火間土 (已結業)

由於係12:00開門 所以即日12點先訂位 (公司作客)一行6人13:00去到 被安排坐一入門口轉左 要除鞋坐的好快就叫左野食 但人手可能真係好短缺 等左好奈先黎左一客飯當我地已經食飽左 但係格離枱既飯餐仲未有人去收拾我唔記得呢個叫咩名 (HKD 128)好新鮮 雖然等左好奈先上枱 但係都擺放得好精緻未食但已經有視覺既享受 正!!!SALAD應該用左黑醋 好好食 菜新鮮而且脆口~~天婦羅個粉比較厚 由卡係即炸 再沾上旁邊既汁 完全中和左油膩感 好食!!蒸蛋又香又滑又熱 如果蛋味更加強就好好多當d刺身新鮮 其實舊壽司已經好食左一半 當日既刺身係好新鮮帶子特別鮮甜 一個女仔其實食唔哂呢客飯 真係眼闊肚窄因為佢仲包埋餐飲...  但係已經太遲 所以冇上到飲品已經走左如果2個女仔share食呢個餐 就會輕鬆好多整體黎講 除左人手不足呢個問題 食物既質素係幾好~

唔係第一次黎火間土， 不過就第一次出食評。火間土開左都好幾年，感覺以前好似貴d，路線高檔d, 今次黎到發覺d野食都幾抵食，唔知係出面通脹犀利過頭定係點。 覺得都抵食，只係未到好好食。 食物方面是日叫左肥拖羅，出黎依然仲係凍冰冰 未解凍完小食類 都還可以 價錢係尖沙咀 北京道wor算係咁啦。總括黎講 OK GE 會再黎食 不過唔會經常，想食好野會寧願比多幾舊去第度食。Ps.唔係影相友 冇相睇

朋友生日食飯、選擇了未去過的北京道一號火間土。記得當年餐廳落戶尖沙咀、生意超勁！對上一次來食飯，應該是餐廳開業初期。大伙人食飯、各自點了自己喜歡的食物、有刺身、沙律、卷物、串燒、燒物、日式薄餅和石鍋飯等。整體食物質素幾好、勝價比高！幾款刺身夠鮮味、特別是三文魚、入口鮮甜又夠油。沙律菜新鮮、沙律汁帶小小酸味好開胃。加洲卷料足、飯入口都算鬆軟。串燒一點都冇燒過火，特別是豬肉串燒、好香口。燒粟米及蕃薯份量足、蕃薯燒得外脆內軟。燒三文魚頭質量好好、入口油脂重、魚汁多又香脆。更加上燒烤時有小小鹽作為調味、更加加強了三文魚頭鮮味。日式薄餅唔使一分鐘就消失了、只可以用四個字形容、十分口味。牛肉石碢飯、飯比較油膩、勝在夠熱騰騰。食物基本上就幾好味，餐廳裝修都可以、價錢大眾化、難怪有生存空間。

經常光顧的一間日本餐廳，尖沙嘴返工的打公仔難免偶然一次半次吃貴价食物。今次，我們來到這間餐廳，第一時間梗係攞位啦，午市時間本來應該外面有服務員招待，但我們每次來到門口，都只有一盞吊燈傾瀉下來，鳥無人煙，咁我地唯有好無禮貌咁沖入去，然後尋找侍應的蹤跡，幾經波折，終於有坐的機會。午市餐牌都還算多野選擇，不過我淨係影左咁多次都覺得唔錯又值回票價的食物分享俾大家。落完單，上菜速度還算快，可能因為工作壓力比較大，侍應都比較粗魯地放低食物，轉身就迅速離開現場。終於可以討論食物了，個人認為做日本餐，最緊要係用料夠新鮮，尼間餐廳就正中下懷，新鮮的魚生加上暖暖的日本珍珠米，一齊入口，魚生的鮮味回甘，海膽的分量亦都非常足夠，鮮甜，帶子更加不用再多加形容。尼個餐的分量對於食得唔多的女仔嚟講，確實有點過，不過對男孩子而言，的確非常滿足。日本咖喱豬扒飯，本來都頗有信心，因為畢竟係比較傳統的日本食物，於是就試下，嚟到的時候，熱辣辣岩岩炸出嚟的豬扒，還冒著煙，於是更加有信心試食日本咖喱，一擺入口，完全無日本咖喱的感覺，完全係印度咖喱的味道，我開始懷疑，日本咖喱豬扒飯無左日本咖喱仲係唔係日本咖喱豬扒飯呢？尼個套餐確實

真係未食過都聽過這間店。皆因本少一向不崇名店。名店好多人識。何需推介。然而今日終於機緣巧合下與朋友來個午餐。又著實不錯。應該說，有比想像中要更好一點。這個是定食餐，只能說份量確實十足。壽司都有一整碟。然後碟牛肉又比想像中多。啖啖肉非常滿足之餘。。。就是比平常的日式餐館，好食了一點點。不要少看這一點點，就是高手與普通人的分別。食家與食客的分別。然後試了一點朋友的鰻魚。我覺得不夠牛肉好食。但就是謝拉特不神奇～頂級超卓依然。不過開心的時間過得特別快，又係時候俾錢講拜拜。價錢真係。。。幾分真金幾新鮮，哭泣聲絕無意義喇。

同幾個非常要嘅朋友去食生日飯，因為幾經改期，本來想食大閘蟹，終於改都食日本嘢。 訂咗尖沙咀火間土，環境好，可以望到海景，真係令人心情輕鬆！一行4人，叫咗沙律軟殼蟹卷，泡菜和風脆牛肉卷，鵝肝壽司，牛舌，鮑魚，燒蠔，仲有一人一個甜品。沙律軟殼蟹卷，軟殼蟹炸得恰當，唔油，軟殼蟹好脆，飯份量唔會太多，卷上有綠色同橙色蟹籽，買相非常吸引👍👍👍，除咗軟殼蟹卷外，仲有和風泡菜脆牛肉卷，外脆肉軟，有少少泡菜辣味，牛肉有肉汁，唔錯嘅選擇。串燒牛舌，雖然普通，但亦又不過不失。燒鮑魚好冧，有咬感但又唔會好韌，好乾，😜😜😜燒蠔嘅Source就帶甜，但都仍然有鮮味。最後一人一個甜品，有士多啤梨芭菲，ice-cream pauncake, 豆腐芝士蛋糕同5味雪糕，真係very nice 😁😁😁

火間土是跟老公第一次約會的餐廳，已經是七年前的事了，還記得當日他book定海景二人房，作為追女仔的第一餐都算佢有誠意。是日老公無端端話舊地重遊，仲book埋房。於是撇下女兒，拍返一晚拖。二人房的最低消費是$770，坦白說，$770可以在別的餐廳吃得更好，不過環境也沒有這裡好的，對住個海食飯，又有間房二人相對，不用望住其他食客。雖云二人房，但其實跟旁邊的房只是隔了一道簾，而且有人行過也會望到入來，私隱度也不算很高，高談闊論的話別人也會聽得見。房內有個鐘，可以召喚侍應，可是我們第一次點菜時，勁按鐘，等了十分鐘也沒有人來，最後要攔截路過的侍應。我問那侍應鐘是壞的嗎？她說不是。我問為何這麼久也沒有人來？她說：我們不是企響度睇住個鐘唔做嘢的。咁都答得出……因為要消費$770，所以我們主打點較貴的菜。其中一道是「海膽飯」，侍應說沒有海膽。我隨口問：咁三色飯（內含海膽）都沒有嗎？佢又話有。咁我問：咁其實你哋有無海膽？佢話有，只是沒有海膽飯。其實我真係唔係好明佢想講乜。最後都點晒菜，上菜速度很快，因為他要我們八點交枱（我們6:30pm入座），現分享一下食物：出街食我堅持要點蔬菜的，柚子汁的沙律味道清新

訂到房仔兩個撐枱腳，非常有私人空間，又有少少海景望到，只係次次都要出門口叫侍應添茶或落 order 呢。日式薄餅，意式就食得多，日式都係第一次食。好得意喎 ﹗長方形既 pizza 呢 ﹗薄薄既餅低夠晒脆，茄汁同芝士份量剛好，味濃但唔會有滯滯感覺，幾好味喎 ﹗酸酸甜甜夠開胃，好快成個食晒 ﹗汁燒廣島蠔，好肥美呀 ﹗嫩滑多汁蠔味濃，配上淡淡甜味既醬汁，好正 ﹗自選五色刺生，帶子、三文魚、甜蝦、油甘魚，全部係我至愛 ﹗比預期中新鮮，而且款款都非常肥美鮮甜，有水準 ﹗多謝 Connie 請食生日飯！

朋友為我慶祝生日，挑選了這間飽觀維港夜景的火間土，這裡的兩人觀景位最低消費是大約六百多，朋友有信用卡優惠九折，但又要計算加一服務費，那我們兩個女孩便最少要吃夠七百多左右才夠這裡的最低消費。由於我們對這最低消費概念不太強，心想既然食物價錢不平宜，應該很易逹標吧﹗我很久以前曾光顧過火間土，只是當時有order酒或幾個人來，所以一定會過最低消費，但今次真的讓我們頭痕了…我們坐window seat，算是火間土裡的一線夜景，window seat的話環境實在是不錯。我們隨意order了自己喜歡的食物，當中包括飯和意粉，份量也不少，飽得沒法形容。說真的，吃完以串燒、飯及意粉，已經飽得很，但未夠最低消費，那就來兩個甜品﹗吃的途中欣賞幻彩耀香江，可惜外面的玻璃窗不夠乾淨，減低了欣賞夜景的清晰度。這款cheese cake我個人認為不錯，我朋友就不太喜歡，這很視乎你對豆腐+cheese cake後有什麼感覺，present也不錯。叫侍應計一計賣單，離最低消費有點距離，再來刺身及焗蠔﹗﹗最後又吃過了龍……在這裡吃晚飯比自助餐還要飽，我和朋友說笑以後在這裡吃飯先點刺身﹗這裡的食物，沒有太大亮點，但亦沒有太

欠朋友的生日飯，因為佢想食日本菜又話朋友話呢間好食，最終訂左火間土入到去無包箱，可能遲book或者無request要近窗望海景食物大致上ok，刺身比較新鮮食完想食甜品，不過想食既好多款都無三人行埋單約$1100，價錢合理

友人生日, 竟然約了我這個老友正日去生日宴而不是約自己家人, 當然我要準備充足, 預早訂好了海景房, 買好了蛋糕.對上一次來火間土已經是約7年前, 今日佢竟然還能在北京道屹立不倒, 厲害厲害. 海景房依然殺食, 最低消費依然是六百多元, 食物價錢依然平易近人.油甘魚刺身, 劍魚腩刺身.7年前的進餐經驗就像昨天, 當時為了最低消費, 就吃得過飽, 之後坐車都嘔. 食物單價很便宜, 今次叫刺身, 不叫壽司, 實在十分明智. 刺身有淡淡魚香味, 賣相漂亮, 不算油潤.香辣芝士焗帶子糖不甩極力推介, 雖然沒有香辣味, 但這樣更好, 因為芝士很濃香入味, 口腔充滿芝士醬, 每一口都不捨得吞下.辣粉把賣相提高了很多.焗芝士上桌才知道是芝士焗蔬菜, 芝士有點過鹹, 可能是我們沒有拌好之關係. 蔬菜到中間有點生, 但可接受. 份量十分大, 很抵吃. 燒青魚.都是有點過鹹, 青魚份量又是十分大片, 很抵吃. 夠肉汁. 在吃時已經做幻彩咏香江. 友人貴人事忙, 還是第一次看.火間土燒雞翼這個是唯一覺得不應該點的主菜, 醃料沒味, 只是單純的燒雞翼. 皮都沒有太脆. 海膽本來想點甜點了, 問過侍應, 還有$

同男朋友一齊左半年 男朋友好鬼馬咁book左間海景房黎同我食壽司 其實都幾浪漫 望住個景一路食先講沙津 質地好鍾意 入口好溶既感覺配合埋果仁感覺都幾得意 幾好食炸豪好正 外面脆得黎入面又保持到佢既質感 味道又鮮 又配埋沙津醬 男朋友都好鍾意 帶子串燒 牛舌串燒 雞腎串燒帶子mana地好食 我覺得配燒汁唔係幾鍾意雞腎幾爽口 牛舌食到有d濟 味道一般鱆紅魚同吞拿魚，三文魚 好鮮 入口好淋既感覺好正 豪壽司都正 一咬開d豪就bi哂出黎 燒汁牛 佢我就真係唔好鍾意食 d汁太濃味 好似好重口味咁 所以逼男友食哂去最後當然要叫返個甜品作結 叫左2樣都賣哂所以叫e個E個係紅梅布甸 幾鍾意佢表面果d糖 好脆好正 布甸唔會太甜 幾好

回想上次光顧已是七年前了， 當年是日本創新fusion菜見稱，今次水準尚可。我們點了炸大蝦天婦羅， 海膽反卷，鹅肝壽司， 壽司盛合， 芝士蟹肉焗飯。 炸大蝦天婦羅，炸得熱烘烘，沙律醬—早已淋上面，香脆可口，好滋味！ 海膽反卷不至新鮮甜美，但冇腥味，不過不失， 鵝肝質地怪怪的，似一塊豬肉，絕不溶化喺口 壽司盛合，賣相雅緻但味道一般， 芝士蟹肉焗飯非常有驚喜， 芝士香滑厚身， 夾起來一絲絲長長的芝士， 焗飯表面有焦面，很香口，唯一就是非常非常少蟹肉叫人失望 整體食物賣相吸引，質素平平， 環境一流，除了看到維港海景，坐位亦很privacy, 也就是會再光顧的原因吧！！

Lunch 主要定食帶飯或刺身飯，我叫左魚生蟹子帶子定食$75，連帶沙律及烏冬，一件食左都唔知咩東東， 烏冬口感偏軟， 剌身好新鮮，感覺良好。朋友的牛定食$128，餐包括湯，及幾件壽司加海膽壽司都不錯，餐後有飲品，朋友有85折coupon.埋單都係平均80~100，抵食。最滿意環境夠私密度，2人位不大但有空間又可睇風景，多人可選擇tatami但無景。

今次黎到依到都算係同朋友一齊重拾舊愛,因為之前都好鍾意依到,過左一段時間黎番都真係好感動,感覺比較自由,無咩限制咁今次得兩個人,唔算叫得太多野食,不過都令我地好滿足,好開心!第一個上場既係一個串燒併盤,不過依個食材夠靚既,正正常常咈燒熟就會好好味,太多既調味就唔會好食,食依個最緊要係有鮮味,依到就好岩我口味,好新鮮好好味,之後就開始係主菜,叫左依個長薄餅,因為我地都幾餓下,而且都好鍾意食薄餅,所以就叫左個,依個真係幾抵食又夠飽肚,而且味道都算唔錯,之後就一個烏冬鍋非常之熱呀真係,凍天氣食就正,用料好夠十足,佢有天婦羅同帶子我係幾鍾意既。最後就係一個刺身飯,D料都算係幾新鮮嫁,加埋有海膽仲要質素絕對唔差,真係非常好食。