瀛豐放題料理專門店

瀛豐放題料理專門店 (銅鑼灣)銅鑼灣駱克道491-499號京都廣場3樓平靚正放題食到飽今日叫左個138升級任食版，滿足晒身心需要，又有hoegaarden任飲！重有南非蠔任食，爽甜鮮！海膽蟹籽冇得頂，啖啖肉海洋滋味。180款香港泰國日本嘢食任君選擇，多弋眼花撩亂，撳落去揀就係啦，總有十幾廿款款啱你食。壽司、手卷、燒物、刺身全都要，大人係唔需要選擇嘅，All in！！！飲品、甜品、雪糕任食，鍾意甜品嘅你簡直係大解放。

瀛豐放題料理專門店- 任食生蠔、海膽今日介紹一間等於銅鑼灣咁嘅泰國日本餐廳，放題嘅形式，可以任食兩小時最重要嘅可以以優惠價加配任食生蠔同埋海膽!兩小時晚市放題 $259/位升級+$138/位日本刺身船超級豪華夠哂氣派的日本刺身，種類繁多，厚切啖啖肉又鮮味。即開生蠔即開新鮮生蠔，大大隻，海水味夠又鮮味。帶子海膽鮮甜帶子夾著滿滿的海膽，奢侈既食法，重可以任食添！泰式料理仲有一系列泰國地道嘅特色料理，例如泰式生蝦、泰式鳳爪、金邊粉、泰式串燒等等，仲有冬陰功湯！

嚟間位於銅鑼灣既「瀛豐放題料理專門店」提供100+款日、港、泰美食，包括有刺身、壽司、手卷、天婦羅、燒物、泰式料理、港式小菜、湯物。當然，仲有多款飲品、甜品放題！坐低無耐，刺身拼盤、升級南非生蠔同海膽帶子刺身就到啦～刺身有好多款式，例如三文魚、八爪魚、螺肉、珍寶赤蝦希靈魚、同鮑片。海膽帶子刺身大大嚿海膽，同生蠔一樣都好鮮甜。熱食方面，嗌左椒鹽豆腐、即燒大蝦、泰式燒元貝、飛天炒通菜、炒蜆、鹹蛋黃炸薯條等等。全部野都係即叫即整，椒鹽豆腐熱辣辣上檯，外皮炸得好香脆，同軟綿綿既豆腐好夾。另外炒蜆同通菜好有大排檔既感覺，夠晒鑊氣又鹹香，推介～鹹蛋黃炸薯條出面比較少見，最鍾意餐廳用上粗薯條，即炸加上鹹蛋黃既鹹香，真係食唔停口！甜品都有唔少，例如榴槤糯米糍、芒果布甸、特式椰汁糕、木糠布甸、果凍、cheesecake、韓國雪條、雪糕。每樣都細細件，可以一次試唔同既甜品。最後，以任食放題嚟講，價錢真係唔算太貴。可以加＄118升級加海膽帶子刺身，或加＄138加海膽帶子刺身＆即開生蠔。

對食日本嘢真係食極都唔厭😅朋友介紹去試吓瀛豐放題，好老實我一直唔係好食放題，因為覺得品質都會爭啲，但既然朋友介紹就去試吓， 試完發現瀛豐放題料理確實唔同，晚市$259，任食任飲，前菜飲品同甜品可以出去自己攞，主食除咗刺身，壽司，居然重有泰菜熱食，串燒，炒菜，豬頸肉，連炒蜆都有，新鮮好食，完全顛覆咗我對放題嘅睇法，真係覺得性價比高，值得去食🥰加$118 重可以轉升級版，有埋海膽帶子，日本生蠔同啤酒，個人覺得好抵，因為海膽帶子同生蠔都好新鮮，特別生蠔真係好好食好喜歡🥰服務方面，佢哋上菜同收碗碟都好快，而且有禮貌👍🏻

曾多次來到瀛豐放題料理專門店，尤其是每年秋天推出的大閘蟹放題更加不容錯過，而最近得知原來餐廳由十樓搬至三樓，首次到訪新舖感覺上比以前更加寬敞舒適，環境亦比較整潔簇新。晚市放題每位收費由$229起，只要以$118即可升級任飲Hoegaarden及Stella Artois啤酒並任食海膽帶子，如加$138的話除了上述項目之外更連即開日本生蠔亦可任點任食。除了用手機掃描QR code點餐之外外面亦有各款冷盤小食、飲品、迷你甜品及雪糕可以自取。最意想不到的是竟有瀨尿蝦供應，不過個人認為凍食與椒鹽爆炒始終無可比擬。日本生蠔向來比法國生蠔更得我心，肥美飽滿而肉質軟滑。刺身方面有三文魚、油甘魚、希靈魚、赤貝、八爪魚等，珍寶赤蝦名副其實巨型無比值得推薦。帆立貝切半夾上海膽相當奢華，不過主要只能嘗出帆立貝鮮甜味。各款壽司及手卷均比較迷你。天婦羅及炸物大致都保持香脆，但當日鹹蛋黃炒薯條早已放涼比較乾硬，而且鹹蛋黃味近乎零令人失望。除此之外最特別是有多款泰式料理，例如炭燒豬頸肉、泰式酸辣鳳爪、冬蔭功蝦湯、泰式肉碎包、乾炒泰式金邊粉等。燒物方面最推薦泰式燒元貝，舖滿炸蒜惹味厚肉。甘葉香蒜炒墨魚鬚、和味一口牛及

個場夠大 卡位夠闊坐得又夠舒服!! 自助落單今時今日真係變咗基本咁「呼叫服務員、結帳…」呢啲全部可以係app㩒😂多款嘅日、泰式頭盤沙律可以自取 有哂揭蓋同獨立夾子夠哂衞生👍🏿日式嘅海蜇絲、帶子裙邊、螺肉當然唔少得 thai嘅酸辣手撕雞、鳳爪夠哂開胃！最surprise係食到瀨尿蝦😆😆最有gimmick係嗰由底fill上嘅啤酒器🍻Hoegaarden、Asahi壓嗰杯就自動fill起😆❗港日泰款式夠齊 仲可升級至任食任飲❗平均每隻28蚊嘅海膽帶子 肉質嫩滑到友人同我連筷子都夾唔穩🤣海膽做夾心入口更鮮甜！而$138就可任食即開日本生蠔🦪質素又唔差喎😆隻隻都好肥美 口感豐富 加埋檸汁食更鮮 🤵🏻特別鳴謝飛腿叔叔倒骨碟效率好快又唔會突兀❤話哂食完啲生蠔殼、蝦頭嗰啲又大又阻位 但佢地收野節奏掌握得好好！🦐刺身終於比我試到次咁grand又出哂仙氣嘅刺身盤🥺同小魚仙盤坐嗰珊瑚堡有得fight哈哈 赤蝦、三文魚、油甘魚、希靈魚、冰山蚌、八爪魚、馬刀貝、北海道角螺 款式多又齊 質素係有啲保證👍🏿帶子仲會砌成花花 中間有黑松露點綴🌸 🍣除咗軍艦 火灸壽司都有好多唔同嘅配搭🤤· 嗰一口鰻魚圓碌碌嘅飯團加上修

我去咗間日本餐廳放題，真係一次超級正嘅用餐體驗！我特登升級咗任食日本生蠔、海膽同帶子，仲有珍寶赤蝦，結果完全冇失望！首先講下日本生蠔，每一個都好新鮮，個個都咁大隻，一食落去就感受到佢嘅鮮甜汁液流出嚟，味道濃郁又滋味！真係食到嘴裡面就好似融化咗咁，好開心！😆然後係海膽同帶子，都係一級貨色！海膽鮮甜入口即化，令人好有滿足感帶子嘅質感好好，好鮮甜又有彈牙口感，一咬落去真係令人陶醉！✌🏻最後講返珍寶赤蝦，真係嘩！個個赤蝦都咁大，色澤鮮豔，一咬落去就彈牙又鮮甜，個味道即刻爆發！真係好滿足呀，每一口都充滿咗海鮮嘅鮮味，好正呀！✌🏻整個放題過程，我就咁享受住無窮美食。除咗升級嘅三款菜式，仲有好多選擇任你揀擇，真係一個饗宴！呢間餐廳嘅服務都好好，環境舒適，真係一個理想嘅用餐地點😘總括而言，呢間日本餐廳放題絕對係一個食得滿足嘅好選擇！升級咗生蠔、海膽帶子同珍寶赤蝦，完全冇失望，每一款都超級正味，令我回味無窮！下次我一定會再嚟呢度，呢間餐廳真係係我最愛！💗

真係好耐無食過放題、自助餐呢啲嘢啦，今年老公生日就去大刷一番選擇咗呢間食午餐放題，因為有泰式日式料理，網上又有得預約。唔選晚市，夜晚食太飽真係幾辛苦，再加上中午食會平點😆都算不過不失，刺身新鮮，虎蝦好大隻佢仲有得加$138任食生蠔同海膽帶子，不過我地唔好呢兩樣，所以就無另加啦！其實仲有其他野食，但忘記影相，佢個燒帶子好大隻，好食架！出面仲有甜品、日式雪糕、韓式雪條、任飲茶水盒裝罐裝飲品啤酒等。每人消費$252，食放題黎講都合理價啦！

瀛豐放題料理專門店是一家位於銅鑼灣的放題餐廳，其簡約風格的裝修為用餐者打造了一個舒適的環境。進入餐廳，我們立刻被那灰和金色結合的裝修風格所吸引。這裡有一種現代感和舒適感，讓人感到非常愉悅。這裡的放題價格相宜，每人只需要付出219元，就可以品嘗到180款日式和泰式美食，包括刺身、壽司、天婦羅、泰式小食、甜品等。在我們到訪的時候，我們還選擇了升級放題，將價格提高到了每人357元。這樣的價格對於這樣的品質和多樣性來說是非常划算的。在這裡，我們可以自由地選擇自己喜歡的美食，而且食物的品質也非常高。刺身和壽司是這裡的招牌美食之一，鮮度非常好，口感也非常鮮美。天婦羅也非常受歡迎，炸得非常酥脆，裡面的食材也非常新鮮。泰式小食也是我們的最愛之一，味道非常正宗，讓人感到非常滿足。除了食物之外，這裡的服務也非常好，用餐環境也非常舒適。服務員非常友善和專業，總是隨時為我們提供幫助。餐廳的環境也非常好，非常適合家庭和朋友聚餐。總的來說，瀛豐放題料理專門店是一家非常值得推薦的放題餐廳。這裡的食物品質非常高，服務也非常好，而且價格也非常實惠。如果你正在尋找一家好的放題餐廳，我們強烈推薦你來瀛豐放題料理專門店。

朋友話瀛豐放題料理專門店搬左，新裝修幾乾淨，環境幾好，於是上星期放工帶左我去食~我地中意呢間放題選擇夠多 中式日式泰式都有🤩今次慶祝朋友生日加左$138升級任食生蠔🦪同海膽! 🔸生蠔🦪🔸生蠔肥美新鮮，食左６隻已經好漏”， 生蠔lovers 們可以黎食下，睇下自己食到幾多！🔸海膽帶子🔸第一次試呢個配搭，大大隻帶子夾住海膽，Fresh 滋味~🔸刺身拼盤🔸要打卡既刺身拼盤，有吞拿魚、八爪魚、三文魚、冰山蚌、鮑片、馬刀貝、角螺、赤蝦、油甘魚、希靈魚仲有其他炸得香脆既炸物同好味特色熟食都好正😆

📍瀛豐放題料理專門店 (銅鑼灣)🔍銅鑼灣駱克道491-499號京都廣場10樓-----最近心情鬱悶，決定約埋家人去食放題，釋放下啲久未釋放嘅energy。呢間放題店主打日、泰菜。環境方面，場地寬敞座位舒適，冷氣亦夠凍。食物種類眾多，就唔一一細講，揀選幾款覺得特別印象深刻嘅同大家介紹下。😄.🐟首先，客人一坐低一陣，餐廳就會送上豪華海鮮拼盤，裏面有多款刺身，擺盤精緻，打卡一流。當中個人尤其喜愛魚脂豐腴三文魚腩刺身、爽甜珍寶赤蝦、彈牙鮑片、鮮味海膽帶子、脆口北海道角螺，仲有清新嘅泰式生蝦等等。生蠔則用上日本皇家生蠔，肥美大隻，入口金屬味唔係好重，帶微微的海水味，蠔味說不上濃郁，但亦不淡，口感介乎爽同creamy嘅中間，任食黎講質素算可以，性價比唔錯🥢熟食方面，最愛外脆內軟嘅黃金豆腐，同埋火候控制得恰到好處嘅泰式燒元貝，食落夠嫩身，生唔會乾爭爭。🥬鍾意泰菜嘅話，推介一戰佢哋嘅泰式魚露燒蝦同飛天炒通菜，兩樣都令我多次encore。魚露燒蝦爽彈大隻，蝦味突出。飛天通菜爽脆清甜，亦非常不錯。.🍠甜嘅炸物方面，推薦日本薯仔天婦羅、紫心香芋丸、芝士年糕同脆皮炸香蕉，每款均各有特色，個人尤其喜愛多甜少鹹，

約左舊同事聚舊, 知道呢位同事好鍾意食日本放題, 咁就搵左間喺銅銅鑼灣京都廣場3樓 - 瀛豐放題料理專門店食啦. 瀛豐放題料理專門店除左日式美食, 重有泰式美食可以選擇. 啱哂鍾意食放題嘅朋友仔.任食價錢唔太貴, 我地重加錢升級, 可以食到生蠔同海膽帶子生蠔 – 口感好Creamy, 海水味濃, 肉身肥美, 鮮甜.海膽帶子 – 海膽甘甜, 放入帶子中間, 2者合二為一, 未試過咁樣食法, 正. 刺身盤 – 三文魚, 油金魚, 厚切, 刺身好新魚, 肉質鮮甜.貝類: 馬刀貝, 赤貝, 白玉貝 – 爽口彈牙, 味道爽甜, 絕對新鮮.最大驚喜: 珍寶赤蝦, 手掌咁大隻, 肉身肥美, 爽口彈牙, 蝦頭勁多膏, 足足每人食左6隻, 真係飽到癲.甜品款式繁多, 飲品亦都一樣, 有傳統可樂汽水, 亦有日韓飲品, 任食任飲, 大滿足.

我每隔一段時間就會有魚生癮🤣反正係食咁就不如食得盡興啲，因為去日本餐廳食都係差唔多價錢仲要未必食得滿足😌放題就唔會有呢個煩惱啦🫶。之前未裝修前已經有幫襯過佢地，記得個陣佢地部啤酒機同埋各款泰式料理都係一大賣點🍺事隔一段時間終於有得再揾到一間係集泰日料理於一身既放題👏而仲有增添中式菜式😍個胃細啲都唔得。🐒成人晚市放題(1600-1800)💰$229呢到既自取區唔算大，但都五臟俱全，要乜有乜🍦由前菜沙律到熱茶雪糕都有🥗另外因為唔係集團式，所以menu上都好新奇，有唔少都係獨家🍣。刺身方面呢到係薄切，反而咁樣慢慢食好似仲無咁濟😂令我戰鬥力高左，全部刺身都十分之新鮮🦐特別推薦珍寶赤蝦，真係件件手掌咁大🖐️而中意食生蠔🦪海膽帶子既都可以升級個放題級別，食豪啲！不過我對海膽麻麻，於是就淨係咁散嗌左生蠔試下🍋。熟食我就緊係推薦各款泰式小物啦🤭小至木瓜沙律大至炒金邊粉都簡而精🔥每款都有得試少少就岩哂我。最後緊係輪到我最愛既甜品部啦🤭甜品竟然有馬卡龍食☺️都有好多款式揀，每樣迷你👶🏻可以試好多款

今次碰巧要去到銅鑼灣買東西見到網上推薦瀛豐日本放題料理🇯🇵🇯🇵就決定去食日本放題🍜🎌🍛🥢🍱🍣🍘店員推薦🤎刺身船🛶🛶整條船上有好多刺身三文魚希靈魚吞拿魚螺片不能盡錄……總之有很多😳😳好抵食👍🏻🩷帶子海膽刺身（任食）十分特別的一道菜😊大大粒☺️友人覺得很有特色從未試過帶子和海膽的配搭👍🏻覺得很新鮮😍❤️生蠔🦪（任食）🧡燒元貝👍🏻 以放題的質素覺得不錯👌🏻💚啤酒🍻（任飲）升級後，啤酒🍻都可以飲😊放工後當然要啤啤佢🍻🍻💜壽司🍣🍣👍🏻好味喎😋😋火炙壽司😍😍🤎一口炸豆腐👍🏻👍🏻好脆啊😋豆腐又滑😍🩷甜品款式多不勝數糯米糍和木槺布甸好好味😋總括來説刺身都很新鮮👍🏻店員服務態度非常好👍🏻😊又親切☺️推薦：火炙壽司😍😍 一口炸豆腐👍🏻 啤酒🍻（任飲）燒元貝

慶祝同事生日約咗係公司附近的「瀛豐放題料理專門店」日泰放題店，我哋鍾意呢度坐位闊落，唔會枱貼枱，QR code點餐，送餐速度快。食物方面選擇好多 ，有刺身、燒物、炸物及泰菜等等…新鮮肥美刺身，珍寶赤海蝦刺身夠大隻，鮮甜爽口。原隻海膽帶子刺身，起碼有3S size的帶子放滿creamy海膽係中間超正，仲有大大隻嘅新鮮生蠔🦪食落好爽甜。壽司方面款式選擇豐富，刺身，火炙，手卷，軍艦等……. 我個人口味對XO醬拖羅蓉手卷油脂豐富，入口脆卜卜。熟食方面有泰式燒羊腩，肉質鮮嫩。八味黃金豆腐外脆內軟。泰式炒椰菜苗分量啱啱好，爽脆野味。飲品選擇有紙包裝、罐裝、啤酒🍻甜品有甜筒、雪糕、蛋糕、果凍…..