火水爐冰室火鍋

营业中

休息中

今日同朋友喺旺角行街，經過呢間火水爐門口，俾佢啲懷舊佈置吸引住，望兩望原來係一間火鍋店，於是上去試吓佢哋主打一人一鍋火鍋套餐，價錢都算抵食我哋四個人分別點咗兩個麻辣湯底，一個清雞湯，同埋加20蚊嘅花膠雞湯，個花膠雞湯真係值得推介，鮮甜濃郁，花膠都唔少套餐嘅嘢食都唔小，魚蛋、貢丸、芋絲都唔止一粒，而且好新鮮，烏冬用稻庭烏冬唔錯，我哋加錢改咗安格斯牛同埋牛小排，牛肉好林好有牛肉味最後我哋加多咗幾款嘢食，每款都係10蚊！

去到六點見到鋪頭落咗半閘，好心急。再等多陣一到六點就開店了，等我哋試吓呢間人氣邊爐店先。佢由店面去到鋪頭裏面嘅裝修都係走70年代嘅懷舊風格，裏面嘅background都好靚，啱晒大家一齊gathering影靚相。今晚試咗海鮮火鍋套餐，一去到佢就有個餐前小食，之後就上個花膠雞湯底然後有海鮮拼盤，另外安格斯牛、火鍋配料同汽水等等都係任飲任食，自己鐘意幾多就order 。雖然係任飲任食但係記得食到幾多，先叫幾多，咪做大晒鬼！店員服務好，食材新鮮，仲有甜品添，下次可以再嚟試埋其他湯底，今次我覺得呢個花膠湯底真心正，入口鮮甜，配埋其他火鍋配料真係唔錯！

同事介紹呢間火水爐冰室火鍋唔錯，兼發現佢地有lunch set一人一小鍋打邊爐，以每位只係$88泥講(免加一)，的確係性價比高，所以今日放假同男朋友拍拖去try try！懷舊風的裝修，一直播著張國榮的歌曲，座位之間也很寬闊。lunch set時間係中午12:00至3:30。其實本身個set都夠飽架啦，但如果唔夠喉可以加錢追加野食野飲。來個大合照！我們揀左2款湯底，呢個係濃厚花膠雞湯(要另加$20)，先講啖湯，濃濃的雞湯係好味ge，裡面仲有d雞件可以食，但不過就一舊花膠都搵唔到。另1款就揀左招牌麻辣湯，呢個有驚喜！真係好夠辣(利申平時譚仔食大辣)，中意食辣ge朋友仔不妨一試呀！配料有生菜、粟米、陳皮魚蛋、貢丸、腸仔、芋絲、響鈴、稻庭烏冬。美國珍寶肥牛，肥膏比較多。另外加$10揀左特級安格斯牛肉，牛肉味好重，真心推介！！！

同朋友慶祝生日，揀左個相當有特式的鋪頭打邊爐，成個裝修都行懷舊路線，無論是餐具、地板、枱櫈甚至店內的一些特別裝飾，都襯托番個主題，好多打卡位！今晚我們就試左個「花膠雞安格斯海鮮火鍋套餐」(每位$258)，佢有麻辣花膠雞煲或濃厚花膠雞湯鍋可選，我地揀左前者，係等緊個煲黎既時候，就可以食住餐前小食先，包括有炸魚蛋，豬肉丸和燒賣，都唔錯！跟住主角出場，招牌麻辣花膠雞煲，花膠份量比想像中多，裡面仲有滷水豆腐、豬皮、大葱、洋葱和芫茜等，當然唔少得有雞，麻辣汁好香濃，花膠炆得好入味而且夠腍，雞件都嫩滑，十分惹味！食完雞煲就換個湯底開始打邊爐啦！套餐包左個海鮮拼盤，有海蝦、廣島蠔、墨魚滑、脆鯇和大蜆，全部都新鮮鮮甜，海蝦都幾大隻，脆鯇爽口啖啖肉，正！當然，仲有其他火鍋配料可以任食，包括打邊爐必備的肥牛，薄切得黎肉質嫩滑，不過講靚當然要揀特級安格斯牛肉，同樣任食！！脂肪分佈平均，色澤鮮豔，一睇就知靚嘢！食落當然好有牛味，好腍呢！唔食牛就可以食黑毛豬，一樣好食！食肉之餘點都要食下蔬菜類和丸等其他嘢，呢度有墨汁墨魚丸可選，另外仲可以響鈴、炸魚皮、金菇菜雞脾菇、粟米、流心芝士丸、牛丸、水餃等，應有盡有，小心

今日放工去旺角行街順便又買狗狗用品 ( 對 我是一個狗奴)行吓行吓見到呢一間店舖望落去好有特色走懷舊風格 又見到有汽水任飲 又有小食海鮮拼盤送, 都係收$258一位 咁就一於去試吓～$258嘅火鍋套餐已經包左招牌花膠雞湯㷛 (當然亦可以揀其他)海鮮拼盤 同埋綠色餐點紙任飲任食個花膠雞係真係有花膠係入邊㗎! 湯底亦都好鮮味 我飲咗兩碗 感覺好似飲咗好多骨膠原 ~醬料自己落 基本上火鍋要嘅醬料都必備了 豉油就直情擺咗喺個枱度自己落～餐前小吃 炸燒賣和魚蛋送嘅海鮮拼盤一啲都吾hea 有四隻大蝦 蝦滑 生蠔魚腩大蝦差唔多有一隻筷子咁長㗎 ！新鮮美味 食得出係好新鮮 唔係死左好耐特級安格斯牛 肉味很濃 脂肪少 彈牙 值得encore！餃類是手工包的 吃得出的心思 魚皮餃和韭菜餃是必食的!汽水任飲 非常之爽!吃吃喝喝了兩小時 最後每人還有一碗甜品 涼粉紅豆冰~ 非常之飽肚滿足呢!

今晚和T慶祝生日，K提議去火水爐打邊爐，就咁聽個名都知懷舊, 店子門口設計成60年代的戲院，店子裏面更有夜總會，大押，唐樓綠色鐵窗框，一排排的火水爐的裝飾，非常懷舊和有趣，甚有特色調味料不算多但絕對夠用今晚我們揀了花膠雞安格斯海鮮火鍋套餐$258每人包招牌麻辣花膠雞煲或濃厚花膠雞湯鍋，配餐前小食，時令海鮮拼盤，懷舊甜品，汽水任飲，自選鍋底4選1和各式火鍋配料任食天時暑熱，叫番杯冰糖陳皮燉檸檬$28飲吓先陳皮的香味很濃郁，酸酸甜甜，冰冰涼凉，好舒服好正呀先來一碟餐前小食~炸魚蛋，豬肉丸和燒賣，好脆口，幾特別招牌麻辣花膠雞煲~Wow!雞煲上鋪滿大量的花膠，加入滷水豆腐，豬皮，大葱，洋葱和芫茜，和雞件，麻辣味非常香濃，花膠和豬皮炆得好腍好入味，雞件肉質嫩滑，洋葱和大葱等配料也很甜很美味食完雞煲，又到打邊爐時段，因為剛才食左一個濃味的雞煲，大家決定要一個清清地下火嘅皮蛋芫荽鍋海鮮拼盤都好豐富，有海蝦，廣島蠔，墨魚滑，脆鯇和大蜆。海蝦又大隻又爽甜，廣島蠔鮮甜，脆鯇爽脆，大蜆肥美可口美國牛肉~大大片，薄薄地，頗嫩滑安格斯牛肉質腍滑，脂肪分佈平均，牛味濃郁黑毛豬肉質軟腍，咸咸地肉味濃郁巢豆腐，滑豆腐

又到Happy friday night同閨蜜gatheringo嘅時間，閨蜜一號推介去旺角一間火鍋店，大家都無意見就嗱嗱臨訂位。呢到海鮮火鍋套餐有兩個價錢，分別在於有無牛小排，對於講多過食嘅我地，揀個平少少價錢就夠頭煲揀左花膠雞湯煲，我因為遲到所以影唔到相，個湯好夠味又足料，但d雞就煲到鞋晒所以無咩食。煲湯都幾多，我地3個食每人飲兩碗半餐前小食就揀左炸魚肉燒賣同魚蛋配泰式醬，普普通通，等食時要黎過下口癮火鍋湯底揀左特濃花生沙嗲，其實只係普通沙嗲，唔覺得有好濃花生味，但都唔錯肉類只有款任食，安格斯牛唔錯，唔肥又夠嫰，美國肥牛同黑毛豬肉片就普通海鮮拼盤有墨魚滑、蠔、蝦、細蜆、鯇魚片，除左細蜆d肉實在太細又無味唔ok之外，其他不過不失其他雜丸蔬菜雲吞水餃都係普普通通，同其他火鍋店分別不大總括黎講，呢個火鍋店係裝修比食材更吸引!

之前成日經過旺角煙廠街，都見到一間好有特色嘅火鍋店，個名就係叫火水爐。鋪頭特登打造成為舊式嘅鋪頭噉樣，非常之有特色，啱啲朋友仔去打卡。鋪頭仲播住好多懷舊嘅歌曲，例如張國榮同梅豔芳等等。Lunch都可以打邊爐喎，而且價錢都抵嘅，唔超過100，所以我哋就上嚟試下喇。$88的lunch set，有唔同嘅湯底俾大家揀，基本上最特別嘅湯底非花膠雞湯莫屬，所以就齊齊試咗呢個湯底，留意呢個攤位要加$20火鍋湯底有幾件雞，大家都知道煲湯嘅雞都總係比較煙韌，不過湯底就以我哋比較清甜，仲有好大嚿花膠添，都真係值回票價。肉類方面我哋食左黑毛豬片，安格斯牛肉，額外仲叫咗碟頂級牛小扒。三隻肉都係肥瘦均勻，咬落去都好爽，所以三種都係有質素嘅，揀邊種視乎大家嘅口味啦。配料合同有八種，非常足料，主要以蔬菜為主。值得一提嘅有炸響鈴，大大件咁樣非常鬆脆。陳皮魚蛋的確同一般魚蛋唔同嘅，睇得出有用陳皮醃製，所以食落比一般魚蛋嘅香。玉米貢丸就較為特別，因爲我未食過貢丸有粟米嘅，食落都幾爽。麵食可以揀稻庭烏冬同即食面，我哋兩樣都有叫，女人都好識嘅，都係視乎大家口味啦。跟餐會送一罐汽水。如果大家食落覺得唔夠，可以追加火鍋配料。畀個

今晚同幾個朋友訂咗位打邊爐，門口的裝修都幾懷舊，上一層樓梯後，見到一排火水爐，初時真係以為用火水爐打邊爐，原來唔係，都係用返一般既電磁爐。我地揀咗$258任飲任食，湯底梗係要試花膠雞湯底啦！湯底到咗，待滾之際，先黎咗個送既炸燒賣，炸魚彈好香脆。湯底滾起，第一時間試下個湯，好濃既雞湯味，好正。花膠絕對唔吝嗇，大大舊仲要有好多舊，好厚肉又夠軟，好好食。跟餐仲送咗個海鮮拼盤。呢個係任食安格斯牛，好嫩滑，但美國肥牛就有啲肥（前者）可以留返食安格斯牛。其他火煱配料都中規中矩啦！可以再來一試。

知道旺角這間火鍋店以懷舊為主題，主打食火鍋，餐廳以懷舊嘅裝修作招徠，底層設計成一個懷舊戲院，上層則擺放多個火水爐在樓梯邊，加上昔日的相片掛在牆上，並用上懷舊的碗碟，配以70年代的地磚，非常懷舊！ 餐廳是主打😍任飲任食 #豪食暢飲 1️⃣2️⃣0️⃣分鐘👅 💲258/位🌶 🌸麻辣花膠雞煲安格斯海鮮火鍋🐄🍲====—====—====—====— 🍀餐前小食炸魚蛋燒賣 甫坐下，店員就送來一碟炸魚蛋燒賣，讓我們邊等待花膠雞煲和剔選火鍋配料的同時，可以先吃吃小食！ —🐥招牌花膠雞 🌶🌸麻辣花膠雞煲🍲 平日吃雞煲，很少會配上花膠，這個麻辣花膠雞煲配上大大塊的肥厚的花膠，索曬麻辣汁香味，真係不得了！—吃完花膠雞煲後，可以4選1湯底繼續吃火鍋，選了店內的主打湯底，味道濃香惹味！ 🥜特濃花生沙嗲鍋🍲 —🐟🦐時令海鮮拼盤🐙 海鮮拼盤裡有蠔、墨魚滑、魚片、蝦、蜆，非常新鮮！ —🍴火鍋配料 火鍋紙上有超過30款配料供任食，當中包括🐄肉類、🦐海鮮、🍢丸類、🥟手包雲吞水餃、🥬蔬菜和🍜粉麵！ —🍨懷舊甜品 最後店內還為客人準備了甜品

今天放假同媽媽去旺角逛街，大家也有一段時間冇去旺角，因為人太多天氣又熱。 行了一陣遠遠看見有一個即日放映招牌，媽媽興奮地行了過去看，發現原來係一間懷舊火鍋店。 在樓下已看到價錢，下午一人火鍋餐好抵，只收$88 冇加一又不用收醬料費用。 晚市更有多款不同套餐，價錢也不貴。啤酒用碗盛好有feel招牌麻辣湯及濃厚花膠雞湯煮滾即時試了湯底，味道十分濃厚，湯內更有雞件及花膠。跟餐每人有一大盤菜丶午餐肉丶腸仔丶丸丸及烏冬或即食麵。可以加錢追加食物

火煱之前可以係一煲花膠鷄湯，幾夠味，吾錯，其實本身喜歡食辣，原本諗住要麻辣花膠煲，但諗諗吓花膠煲加麻辣好似浪費左個花膠，所以只係要發膠布，飲了兩碗後開始打邊爐。油炸鬼好味，肥牛都可以，其他一般啦。同一般任食打邊爐可能都一樣，落order叫好多次先黎一次，所以進度有點慢，但佢係限時兩個鐘，勉強到足夠嘅。另外可能我哋坐嗰個位有啲近出菜位，熱得好利害，請工作人員把冷氣點搞都冇用，所以係環境方面我個人會扣分。

豬先生豬小姐好耐無去打邊邊啦今晚尼到「火水爐冰室火鍋」開餐門面似足舊式戲院 搶眼嘅霓虹光管招牌 沿住樓梯上到鋪頭都有會見到唔同嘅懷舊海報環境相當懷舊 無論裝修擺設傢私都非常復古令人有種走進80年代嘅感覺有心思夠vintage 我鍾意我地選擇咗花膠雞安格斯海鮮套餐火鍋配料任食(除海鮮) 汽水仼飲先上小食一碟 係炸燒賣同炸魚蛋 熱辣辣送上 非常可口主角花膠雞煲上場啦 兩人份有半隻雞除咗半隻雞之外 仲有幾塊大大片嘅花膠滋補又養顏 係女士恩物呀雞湯有黏嘴嘅感覺 充滿骨膠原嘅膠但又唔會太過分漿住個嘴未落火鍋料前當然要先飲兩碗精華雞湯為敬食完雞仲有幾款湯底可以選擇做火鍋底 例如肉骨茶 冬瓜蓮子百合等等 但我同豬先生都覺得雞湯都夠哂鮮甜 所以無轉湯底每枱都會包一客海鮮拼盤 拼盤賣相相當唔錯有蝦有蠔有蜆有脆肉鯇有手打墨魚滑店員好窩心咁提醒我地為左保持新鮮 要盡快食用 果然海鮮嘅新鮮程度令我地都好滿意火鍋紙嘅選擇都算多 應該有嘅都有 肉菜丸餃素食等等 安格斯牛都係任食嘅 係回本之選不過豬小姐都係唔爭氣咁主打啲澱粉質 食左好多稻庭烏冬同芋絲 另外韮菜餃同雲吞都值得推介 皮薄又足料另外值得一讚嘅係火鍋料尼嘅

火鍋食得多，裝修到環境咁有地道香港氣氛都係第一次。火水爐以舊香港為主題，有舊戲院的裝飾，也有不少懷舊海報，而檯凳就似大排檔。呢度店員服務好好，態度友善，經常換骨碟同加湯。食物亦高質，首先我們選了花膠雞湯鍋，花膠好厚身，重膠隻，湯底奶白色，養顏滋補。海鮮拼盤新鮮，款式亦多。套餐任叫的特級安格斯牛肉肉味濃，嫩滑美味。今餐最愛❤黑豚肉片，嫩滑中帶少少爽口，juicy爆燈。呢餐真係色香味俱全，晚餐尾聲時更送來仙草刨冰，大滿足😋😋😋😋

呢間打邊爐店用火水爐黎做名覺得有點特別，果然連餐廳內部既裝修都好特別。環境同歌都好懷舊有特色，好似聽緊以前既hip hop歌，有disco feel，感覺去左7、80年代一樣。由於唔太想食辣野，所以選擇左濃厚花膠雞湯鍋。唔洗等好耐，大大煲花膠雞湯鍋就放左係面前，湯好濃味，而且無咩味精好多花膠口感好滑，爽口同彈牙海鮮拼盤墨魚滑安格斯牛肉、黑毛豬肉片牛肉好爽脆，安格斯牛真係同其他肥牛有出入，入口即溶。豬肉好薄，平時打邊爐唔太鐘意食豬肉，但覺得呢款黑毛豬有驚喜，唔會話好硬好鞋。點辣醬會更好食。雲吞如果雲吞煮到好散口感會唔好，但呢到既雲吞好值得encore，皮雖然薄，但唔會好鬆散仲包得實入面既料。入面既蝦好大粒，肉都好入味反而午餐肉有少少鬆散，唔太夾得起。飲品種類就唔算多，普通汽水就任飲，特別飲品就要加錢。另外上菜都算快，唔洗等太耐。