火鍋撚 (染布房街) (已結業)

26-9-2019四方城友定期聚會, 首選太子/旺角區。好多間都有分入座時段, 例如6:30 / 9:00, 時間非常尷尬。火鍋撚沒有呢個限制, 上星期打電話留座7pm, 一放下電話就馬上收到訂座訊息, 非常有效率, 未食已經留下良好印象。今晚點了蜂巢豆腐白鍋湯, 又追加左我至愛既鴨血; 白蘿蔔整齊排在碟上, 看上去似冬瓜; 牛粒非常新鮮, 即使淥耐左都仍然好冧; 響鈴剛炸起, 放入湯3-4秒就可, 喜歡佢又脆又軟既口感; 最驚喜的, 可以搵到水晶奶黃包! 十幾年前既火鍋舖好常見到水晶叉燒包 / 水晶奶黃包。今晚再次嘗到, 勾起多年前既回憶😍😍店員服務周到有禮, 會主動幫忙加湯和收拾碗碟, 最後還送上用特別形狀器皿裝住既甜品, 簡直加好多分!! 唯獨感覺店舖地方不太大, 如果7-8人火鍋, 會有點迫; 3-4個好朋友來聚餐就非常合適!

個湯好有層次  員工有禮貌第一次 估唔到佢個湯同台灣個d有得比湯底 好足料 之後補湯都係比番原湯你 唔係水野食方面 有小小貴, 同埋黑松露既野食可以重味小小其他都好得！ 響零真係即炸 上枱仲係暖會繼續去

TGIF! 終於可以放咗工之後去開心吓🎉我哋呢班火鍋撚最後都係揀咗食火鍋話說係因為其中一個朋友太想飲花雕俾佢由冇位book到有位 先食到呢一間充滿中國氣息嘅火鍋🍲沿着樓梯上去 就有好多兵馬俑店舖嘅裝修 亦都好古色古邊爐香我哋叫咗個豆腐湯底 好好嘅個湯底係會越嚟越濃郁 但飲落去唔會鹹或者油膩 即刻個罪惡感細左好多🦵🏼肥牛300幾蚊 但牛味唔算重 切得又唔算厚 性價比一般般反而黑豚肉仲出色 好值得一試👍🏻鴨血同埋蜂巢豆腐吸湯底後 真係好好味最要推薦嘅就係午餐肉菜餔水餃🥟 以為唔夾 點知菜餔可以啱啱好中和左午餐肉嘅膩口 兩者相得益彰 超正龍蝦汁牛丸可能太過fushion 搞到似食西餐多過打邊爐珊瑚蚌拼貴妃蚌爽口鮮甜 但每樣得四片略嫌太少黃沙豬膶亦都冇特別出色 不過不失啦最要讚嘅係花雕 每人一粒話梅 再自選一隻杯味道易入口之餘 個酒瓶仲要咁靚 保持住花雕嘅冰凍 如果兩個人把酒談天 再加多輪明月 真係好有情調嘅一件事食到最後會送冰沙俾我哋一人一杯個杯係古代嗰啲鼎 真係好靚整體來講 佢嘅環境真係好唔錯 噱頭亦都十足雖然部分食物性價比唔算高 但都值得一試

其實火鍋撚剛開業時已經有食過, 今次約咗幾個朋友在旺角睇戲, 朋友建議食火鍋撚, 話掛住台式火鍋既麻辣鍋同酸菜白肉鍋😂餐廳唔算好大, 座位只係剛剛好, 枱與枱之間都比較近, 不過影響唔到我地打邊爐既雅興。麻辣鍋拼酸菜白肉鍋係我地必點, 湯底味道我幾鍾意, 唔會過酸, 麻辣叫咗小辣啱哂唔太食辣既朋友。其實本身湯底都好夠濃, 但餐廳都會提供調味料同醬汁, 我最鍾意酸菜白肉配腐乳醬。食物材料都好新鮮👍牛肉味濃夠淋韮菜不過不失可以再多啲韮菜粟米好清甜超正午餐肉已炸得好脆娃娃菜放落酸菜吸哂酸味又唔怕太淋蓮藕片夠新鮮最正係餐後每人一小杯既腐竹蛋糖水沙冰, 夠哂香港味道, 又唔會太甜, 推介!

同朋友某晚去火鍋撚打邊爐雖然唔知點解明明訂左位 但無我地名不過去到都有位安排我地入去入到去冷氣開到勁大，都幾凍不過考慮到晏少少晚市時間多人室內氣溫應該會上升唔少掛同朋友叫左個蜂巢豆腐白湯鍋湯底好味呀甜甜地 又容易入口 真心撞介另外再點左安格斯肥牛、牛柏葉、午餐肉、蔬菜拼盆、黑松露墨魚滑同埋金桔檸檬。值得一讚既係安格斯肥牛同埋黑松露墨魚滑肥牛肉質靚，食落去無冰鮮味；墨魚滑黑松露味夠濃較為失望係金桔檸檬同埋黑木耳（蔬菜拼盆內其中一項）金桔檸檬太甜，飲完仲口渴而黑木耳唔知點解有一陣苦澀味另外二樓洗手間入到去都有少許混亂

剛在過去兩星期幫襯了兩次火鍋撚，主要原因是他提供的全單7折優惠。經openrise訂座還送你25個asiamiles 。先講湯底，點了白湯和麻辣，保持一貫水準。食物方面，點了手切牛肉，黑先豬，雞件，炸魚皮，嚮鈴，一些丸和雲吞，皇帝菜等等。火鍋/打邊爐只要食物新鮮就不會出事而火鍋撚就是當中表表者。另外飲品點了檸檬沙冰，比較特別。環境方面，旺角店比較迫和窄，但整體都是可以的。有些卡位還很寬闊。今次全單7折優惠（可惜做到7月15日）令這兩餐晚飯更加抵吃。

The food was pretty average aside from the presentationThey are running a promotion till 15th of July, you get 30% off the total bill if your have "3" or "L" on your HK identity card..本星期第三次吃火鍋，顧名思義火鍋撚如果身分證有數字3 或英文名字有”L”就可以享有全單七折(到7月15號). 。可以5:30、7:30或者9:30入場，如9:30入場嘅話就不限時。食物和湯底都普普通通，不過不失但擺盤就很不錯起初朋友們不是很能吃辣所以麻辣火鍋點了小辣，但來到的時候不能吃辣的朋友也吃不出辣味，然後向職員要求+1點辣，所以建議可以叫中辣起。有優惠吃挺划算，四個人去食每人結帳$230而且結帳後有送腐竹雞蛋糖水沙冰

【7折食 #火鍋撚】 撚，響呢度，並非粗口，而係「撚手」嘅意思，有幾「撚」?  「火鍋撚也者，即火鍋之狂熱者也。」睇湯底就知啦，特色湯底有 #祖傳秘製麻辣鍋 ($129)、 #蜂巢豆腐白湯鍋( $129)、#一品酸菜白肉鍋( $114)，仲有 #媽媽滋補老火湯鍋 ($119)，  趁住而家有全單7折， 梗係要拉大隊試下啦! ♡身份證號碼含「3」字 或 身份證姓名含「L」字， 7月15日之前，去任何一間火鍋撚分店，都可以有全單7折優惠!!! 一睇就知我哋 有好多個「L」字啦.... *此優惠不得與其它優惠同時使用 ｛林太推介必試!｝ 好多人打邊爐，除咗湯底之外最著重嘅一定係牛肉， 呢度嘅牛肉係正嘅， 但係當我食咗第一粒手打丸之後， 我就發現呢度嘅丸啊鮮滑啊等其他配料係更有驚喜! #蜂巢豆腐白湯鍋 $129 呢款係鎮店之寶，主菜係自家製蜂巢豆腐，加入新鮮蔬果，包括蘋果、紅蘿蔔、海底椰，再加入滋補香料及原條人蔘製而成，藥膳味濃但不失清甜，林太超喜歡! #即炸三秒響鈴卷 $49 鬆脆口感浸一浸湯， 呢一種滋味只有試過嘅人先會明白，有幾咁難以言喻…… 食唔停口㗎喎。 #流心鹹蛋

香港人真是十分喜歡打邊爐，就算天氣幾熱都好都擋唔住打邊爐嘅心情。今次我和朋友Shopping完幾小時之後，就更加想去打邊爐補充一吓體力。而且食完亦覺得呢間火鍋店相當高質，值得再試。今次朋友介紹呢間香港其中一間人氣火鍋店食晚餐。店內環境相當古色古香，而且餐廳內亦見到好多推介食物或限定優惠。特別1/7 - 15/7其間，身份證姓名含「L」字或身份證號碼含「3」字即可全單7折優惠，呢個真係好抵。而店員帶我們去座位後，亦同時把調味料給我們自行混醬，配料種類相當多，蒜泥、醬油、麻醬、醋、指天椒等一應俱全。鴛鴦鍋(蜂巢豆腐白湯鍋+小辣麻辣鍋)當中餐牌推薦的蜂巢豆腐白湯鍋值得一試，蜂巢豆腐浸泡於白湯裡頭，牛乳熬成的湯汁呈現乳白色，濃而不稠，湯料更加入藥材、鴨紅，看起來頗為補身。而麻辣鍋辣度好容易接受，麻辣味層次豐富，亦唔算油膩 。極品安格斯肥牛賣相精緻，特別安格斯肥牛輕輕灼數秒嘅粉嫩顏色特別吸引，真係不枉有極品之名，已食時入口溶化，牛味亦相當重。美國桶蠔呢個亦很相當推介的火鍋食材，因為每一隻桶蠔都有如巴掌般巨型，吃下爽滑無比，超級肥美。黑松露野菌餃(左)/奶皇水晶包(右)平時茶樓食點心就食得多，但今

係呢個興恰恰火熱熱嘅時期，可以有一班志同道合嘅好朋友圍埋一齊打邊爐，高談闊論，談笑生風，真係唔簡單，直頭係幾生修來嘅福氣一句：淥多隻蠔丫唔該！搭多句：夾牛肉啦，熟哂喇！句句豪爽直接，就好似我地嘅友誼咁，簡單又舒服，熟就夾起食，無需要諗太多今次我地揀嘅鋪頭個名都已經係咁豪爽，火鍋撚，就算一行10幾人去食都夠哂位，仲可以包房打添一煲媽媽老火湯底再加$30叫左個鴛鴦鍋，一半要左蜂巢豆腐白湯鍋，仲有一半更係唔少得秘制麻辣鍋雖然醬料要收錢，但10幾樽俾你任加，都算係咁！呢度最特別嘅當然係手打流心丸，其中我最欣賞嘅就係 流心咸蛋黃豬肉丸，加熱後變成流心蛋黃，岩哂咸蛋控！ 當然唔少得試埋呢度嘅名物美國桶蠔，就算煮熟左都又大又厚身，食落滿滿濃郁嘅蠔味，係生蠔以外嘅極品！極品安格斯肥牛 ，雪花分布均勻，厚薄適中，就算煮耐左都唔會靱響鈴即叫即炸，淥3秒就夠架啦，必食！仲有好特別嘅水晶點心拼盤，好似水晶奶黃包、水晶叉燒包，打邊爐終於都有甜品食喇😂😂打邊爐當然唔少得飲品啦，呢度飲品又多又足料，絕對唔係溝哂水變到有色水咁，今次叫左西瓜汁，解渴之餘仲有啖啖西瓜肉！由即日起至15/7期間到任何1間火鍋撚分店出示身份

朋友幾忙都係要見面，就算平日同一班朋友仔見幾多次都好，總有講唔完的話題！所以呢日我地又約埋一齊去滾！講緊就係呢間位於旺角的「火鍋撚」。自從女兒出世後，只係打過一兩次邊爐，次次佢都要嚷著要一齊淥，搞到我都無啖好食，今日我賣甩個女，終於可以盡情食我想食的食物了！ 因為我地同行有小朋友，所以湯底方面點了一鍋媽媽滋補老火湯，另一鍋係蜂巢豆腐白湯鍋＋祖傳秘製麻辣鍋 今次我地一口氣試了好多款特別點心，最邪惡有　＃流心咸蛋黃豬肉丸，店家好細心，放上「小心爆漿」的提示，入面的流心蛋黃真係好好食～ 另外我地又試咗 #黑松露什菌餃，黑松露加熱後香味更加濃郁，而水晶奶黃包就準備做飯後甜品～雷囡媽媽好欣賞呢款 #美國桶蠔，夠大隻又肉厚，食完又密密加單，至於我就好喜歡 #極品安格斯肥牛，因為靚牛打邊爐先唔會靱，切得有邊咁上下厚度，有啲咬口之餘仲可以仔細食到牛味。 每次打邊爐我都會點一些爽口，唔怕會淥過龍的食物，牛栢葉就係其中一樣，今次點了 #黑白栢葉併，一次過試哂兩種牛栢葉，店家每碟切開的份量都比較大件，所以食一件起兩件止就已經好夠！ 現在一些有水準的火鍋店都會有 #即炸三秒響鈴卷，火鍋撚都唔例外，再試埋

💙 一開始留意呢間火鍋店係因為佢個名好特別🙈 之後再聽人講，原來都幾好食！所以上次就同媽咪一齊去試啦~ 💛首先要講湯底真係好濃，好好味！今次點左蜂巢豆腐白湯鍋 $129 💕 呢款湯係由雞湯,豬骨湯,蔬果湯,同忌廉牛乳製成，入面仲有自家制蜂巢豆腐，同鴨血~💙 野食方面嗌左安格斯肥牛，極品黑豚肉~ 即炸響鈴好好味！淥3秒剛剛好🤤.💛 啲丸都好有特色！我地試左流心鹹蛋黃豬肉丸，龍蝦湯醬爆牛丸！ 我就比較鐘意流心鹹蛋黃豬肉丸☺️💙 最後仲會送返腐竹雞蛋糖水沙冰😍 你盛載既容器都好靚，食落仲好特別添👍🏼.

-位於旺角的一家火鍋店♨️🔥價格打邊撈黎講算中上🤝🔆蜂巢豆腐白湯鍋 （$129）🆘祖傳秘製麻辣鍋（$129）基本上湯底揀呢個就沒有錯了👏🏻然後來介紹一下覺得比較需要點的✔️火鍋撚御用手切肥牛 大（$308）法式龍蝦湯醬爆牛丸 （$89）然後其他其實沒什麼特別 但是火鍋還是必點吧炸魚皮 響鈴 牛柏葉 等等⋯⋯⋯⋯然後想重點介紹一下 飲品放面超有驚喜🥰腐竹糖水沙冰🥚（$33）圖二 一定要飲🔥係超級好飲 勁濃腐竹糖水味😌超中2水蜜桃沙冰🍑（$33）圖二這個也很不錯 感覺是真的是新鮮水果 冬瓜檸檬沙冰 （$33）圖三酸酸maymay 幾開胃 提示：多人去比較好 2-3個人可以點的種類不多______________________________Score：6.5/10 地址：旺角染布房街6號1樓Tel：2336 1098/6682 7608

操完兩個幾鐘泰拳那麼辛苦，放拳梗係要補充一下，對自己要好一點，要食好一點。山長水遠行到火水爐居然座位訂滿無得食，剛才路過火鍋撚就返轉頭碰碰運氣。無心插柳有緣一嘆，難得有位，雖然限時 90 分鐘用餐，免強足夠。走到閣樓驚見檯椅放到密麻麻，通道勁夾窄肥少少都過唔到。湯底揀左蜂巢豆腐白湯鍋 材料係，蜂巢豆腐，鴨血，仲有一條人蔘喔。湯底都幾好味 不過食到最尾時，可能係會偏咸左之，佢個蜂巢豆腐好好食，係索哂啲湯汁，咬嘅時候好juicy。鴨血都幾多塊，又滑幾新鮮的。

作為一個年紀漸長既火鍋愛好者，愈黎愈開始放棄任食火鍋，而選擇價錢高一點，但質素也相對較好既單點火鍋。香港好多間火鍋都試過，但好多都只係ok la, 唔難食，但唔打算再翻兜既。今日黎到近旺角火車站既火鍋撚，黎之前睇左openrice d 負評，主要都係話貴而量少，服務不好之類。。本身就係抱住 試一次啦 既心態就咁就 坐底左。點左個依到既人氣 紅白火鍋黎到既時候，試一啖湯。。嘩！係我係香港食過最似某台灣火鍋店既白湯，味道微甘，仲見到好幾片好柔軟既鴨血同吸哂湯汁既豆腐浮面麻辣湯底就可以啦，中級辣度係剛好依度既鴨血，係非常Q彈，值得close up去記錄每一片都大大片，水份好充足，有台灣鴨血水準既8成。但未夠入味，唯獨鴨血要略點醬油才倍感滋味😂牛肉色澤沒有吸引既鮮紅色，亦沒有濃郁牛肉味，尚可，不過不失紫淮生，外圍爽內圍粉，同普通白色淮生味道有分別元貝滑，幾特色，每啖都有瑤柱味，又有墨魚滑既彈性粉絲同娃娃菜 煮在白湯之中 簡直絕配相反，有好多人推介既 奶黃水晶包，係成餐飯最差既選項。。。響玲，雖然油，但真係香港火鍋店之中數一數二既脆而香，又脆，又有豆香我地試左就咁點附上既醬食，有驚喜午餐肉菜甫餃