火山燒 (已結業)

趁假日岀去荃灣行街，食下野。朋友推介一間荃灣人氣食店-火山燒，就一於去試下。叫得火山燒，當然就要點招牌300度火山燒啦。我們點了一份300g頂級牛板腱($158)開心share 啦份量足，師傅把肉燒至五成熟左右，客人可按自己喜好燒至自己想要的口感和熟度。石超級熱，小心燙手。牛肉切開粉嫩，嫩滑juicy,牛味濃如果怕熱石把牛燒得過熟，可把牛先移離至碟上砌開，之後再放回熱石上慢慢燒😬香煎北海道帶子鮮野菌忌廉意大利粉 $118兩隻大帶子，底面經過輕煎微焦咬下肉質一絲絲的，軟腍好味忌廉汁香滑濃郁，和意粉絕配。加二十九元可升級至套餐。有串燒，餐湯和飲品。 雞串燒，味道正常忌廉湯濃稠度適中，調味又剛好，不錯。彩虹綿花糖焦糖朱古力賣相吸引，鐘意甜嘅可以試，我怕肥，忌廉吃了一點點🙈今日我們都吃到飽，非常滿足。

儲得太多相，太耐冇寫食評，我已經開始唔係好記得d餸菜名☹️但我記得等位果陣係咁偷睇人哋食蛋包飯流口水，結果都係食咗牛牛🤣呢個係麵鼓湯，個杯定叫碗🤣，幾方便，唔洗用匙羹，個湯熱辣辣，不過有啲咸燒肉汁加泰式酸汁（似食生蝦刺身果個汁）我中意燒肉汁多d唔記得咗我點果個叫咩名，但我記得我果個牛牛好食d，因為對面嗰個聖安娜鞋d，食到勁飽，個珍珠米飯幾好食，飯面係wasabi飯素，幾惹味，中和返個牛牛冇咁油膩呢杯係桃茶定蘋果呢？😅堅係唸唔起播，棉花糖朱古力好澎湃，見到都開心，朱古力味好朱古力，杯朱古力唔係我飲，不過見到都覺得好朱古力🤣

近期荃灣有新商場同新購物中心開幕，同友人行到攰見到熱石板為招牌，於是入去試新嘢。晚餐時段都坐得幾滿，坐低冇耐就叫左200G西冷牛跟飯，再加左$29要個升級套餐，4選3要濃湯、BBQ雞肉串燒同埋特飲一杯。左手邊嘅係鮮芒果肉梳打，而右邊嘅係彩虹棉花糖特濃朱古力，兩杯特飲都係唔使加錢㗎，超抵等左一陣就先比你圍裙，然後就鋪上牛油紙既肉眼扒。貼心仔細位置值得一讚。以熱石板嘅熱整熟塊厚切牛扒，可調整出自己需要成熟程度。一件熟D，一件生D。與友人分享不同口感。肉眼扒嚟講算多汁，即使全熟都覺得太硬。而其他小食都唔錯，雞肉串有兩串，幾抵食。總結來講，款式選擇都幾多，有日式飯同意粉tim。可以一試，不過最好定Book位黎。

去開荃灣Donki購物，突然間想食石燒，上OpenRice睇一睇，發覺呢一間火山燒食評都唔錯，價錢唔貴之下，決定食呢間平日嘅晚上，都要排隊，排咗一陣好快就可以入座。雖然今日想食石燒，但原來餐牌仲有其他食物選擇，就例如蛋包飯，丼飯同意大利麵SRF金標和牛肩胛肉眼$158第一份叫咗一個石燒，餐廳好細心，會先比一條圍裙食客，唔使驚整污糟自己件衫啦第二個細心位，係石燒嚟到嘅時候，會先用牛油紙蓋着，以免油彈石燒上枱的時候，已經散發出陣陣的香味。質素好的牛，根本就不用什麼調味肉眼扒的兩邊煎香，可以確保鎖死牛肉嘅肉汁，所以切開之後，仍然可以見到鮮紅嫩滑的肉質。SRF金標和牛獨特之處，係一方面擁有安格斯牛的濃郁牛味，同時亦帶有和牛滿佈油花的嫩滑口感生熟程度可以完全掌握係自己手中， 熱石持續高溫，想食熟少少的話，可以自己煎熟少少和牛配白飯，絕對係最佳拍檔，一個味道濃郁，用淡淡的白飯更能襯托出牛香，這是日本人最愛的吃牛方法之一韓國泡菜邪惡五花腩肉蛋包飯$88賣相精緻，很夠份量，望着沾滿蛋汁的滑蛋，已經食指大動。滑蛋的甜，搭配泡菜的微微辣，令整個蛋包飯味道更有層次。套餐+$29套餐認真抵，只需加$29 ，可

呢排迷上咗食石燒牛，一search發現原來荃灣都有一間所以嚟試吓價錢唔算太貴，揀埋晚市套餐就有湯、沙律、小食同嘢飲（四選三）比你揀我哋嗰晚嘅小食係日式雞串，味道唔錯不過熱啲較好，湯就正常發揮跟住到今晚嘅主角，300G美國頂級牛版腱，上到枱大概三成熟左右，可以隨自己喜好再煮熟啲，肉質鮮嫩，牛味十足，啱晒牛魔王嘅我哋香煎帶子鮮野菌忌廉意大利粉，份量充足，爭啲飽到食唔哂，帶子唔會煎得太老，唔錯嘢飲揀咗彩虹棉花糖特濃朱古力同炭培烏龍茶玫瑰海鹽奶蓋，朱古力甜咗少少，整體嚟講都滿意

傍晚時分，天文台發出紅色暴雨警告，外面下著傾盆大雨，周圍塞車塞到爆。心諗：今次機會嚟啦！平時次次行過都排曬隊的火山燒，由於老公唔肯等位，所以一次都冇機會食過。今次仲唔係機會嚟？果然，大雨緣固，唔洗等位直入。一定要先叫個石頭燒安格斯西冷牛扒，上枱前，侍應先細心比個圍巾你，怕d油彈到你一身都係。牛扒上枱是由生煎到自己認為合適為止，我哋喜歡半生熟，所以反一反，即食。oh , 剛剛好，鮮嫩多汁有牛味，配上紫菜芝麻飯非常合適！阿囝個Parma ham溫泉蛋卡邦妮意粉亦是驚喜，醬汁香濃，意粉軟硬適中，幾彈牙！仲有一份芝士漢堡扒飯亦是不錯選擇。不過我哋一致投票牛扒是必吃之選。下次一定會再encore!

今日相約妹妹放工喺荃行街食飯，我哋打算先醫肚再行街，一行出荃灣廣場就見到對面有一間門面裝修簡單而帶有日式的餐廳，仲有個非常凸出的名叫火山燒我哋決定食呢間幸好早一步入去，不然就要在外排隊了，入到去坐底就被枱面的歐式瓷磚深深吸引住，餐廳日式裝潢但又帶點歐陸式的味道，未食都已大飽眼福，我哋叫了一碟紅酒肉碎汁極上燒豬肋骨蛋包飯，大大片的豬肋骨軟淋唔嚡口，最正喺師傅將蛋做到一層層旋轉形然後包住D飯，再淋上一些紅酒肉碎汁，賣相已經滿分，而包着飯的蛋滑滑有蛋汁，配上白飯和紅洒汁食一流還叫了一碟蒲燒雙層日本鰻魚忌廉滑蛋當丼，日本鰻魚非常彈牙，日本米飯加上已滲入的鰻魚汁和滑嘟嘟的滑蛋，好味到真係食到一粒米都冇剩，所有套餐加$29仲可以升級，有餐湯、雞肉串、沙律和飲品選四選三好抵食，而我哋都叫咗炭焙烏龍茶玫瑰海鹽奶蓋，無糖烏龍茶加上玫瑰花，飲到最後有很清香的玫瑰味，絕對可以消滯解膩另叫一碟日式燒茄子，茄子去皮食落冇渣，加上日式燒汁和沙律醬，味道絕配，

今日下午茶嚟左呢間餐廳食，味道一般，可能我唔應該叫食烏冬。我叫左個留心芝士豬扒手打湯烏冬個下午茶餐，有湯飲，有忌廉湯同麵鼓湯選擇，我要咗個麵豉湯味道沒有突出，普通麵豉湯味。跟住嚟咗個手打烏冬，個烏冬麵質OK，但係個豬扒唔脆，仲有啲硬，重點係食唔到佢d芝士味😟，食烏冬既話去自x烏冬會好食好多，不過可能食其他野會好d

收工又要諗吓邊度買外賣好！第一次幫襯呢間《火山燒》，買咗三個飯回家，加$29可以4撰3，要湯、沙律菜、飲品、是日串燒/炸物其中3款。食完之後，我認為唔會再有第二次去呢間餐廳買外賣返屋企。食物質素一般， 試咗烏龍茶海鹽奶蓋＆ 茉莉花海鹽奶蓋 ！飲品一啲都唔好飲， 尤其個吉列炸蝦…個粉厚度呢。以呢個價錢，中位高小小，有心想去試呢間新開日式餐廳。大家可以放棄呢一個念頭喇！因為今日本人試了，中伏！我未試過係openrice 比unlike, 呢間真係……讓我失望

又食外賣喇，真係好唔環保，希望下次會帶外賣盒出街🙈佢地推出咗d外賣自取既特價餐，四十幾蚊連埋野飲，好抵食晚餐👍🏼·韓式泡菜超邪惡五花腩。唔係好辣，但都好野味，五花腩都好多，真係好邪惡🤤🤤黑椒牛肉炒意粉。呢個麻麻地，可以返到屋企已經凍咗同有倒汗水，會有影響，個feel好似乾炒牛河😆

本身想食吉列牛，但太多人，六點幾未到七點已經話無哂三人枱，於是在附近覓食，路過這間覺得好似也幾好味咁，又唔洗等位，於是決定試吓，叫了照燒泰國無激素雞扒咖喱蛋包飯、香煎奈良手打牛肉餅芝士蛋包飯及香煎北海道帶子鮮野菌忌廉意大利粉，其中兩個加$29升級做餐，有沙律、飲品、湯、串燒四選三，本身選了沙律、湯、串燒，但落完order無幾耐就同我們講返無哂串燒，之後改了飲品，個牛肉餅芝士蛋包飯賣相幾吸引，在個牛肉餅上插了支旗，牛肉餅同雞扒我覺得比較亁、唔juicy、味道一般、但雞扒份量也充足，另外個帶子意粉得兩粒帶子，又唔大粒，收$118好唔抵食，貴，整體而言一般.

今次係火山燒，見到午餐時間爆哂，決定買個takeaway番屋企食。咁睇完menu就揀左個牛肩胛肉溫泉蛋丼，咁拎到番屋企都仲夠熱，一開盒係好香，賣相都唔錯，唔係hea🙈肉都多既，上面有啲紫菜同木魚，望落豐富好多🥳之後我就將隻蛋撈埋飯一齊食。加埋佢本身啲汁，成個飯真係好好食！之後試下啲牛肩胛肉，又唔會太老，牛味都好濃！加埋啲汁都好入味，所以成件事好好食！其實如果舖頭唔係爆哂，我會prefer堂食，襯熱食一定會好食啲🙈

疫情關係我都叫多左外賣，今次係荃灣行過見到依間火山燒就比佢menu吸引住，所以就試下。我叫左個吉列流心芝士豚柳咖喱蛋包飯，一開盒就見到都唔hea,外賣都會係蛋上放紫菜。之後咖喱又好香。咁食入口，個吉列豬都仲夠熱都有唔少芝士係入面！好好味。咖喱係香而不辣，係我鍾意既。蛋又夠厚，食落去食個飯好豐富😆😆個餐仲包碗湯同埋一杯野飲，依個價錢黎講真係選唔錯。仲要係好味既，所以我都好肯定我下次會番黎試下其他！

Happy Friday! 🥳 收工之後，諗住去食餐好既慰勞下自己☺️ 荃灣廣場對面，可以話係食街 甘多間餐廳，點都揀到一間。最後決定試新嘢💁🏻‍♀️《火山燒》。晚餐時段都幾多人，排左15分鐘左右，終於有位啦。到左餐廳之後，坐低發覺呢個地方似曾相識甘，原來係之前黎過既前餐廳《大壹冰室》。裝修無乜點變，餐枱依舊🤣睇完menu之後，同bf一致決定叫個牛同丼飯share加左$29要個升級套餐，四選三 就係上圖既濃湯、BBQ雞肉串燒同埋飲品一杯。小店主打牛石燒，大大件嘅牛扒放喺攝氏超過300度既火山石上面燒熟。眼見咁厚身嘅牛板腱究竟好唔好食呢？肉質軟腍，而且唔韌！色澤均勻，肉汁好juicy不過，可惜我哋坐喺風口位，影幾張相，啲扒就比冷氣吹到凍哂還是值得一試既👍🏻唔好睇佢又肥牛又芝士，看似好邪惡甘，其實一啲都唔膩！穀飼既牛感覺上健康啲，肉質唔會好肥同埋食到成口油。肥牛肉質鮮嫩，加上芝士嘅鹹香，絕對係Perfect match吖兩者表面經過炙燒，令到食材本身既味道同口感變得更加豐富。不錯！👍🏻炭焙烏龍茶玫瑰奶蓋🌹🍼☕️〰️〰️〰️〰️〰️〰️〰️〰️〰️〰️飲品方面，諗咗陣揀咩好呢🤔Bf已經好快幫我決定咗，就呢杯啦。🥰厚厚

今日(8-8-2020  Sat)同老公去驚安前食晏,見到平時好多人等嘅呢間,今次冇乜人,於是就嚟,喺出面等嘅時候,老闆俾定menu客人睇,我哋未決定到,佢俾我哋入去等,因怕客人喺出面熱住等,真係好貼心.好快就有位喇,我哋坐低後繼續諗食物,最後我決定要$55.00嘅蛋白煎芝士夾心雙層三文治配極品燒醬豬肋骨,要熱檸水.老公要$68.00美國頂級牛板腱(片)配日本珍珠飯300度嘅火山燒,加$3.00要凍菜蜜.而兩個餐湯都要忌廉湯.落完單,侍應即擺低兩個圍裙同醬汁. 忌廉湯當然即到,睇見係黃色,似係粟米忌廉湯,口感滑同濃,粟米味較淡而且冇湯渣.然後,老公嘅餐到嚟喇,嗰塊石頭已經好熱,不過侍應放低時冇提醒客人小心,呢樣可能要改善吓.老公一放牛板腱上去,就已經好熱,啲油係咁彈了,我試咗一小件,我一時冇蘸醬汁食,原來佢哋冇調味嘅,所以我食食咗原味牛板腱.老公就大讚好食.然後我嗰份到嚟喇.見到有沙律菜,件蛋白煎芝士夾心雙層三文治味道清淡,即使係芝士夾心都唔鹹.極品燒醬豬肋骨呢?咪睇佢細細件,其實都啖啖肉,而且有多豬軟骨,但個醬係辣嘅,我完全冇預期過而可惜嘅係肉質有啲嚡.嘢飲方面.我冇落糖都唔會苦瀝,