澳洲牛奶公司

营业中

休息中

八月二十七日 (星期六)吃過難吃串燒,肚還有空間趁本月未吃澳牛,極速趕往澳牛廣受內地同胞歡迎,排隊中多於一半是說普通話的,厲害!終於相信這裡的效率,等了五分鐘就可以入座了點了一個茶餐和熱燉奶喜歡吃牛肉,因為义燒太肥了牛肉頗嫰滑吃完難吃串燒一肚氣吃過這裡的滑滑炒蛋相信可以下下火多士就較薄,口感略嫌不夠燉奶依舊的高質不過看一看價錢牌,索價二十,是三分二個茶餐美食始終要付一點代價的因為我點了凍檸茶,沒有吃燉奶.......怕攪肚子下了火,下月再來!

Openrice真係用黎搵電話地址算數，成班打手，d食評講到天上有地下無咁，但其實係咪真係好食呢？特別係d炒蛋同湯意粉咁，炒蛋可能係滑少少，但味道係咪真係好到要排哂隊？其實咁既味道跟本好多茶記都差唔多，講到意粉仲搞笑，d意粉淋到夾起就斷，D人仲話個湯底正， 望入去廚房，大佬幾百罐金寶清雞湯係度呀…咁都算數，可能係我要求高而佢地要求低…其實成間澳牛最有問題真係服務，而我覺得真係有一班香港人係有迫害症， - 人地話好食，就覺得好食，多怎數用耳朵，眼睛去代替味覺。 - 俾錢人賺又俾人媽叉，唔嬲反而覺得應該。 - 超快食個餐會覺得係享受。 - 迫迫埋埋食野又係一個享受（雖然香港地濟迫係冇辦法）。 不過香港人就係習慣生活於「迫」的生活模式，有點悲哀…

每逢早餐及午飯時間，總是排長龍！但不需十分鐘，已經可以入座 不二之選，十二點前來，一定揀早餐，十二點後，就揀茶餐，分別只在於兩塊火腿因為一個餐都係$30，但係一個通粉或意粉，都要$20！方飽可以改多士；煎蛋可以揀太陽蛋或炒蛋；意粉又可以改通粉今日揀咗個蛋治 (唔駛加錢，哈哈)，因為我對火腿不感興趣，否則可以改為腿蛋治。蛋治足足有一吋厚，麵包鬆軟，非常好食；蛋嘅份量夠多，而且香而滑，不似一般滑蛋咁多汁，做蛋治最正；呢件蛋治，可以話全香港最好食。老婆就揀咗太陽蛋同方飽，麵包一樣鬆軟，牛油味亦夠香。叉燒通粉，保持一貫水準，湯底夠味，通粉軟硬度適中，不會太軟身，冇咬感，亦不會煮不透，太硬身；叉燒亦係一貫嘅偏瘦，可能唔想太肥，影響湯底吧！最後加兩蚊，要杯凍奶茶，茶香滑溜，係一杯有水準嘅奶茶，並非一般連鎖快餐廳可以媲美。其實，除咗茶餐外，這裡的蛋白燉鮮奶及杏汁燉雞蛋都好出名，不過我對此兩味不感興趣，所以不可評價，哈哈。承惠每位$32，不消十分鐘，就醫飽了，名副其實嘅快餐！

經過澳牛附近，本想進去吃個快下午茶，但門外人龍實在可怕，加上我也有點趕時間，於是便外賣一份蛋治。他們外賣原來也很同樣超高效率，基本上落單後到櫃檯付錢，當我剛放好找回的零錢，侍應哥哥已把蛋治送上！蛋治熱辣辣，蛋炒得很嫩，很香，配上他們新鮮招牌厚麵包，好好吃！

下午1:30去到。一去到就見到好多人排隊，但係load得幾快，等咗5分鐘就入到去。一坐底就即刻有人黎落單，好快，但係未睇得哂。好彩種類唔多，得3個餐(其中一個係早餐)，之後食嘢果陣再睇多次餐牌，d嘢食主要係多士同通粉，如果係黎下午茶就啱哂。等咗唔夠5分鐘，d嘢食就黎，。我叫咗通粉，炒蛋同多士，le 3 樣都幾好 服務態度方面，明顯係有少少"趕客走"，因為食食吓嘢果陣，有人同我地講"食快d啦!"

剛從佐敦地鐡站行到地面，便問同行的阿仔想吃澳洲牛奶定係麥文記，見佢兩間都想去，便決定來一個二重奏。在麥文記食完，肚子仍半飽，便在澳洲牛奶外排隊，人龍剛好到書局門口，咁啱隻鎮店之寶又守在大門口，阿仔見到便不停咁摸隻白貓，排我地後面的小朋友都好想摸吓，但佢阿媽唔俾，仲話一陣要食野唔好整污糟隻手，就係咁已經輪到我地有位。因為我地已經食咗麥文記，所以只係叫咗一份茶餐，另外散叫多一杯凍奶茶。碟湯意粉先上，阿仔仲會同我一人一半，但到咗炒蛋多士，佢就老實不客氣，掃哂全份只剩低半塊火腿俾我。也難怪佢，因為D炒蛋保持一貫水準，非常嫩滑，不消一分鐘便食得乾乾淨淨。跟餐的凍奶茶份量少Ｄ，啱阿仔飲，否則佢飲得太多夜晚會瞓唔著。我就享受大大杯的凍奶茶，在炎熱的日子來講絕對係樂事。與以前比較，伙記大佬的態度變得好好，唔會亂咁窒人，抵讚。

今天很幸運不用排隊便能入座，我們一行三人，坐到卡座，環境尚算舒適(當然，我沒有對它的環境有太大期望)。我們一坐下，伙計便來問我們要什麼，神速到極。我們也很快下了決定。不到30粆，我們要的食品便來了！這家餐廳的速度也是其特色之一。我很佩服伙計們的敏捷程度。白色的是杏汁燉奶；黃色的是燉蛋。我們皆點了熱的。杏汁燉奶的杏什味頗濃，喜歡的人會覺得好吃，不過像是我朋友不喜歡杏仁的話，便會不太喜歡。不過我覺得奶味很香濃，真材實料，好吃！如果燉奶是8分的話，那麼燉蛋絶對值9分。蛋味香濃不在話下，難得的是這燉蛋真的相當嫩滑，濃郁的蛋香配上些許的甜味，無怪乎有這麼多人慕名而來！絶對令人吃上癮！下次要來試試炒蛋。

食過好多次通常最多人都是星期六日的中午至下午我同老婆食都是通常都是晚上食唔洗等！入去次次都是茶餐每次都是通粉（因為可以撈埋d湯食）次次都是奶茶，好滑同埋炒蛋，無另一個地方可以比美多汁，夠滑，大大碟雖然有時d staff會趕住收你d碟見你唔叉住d野食就會想收碟但是員工都是好像追趕勤工獎般好盡力serve人，唔系似其他食店d staff扮見你唔到食完之後通常老婆會struggle究竟食燉奶好定系隔離crumbs好最後多數會食燉奶，難得來到燉奶呢超滑，但是不會像水有texture又滑，真系好unique！叫過一次外賣蛋治，都系好味

一直聽人講澳牛有幾好味，今次終於有機會一嘗去之前做足功課，見人人比既評價都係好高，所以都特別期待去到門口時巳經見到長長既隊伍走慢幾步就巳經排後幾個位，d伙記做事都安排得好快，計好一pair pair 就入得去，可能5分鐘都唔洗今次因為食得太急所以無影相，有d可惜我地被安排坐到卡位同人桌，空間好細，又擠，一直坐得好唔舒服叫左個最普通既茶餐炒蛋多士+叉燒通粉+熱奶茶炒蛋真係好滑，又係半生熟，好岩我，份量都幾大下，至少比大x樂既份量多幾倍最鐘意食件多士，又厚，真係外脆內軟個通粉就不過不失啦，叉燒都巳經淋曬，無咩味燉奶，真係好好好味~!!好滑，又唔水，而且好多碗，絕對無偷功減料比較灣仔另一間冰室，其實除了燉奶之外，我覺得水準，同餐單無咩唔同呢間頌要無得外賣~~係澳牛一路食得好辛苦，d伙記忙碌咁周圍走我同朋友每隔幾分鐘就比 d 伙記用力丟碟既聲嚇到跳一跳邊食頌要邊受氣，服務真係唔多掂都唔知幾時開始我地作為消費者都要為餵飽個肚而受氣用餐時間可能20分鐘都無，食得太急好辛苦總之無論各方面我都認為無d網友講得咁好啦下次唔會再專登走去食

今日專登同細妹過來佐敦食所謂全港最滑嘅炒蛋，點知希望越大，失望越大。我地中午去到澳牛已經見到條人龍排到街尾，但系我相信香港人嘅速度，所以就同細妹系度等，就系我地等嘅同時，條人龍都一直冇斷過，我心諗：應該好好吃架喇，唔系點會咁多人排隊先！好喇，果然不出10分鐘就到我地喇，點咗分蛋治走油，一份炒蛋多士，一碗燉奶同一碗杏汁燉蛋，香港人就系講速度，呢頭落完單，轉頭就上菜喇。首先就系要試下最出名嘅炒蛋先，當我滿懷期待咬落份蛋治度，我停留咗2秒，然後我就問阿妹：你覺得D炒蛋有咩特別啊？妹話：冇哦。冇錯！我覺得好一般囖，除咗D麵包比較軟熟之外，我食唔出呢分所謂全港最滑嘅炒蛋有咩特別，至於份炒蛋多士，唔知點解D炒蛋系鋪系多士上面噶囖，我其實系想多士同炒蛋分開食，仲有碗杏汁燉蛋好難食囖，燉蛋面果層有幾粒黑黑地嘅唔知咩來嘅，搞到我冇曬胃口，而且D杏仁味蓋過曬D蛋味，仲有20蚊碗，碗燉奶都可以算系OK嘅，但系就系平時食開嘅燉奶，都系一般般。兩個人食咗68蚊，而且份杏汁燉蛋仲剩翻大半碗啃唔落，埋完單出來見到條人龍依然冇斷過，我真系接受唔到囖！絕對唔會食第二次囖。

8月份第一個 FRIDAY, 放工去了佐敦聽 LASIK SEMINAR, 之後再去廟街逛髮品店買野...行完已經9點幾, 好鬼肚餓... 不知不覺, 行到澳牛 . (應該係潛意識掛住嗰度啲炒蛋...今晚很好運, 侍應哥哥望兩望, 已經有位 嗱嗱聲叫野食!今次試下常餐 - 炒蛋多士+叉燒通粉+奶茶 炒蛋及多士依然10個正 !! 蛋超超超超滑~, 有蛋汁 (最like 半生熟蛋 HEHE~)第一次食哩度嘅通粉, 湯底尚可, 但冇咩特別, 叉燒浸得太耐唔好食 下次唔會要叉燒!!奶茶 ok.掛住食, 差啲唔記得影相tim...keke...補返先...啲炒蛋差不多食左一半, 但仲有好多~ end up 係食唔晒啲通粉...超飽!!我會再來的 ^o^~ 下次要試燉奶!

** 此食肆的第三百四十二個OK **(13-8-2011 Sat)晚,同男友離開Sky100,行出去柯士甸道食晚飯,由於唔太餓,就求祈搵o野食啦,行行吓行到o黎呢o度,男友話澳牛啦.啊,幾年前o黎食過,食唔到燉蛋,今次睇吓食唔食到.o黎到,依然係多人,我o地決定要$30.00o既常餐,有火腿煎蛋(轉炒蛋)牛油方飽同叉燒湯意粉,我要$26.00只有煎蛋(轉炒蛋)牛油方飽餐,兩個都要加$2.00飲凍奶茶.好快,我o既炒蛋牛油方飽到o黎,但畀o左牛油多士,算啦.炒蛋份量多同仍然好滑同嫩,牛油多士夠燶但牛油唔夠.男友o既都到o黎,佢o地就冇錯到,佢話佢o既牛油方飽o既牛油好夠.而叉燒湯意都OK啦,瘦叉燒唔硬,意粉軟硬適中.而我同男友o既凍奶茶呢,好似一杯大一杯細,好攪笑.我覺得茶味唔係咁夠.之後我叫同樣$20.00o既凍蛋白燉奶同凍杏汁燉蛋各一.我先食燉蛋,唔….冇杏汁味,蛋味亦唔夠,麻麻地.而蛋白燉奶呢?奶味好濃,呢個反而唔錯.我o地食呢餐只用o左約20分鐘,冇辦法,呢o度唔速食好似唔係幾得.當年食評. http://www.openrice.com/restaurant/commentd

下午經過佐敦，就走去呢間人氣食店食人氣之選炒蛋多士。事前睇過 Open Rice 的網頁，做咗功課知道侍應的效率同服務，所以入到鋪頭，一坐低就叫炒蛋多士，侍應快手，剛剛放低杯茶同刀义，好快就送到炒蛋多士同凍檸檬茶，效率果然十分高。炒蛋多士： 炒蛋好滑，有蛋味，都有蛋汁，非常美味，係我食過最好味的炒蛋，多士好厚，加咗牛油更加香，唔怪得咁多人排隊去食啦。我都用極速食完個餐，讓番個位比人。

星期一放工時間, 突然心血來潮, 想食澳牛。人不算多不用等位, 叫餐送餐清潔效率一如往常, 食物質素亦很好, 炒蛋厚多均一流。另眼相看的反而是第一次嚐到的紅豆冰, 紅豆是小妹有生以來試過最大粒的, 而且味道不會太甜, 份量也是剛剛好, 非常美味, 強力推薦。

七月二十九日 (星期五)不經不覺又到了七月尾,又要到一到澳牛是日可以在八點前離開公司沒辦法了,PEAK SEASON要忍耐一下今晚可能時間不早,不用排隊坐了張門口二人"大"檯心想可以一邊吃一邊飲野吧誰知當日招呼我們的卻是一名惡侍應,不"批准"我們叫飲品按我們的經驗,這位應是新人來的接着喚了一位老手,飲品才可到手近排比較少吃茶餐炒蛋多士吃起來令人回味無窮麵包又鬆軟得很,吃得津津有味义燒通粉與牛肉通粉都是配角,吃過便算各種食物品質好,服務今次真的忍受不了明白枱細飲品放不下但我的是"大枱"...年輕人應懂得變通下呢