濟州燒肉食堂

营业中

休息中

今日放工後黎到九龍灣搵食～哩間濟州燒肉食堂係food court旁邊，地點方便易搵，餐廳內有大量卡位，門口位置仲有四張大圓枱～餐牌上面有唔同套餐及單點選項可以選擇～前菜有沙律、泡菜、芽菜同醃蘿蔔，除左沙律之外都可以再添，亦提供同樣可以無限添加既芝士粟米同埋泡菜爐邊蛋，芝士粟米係我最愛💕🔸特選黑毛和牛上貝身肉和牛上貝身肉上面有雪花紋，肉質軟腍無筋，油脂豐富，建議燒到面層有少少焦香，逼曬啲油脂出黎係最好食既～🔸食堂牛小排（醬油）牛小排經過醬油調味，可以唔洗再點任何醬汁，入口牛味濃，肉質同樣軟腍好食，好食推介👍🏻🔸濟州特上黑毛豬拼盤拼盤入面有豬皮、梅花肉條及豬脾骨。豬皮烤好後，滲出少少豬油，入口係啖啖骨膠原；梅花肉條啖啖肉，亦係已經經過調味，味道微甜；豬脾骨有店員幫手燒🔥肉質鬆化，入口勁juicy多肉汁～🔸每日新鮮鰻魚（半份）鰻魚都係店員幫手燒🔥火候控制得啱啱好，魚皮香脆，魚肉爽彈，肉質滑嫩，食得出鰻魚既鮮味，好食推介👍🏻🔸食堂蘋果梨汁雞肉雞肉用蘋果梨汁醃製，所以味道清甜，入口肉質鬆軟。🔸芝士帶子帶子大大粒，用錫紙兜裝住，入面仲有勁多芝士，燒完之後帶有鹹香，而且帶子肉質爽彈。🍹梅子青檸梳打

餐廳係food court 旁邊，之前係food court 食野既時候都俾韓燒既香味吸引，所以約左朋友放工黎食。前菜未叫野食，店員已經送上沙律菜、泡菜、醃蘿蔔、芽菜、爐邊蛋同芝士粟米，所有前菜都可以refill,泡菜唔會太辣，醃得好入味，爐邊蛋非常滑溜，芝士加左香甜粟米，溶化後可以牽絲，encore 左好多次！特選黑毛和牛上貝身肉 $198粉嫩色既和牛，油花比例高，入口融化，油脂香濃而不膩。食堂蘋果梨汁雞肉 $88雞肉份量都幾多，用蘋果梨汁醃製，味道香甜，肉質嫩滑食堂牛小排 $178牛小排用醬油醃製，唔洗點任何醬汁都夠味，但又唔會蓋過牛肉既香濃味。芝士帶子 $110芝士帶子原個錫紙兜放上爐到燒，所以最後先食，帶子鮮甜配埋拉絲醬油芝士，好夾！韓國鰻魚（半份）$115鰻魚非常肥美，燒完外皮香脆，肉質細嫩，加埋鰻魚汁，魚肉更香甜。濟州特上黑毛豬拼盤 $285韓燒除左牛肉外，另一個必點係韓國黑毛豬，拼盤有帶骨豬排，排骨肉同豬皮，由於豬排太大舊，店員好貼心咁幫手燒，豬皮唔洗燒好耐，第一次食口感軟腍，骨膠原豐富。排骨肉爽口彈牙，豬排非常厚肉，燒完後仲可以保留滿滿肉汁，好juicy! 梅子青檸梳打

放工去左九龍灣德福廣場呢間餐廳，特別在個爐旁邊有兩個位，一個裝滿蛋液加泡菜，一個裝滿芝士同粟米，一開爐除左中間可以燒肉外，旁邊呢兩個位都同時熱緊，呢兩樣同埋其他小食都係任添！.我地就叫左幾款肉燒😋🥩特選黑毛和牛上貝身肉🥩食堂牛小排 (醬油)🍖濟洲特上黑毛豬拼盤🍗食堂蘋果梨汁雞肉🐟每日新鮮鰻魚(半份)🐚芝士帶子🍹荔枝梳打🍹梅子青檸梳打.超豐富既一餐😍 首先，黑毛和牛紋理好靚，一睇就知高質，烤香後油香爆發，入口即溶🤤 醬油食堂牛小排亦十分出色，肉味濃郁! 加埋本身已醃的醬油超惹味😋 濟洲特上黑毛豬拼盤好正，有大大件黑毛豬斧頭扒、梅花肉條同豬皮! 由於黑毛豬斧頭扒實在太大，驚搞唔掂，店員來幫手燒，好貼心! 肉質軟，好juicy! 好好食! 梅花肉條已經係切條上好方便，肉味濃郁，好食! 豬皮偏軟腍，本身有醃汁，烤香後食好好味!.食堂蘋果梨汁雞肉幾特別，加左水果汁令雞肉更嫩滑juicy，而且味道好香! 鰻魚又係比較難處理，店員好熱心幫忙，每邊煎香後再剪開，燒到咁上下就搽埋鰻魚醬汁燒香，魚肉好香脆! 而芝士帶子直接放在一個錫紙盤度，裡面已經鋪滿芝士在底，有6大粒帶子，直接連盤放上網燒就可以! 帶子

I always like the banchan in the Korean restaurant, the small dishes that are typically served as appetizers or side dishes in Korean cuisine. It was not very crowded on a weekday, however, when we requested more banchan, the response was slow, which was a bit frustrating. We ordered a meat platter. While it was okay, it didn't blow me away. The the sauce was definitely stronger and thicker compared to Japanese BBQ, which is a personal preference. Depending on your mood and what you're in the m

濟州燒肉，一聽就知係「Oppa」韓燒啦！這間位於德福二期5樓燒肉食堂，暫時係我覺得無論係服務，份量，甚至係食材，都係最好嘅韓國餐廳。首先介紹一盒六粒，好似五蚊餅咁大嘅帶子，鮮甜又香口，再加上吸收濃郁嘅芝士汁味道真係一流。牛小排油花分布均勻，加上蔥花同醬油，唔使額外添加醬料，已經好好味。黑毛和牛無論油脂紋理勝價比例更高，加少少海鹽，更可以提高和牛味道，真係入口即溶，油香味濃，正👍🏻蘋果梨汁同雞肉，原來配合一齊係咁夾，雞肉嫰滑，好juicy，好好味。牛肉豬肉就燒得多，原來燒鰻魚都好好食，好彩有店員幫我哋控制火候，唔會燒焦，外皮仲脆卜卜。黑毛豬拼盤入面有豬排，豬皮，斧頭豬扒，一次食晒三款唔同嘅肉好滿足😋😋😋

就算天氣已經開始熱，但係都冇阻我哋對燒肉嘅熱情❤️‍🔥收到消費券之後要對自己好啲，慰勞一下平常嘅辛勞！去吃一個豐盛嘅烤肉就啱晒啦！今次叫咗幾款高級肉，一於盡興而回！▶️特選黑毛和牛上貝身肉 👉🏻呢款和牛不得了，鮮嫩的粉紅色和不規則的雪花紋，真係睇見就心動！而且燒完之後食落好香，黑毛和牛好在口感好，而且肉香更高，所以食起來唔會覺得好油膩👍▶️食堂牛小排 (醬油)👉🏻 醃製過調好味，但係仍然無阻佢澎湃嘅肉香，肉質亦嫩，每一下咀嚼都可以feel到肉汁滿滿呢！😍▶️ 濟洲特上黑毛豬拼盤 👉🏻有兩款肉肉同埋豬皮，醬豬皮軟綿綿好似食緊雪糕咁❤️ 巨型帶骨豬扒油花十足，燒烤過金香嫩肉，竟然吃到騰雲駕霧般的雲朵口感，10分享受！▶️每日新鮮鰻魚👉🏻每日新鮮運到，肉質特別爽實鮮甜，燒到脆薄博嘅金黃色鰻魚皮更係一絶！▶️ 食堂蘋果梨汁雞肉 👉🏻甜甜的雞肉香烤過後跟充分地吸收炭火香氣，略帶咬感，又好好食喎👍▶️一盒芝士帶子 👉🏻巨型帶子上蓋滿芝士，woo😍睇見芝士在錫箔盒內彷如岩漿般的躍動，看着那軟趴趴的帶子逐漸變成充滿線條感的肌肉型大漢，忍不住立即放入去感受那實的的嘅口感和甜美的香氣😋▶️ 梳打👉🏻梳打來一杯，清新又消暑！

一家人慶祝生日。叫了698牛肉套餐，食物份量足夠，沒有太多調味，適合小朋友。牛肉豬肉十分美味。爐邊芝士及煮雞蛋無限添加，非常受小朋友喜愛。驚喜位有豬皮與鰻魚可點。員工服務態度友善。

九龍灣講起韓燒一定係呢間有好韓既任添爐邊蛋同芝士粟米仲有任添既泡菜、麻油豆芽、醃白蘿蔔店員好好服務，會主動問你使唔使添食仲會幫你燒鰻魚，桌邊服務真係一流特選黑毛和牛上貝身肉第一次食呢個部位但一試便愛上好juicy 同油脂感十足牛肉軟淋唔韌我愛燒到油脂逼晒出黎一咬成個口腔都係肉同油脂味食堂牛小排呢個部位比軟有咬感肉味濃郁可以燒到7成熟就上碟食堂蘋果梨汁雞肉好juicy 既雞肉久燒都不會老甜甜地好爽軟濟州特上黑毛豬拼盤食韓燒點可以少了豬肉豬皮質感好有趣。本身已經有調味排骨肉比較有油脂感食落好淋軟又香甜帶骨豬扒店員會幫手燒食落啖啖肉好正呀一盒芝士帶子帶子新鮮彈牙搭配芝士更加惹味韓國鰻魚全場一定最出色呢個鰻魚店員燒得好小心，一D都無好黏住燒盤鰻魚皮燒到好香脆魚肉嫩滑真係推薦一定叫青檸/茘枝梳打點可以少得飲品好清新解渴

最近工作忙碌壓力大，要減壓當然要食餐好嘢啦，仲要食得開心滿足嗰種，燒肉就係好選擇之一。坐低冇耐就前菜食，有沙律、泡菜、酸蘿蔔等等，夠晒開胃。然後店員就喺爐邊倒泡菜蛋漿同芝士粟米，無限任添加㗎～【特選黑毛和牛上貝身肉】牛貝肉係稀有部位，雪花紋好靚，燒到七成熟就食得。肉質嫩滑再加上超豐富肉汁，真係頂級享受。【食堂牛小排 (醬油）】油脂分佈同肉質比起黑毛和牛唔差好遠。我哋揀咗醬油味，味道更加甜同juicy。【濟洲特上黑毛豬拼盤】拼盤有帶骨豬排、排骨肉、豬皮。豬皮唔係度度都有得食，脂肪豐富，係邪惡嘅但油香十足。排骨肉燒出嚟幾脆口惹味。帶骨豬排就又厚又大份，一路食肉汁不斷滲出，正～【食堂蘋果梨汁雞肉】雞件切得比較厚身，要燒得耐啲，但雞皮又比較易燶，所以燒嗰陣要留意火侯。雞肉嫩滑，果汁香甜，加上厚切，食得好有滿足感。三款肉類都好高質，之後我哋就食魚啦。【每日新鮮鰻魚(半份)】由店員幫手燒，將檸檬墊底減低燒焦機會，上面放香草辟除腥味。店員好有心機燒咗大約十分鐘，外皮香脆魚肉鮮美，用紫蘇葉包住食更加香口。【芝士帶子】最後就到帶子，用錫紙兜裝住，成兜放上去燒到一段時間，芝士汁滾一陣就食得。帶子都好大粒，

📍濟州燒肉食堂🇭🇰 九龍灣偉業街33號德福廣場二期5樓501B號舖Foodeli S1號舖呢間基本上係我每次去九龍灣Foodcourt必食嘅野係會掛住個種!!!除左佢價錢有少少貴之外 簡直完美😋 燉牛肋骨配白飯 $98新鮮滾熱辣 暖笠笠雖然佢牛肋骨得三舊 但係每一舊都超級大!!!同埋佢骨同肉係好容易拆開 容易食牛肉亦都好淋 好正佢個湯好濃郁好正 令到所有食材都好入味除左牛肉之外 有白蘿蔔 紅蘿蔔 索曬d汁 正佢仲有個人參雞湯都好好食 係半隻雞咁多有機會同大家介紹 但燉牛肋骨一定係我首選

今次我同幾個朋友去咗濟州燒肉食堂食飯，真係好開心！環境舒適，氣氛愉快，好適合大家聚餐。我哋首先叫咗一杯蘋果梨汁，酸甜可口，好消暑，特別啱哂呢個天氣。然後就開始揀菜，我哋揀咗牛小排同埋豪快海鮮煎蔥餅做主菜，前菜就係特選黑毛和牛上貝身肉。而且佢哋仲有啲醬汁可以配搭，令味道更加豐富。上嚟嘅菜色，個個都好精緻，賣相都好靚仔。而且最令我感動嘅係，佢哋嘅服務員好細心，即刻幫我哋擺好啲菜，同埋幫我哋燒烤。佢哋令到我哋感覺好舒服同埋受到尊重。牛小排肉質好嫩，而且煮嘅啲草本汁令到味道更加香濃。豪快海鮮煎蔥餅係一個好創新嘅菜式，入口脆身，內裏有啲海鮮同埋蔥味，好好味。特選黑毛和牛上貝身肉好滑嫩，令到我哋都唔捨得食。

#濟州燒肉食堂 放工後，同事話想食韓燒，我即刻舉手話要去，就去了一間我食過好好味既又完全唔貴既韓燒餐廳🥩位於九龍灣德福二期，都容易搵到，店內油煙味又唔算好濃，好整潔，店員又有禮貌🥰🥰🥰🔹食堂牛小排 $178， 醬油味既牛小排，燒後好夠味，牛味香濃而又有肉汁👍🏻👍🏻🔹特選黑毛和牛上貝身肉 $198，見到油花一層一層，就必定係入口即融，高檔次既牛肉🤤🤤🔹濟州特上黑毛豬拼盤 $285，拼盤有三款：豬皮、豬肉條、有骨豬肉。豬皮切勿燒太耐，很易燶 ，烤完後豬皮脆香好正😀，有骨豬肉我就要店員幫忙燒烤，因為太大件，帶骨既豬肉我覺的爽d😀係好味既😀😀🔹韓國鰻魚(半份）$115，鰻魚控必點item，燒得剛剛好，脆邊鰻魚肉係好正，我下次要點全份啊😚😚😚🔹食堂蘋果梨汁雞肉 $88，果汁味雞肉，燒烤後雞肉唔會鞋口👍🏻👍🏻👍🏻🔹一盒芝士帶子 $110，原盒直燒、直至芝士全溶，就完成！帶除掛上了熱溶芝士、超滿足啊🤗🤗濟州燒肉食堂 (九龍灣)地址：九龍灣偉業街33號德福廣場二期5樓501B號舖Foodeli S1號舖

今日同女朋友黎到九龍灣工作左成日好肚餓特別想食肉就俾我地經過見到呢間燒肉店就決定入去試下特選黑毛和牛上貝身肉呢款油脂好足燒完之後，真係入口即化油香味爆棚牛小排（醬油)肉醃得入味，醬油味濃加上肉質鮮美，醬油滲入肉內，好有味道濟洲特上黑毛豬拼盤豬肉好新鮮，有豬皮，豬扒，排骨肉好豐富，可以享受到豬既美好食堂蘋果梨汁雞肉呢款有啲特別，雞肉同蘋果梨汁嘅組合新穎口感獨特，蘋果梨汁令雞肉變得更滋味芝士帶子好過癮帶子肉質爽口彈牙，加上濃郁嘅芝士味道一流

前菜豐富不特止，有酸蘿蔔，泡菜，沙律菜，酸梅蕃茄無限添加，仲有我最鍾意嘅芝士粟米，泡菜雞蛋都可以任refill🤩。🔸 濟州特上黑毛豬拼盤豬皮，豬脾骨，梅花肉條～ 豬皮有預先調製，燒完入口軟稔，甜甜鹹鹹的，完全冇肥膩感，少少起膠，滿滿膠原蛋白，個人非常鍾意食。另外豬脾骨非常厚身又大件，最初仲擔心要燒熟透會好耐，攪到乾爭爭，好在服務員好貼心的幫手，豬肉非常入味仲勁juicy。梅花肉條就肉質彈牙，有咬口，同樣肉味濃郁又入味。🔹 醬油牛小排油花分布均勻，肉質有光澤，入口唔肥膩，微微焦香更顯香口牛肉味，而且肉質非常好，唔使點任何醬汁都好好食！🔸 特選黑毛和牛上貝身肉貝身肉是牛中腹最接近腰脊的部位，非常稀有，仲要係特選黑毛和牛🤩，睇見油花分佈尤如霜降！油脂味鮮甜回甘，肉質軟稔口感細滑，真係非常邪惡！🔹 蘋果梨汁雞肉用蘋果梨汁醃雞肉，令雞肉鬆軟，更顯鮮甜，偶爾把雞皮燒乾仲非常脆口，雞肉仲非常juicy!🔸 韓國鰻魚半份鰻魚雖然是半份，但非常大份，可見鰻魚本身好大條！鰻魚本身油脂豐富，燒起已經非常香，肉質光澤又彈牙，沾少少鰻魚汁更惹味。🔹芝士帶子帶子大大粒，同芝士，醬油都很配，可以原個錫紙兜放上鐵板燒

今晚同媽咪黎左九龍灣濟洲燒肉食堂食晚餐，呢層樓大部分都係餐廳，多數都係黎食嘢。我地平日夜晚來，坐無虛席，幸好都安排到卡位，枱面闊落d比較就手。坐低就有前菜芽菜，泡菜，沙律菜及蘿蔔，都有職員主動來換燒烤網。特選黑毛和牛上貝身肉顏色粉粉嫩嫩，油脂超豐富，入口融化。食堂牛小排 醬油味濃又不失肉味，肉質細緻結實，幾抵食。濟洲特上黑毛豬拼盤咩都有齊，連豬皮都有，鐘意豬肉嘅話要叫呢個拼盤每日新鮮鰻魚食落好爽脆說明的確新鮮！我地兩個都好鐘意！食堂蘋果梨汁雞肉 份量好多，食極都仲有😂一盒芝士帶子 帶子鋪在芝士上面，連埋一齊吃好滑溜～梅子青檸梳打 （左）感覺清爽，適合燒烤時飲用，柑橘梳打適合不嗜甜者