火山燒 (已結業)

經過成日見到排晒長龍，難得今日行過唔使排隊，就入咗去食午餐（我入咗去之後又排長龍了）叫咗兩個午市套餐，香燒雞扒蛋包飯$59，d蛋係全熟嘅好鞋好乾，簡單來講蛋還蛋，咖喱汁還咖喱汁，雞還雞，好睇唔好食，失望，跟餐嘅麵豉湯係一碗開粉鹽水。另外一個煎芝士三文治配豬肋骨$55，沙律同埋三文治都還好，豬肋骨醬汁OK，個豬肋骨嘅肉係煲湯湯渣+豬軟骨嗰種口感，又難切又難呑，難食！環境方面整體裝置都幾好睇，店長都好貼心安排座位，但係限聚令期間其實都坐得幾近。整體來講名過其實，都唔係日式嘢嚟嘅，唔值得排隊食

畀佢個裝修同埋餐牌深深吸引住，個人覺得佢地個餐牌做得幾靚既，店員服務態度都幾好，幾有禮貌。12點入座，得我一檯客，有啲驚，後來到左 1 點既時候，就坐滿曬。個麵豉湯既 size 勁迷你，好細碗，就好似火鍋店用黎裝混醬既碗仔，味道方面係好飲既，佢唔會過咸。當然要試下佢個招牌火山燒啦，美國頂級牛板腱配日本珍珠飯，餐廳好貼心，會畀圍裙你擋住，牛肉既份量都算多，六片左右，牛味係幾好既，佢有啲似肥牛，不過係多筋，好有咬口既版本，至於珍珠飯，完全浪費左食材，一來唔熱，二來佢係硬到皺眉，用啲燒肉汁去浸下，稍為好啲，但係一個咁硬既飯，大打折扣。聖安娜安格斯封門柳，同樣係配日本珍珠飯，我見朋友切得好吃力，入面係好生，慢慢煎，但係呢個肉質就軟啲，我覺得好食過牛板腱，個感覺會啖啖肉多啲，而且因為佢無乜筋啦，唔會咬到又累又氣餒。芝士夾心雙層三文治，奈良手打芝士牛肉餅。擺盤其實好靚又整齊。但三文治其實好細份，佢只係用左一塊麵包，又唔夠熱，芝士又硬，沙律加胡麻醬無得輸，而個牛肉餅就幾好食，雖然一切開有啲鬆散，但係勝在味道幾出色。整體來講，感覺一般般，唔會再來，食牛肉石板燒既選擇，附近有其他。

未到七點門口已經排長龍，好彩有Book枱，不過都要等三個字執枱入到去坐得有啲迫，張枱都好勉強擺得哂啲食物，冷氣都唔太夠。店舖有啲趕急，喺門口已經叫你睇定食咩同落單。—————————————話明火山燒當然要試一試，其實就係熱石板上嘅厚切牛扒。有提供圍裙比你，不過個石板超熱，小心Hi到同彈到。肉眼扒嚟講唔算好淋，牛味都唔係好重，勝在夠厚啖啖肉。⚠️不過最好盡快切開哂嚟燒，同埋燒到5-7成就攞個碟裝住，因為舊石好熱，啲肉未食完都會好快燒到太熟燶哂。佢有個醬比你點，個醬冇咩特別又唔會好鹹，點又得唔點又得。白飯就用珍珠米，煮得剛剛好，粒粒分明。-牛肩肉珍珠丼係朋友叫，男仔嚟講可能份量少啲。牛肉唔Un幾夠味，醬汁都係普通，溫泉蛋都係同平時個啲差唔多。成個丼幾好，不過不失。-升級做套餐加 $29 有 四選三 湯、沙律、BBQ串燒、特飲都幾抵加錢👍🏻忌廉湯就冇咩特別，似啲即沖忌廉湯粉雞肉串有兩串，幾抵食，不過都係冇咩特別，似微波爐啲叮叮叮食特飲唔洗額外加錢而且幾驚喜🤩茶味夠之餘又真係有陣好香玫瑰味，個奶蓋都鹹鹹甜甜好好味😋食完熱氣嘢幾解渴———————————————整體來講，餐廳嘅嘢食選擇都幾多，有

荃灣💛店(荃灣廣場附近).平日lunch time時間去都冇乜人餐廳坐位都比較多唔知假日會唔會多人啲.今次叫左2個lunch set1. 蒲燒雙層日本鰻魚忌廉滑蛋珍珠米丼 配忌廉湯 再加$12炭培烏龍茶玫瑰海鹽奶蓋😂😂啲名好鬼長😂😂鰻魚飯好食啊 可以一試炒蛋都算滑同幾多下🤩鰻魚有2舊 每舊唔算細下面啲飯會有鰻魚汁！再配埋珍珠米～好正忌廉湯⬆️炭培烏龍茶玫瑰海鹽奶蓋↖️麻麻地！下面啲茶太甜😖奶蓋唔係好飲到有玫瑰味⋯唔知係咪上面啲裝飾就係⋯有啲失望 因為見到有其他食評話呢個好飲2. 聖安娜安格斯封門柳200g配日本珍珠飯配麵豉湯 再加$3飲凍奶茶🥤.肉最好盡快食完 耐左會un因為係男朋友食既😂所以冇乜野寫只係試左1 2啖～.最緊要夠💛

呢間野前身係做港式西餐，試過一次普普通通，諗住轉左型會好啲，伏到你。。。兩個人嗌咗個吉列芝士夾心豚柳咖喱蛋包飯同和牛肩胛肉眼。咖喱一啲咖喱味都冇，食落好似食緊水，芝士偏鹹同豬扒唔夾，個蛋過熟，好似煎蛋咁。燒肉個火好大，彈到周圍都係油，佢俾個條圍裙根本冇用。至於個肉眼啲肉勁鞋又多筋，我都唔知食緊乜。飯係最劣，又凍又硬，隔夜飯咁，得杯野飲係正常。好伏，唔會再去，見到排隊既人應該都係第一次食，唔係佢好食。

呢排因為工作嘅關係可以去好多地方食bookmark左好耐嘅餐廳😋😋早幾日就入咗荃灣呢間餐廳一到咗晚飯時間（7、8點）門口就會出現人龍好彩嗰日早左放工趁人少少就入咗去試.個日叫左「意粉伴香草醬燒牛肉」🙂賣相好一般🙈牛肉有啲難咬煮得略嫌太老🙈意粉嘅味道都係平平無奇唔夠醬汁，所以個意粉好乾食到我爭啲吞唔到🤣🤣.但係我見到隔離枱食燒牛肉賣相都好似好吸引可能意粉唔係呢間餐廳嘅主力下次俾多次機會，再嚟試埋其他食物～

今日訓晏左都好彩趕得切黎食午市套餐！d野食好吸引，又想試個蛋包飯又想試300度火山燒，見餐廳名叫火山燒一於就食佢啦嗌左一個美國頂級高腰西冷，一個金標和牛肩肉眼首先餐湯有得揀忌廉湯或者麵豉湯，我就飲咗忌廉湯！餐廳服務好好仲俾左圍巾我怕整污糟件衫。野食到啦到啦！熱辣辣係咁彈啲油出黎，好彩餐廳夠細心放將牛油紙喺上面等佢無彈得咁勁先拎開。我自己個人中意食和牛肩肉眼，佢好厚肉同好林入口即溶呀！西冷就無咁厚但大塊d 其實大家都係200g ，佢牛味重d 同埋d肉質實d 都好正！我中意係塊熱石上面燒，中意幾多成熟就自己衡量去燒幾耐！滿足到不同人既喜好最後我想介紹呢杯玫瑰烏龍茶岩鹽奶蓋好香！好特別！一邊飲一邊聞到玫瑰味

這天去了一趟荃灣，離開前跟朋友在這餐廳吃了一個豐富的午餐。餐廳環境相當不錯，午餐價格亦很商宜。我跟朋友都選了火山燒-石板牛排。100元內有200g牛排，我們都覺得挺抵食。我覺得牛排很大片，而且日式牛排套餐配上了白飯，所以就份量而言真的很足夠。牛排的生熟程度由自己決定，按自己喜歡在鐵板上調整就可以。套餐還包括餐湯及飲品。我覺得味增湯的味道比較匹配，配忌廉湯感覺怪怪的...飲品方面，我們都選擇了特飲，需要加購的。

荃灣友行Donki前去左醫肚先，喺荃灣廣場對面有一間人氣餐廳，全新營業但每晚都排哂隊👭👬 主打石板燒牛外，仲有其他日西menu以供選擇，價錢親民，怪不得每晚都咁多人排隊啦！·☆ 1855頂級高腰西冷  HKD$158/300g石燒牛🐂有不同部位選擇，例如牛板腱、牛肩胛肉眼、西冷等，我揀左價錢中上既西冷試試🤤 店家會先將西冷表面稍微烤烘，因此會見到肉既表面係微微熟左，並將又大又厚既西冷放喺300度高溫的石板上，切開後見到肉色紅嫩🤩 燒既期間仲聽到唧唧聲好治癒呀😻😻 我揀嘅係300g份量，2個人share食剛剛好，成個set仲會配上日本珍珠飯，飽足度十足。西冷肉質都算幾軟腍，可以自己控制生熟度，而石板溫度都keep到一直係熱，值得一讚呢👍.☆ 照燒泰國無激素雞扒咖哩蛋包飯  HKD$78哩個蛋包飯份量超多，連我咁食得嘅都食唔曬！蛋皮做成旋風蛋造型，頗有心思，🥚蛋皮夠薄但略為熟透，做不到嫩滑的口感呢😮 而咖喱係港式mix日式甜咖喱味道，醬汁中帶有少許薯仔及蔬菜，整體中規中矩~

假期既前夕，當然要出去行下街拍下拖啦依家去邊食飯都排曬長龍，所以我又做好曬人生規劃PLAN定要食乜，務求一步到位去拎位！自從上次去完堅石燒幫襯蕭生之後，對呢類石燒餐廳都好有興趣今日SEARCH完知道荃灣近近地都有，當然就要去幫襯一下啦因為今日比較早，先係六點半就去到，所以好好彩我地都唔洗等，坐左餐廳LAST一張檯男朋友因為怕記憶衰退要食多D黃薑粉，所以叫左個雞扒咖喱飯我就唔洗問，當然係要石燒聖安娜安格斯封門柳大家唔洗擔心會唔夠飽，因為係有 一碗白飯跟既而上檯既時候都好貼心，以防D油彈到四圍都係，除左有張紙隔一隔之外都會有圍裙不過唔知係唔係我唔好彩，我覺得呢舊牛完全無牛味，男朋友都係咁覺得⋯⋯好彩呢個餐有伴醬汁，個汁都好惹味，基本上我都可以話用個汁黎撈飯食舊牛我唔再comment 啦，總之如果為左舊牛而來既我覺得可以放棄呢個餐唯一既好處係食得飽，因為有一大碗飯雖然主餐味道麻麻，但係飲品就值得一讚因為我叫左凍華田，華田粉落得好足，D冰溶左之後都都好濃味，水吧係值得一讚的

今晚終於有時間一嚐呢間晚市同假日午市經常都會大排長龍餐廳。淨聽店名就知道燒是餐廳主打。火山燒是類似冰室類型的餐廳，上菜速度拍得住茶餐廳，而是以食物以日式作主打。燒肉種類都多種，幾乎每枱客人都必點。不同部位有不同份量可以選擇。今次就選了200 g金邊和牛肩胛肉眼配珍珠飯$138加$29可以升級超級套餐，有串燒雞肉、忌廉湯、沙律、飲品四選一。而飲品便選了炭培烏龍茶玫瑰海鹽奶蓋。金邊和牛肩胛肉眼鐵板燒肉好易會令滾油四濺，店方除了在肉面上放上牛油紙防止油濺到食客，還提供圍裙，相當細心。肩胛肉眼非常厚身同大件，因為鐵板溫度高，肉質好快就能夠燒熟，所以盡早切開，將牛肉燒至自己想要的熟度後就要拿起，否則很容易過熟令口感太韌。因為和牛關係，油脂分佈較平均，燒不久後就盡快入口，肉汁夠濃！加上絕配的珍珠飯可以中和牛油/肉汁的油膩感。炭培烏龍茶玫瑰海鹽奶蓋奶蓋份量都幾多，而整杯飲品主要味道來自奶蓋，個人喜歡不用攪混直接用飲，味道最佳。吉列芝士夾心豚柳咖喱蛋包飯吉列夠脆，豚肉入面的夾心芝士做到流心，效果認真不錯。咖喱似日式，甜中略帶微辣。火山燒性價比極高，難怪長期人山人海。

上星期同媽媽一齊去荃灣行街街👭天光出發行到天黑都未返到屋企🤣🤣結果就係荃灣個邊食埋晚飯先返去本來我地唔係食呢間架🤣🤣(宜家成日都好突然就轉咗軑因為好多臨場因素影響😂🙈)但見到餐廳門外排長龍仲要排極都有人排就決定望下咩黎誰不知見到係以食燒牛為主既餐廳🐮睇餐牌覺得好吸引所以就入咗去試🥚💛(但其實最後我都唔係食燒牛😂😂😂)·🍛香煎奈良手打芝士牛肉餅咖哩蛋包飯＄88:首先要講一講個份量，真係好多🤣可能我咁影無乜特別但多到其實我食大半份已經飽到頂🙈🙈🙈！塊牛肉餅好厚身，肉質好鬆軟，不錯💛，不過上面塊芝士就相對普通，應該係超市買到既片裝芝士，同埋佢基本上都溶唔到落塊牛肉餅度，我覺得加唔加芝士個味道應該都差唔多～🤣🤣另外要讚係件蛋好滑，又滑又嫩幾好食👍而啲咖哩汁，佢加咗好多蘑菇落去，好好咬，個汁又完全不辣(日式咖哩果然岩我)，仲要淋咗好多上去，因為咖哩汁送飯一流搞到我好開心💛☺☺。最後想講個飯上面個幾條紫菜仔同個蛋包飯都幾夾，比多啲就好🤣🤣🤣🤣。整體黎講呢個飯都ok喇～味道賣相中規中矩可惜佢要加一☹，除非特別想食牛如果唔係唔會特別再排lu😗😗。

［荃灣］火山燒💛.極品豬肋骨燒汁焗飯（骨肉分離）食剩指數:10/100 豬肋骨真係骨肉分離好腍好入味同唔痴骨美式bbq醬唔錯焗飯底係茶餐廳燒汁唔算好特別但都唔錯6x$單食豬肋骨都抵～.香煎奈良手打芝士牛肉餅咖哩蛋包飯食剩指數:20/100 蛋包飯既蛋都幾滑咖哩味道都係正常既日式咖哩芝士漢堡扒幾厚食落都幾香.忌廉湯食剩指數:0/100 餐湯幾好飲好重紅蘿蔔味算幾香滑.茉莉花茶海鹽奶蓋食剩指數:100/100 🤢（唔建議叫）餐飲叫左兩個特飲兩個都大伏😵呢個茶一啲茶味都無奶蓋飲唔唔到海鹽無咸味得奶味簡單啲講茶同奶蓋都唔合格.鮮芒果肉梳打食剩指數:80/100 芒果個底有種藥水味飲落又係好淡建議大家唔洗加錢轉特飲🥺飲返奶茶咖啡應該ok

極品豬肋骨燒汁焗飯(骨肉分離) $52因為豬肋骨系比較唔想見既菜式加上menu寫住系骨肉分離 所以就心思思試下啦😋一上枱 大大嚿豬肋骨系你面前 好吸引呀😍豬肋骨醃得好入味 鹹鹹甜甜 有燒烤醬嘅味道當你拎把刀切既時候 佢真系做到骨肉分離🙈其實簡單用叉都可以令佢哋骨肉分離 慘慘豬🥺個底系普通既焗蛋炒飯底加埋啲燒汁零舍開胃👅加餐加$8有杯鮮雜果苿莉花茶🌸而朋友就加$12叫左炭培烏龍茶海鹽奶蓋兩杯相比起黎烏龍茶比較淡味 茶味唔算濃而鮮雜果茉莉花茶有椰果菠蘿 甜度適中🥳整體黎講呢個價錢呢個份量好抵食呀👍

美味：🌕🌕🌕🌑🌑抵食：🌕🌕🌕🌕🌑手打芝士牛肉咖哩蛋包飯$59好大份的蛋包飯 未吃已覺得非常邪惡🤪蛋都炒得幾滑 咖哩份量都充足 唔辣 不過手打牛肉食落就唔太新鮮😢呢個位扣分下次再想試其他 睇下會唔會更好食🙈