影片
更多
2020-05-18
539 浏览
早排朋友請食飯, 想搵間坐得舒服又唔太多人的鋪頭，上網見到呢間好似唔錯，即管訂位來試下一入到餐廳，見到個經理非常有禮貌地同我地講：「唔好意思，麻煩你度一度體溫，消毒一下雙手」雖然隔住口罩，但都feel到佢係笑緊咁講，非常有禮，最細心係免費提供一個口畢套比我地，講真！一個口罩套值幾錢，送一個比客，個客會感受到呢種細心，值得加分我地坐低後，叫左兩個set，因為網上介紹話個set係咩都有齊又夠飽，所以試下，結果如下：方便大家睇, 用point form:1，前菜沙律+麻醬豆腐：酸酸地的和風醬都幾特別，豆腐好香豆味，有兩片漬藕片，好好食又脆口2，黑魚子鵝肝蒸蛋：原只蛋殼上，上面加左一粒鵝肝同好多黑魚子，蛋蒸到啱啱好，滑到落左喉嚨都唔覺，第二啖試真D就食到鵝肝油同黑魚子味，好香好正3，刺身什錦：每樣都有幾件，新鮮，厚切，但冇咩好講，直接跳過4，金沙大蝦：呢個夠哂特別，蝦非常彈牙，加埋咸蛋黃，真係絕配，師傅手勢純熟，起蝦腸手法乾淨俐落又唔會起走D羔5，紫菜活蚌湯：講真，對呢個湯原本冇太大期望，覺得一D都唔特別，但一食落就完全改觀，師傅先用牛油炒到象拔蚌仔大約7成熟，放左少少紫菜喺側邊，之後用滾湯撞
一入到餐廳，見到個經理非常有禮貌地同我地講：「唔好意思，麻煩你度一度體溫，消毒一下雙手」雖然隔住口罩，但都feel到佢係笑緊咁講，非常有禮，最細心係免費提供一個口畢套比我地，講真！一個口罩套值幾錢，送一個比客，個客會感受到呢種細心，值得加分
我地坐低後，叫左兩個set，因為網上介紹話個set係咩都有齊又夠飽，所以試下，結果如下：
方便大家睇, 用point form:
1，前菜沙律+麻醬豆腐：酸酸地的和風醬都幾特別，豆腐好香豆味，有兩片漬藕片，好好食又脆口
2，黑魚子鵝肝蒸蛋：原只蛋殼上，上面加左一粒鵝肝同好多黑魚子，蛋蒸到啱啱好，滑到落左喉嚨都唔覺，第二啖試真D就食到鵝肝油同黑魚子味，好香好正
3，刺身什錦：每樣都有幾件，新鮮，厚切，但冇咩好講，直接跳過
4，金沙大蝦：呢個夠哂特別，蝦非常彈牙，加埋咸蛋黃，真係絕配，師傅手勢純熟，起蝦腸手法乾淨俐落又唔會起走D羔
5，紫菜活蚌湯：講真，對呢個湯原本冇太大期望，覺得一D都唔特別，但一食落就完全改觀，師傅先用牛油炒到象拔蚌仔大約7成熟，放左少少紫菜喺側邊，之後用滾湯撞落去，嘩，啖湯鮮到唔識形容，象拔蚌仔因為加左滾湯啱啱熟，非常彈牙，紫菜非常爽口又香，但又唔會搶左峰頭，同之前食過的紫菜完全唔同。飲完個湯好似唔夠喉，叫師傅加湯，但原來冇左象拔蚌仔同紫菜，冇咁好味，但都食到個湯底師傅都花左好多心思去整，因為味道都好豐富
6，鵝肝多士：用牛油煎到啱啱好，外面脆入面又香又滑，入到口即溶，加埋紅酒啤梨同埋個汁，中和返又唔會咁漏，加上SIZE比出面食既大件，好夠喉
7，薄燒和牛：師傅用和牛包住炒過的蒜同蔥，輕輕煎一煎就上碟，入口即溶，蒜蓉因為炒過，所以冇搶味但仍然食到淡淡蒜香，好正！
呢個時候已經飽飽地了，但師傅堅持要我地食埋個炒飯，唯有試下係咪真係好似師傅講到咁好食
8，炒飯：炒到乾身（本人要求）加埋櫻花蝦，蛋，高菜一齊炒，再加左少少沙律醬，唔怪得師傅一定要我地食埋個飯，原來個飯真係好得，入口粒粒分明，有蛋香有櫻花蝦咸香，配埋高菜一齊食，真係幾飽都要食埋佢。
9，炒野菜：坦白講，真係比個飯KO左，已經食唔落了
10，甜品：休息左一陣，傾左一陣計，食個好清新既柚子雪糕，又真係幾爽既
食後感：
地方舒適，唔嘈雜，方便傾計；師傅會一路煮一路簡單介紹下，又唔會阻你傾計；可以一路食一路同師傅有溝通，要煮熟D，食淡D，多D汁都可以即時叫師傅幫你處理；睇住個師傅即場煮，放心好多，唔使擔心師傅冇戴口罩煮野比你食；價錢都係7百零蚊一位，有野食有酒飲，地方又舒服，性價比超高！
张贴