火間土 (已結業)

今晚同友人約好食晚飯再行下街陪佢揀禮物。每次講起去尖沙咀佢都會推薦呢間火間土，可惜都冇機會食到。今次事先book定位，仲book到普通既window seat，可以睇埋維港景色。地鐵站行過嚟都需要啲時間，行到出唒汗，叫返杯野飲先。椰汁芒果$40-味道ok，正常椰汁加芒果汁，不過係真材實料既芒果汁唔會死甜得糖水味。鐵鍋牛肉排$78-呢個牛排不得了，超好味份量都吾少，有好幾舊，肉質啱啱好唔會好鞋，加埋醬汁食多幾舊都仲得。啲配菜都係啱啱好2舊，同友人一人一舊成碟清唒，價錢又唔貴，值！蝦天婦羅$92-對於唔太好天婦羅嘅我嚟講，呢個蝦都唔錯，粉漿唔厚，蝦新鮮彈牙，炸到啱啱好仲熱辣辣送到。串燒- 北寄貝$38, 牛舌$20, 豬肉$22好少見到有北寄貝嘅串燒，$38有3件仲要係原隻唔係平時刺身片開一半，都幾抵。北寄貝用燒同七味粉調味，又幾好食，仲好爽口。牛舌就一般，有啲韌，麻麻。豬肉串燒好juicy，有d芝麻係到仲香口。白汁焗蟹肉飯$75-朋友指定叫呢個，好多芝士係面超正。蟹肉就唔係好多，不過白汁都偏多所以食到一半都覺得有啲膩，但味道都ok。整體而言都唔錯，價錢上係尖沙咀嚟講，仲要望到海景都算平。

不在聖誕正日慶祝是常識吧。男友book左二人枱，如願有夜景睇，可惜玻璃污糟😂😂。入正題，講翻食物先，點左個牛肉扒，肉質淋，醬汁調味剛好，牛味不太重，但七八十ge價錢，有呢個份量呢個味道，算抵👍日式煎餃子，其實是不錯的，但原來係韭菜餃子，味道也濃，可惜我唔好陣韭菜味，男友就非常喜歡，鐘意韭菜餃絕對可以試試，另外醬汁也很好👍生蠔兩隻起點，但我不吃生，唯有男友一個人食兩隻😂，味道一般但不難吃不腥。芝士忌廉蟹肉焗飯，賣相好吸引我啊😍，滿佈芝士，熱辣辣做到拉絲tim ，不過蟹肉味較少，始終唔係主菜可以接受，但汁多過食，有點滯，比例平衡翻會好d。。前菜還點了蟹子沙律，不過忘記影相，48蚊，份量有點少，亦太多沙律醬。服務方面，人手明顯極不夠，很多時找人或要東西要很久....

幾年新開去食過，今日再同朋友食...一入到去一陣油煙味，聞到唔耐煩，待應開番大啲冷氣先好小小.可能天氣凍既關係調低咗冷氣...言歸正傳， 我哋一行五人 由於懷孕嘅關係唔可以食刺身，好抵食280一個人... 因為我哋都冇點叫 刺身 拼盤嘅關係所以好平...侍應服務態度好好....只不過係真係太油煙 可能大肚婆對味道比較敏感

今日中午試吓豪返一次 黎到火間土試吓佢哋嘅午市定食大約12:15嚟到唔需要等位 場內有好多唔同間隔嘅廂房 呢個設計非常適合一班朋友傾計聚餐 而且感覺上增加咗私隱度<<鰻魚石頭鍋飯定食>>揀咗餐牌內最貴嘅鰻魚石頭鍋飯定食 成個餐非常豐富有沙律，麵豉湯，日式蒸蛋 我最鍾意食有少少飯焦嘅石頭鍋飯～呢個嘅飯焦做得恰到好處～ 唔會太過火，亦唔會食到焦燶味～ 成個飯有一種好香脆嘅感覺 而且比起一般平時食嘅石頭鍋飯亦唔算太多油鰻魚味道亦非常好，但係略嫌切得太細片 所以口感冇咁好沙律、日式蒸蛋、麵豉湯嘅味道都不錯，但沒有太大驚喜另外，個餐亦都會包括咖啡/茶嘅飲品整體黎講，價錢算貴，計埋加一服務費，總共$132，不過食物質素同價錢係成正比，而且環境唔錯之前試過黎食晚餐，坐廂房再加上對住海景，真係唔錯嘅享受！ 間中想豪食一次嘅話，可以你黎依度試吓

平時晚飯小編覺得有少少貴所以中意lunch嘅時候黎食☺️☺️☺️今日12:30黎到 可能其他人仲未放lunch所以仲有好多位待應好好人安排左一間細箱房比我地個景好唔錯Lunch menu 嘅選擇都幾多 好唔錯!!!小編選擇困難症又發作最後揀左 壽司 天婦羅 刺身 豬肉定食😆😆$128😆友人揀左燒牛肉定食刺身 系三文魚 剌身同壽司都中規中矩 唔厚唔薄 唔肥唔瘦天婦羅炸得好好 食落唔好多漿 好脆!!!!!!!!正 三隻蝦 滿意豬肉定食 有d薑絲 正 好食 不過我以為系有少少飯 點知無🙈🙈🙈走仲送左lunch 10% off coupon~ ok 抵食!

今晚輪到我班由細玩到大嘅buddies同我慶祝生日啦!原先想去附近一間好出名食cheese嘅餐廳，不過佢dinner 冇得book 位只有walk in，我哋只好5點幾去等位……點知佢話要9點先有位!超恐怖!最後係無得揀嘅情況下，因為我哋唔記得book定第二間餐廳做後備，星期六晚6點幾尖沙咀間間餐廳都冇位，只有北京道1號嘅火間土有位，不過就要8點3交枱，啱啱好可以睇埋幻彩詠香江!哈哈!唔理咁多，因為太熱，所以嘭嘭聲叫咗兩杯飲品。香梨西柚汁&蜜桃茶酒飲品麻麻地我哋被安排坐喺餐廳最後嘅長枱，後面係落地玻璃，好好醜醜都叫做有個維港海景！我哋total 8個人，雖然只有我同另一個朋友到咗先，但我哋都即刻點菜，平時都應該會等埋朋友sss先每人點d，不過今次一來我生日我可以發辨點晒我鍾意食嘅嘢先，其次係佢要我哋準時8點3交枱。老實講佢d人手真係超少，我哋叫咗好多次落單，佢都係行過應咗就無行埋嚟。到有人行嚟落單，我點咗好幾樣之後，佢就不停叫我地點住先，留返d比其他未到嘅朋友叫！好似好想快d走咁.........無奈！三文魚腩卷海膽飯卷夾住三文魚腩同青瓜，上面放咗堆海膽，海膽鮮味唔鯹，不過要自己夾返上

朋友系外國番黎要求要有境睇 要食日本野睇左好耐就非呢度莫屬 預早打電話訂位要求window sit 準時入坐 8點岩岩可以睇埋幻彩詠香江野食種類多 睇左好耐終於有決定 海膽 ... 好鮮甜但得四塊紫菜真系吾夠 要再order 有點而那個刺身三食 三文魚厚切 肥美 北寄貝夠爽 八爪魚彈彈牙 炸黃金鮮魷 但黃金味略淡炸得吾夠香脆 可以免order炸軟殼蟹卷 軟殼蟹炸得夠脆大大件 人手不足 所以要有耐性如果吾想坐除鞋果d和室要同店員要求

食物ok，但出菜時間極耐，無耐性或肚餓嘅人絕！不！建議去。但唯一安慰嘅係，當你等到天荒地老想走嘅時候，隔離枱同你同一時間入嘅人，後面個枱入咗好耐嘅人⋯佢地都仲等緊d野食黎，你就會知道⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯you are not alone////////////////試過就好，反正可一不可再。

同事介紹黎食，中午去到無訂房都有間好大既房比我地，望出去就係海!!好大既玻璃窗，個景一流，又寧靜，食得非常舒服。佢食物質素都好好，個牛配蔥蒜非常之夾，牛本身都好食，亦都鐘意佢既擺盤。呢到既壽司亦非常有特色，賣相精美，刺身夠新鮮，正呀生蠔好新鮮，不過我個人鐘意食厚肉既生蠔，略嫌佢太薄。估唔到呢個前菜都咁正!!!卷物亦好好食，幾款材料夾得好，但唔好既地方係佢太多舊，得兩個人食每人太多了，鐘意食唔同款多d總結：一流呀，野食同環境都抵讚！

咁屋企人生日，咁佢地就提議去火間土食日本野。咁就當然就佢地啦。食d咩都當然係佢地揀啦。睇完餐牌之後，我地就叫左火間土大刺身、吞拿魚腩飯、三文魚腩卷配海膽、和牛肉沙律、牛粒串燒、大蔥雞肉串燒、芝麻豬肉串燒、雞腎串、燒石頭牛肉飯。呢個吞拿魚腩飯一睇就知好普通，又少吞拿魚又無乜味又少飯，超級唔抵食。真心唔好叫呢個。牛肉沙律都唔錯，牛肉腍度適中。大刺身，有蝦、拖羅、三文魚等。拖羅都還可以，不過$430就真係有點貴。呢d串燒so far都幾好食，值得叫。三文魚腩配海膽好失望，海膽又腥，三文魚卷又無乜味。牛肉飯熱辣辣幾好食。

要有私人空間就要book檯啦～望住個景食飯真係好好feel可能冇人行嚟行去專心傾計食嘢不其然就飲多咗 但其實佢哋隻杯有d過份大囉......Sashimi 二人份新鮮嘅 呢間咁出名 所有其實都有保證 燒物真係唔係時時都一樣水準一般呢粒蠔好好食係好好好好食！當然唔小得生蠔冇得輸

今日要加班至夜深，心𥚃一點點鬱悶，一定食個靚lunch調劑一下的心情。一於同同事試下佢推介的日本餐廳。這餐廳位於北京道一號，位置頗為方便。店子是日式餐廳的裝修，設曰式榻榻米房或普通座位，氣氛十足。午餐的選擇頗多，而定價由$78-$258，有壽司、炸物、烏冬同刺身等定食。火間土三色便當定食$98嘩，$98有三款熟食同刺身，又幾豐富噃！炸蝦有三隻，炸得香脆唔油膩；刺身是新鮮的，有三文魚、油甘魚同甜蝦各兩片；而焗帶子都幾大粒；汁煮豚肉-肉片唔韌，味道甜甜地，送飯唔錯。湯就無乜特別，ok啦。焼銀鱈魚配豬肉生薑燒定食$120銀鱈魚燒得徵焦，賣相吸引，魚肉十分嫩滑帶油香。這銀鱈魚都算大片，而且已經去骨，十分方便進食，可以啖啖肉放心食；甜甜的西京燒的味道，加上豐沃嘅魚脂，送飯一流。豬肉生姜燒味道甜甜地，入口都幾多肉汁，有啲吉野家嘅影子，是好傳統嘅日本味道。這個套餐有肉又有魚真係食到飽，唔錯。凍奶茶冇乜茶味，味道麻麻哋咖啡嘅味道好淡，加左奶都唔香滑。除咗餐飲以外，整體食物水準唔錯，價錢合理，而且餐廳嘅環境唔錯，與良朋共聚不失為一個唔錯嘅選擇。可以一嚐。

今日同同事食lunch，本來諗住去文化中心間Cafe, 點知執左。。於是同事帶左我黎北京道一號試新野。去到唔使等位，裏面都幾大，可惜坐唔到窗邊位。lunch set有好多選擇。最後我揀左一個有鯖魚同豚肉ge套餐。等左唔使十分鐘食物到了。成個set上，賣相精緻。麵豉湯：味道中上，有豆腐粒同海帶凍豆腐：夠滑而且有豆味前菜：有少少肉粒，茄子，薯仔，紅蘿蔔，蓮藕。用日式醬料煮左好耐，全部都好入味夠哂淋白飯：日本米真係好食d炒豚肉：呢個感覺上煮過頭，有dd硬鯖魚：好食，燒得好好以呢個價錢，Service 差d, 冇人黎加茶，離開時冇人送客。

北京道1號堪稱觀望維港最美好的餐廳景色之一，所以這裏也存在著不少米之蓮的餐廳，所以今日決定來到火間土這間日本料理餐廳試試，這間餐廳出名價錢合理，材料新鮮，景色怡人料理拼盤，的確不錯燒鯖魚，有水準來到日本餐廳又怎能不試試海膽飯若果想坐窗口的位置，敬請先預約

話左以後lunch諗唔到食咩就一定嚟呢度🙈🙈每次都無book, around 12:30 walk in 都有位今次試下其他lunch set 先~🐆🐆🐆🐆🐆🐆🐆🐆🐆🐆🐆🐆🐆🐆🐆🐆忌廉鳥冬內有幾舊蟹肉，呢個價錢OK la 😛忌廉底好creamy 😍😍雖然有少少罪惡感，但係味道同賣相都值得放肆下牛肉飯有少少吉野家嘅感覺🙈🙈🙈中規中舉~ lunch set包埋飲品🙌大滿足❤️❤️