一d都唔油！日本雞肉棒$38店內自家製既，啖啖肉又多汁！點埋個燒汁撈蛋：）特別滑溜！燒黑松露帶子$48帶子點解黑色既？就係用足料，黑松露醬咁多點會唔香。蒲燒鰻魚$48鰻魚有時我都驚有骨，但呢串完全無問題，肉厚而且出面焦糖化咁，毫無腥味，大愛！日式墨魚汁炒烏冬$88炒讚岐烏冬應該都幾高難度，平時炒烏冬都痴鑊，仲要讚岐真係要高水準先做到！每條分明，全部上曬墨魚汁色，正！車厘茄煙肉串$28癖車里痴在口中爆汁，混和芝士香純，夾！紫菜魷魚天婦羅$58魷魚圈加左紫菜都幾特別，如果有埋沙律醬可能更加好！日本小蔥豚肉卷$32我鐘意食蔥，好香

三五知己吃飯暢聚，最重要是找個坐得舒服的地方，而且地點要便利，方便大家下班後容易去、又要方便大家回家，所以尖沙咀經常都是飯聚地點首選這次和朋友食飯，剛好發現有新的居酒屋，便一起來嚐鮮看來這居酒屋開業不久，祝賀花牌還在～這裡的環境不錯，枱與枱之間不擠迫，座位舒適這𥚃的食物選擇十分豐富，刺身、炸物、串燒、下酒菜等都有，除了單點，亦有套餐可選前菜：甫坐下，店員先為我們奉上熱茶及前菜。前菜一人一份，每份有三款，我最喜歡的是最左側的茄子，以鰹魚汁浸著，面上鋪有木魚碎，鹹鹹甜甜的深海池魚刺身($220)、赤貝刺身($58)：因為店員推介，我們點了深海池魚，刺身是厚切，肉質結實，相當有口感，而且富有魚油香赤貝本身已經抺上了少少醬油，質感爽口，味道鮮甜，推介日本A4和牛串燒($148)：本來有想過要不要點較便宜的牛肉串燒，但最後決定要對自己好一點，「豪一豪」，要個A4和牛果然這決定沒有錯！我們比較能吃生，要了三成熟。牛肉燒得十分香，油香十足，肉質又軟又嫩串燒黑松露帶子($48)、日本冬菇($20)、日本小甜薯($22)：帶子燒得恰到好處，帶子肉鮮美嫩滑，加上鋪了滿滿的黑松露，非常香冬菇沒有燒得過乾，仍

要在尖沙咀區搵食一啲都唔難。我特別鐘意有「口福街」之稱的厚福街搵食上網搜尋結果發現呢間剛開張嘅日本料理，雖然未有人寫食評，但抱著大無畏嘅精神，我和朋友都敢於一試！餐廳位於藍馬商業大廈入邊17/F，好易搵到！日式居酒屋風格，雖然地方不大，一眼已經睇晒，但也有VIP房，可容納起碼10幾人！食串燒前，當然唔少得一些精美嘅餐前小食啦！油甘魚Hamachi是愛吃刺身的人必然之選，超肥美，魚腩部分油分重有入口即溶的感覺，鮮度超群。朋友說如果要知一間串燒餐廳得唔得就一定要試佢嘅雞肉棒。呢度嘅雞肉棒係自家制，表面燒烤成金黃色，食時沾上日本蛋黃，肉質軟滑，是店內必叫之選！煙肉蠔卷和荔枝豚肉卷也十分驚喜，燒得啱啱好，兩種不同材料，惹味十足幾爆Juicy紐西蘭羊扒，口感鮮嫩多汁， 香氣逼人，鍾意啖啖肉嘅朋友一定要試吓！甜甜嘅玉子燒加上鹹鹹嘅明太子，是一個非常美味嘅組合。燒西京銀鱈魚，燒好後的銀鱈魚肉帶有淡淡白味噌的甘甜味，好吃！清酒經過煮熱後味道更加香濃，放入新鮮的蜆實在是絕配！串燒除了散點也有Omakase，Menu上有Omakaze$480/680，價錢比起一般嘅Omakaze唔算貴，下次可以一試！

萬聖節冇出去玩，就搵間好嘢同女朋友一齊食。見到呢間炎鳥羽有刺身有炸物又有串燒，賣相幾吸引，就拍板去試一試佢。地方唔算好大但好骨致，有7-8張枱，好似去咗日本嘅居酒屋一樣。一開始點左個蒲燒鰻魚、厚切牛舌、日本秋葵豚肉卷、明太子蛋卷做熱身先。鰻魚燒得剛剛好，肉質結實唔會好似出邊有啲鰻魚咁肉質鬆散，再加上師傅好好心機處理鰻魚，一條細骨都食唔到。燒到外脆內軟，食一舊唔夠其實心思思想叫多碟，不過佢個Menu仲有咁多選擇都係忍一忍手一陣叫其他嘢先。厚切牛舌外脆彈牙，味道濃郁又多汁，十分出色。明太子蛋卷亦有驚喜，蛋香嫩滑的嘅玉子包裹住滿滿的明太子，比出門好多餐廳做得好味好多。其中一個最有驚喜嘅就係味增雞肉釀番茄，當中有塊紫蘇葉完全係畫龍點睛，加上你估唔到佢將個蕃茄加脆漿微炸，外脆內juicy，入面嘅蕃茄新鮮多汁，第一次食已經深深愛上左佢。另一個要讚嘅就係望落去平平無奇嘅炸雞，炸粉夠薄配上豐富嘅肉汁，仲有濃香嘅日本雞味，用料新鮮，屬超水準之作。結尾當然要食返個飯啦，就係海膽海鮮炒飯。一上枱已經望到佢有好多海膽喺飯面，忍唔住食左少少試下。海膽有微微嘅海水味，而海膽嘅香氣慢慢係口腔裏面滲透舌頭上每一個味蕾

<尖沙咀有好好味既串燒>🔥 試新野食係我興趣 見到呢間新開既炎鳥羽 就忍唔住試下 , 雖然諗住新開去試 但估唔到 原來我 book左佢第一日開 好多花 同老板既朋友喺度 好熱鬧😂 不過唔緊要 我同朋友都有位坐 食店 都有4,50 個座位 有對住 bar枱 望到師傅整野食 亦有長木枱等 食店 menu有唔同既日本野 最正係串燒 🔥仲有一品料理 烏冬 刺身等等 應有盡有😃 🍴日本地雞唐揚 $58🔥🐤唐揚炸雞 個皮炸得好香脆 好出色 雞皮夠薄 更有口感 入面既雞肉煙靭 有咬口 好正既日本小食 🍴浦燒鰻魚 48 蚊🔥🐟好肥美既燒鰻魚 佢既甜醬汁香濃 又唔會搶左鰻魚味 鰻魚夠肥美 所以 d魚汁同醬汁合埋一齊 好味😃 🍴燒飯團 $28🍙炸得好香脆既飯團 佢飯團出面嗰層充滿飯焦香🔥 入面既飯好夠軟熟 而出面用好香脆既紫菜包住 夠哂口感😃 🍴牛肉稻庭烏冬 $78🐂🍜 個稻庭烏冬出面好爽滑 入面好煙靭 😃正 加少少葱同昆布調味🌿佢既牛肉好軟熟 juicy半生熟剛好 🐮鍾意既點 d七味粉調味 更帶出烏冬既味道 😃 1.🍴西京銀雪魚 $58🐽🐟銀雪魚 肉質層次分別 個皮帶 d 油花🐟西京燒

朋友提議到尖沙咀試試一間新開既日本餐廳，仲要係佢請客我就當然老實不客氣。餐廳剛剛新開張試業，人流未算太多。先來一客前菜，有唔太常見既牛蒡，點左醬汁味帶微酸非常開胃。牛肋骨牛味濃郁，肉質鮮嫩多汁，唔會有筋或燒得太燶，火喉控制得恰到好處。作為愛牛之人當然要點牛舌厚切，大大塊好厚身，夠哂足料。自家制雞肉棒，配上生雞蛋同秘製醬油，撈云後點黎食味道非常之夾，推介呀！明太子雞翼，雞肉嫩滑多汁，一咬裡面釀既明太子咇哂出黎，辣辣地非常惹味，送啤酒一流！露筍豬肉卷同埋煙肉蠔卷，煙肉既咸味同燒蠔既鮮味互相襯托，效果出奇地好。最後點左個稻庭烏冬（冷）作收結，有鵪鶉蛋同蔥花薑絲做配料，放入獨家自製既醬汁攪拌黎食，oishi 呢！