影片
港铁铜锣湾站 C 出口
继续阅读
电话号码
28916928
96901733 (WhatsApp)
开饭介绍
以放题形式供应多款日、泰料理，而主打的日本菜餐单分为冬、夏两季，并以时令食材入馔；装修则糅合西日元素，简约时尚。
继续阅读
营业时间
今日营业
12:00 - 15:00
16:00 - 00:00
星期一至日
12:00 - 15:00
16:00 - 00:00
以上资料只供参考，请与餐厅确认详情
有关奖赏计划
相关文章
数得出名嘅日式放题基本都食过晒，今次又试下新野，位于铜锣湾京都广场嘅「瀛丰放题料理专门店」，系铜锣湾站C出口斜对面，位置非常就脚。闲日晚市正价时段$259，今次仲加左$148升级放题，除左可任饮生啤及任食海胆带子，最重要系升级海鲜拼盘仲有鱼子酱，今次真系学刘德华话斋，一人一罐啊!自取嘅前菜有十多款，麻辣鱼皮爽脆香辣，海蜇爽口弹牙，等紧刺身嘅同时食少少都唔错。基本嘅刺身都有十余款，每款嗌左四件试下，普遍都几新鲜：厚切三文鱼腩鱼油丰富，非常香滑；油甘鱼同样厚切，油花甘香，鱼肉爽滑；珍宝赤虾劲大只，肉质爽弹，味道鲜甜；其他刺身仲有马刀贝、赤贝、北寄贝、八爪鱼等等。再黎一个升级刺身海鲜拼盘，除左高贵嘅鱼子酱外，仲有矶煮鲍鱼、松叶蟹脚、象拔蚌及翡翠螺等等。鱼子酱带咸香，口感香滑，除左鲜味外，仲有种Creamy嘅奶油味道，非常独特，好食！矶煮鲍鱼爽口弹牙之余，其实都够软腍入味；松叶蟹脚鲜甜多汁，肉质够结实，足够新鲜。松叶蟹肉、蟹味噌及蟹子寿司饭，味道鲜甜，有啲甲罗烧嘅感觉。升级Menu仲有海胆带子，原粒带子夹住鲜甜海胆，大满足!其他料理仲有泰式串烧、烧蚝、一品料理、辣酒花螺等等，净系食刺身我都食到半饱，其他野我都只系食左少少。
继续阅读
🥢刺身拼盘，嚟到嘅时候仲有干冰嘅效果！非常适合打卡！我哋叫咗几种唔同嘅鱼类，再加埋赤虾！三文鱼腩非常好食，而且食得出非常新鲜，亦都冇腥味！希灵鱼亦都唔错！我同朋友都非常钟意食佢嘅赤虾，好新鲜大大只. 食落去嘅时候觉得非常鲜味，净系食呢一样都回本！真系好！🥢我哋仲加咗升级刺身！有另一个海鲜嘅拼盘！有讥笑鲍鱼长脚蟹马刀贝仲有鱼子酱.！鱼子酱都非常好食，咸咸地我几钟意呢一个口感！马刀贝亦都非常爽脆加埋少少芥辣嘅效果，令到佢嘅味道更加突出！鲍鱼就非常大只，而且厚身非常有口感！钟意食鲍鱼嘅朋友不能够错过！长脚蟹亦都非常好食，肉身非常好！唔会话好腥！整体刺身嘅质素非常好，净系食头盘都好饱！正！🍺加咗呢一个升级之后仲可以任饮出边嘅啤酒！有两款唔同嘅生啤酒我就选择咗1664！充满果香甜甜地非常好饮！🥘熟食方面餐厅系属于偏向泰式嘅方向！钟意食佢嘅烧羊腩！第一次系识到呢一个方法烹调嘅羊腩！外身脆脆地几好食！忍唔住叫多咗几次！🥘另外都有叫佢嘅串烧，烧带子亦都非常好食，由于系即刻叫即刻做嘅关系，所以都系热辣辣！再加埋少少蒜蓉同埋香葱，令到成个口感更加好食！我都叫咗炒大砚，非常有镬气同埋有风味，大大只砚，非常好味！🥤除咗啤酒之外，亦都有好多种唔同款式嘅饮品，我就应该饮咗韩国嘅芒果汁！都觉得唔错！🍦雪糕就主打香港品牌有好多种唔同嘅味道，亦都有韩国榴梿雪条
继续阅读
今次试咗🪭瀛丰放题🪭，好有惊喜🉐！餐厅喺铜锣湾京都广场，好方便。而且环境宽敞，坐得好舒服。餐厅用QR code点餐且无限量供应的模式，选择范围广泛，包括刺身、寿司、泰式美食、炸物、烧物、天妇罗及多款热食👅。🍣刺身选择好多，包括大只肉厚的珍宝🦐赤虾、北寄贝、马刀贝、北海道角螺、赤贝、三文鱼、吞拿鱼、油甘鱼、八爪鱼及鲍片。烧物部分特别推介🦪烧生蚝同烧元贝，风味十足。串烧同🦀盐焗蟹真系好正！自助区仲有各种🥤饮品🧃甜品，包括🍨雪糕、乳酪雪条、🍮布甸、啫喱、豆腐花等多种选择，真系超满足😌。细食既朋友可以试吓午市套餐，都好抵食👍🏻
继续阅读
🔹️瀛丰放题料理专门店🔹️ 系铜锣湾谂唔到食咩，又咩都想食啲，不如嘿朋友去食放题啦，星期一至四，6:00-8:00都只系$259，款式选择又多 以家店舖有个升级优惠，以$148既价格，可以享有极品海鲜拼盘、海胆带子、清蒸/牛油焗奄仔蟹，咁咁引又点可以唔加呢 🦀奄仔蟹真系无得输，爆多既膏蟹香软不腻，而蟹肉都好食呀！极品海鲜拼盘则有鱼子酱、鲍鱼、长脚蟹、冻虾，鲍鱼肉质好弹牙，腌得好入味 食得放题点可以少得刺身呀，摆盘真系好打卡👍三文鱼腩真系出色，虽然系比较油润但不腻，食出鲜甜味，仲要叫埋三文鱼、油甘鱼、牡丹虾等等既刺身 原来升级之后仲有生啤可以饮，有1664同SAPPORO，真系好爽呀！即刻要同朋友饮翻杯 仲有好多寿司、卷物、炸物任君选择，必点烧鳗鱼浓郁既酱油香仍好Juicy，烧菠萝能保持水分之余亦都好甜 食完所有野，记得要出去拣返个雪糕同埋甜品呀
继续阅读
话说我前排同朋友去咗铜锣湾嘅瀛丰放题料理专门店众会，呢间主打港日泰料理嘅放题真系选择多到眼花缭乱！餐厅位于京都广场3楼，环境宽敞干净，灯光柔和，坐得舒服。价钱亲民，食物质素都唔错！😋首先讲讲刺身拼盘，一上枱就见到色彩缤纷嘅摆盘，包括三文鱼、油甘鱼、珍宝赤虾、马刀贝同八爪鱼。三文鱼厚切，入口滑嫩，油甘鱼带点油香，赤虾就鲜甜弹牙，肉质结实。刺身选择多，而且每款都好新鲜，沾少少酱油同芥末，味道好鲜甜。🍣「海胆带子」好惊喜，带子厚肉弹牙，中间夹住咗鲜甜嘅海胆，两者一齐食好有层次感。海胆入口即化，配上带子嘅鲜味，食完真想再encore！🦪泰式烧元贝带点泰式风味，元贝好大粒，烧得外层微焦，内里保持juicy。泰式酱汁带点酸辣，配上元贝嘅鲜甜，味道好夹。火候控制得啱啱好，食落好香口，系熟食嘅亮点之一！🦞火炙腐皮三文鱼系寿司区嘅推介。三文鱼用火炙过，带阵炭烧香，上面铺咗甜甜嘅腐皮同少少酱汁。三文鱼厚身，入口软滑，腐皮嘅甜味同三文鱼好match，食完一件即刻想再拎多件！🍣芝士年糕系炸物嘅心头好。年糕炸到外脆内软，咬落去有浓浓嘅芝士香，口感QQ又有咬口。热辣辣食最好，放题食少少真系好过瘾！🧀马拉盏通菜炒得有镬气，通菜爽脆，马拉盏嘅咸香味好入味，唔会太辣。呢款泰式小食同日式菜式放一齐好有新鲜感，好开胃！🥬甜品柜选择多，有Tiramisu、泡芙同榴梿糯米糍。Tiramisu咖啡味浓，入口软滑；泡芙外皮香脆，内里卡士达酱甜而不腻；榴梿糯米糍就系榴梿控嘅最爱，榴梿香好突出，糯米皮软韧！🍰
继续阅读