澳洲牛奶公司

营业中

休息中

服務: 女朋友話好耐冇黎話想食所以黎咗,小弟之前去過義順但呢間第一次黎。等咗一陣入去食,係門口見到個黑框高瘦男waiter串個客識唔識聽野, 點知俾個客大返話識廣東話。okay fine 呢d店係香港係咁 做到串能曬。然後我地order 個金毛宅男waiter講野超細聲好似冇食飯咁 間野咁吵我唔知佢想點 然後我叫ge 凍燉奶變咗凍奶,all right, 最後叫另外一個老d ge 師傅埋單把聲先聽到下。食物:野食方面就咁 nothing special, similar as 義順，但覺得義順起碼冇咁逼d企堂冇咁串。唔知炒蛋出名係邊, 就咁, 多士係ok 同義順差唔多, 叉燒通就咁, 味精湯底, 叉燒街邊level ,燉奶幾唔錯, 凍奶同維記差唔多。冇下次,今日當跌咗錢。btw,如果想快絕對揾呢間野,出餐係堅快, 但冇下次, 遊客想吃就去義順,不要去這家。Overall blacklist差評🙅🙅🙅

吃過法包後，原本再想一試一間特色雞蛋仔店，當然大約10時，可能比較夜吧，看到雞蛋仔店正在關門，唯有再找找其他吃的吧～附近好像沒甚麼甜品，一直行終於走到白加士街附近，平日一向大排長龍的澳洲牛奶公司竟無需等候就能入坐，所以就進去吃個甜品吧～店內環境比較舊式，設有卡座及圓枱，每張枱櫈也放得密密麻麻其實甜品款式不多，只有蛋白燉鮮奶及杏汁燉雞蛋兩款。最為人熟悉的相信也是常餐及茶餐～另外還有大量飲品及三文治類提供～蛋白燉鮮奶 $26雖然燉奶一般來說熱食會比較香滑，但由於天氣較熱，所以與友人各點了一個的，燉奶表面帶有亮光，入口香滑，但不會太稀，奶味香濃，甜度適中，個人認為比另一間專賣燉奶的餐廳要好～不過燉奶始終比較膩，吃過晚飯後再吃，真是非常飽肚後記:不過澳牛服務質素真是一般. . .雖然上菜速度飛快，但當吃好後亦會快快收拾，感到有點想趕人走的感覺，真是不太好呢. . . 

到了佐敦二話不說便選了澳牛作用餐地,澳牛的好在於快,佐敦人流多,要選一個無須等好耐位的地方真的較困難,唯有澳牛能給我信心,逐再試其招牌茶餐,一坐低白衣哥仔就上前落單,等左一分鐘都唔使就端上叉燒意,味道不過不失,食食下上埋個火腿炒蛋多士,炒蛋真係最為我期待,炒蛋賣相不俗,呈金黃色的,把叉子向蛋中一切,先看到其用料十足,再嚐一口,口感豐滿,吃後還有絲絲蛋香留於口中,非常滿足服務方面,我想不用多說,但聽說澳牛的服務比從前已經大大改善,有人說這個獨特文化已經逐漸化淡,我想沒有人希望用餐是要比人吊的,所以我倒希望往後澳牛可以keep住係服務上改善,比食客多一個快捷用餐既地方

幾個連廣東話都講唔正, 粗手粗腳沒有基本禮貌與尊重的服務員的確可以搞壞店的名聲.炒蛋是很滑很好食, 不過就吃此而已, 其他食物非常一般, 而且價格偏貴根本不值這個價錢.通粉份量夠可惜求其的做味道一般. 叉燒一般沒有什麼好講. 火腿一般沒有什麼好講.待應個個好似係度逼你走般的催你快食玩, 咁死食到八成左右口渴飲野點知道食物就被收了.尤其幾個老員工講嘢黑口黑面又串送食物嚟又好似空降食物一樣三分一尺咁高放落黎.收銀員找錢的態度實在十分差勁不知道是否老闆的親信, 感覺非常狂妄自大而且臭串.

之前星期4特登去食，點知唔記得左星期四係休息：（今次終於食到喇！我以為平日會小人D，呢個諗法實在太天真，條隊都係好長。不過排左唔洗15分鐘就入到去喇！2個人果然易搵位：）「牛通，炒蛋多士，華田呀唔該。」真係好有效率，唔洗一分鐘，食物已經送到你面前！！ D 炒蛋依舊係好滑，應該係落左奶：P ，個多士好熱好厚，不過個叉燒意就一般，D通粉太軟，牛肉又比較梗。5分鐘已經KO 哂，不過仲未滿足，叫多個甜品先！！我叫左個燉蛋，食到好飽好開心！不過依家係咁加價，愈黎愈貴：（

三點三的午茶叫左熱奶茶熱騰騰夠哂香濃义燒意粉,义燒好乾好瘦意粉夠淋都算滑可以喇湯底是雞湯嗎? 淡淡地口,好普通炒蛋普通,亦吾係話到咁正多士除牛油味外麵包好硬唔脆店內都是上了年紀的人光顧多至於服務也好普通,試一次算吧

澳洲牛奶公司聽就聽得多,一直都好想去試,今次終於有機會啦~去到見到門口有好多人排隊,我等左差唔多15分鐘先入到去~入到去係好典型既茶餐廳格局,啲位坐到好迫,而啲侍應好似唔多友善咁......一坐低就叫左個常餐，叫左炒蛋同意粉~佢個炒蛋果然好滑好香，比大家x好食好多,咁普通既野食都整得咁好味,勁!個意粉好彈牙,煮既時間岩岩好,我最怕食好硬既意粉,呢個真係正~食完啲侍應極快收哂我啲野,搞到我即刻走啦......雖然咁迫又食到好趕咁,不過真係好好味,我會再黎~

澳洲牛奶公司咁出名, 都唔係第一次黎食架喇, 不過就真係好耐無黎食喇...  橫掂係附近打波就一於黎食個下午茶先! 老實講, $38個茶餐真係貴左d, 不過我又想食意粉又想食炒蛋, 飽都要食架喇!上菜真係快到不得了, 明明只係岩岩落單, 已經拎左個意粉黎, 證明流量真係好高! 咁耐無食炒蛋仍然係咁滑, 仲有種特別既味道, 應該係用左奶炒, 放係牛油多士上照樣好食!  叉燒意粉就普普通通, 較清淡, 不過都好, 可以襯托炒蛋有幾出色!朋友較飽淨係叫左個炒蛋多士, 睇下炒蛋堆到成座山咁高! 可以食到夠本! 

星期日中午，佐敦不是很多人，惟獨澳牛及旁邊的麥文記一定會出現人龍。為減少等候時間，我叫了蛋治烘底外賣，盛惠$18.等了少於5分鐘，侍應有禮地遞上熱騰騰的蛋治！外賣袋用紙袋，幾有懷舊feel。袋上店鋪地址用上「九龍官涌白加士街47-49號」。我是第一次聽「官涌」這地方，翻查wiki, 官涌即油麻地與尖沙咀之間。它的烘底只是表面烘了香脆，內裡仍鬆軟，I like it！不會令麫包太乾，仍保持水分。至於蛋，很有蛋味，很厚很滑，吃下它已飽肚！它，絕對帶給我平價的滿足和幸福。

見到openrice有咁多好評，我一定要試下呢間餐廳既野食先得。我地一行兩個人，有得坐下卡位，坐位都幾闊幾多位，不過坐左一個字左右就有凍，不過大致上都OK啦。我地叫左兩個甜品，我就食左佢最出名既燉奶，價錢都中上，我都十分期待佢既味道。一開始見到好似好細碗，不過食落好飽，差少少食吾曬。不過真係好香，食得出係用新鮮牛奶整既。

已經很很久沒有食過澳牛記得上次食已是兩三年前的事對通粉多士飲品當然沒有期望但當時對炒蛋的印象很深覺得果然名不虛傳時至今日，午市經過 仍然見人山人海 黃昏再路過終於不用等位了或許是因為不是繁忙時間 我竟然從伙記身上找到友善的氣息 我二話不說點了一個常餐 原來已經加到$38了伙記的動作依然是快、狠、準通粉依然大碗叉燒依然多而不鮮火腿依然冰冷變了的只有炒蛋蛋香沒了師父落鹽重手左整碟蛋只有死咸連連鎖快餐店也比它好味我當然希望只是師父一時失手但這是澳牛是一個不容犯錯的地方正如你不會見到顧客慢條斯理你不會見到伙記落錯單遞錯餐所以師父失手，是難以接受的經此一役對澳牛已大失所望也許今次，會是最後一次

可能系下午茶时间，超多人，在门口等了十分钟。三个人试了炒蛋，多士同都系一般。点左公司通粉和牛蛋通粉都超咸。冻柠檬茶太淡了，后来值得欣慰的是墩奶还是不错的，滑滑的～应该很多都是网络效应吧。

雙皮奶很香,而且非常幼滑。每碗雙皮奶奶面上有一層奶皮,這片奶皮由煮奶時凝結而成,再用人手輕輕取出再放上這碗雙皮奶下的低溫牛奶之上。奶皮口感像吃奶香味濃郁的香口膠。至於店內地方小但人太多,不適合閑坐。我食凍的雙皮奶,未知有否熱食。

經常都來了，不過有一次唔知係咪因落大雨冇咩客(通常好少見到呢個情形),個蛋放得太耐凍左同好油，但每次好多客人的時候就會保持水準，最喜歡就係出面食唔到嘅超新鮮鬆軟厚吐司，所以每次叫一個餐都會多叫一份多士，繼續呀～澳牛，我都會繼續幫襯

睇完潮文《澳牛的黃昏》即刻想黎試下遠近馳名既澳洲牛奶公司，記住佢地只係得佐敦一間唔好去錯呀（之前我就係有個朋友去錯左 ）點知約極都冇人得閒，只好一個人去 ，話說見到門口大排長龍，好彩我一個人好快有位，一坐低就叫左個常餐，仲想叫埋野飲，佢就唔理我（同潮文所講一樣 ）叫左意粉同炒蛋仲有多士，雖然呢啲一黎茶餐廳都有既普通野食，但澳牛真係做到一絲不苟，佢既叉燒都係半肥瘦，意粉彈牙煮既時間岩岩好，多士既牛油好均勻，成個方包都係，炒蛋好滑，但又唔會覺得太油膩，好多好普通既野食都做到最好，可能就係佢地既精神，最後我叫左一杯凍奶茶，雖然個杯係細啲，質素同一般茶記差唔多滑。伙記既禮貌其實見人見智，我唔多評論 。整體感覺唔錯，好好食 。值得一試！！