炎鳥羽

营业中

休息中

要搵好嘢食，真係要捐窿捐罅，尤其是呢一兩年，好多樓上鋪，真係唔係朋友帶路都唔識搵， 不過話分兩頭，樓上舖環境比較清靜一點，如食物水準夠高，一樣可以吸引不少回頭客！今次朋友帶我來， 第一次上到嚟，感覺裝修都好有日式小店嘅感覺。三文魚八爪魚刺身，肉質好結實，十分新鮮！和牛炒飯， 都幾夠水準， 和牛嘅油脂滲透炒飯， 炒飯粒粒都乾身！鵝肝釀雞翼明太子雞翼， 燒得很入味！牛肉稻庭烏冬， 每片都係半生熟，仲係粉紅色，而且烏冬很爽口！估唔到呢度嘅串燒， 尤其係燒雞軟骨及雞皮，確實沒有多餘嘅油份！

尖沙咀厚福街一直都係餐廳聚腳點聽朋友介紹個邊新開咗一間日本餐廳 - 「炎鳥羽」相當不錯，所以曾假日一於同另一半嚟試下！餐廳裝潢別緻，走日式居酒屋風格。牆上掛著嘅明月布飾～更添雅緻。整體簡潔明亮座位雖不算多，但間距寬敞，感覺舒服座位下亦準備咗布籃供客人放置行裝，十分貼心午市套餐都幾多款式，有熟食 /魚生飯 等。而且已包括了前菜 /沙律 /味噌湯。 不過最吸引係仲可以另加$20揀三款串燒添！真係好抵呀！我地二話不說都另加串燒⭐️味噌湯味道不會過咸，而且非常足料！⭐️前菜味道帶酸甜，非常醒胃！作為前菜啱哂～⭐️沙津沙津菜新鮮，配埋胡麻醬一齊食，格外清新美味！⭐️串燒⭐️明太子雞翼 ： 外皮燒到脆脆地，色澤誘人！一咬開就見到滿滿嘅明太子十分足料！味道帶微辣～ 非常惹味！推介⭐️牛肋骨 ： 牛味濃郁，肉質鮮嫩多汁，表面燒得好香但一啲都唔un，相當美味⭐️日本冬菇：燒得啱啱好～ 非常Juicy！每次食串燒必點item!⭐️雞頸肉：第一次食雞頸肉，估唔到有驚喜！雞皮燒得微微焦香，肉質鮮嫩，可口惹味！⭐️炎海丼（$88）材料相當豐富包括燒海膽、火灸帶子、火灸三文魚等⋯每片魚生都係厚切非常新鮮。海膽口感creamy～而帶

有朋友之前食過呢間，對佢讚口不絕，所以我專程黎試下係咪真係咁掂最近有promotion, 呢20款串燒買一送一，抵！前菜三點柚子雞皮味道清新，同平時雞皮比人既油膩印象完全相反，有啲咬口，係一道唔錯既下酒菜～牛舌芯超好食！！！！！講十次都唔夠燒得好perfect，裏面肉質超嫩，牛舌獨有既味道夠香濃，調味恰到好處！超推薦個侍應講貨源好少，唔係日日都有，我地好好彩食到明太子雞翼，明太子好足料，小小辣幾惹味！燒白鱔魚皮香脆，魚肉細嫩無泥味，推薦呀銀鱈魚西京燒呢道經典既日式料理容易整，但整得好食既好少，而呢個就係少見既出色之作，甜味恰到好處同時有淡淡既清酒味，魚肉同樣好細嫩，男朋友超鐘意食！柚子魷魚同荔枝豚肉呢兩個都好食，只係同前面介紹個啲相比之下無咁令人印象深刻～海膽海鮮炒飯海膽同海鮮份量一啲都唔少，成碟有3-4碗份量，兩個人食完即係飽到唔使加單😂個飯都唔錯但串燒正好多

放假最開心嘅係可以周圍食下,今日嚟到尖沙咀厚福街藍馬商業大廈這間叫炎鳥羽日本餐廳,嘆一個優質午市套餐。餐廳提供12款午市套餐,每款都很吸引, 問店員什麼是北海丼,他回答那是雜錦壽司飯，有油金魚、海膽、劍魚、帶子和三文魚。雖然比平時食d貴咗少少。但係他有海膽,今日突然好想食海膽，所以點了一個來試試。睇返餐牌單係海膽刺身都賣168。飲品方面加五蚊可以選擇柚子蜜, 加十二蚊可以選擇波子汽水。最吸引的是餐牌底部俾多廿文可以揀三款串燒添。平時叫一樣野都廿蚊以上,好抵啊。明太子雞翼，日本小甜薯，汁燒白菌。首先上來的是串燒。汁燒白菌好正喎，他是新鮮蘑菇，用日本燒汁燒成的。一咬落去蘑菇汁充滿曬我個口腔，原來燒蘑菇這麼可口的。明太子雞翼有點辣辣地，明太子有一點辣加上雞翼好多肉汁，不錯。小甜薯，一咬下落去好軟綿綿，好q彈的感覺。這個廿文非常之抵食，如果佢可以有個午市套餐係串燒，我諗我會再來幫襯。邊食邊可以聽到日本流行曲。早前台灣報道的日女灌13杯酒唱「好想見你」原曲。一個人有一個人的幸福，兩個人一起但各有各行，再走下去也是徒然，溝通同互相扶持好重要，珍惜同把握好一個適合自己的人。店員為我送上北海丼套餐，除

朋友介紹我到厚福行藍馬樓上的炎鳥羽午餐有一個20$3 款串燒首先： 午餐不用加一最近做優惠仲可以減10$第二：二十元真的可點三樣串燒兩個人吃遍六款都好相就家母名言他們好有心機做單這個服務已值得我帶友再來我們又行開呢處的個靚女侍見我反應熱烈向前推廣晚上也有買一串送一串燒時段汁燒豆腐有三舊是十分價廉物美喔⋯⋯這炎海當十分大件燒海膽加三種魚大大塊的帶子新鮮吞拿魚生拿來燒還有火炙三文三大塊三文魚火炙最好配餐前菜都用了貝殼生非常講究

lunch同老公兩個去咗呢間日本餐廳食， 裏面環境都幾別緻， 用黎掛飾嘅布都幾靚😍 坐位都幾寬敞， 同埋座位下面有個兜可以裝我哋嘅袋，好方便呀！ 唔使驚掂到地下污糟， 又唔使驚d袋佔用到座位😊我哋叫咗三文魚親子丼同埋香煎鵝肝丼， 個套餐包埋前菜沙津，同埋麵豉湯， 兩個餐都好足料， 我好鍾意三文魚配埋蛋，食材都算新鮮，所以都覺得幾好味😋 老公就鍾意佢嘅鵝肝， 用煎嘅方法去整好入味👍👍另外我都好鍾意佢有提供埋麥茶， 無論係食飯前，定食完飯之後飲，感覺都好清甜😆😆 同埋啲侍應都好好人，一見到我地個杯唔係得返好多茶，就會主動斟茶， 佢哋啲態度又好nice,好有禮貌，值得一讚👍👍👍呢間餐廳我地都幾滿意， 下次有機會都會再嚟幫襯

基本上小胖女係好鐘意食日本野,所以周不時會去搵唔同既餐廳叫小弟帶佢去食,今次去左尖沙咀既厚福街搵到呢間日式串燒店,黎到既時候內部好寧靜同燈光柔和,比人一種想坐底靜靜地等食既心情,坐底後會有小量前菜小食比客人食用,但為食既小胖女無理到前菜,即刻已經ORDER 左大量串燒啦,首先叫左係小弟都好鐘意食既胡麻醬同豆腐波菜沙津,勁大盤,開胃其實最好都係食草,之後係不停黎既串串,由於制作需時,基本上係一道道菜咁上,有必食既雞翼啦,銀雪魚啦,羊架啦,安格斯牛柳,仲有最正一定係黑松露帶子,燒完都唔會乾身,好爽好多汁,淨係食串燒邊到夠?鐘意熱食既朋友一定要試埋個烏冬同埋個飯團啦,保證夠飽,整體串燒質素好高,因為係師傅人手慢慢燒出黎,即叫即做,非常岩兩小口去傾下計撐下腳黎食

同朋友慶祝生日，揀咗這間來試試。刺身好新鮮，厚切，絕對冇呃秤串燒有驚喜，燒得香口但又保持juicy. 重點：係唔會好似出面那些勁濃味又勁咸，啲串燒味道剛剛好如果可以有辣味就更正最正係厚切牛舌，encore 再encore

平時去開尖沙咀，都知道厚福街嗰邊有好多特色嘅美食。今日同朋友特登走嚟厚福街去樓上一間新開張嘅食日式串燒既居酒屋一試。一去到見到餐廳裏面裝修舒適，就算星期六嘅lunch都唔會太多人好啱兩三自己一齊坐低傾計吹水。佢有lunch set價錢都唔會好貴大約都係$100左右仲見到加$20有三款串燒。咁我就要個牛油果三文治吞拿魚don而朋友就選擇咗黑豚肉生薑燒don,我地都加左串燒！野食等左五分鐘就有了，份量都好大碗，絕對好足料。牛油果同三文魚吞拿魚比例岩岩好，唔會過膩，又新鮮！豚肉又好入味，好送飯，好味!! 最正係串燒環節，特別推介明太子雞翼，熱辣辣，入面真係有好多明太子，好香好好味，必食!!! 其他燒茄子，日式蕃薯，牛肉同雞肉腸都好正，高質素，記住要加配，好抵食 仲選擇多多，下次泥再食其他串燒先！

天氣轉凍了，不一定要去食火鍋或食韓燒，今晚同個朋友，去左尖沙咀厚福街（炎鳥羽）就是要食串燒，餐廳設計十分舒服，好有日本風，仲有一個半開放式的吧檯，可以一邊看見廚師精心製作的美食，我哋就輕鬆地享受美食，真係十分寫意。前菜3小碟，非常醒胃。野菜稻庭烏冬$68 材料有鮮甜的露筍、鮮冬菇、紅蘿蔔、紫菜等，再配上軟滑的烏冬，十分清新健康。關東煮$58 材料有獅子狗、雞蛋、蘿蔔、魚糕等，成個湯底滲曬全部配料，非常鮮甜好味。荔枝豬肉捲（右邊），廚師好有心思，將荔枝肉釀入豬肉片， 燒到金黃香脆，令到三件整成一串的荔枝豬肉捲，食落口中時爆出肉汁，更能帶出另外一種口感。燒飯團$76 用紫菜放入酸蘿蔔、再包住燒香軟腍的飯糰一起吃，十分配合。墨魚汁炒烏冬$88 每條烏冬都掛上香濃的墨魚汁，又是另一種食法，更加有質感。原味波子汽水。

出街食飯真係離不開日本菜，剛去完日本旅行個幾月已經有思鄉病，男朋友就帶我去佢朋友介紹的一間新開日本菜餐廳，俾我地一解思鄉病～餐廳位於尖沙咀區樓上鋪，地點唔難搵，上到去裝修佈置都非常日式，有一個半開放式的吧枱，增加其空間感～日式的佈置十分潔淨，燈光柔和舒服，座位唔算太多，不過座位之間都十分闊落！而安坐之後，侍應隨即奉上他們當日的前菜～前菜 ＄20前菜一共有三款，當中有茄子、青瓜蘿蔔加麵豉醬，味道幾清新，可以Refresh ，咸度不會太咸，可以係點叫的食物未來到之前開開胃！他們的食物都是以日式的為主，除左有1人前及2人前之外，刺身、沙律、小食、串燒、飯麵類都有～黑松露溫泉玉子沙律 $88被這個黑松露溫泉玉子吸引而點叫的沙律，沙律菜都很清新爽口，加入了醋汁調味，酸酸地幾開胃，而黑松露溫泉玉子可以拌勻沙律一齊食，味道幾清新，帶有淡淡的黑松露香味，可以話係日西Crossover的沙律，味道新新開胃易入口！雞泡魚干 $78雞泡魚干微微烘到微焦，有炭爐的香味，沾上附上的沙律醬好惹味，是送酒一流的佳品～鹽燒雞翼 $32　牛舌厚切 $48鹽燒雞翼表面半煎炸至好香脆，脆口惹味，而牛舌厚切真係幾厚切，入口啖

生日月慶祝活動啟動 食好野是常識吧小胖男友帶左我去厚福街 一間佢之前同同事食過覺得值得"翻啅"既日本野呢間日本餐廳有d私房菜feel 唔算好大間但門面好骨子,企理一坐低先放低3碟前菜俾客人慢慢品嚐前菜有日本料理出名既雞皮, 麵豉醬蔬菜, 同茄子鐘意食胡麻醬同豆腐既小妹第一件事當然係order呢個木綿豆腐胡麻波菜沙津 醒醒神先食串燒必點手羽先(雞翼)是常識吧鹽燒雞翼燒得皮脆肉嫩 要再encore煙肉蠔卷燒得恰到好處 燒完仍然保持到蠔既水份同煙肉既肉汁 一啖咬落去好juicy必試抵食精選西京銀雪魚銀雪魚燒得又滑又香口 仲大件係剛燒好熱滕滕既安格斯牛柳上 放上一小塊牛油 望見都洗口水不過食開5成牛扒既小胖男友就略嫌熟左一點但都不錯矜貴既黑松露帶子勁大粒另外仲點左暖胃既關東煮, 燒飯糰同其他串燒呢間炎羽鳥既串燒同和食的確做得好唔錯 值得"翻啅"

尖沙咀新開左間串燒店，試左好幾款串燒可以介紹下。自家製雞肉棒幾juicy而且幾有口感，配埋隻生蛋真係幾正！牛脷厚切同薄切都有試，但個人大推厚切，因為非常淋身而且爽口，燒得一啲都唔乾，啖啖肉汁浸入口中，不得不試呀！柚子芥末墨魚鬚一定要試，墨魚鬚爽口，而且出面好少用柚子芥末調味，但出奇地清新同夾，呢個真心幾驚喜！其他串燒都中規中矩，而且串燒全部都係即叫即燒，所以要食到熱辣辣既食物就要俾多啲耐性啦各位！

位於厚福街呢棟大廈其實有好多唔同嘅餐廳， 雖然佢鋪頭細細不過都好似日本嘅居酒屋🍢🍣🍶氣氛唔錯!!! 😎😎😎 服務仲好好👍👍 我哋嗌咗5個人嗌左: 特上刺身拼盤/燒明太子/明太子蛋/燒茄子/燒雞軟骨/黑毛豬/雞泡魚乾/海膽/海膽海鮮炒飯/飯糰.....全部都好高質， 刺身好新鮮，燒物時間掌握得好好 😍😍除左"雞肉棒(自家製)"唔好食🤢🤢🤢 又乾又散☻ 五個女仔埋單二千二百幾 ，貴價一致同價錢質素成正比👍

今日放假約左朋友去咗尖嘴食lunch再行街，去咗好多美食嘅厚福街，突然搵到有棟大廈上面有間日本居酒屋，就走咗上去試吓，間野唔多人，可能係晏晝嘅關係門口櫥窗擺咗好多日本酒今日假期都有lunch set，價錢唔太貴仲可以加$20揀三款串燒，抵👍如果lunch set唔啱都有其他嘢食揀我因為唔想食生冷野嘅關係，所以揀咗熟食：黑豚肉生薑燒當，有前菜、沙律&味噌湯，主食好大碗，豚肉鋪滿飯上，啲汁又好味仲加咗三款串燒，包括明太子雞翼、牛肋骨&雞骨豬肉腸，雞翼好好味，燒得好香脆，明太子好香，咬開裏面仲熱辣辣；牛肋骨好有牛味，又唔un，豬肉腸都燒得香朋友就叫咗炎海當，有三文魚&吞拿魚，另外加咗日本番薯、茄子同雞翼，同佢share 食，都好好味，正總括嚟講，呢間餐廳啲食物有質素，環境又靜，唔多人，下次會再來