澳洲牛奶公司

营业中

休息中

好多人都可以輕易說出澳牛有甚麼招牌美食，除了因為歷史悠久外，還因為選擇極少。這個安排完全可以解決有選擇困難的客人的煩惱。首先，早上只有早餐，不用選，下午有快餐及茶餐，只要考慮一點，想吃飽點茶餐，否則點快餐。就差那麼一點點，否則可以與真普選這個政題相提並論ｰｰｰ真係有得揀？由於我和太太一起，又趕着去睇戲，澳牛絕對是最佳選擇。此時我有點驚訝，太太望着只有三個選擇的餐牌呆住了！我比侍應還焦急，立即問她：還需要考慮？因為我真怕她有嚴重選擇困難，那我的下半生可多問題了。原來她只是看不清楚兩個餐的分別。最後都點了兩個茶餐。這個名物不算得什麼極品，炒蛋滑，多士暖脆，通粉沒有特別，叉燒亦不可能是半肥瘦，典型茶記品質。最緊要還是達到一個目的……快！坐在那裡，耳濡目染，不其然吃得比平常快，不消十分鐘，已完成整份餐。我見還有時間，追加一個燉奶。光看落枱一刻那騰騰震的樣子，便知這是水準之作。質感比豆腐花還輕柔順滑，放久了不會出水，是剛剛熟的狀態，亦是最佳狀態，糖份適中，把奶味帶出在口內瀰漫着，又不會過甜，水準極高。這碗燉奶比炒蛋多士餐更吸引，沒有選擇困難的朋友也可止一止甜癮。

今日係QE檢查路過咪一試呢間咁出名多人排隊的澳洲牛奶公司囉！加上下雨天又平日冇咩人排隊，一去到便有位了，點了熱騰騰的燉鮮奶及蛋治多士。燉奶香滑得嚟一d唔蘇，而件蛋治好厚，蛋好滑，包外脆內軟，包有少少甜，配搭美味！

第一次体验了把吃饭像打仗一样，这家店人气太足，不过炒蛋真的是相当惊艳，很滑嫩，蛋白炖鲜奶甜而不腻，虽然地小，排队人多，但是仍然很值得去尝尝。香港必吃小店之一，很棒！

其實啲服務唔太差  今日見到個大肚婆黎到  個店員見到即刻安排坐位俾佢  仲係較入位置怕佢撞到  係呢度真係感受到香港人節奏有幾快  啲人不斷入黎食  亦有人不斷咁走  野食又黎得快  啲人亦食得好快😂  我食咗一半既雞蛋三文治  我隔離果個遲過我黎  但已經食咗大半個通粉👍  可能佢真係太餓!! 我好鍾意食蛋  我覺得個蛋治幾好食  唔油但又好滑  因為係厚身方包  如果仲要烘底就太難放落口(本人認為😬)  而且咁樣食無咁熱氣呢  個蛋治真係好厚身  我邊咬邊跌蛋😂 呢度啲奶茶亦都唔錯!!!  *個伙計仲好好人計我快餐價錢~ 平了3蚊!!  有時你食得開心  佢又唔蝕  何樂而不為呢  個哥哥真好人 

想試好耐但一直都冇專登來拜訪, 尋日終於試到喇 後悔後悔, 點解唔早d黎呢~~未入到去已經好熱鬧咯~ 客人同侍應都好多, 來來往往, 好繁忙商量後決定了:茶餐x1, 炒蛋多士x1, 燉奶x1 以光速落單同埋上菜,  基本上一叫左就黎, 快到喊~~ 好似整好哂但又好新鮮架喎 聞名不如見面... 炒蛋多士真係100分呀 厚厚既麵包, 好鬆化, 又夠牛油, 勁香, 蛋份量亦都好多點解可以將平平無奇既蛋整到咁好味既~~ 食完都有dd飽咯~~ 個餐仲有飲品同埋叉燒通粉, 凍奶茶好味, 奶味都幾重, 通粉就失色小小喇而燉奶亦都好滑, 唔算太甜, 冬天食一流呀~ 埋單83蚊, 雖然以食蛋, 通粉黎講貴左dd, 但如果好味就係值啦一定會再幫襯~~

我是雞蛋狂，各類型烹調雞蛋的做法，我都有興趣吃。澳洲牛奶公司出名「蛋」好吃，我當然很喜歡啦。不過我胃口不太，一個人時最多只能叫「蛋治烘底」，即使現在陀住阿b我仍是一個茶餐都吃不晒的。所以唯有外賣「蛋治烘底」啦。在門外等外賣時，眼見另一行排隊入內吃的人籠不斷，其實我真係好有衝動自己一個人排入去食，但無奈我又知自己胃口不夠大，而且大肚太太入內的確唔太方便，大家都知入面較窄，而且客如輪轉，所以大肚太太真的絕不適宜入內吃東西。等左幾分鐘，新鮮熱辣，烘到脆卜卜的蛋治就出來了。真係睇見都幸福，烘得厚而脆的麵包，配上充滿蛋汁有份量的炒蛋，真是現在寫起都想吃^_^每咬一啖都感到幸福，十六大元就可買到，真超值。常聽大家就這裡的伙記態度差，可能我好彩啦，幫襯多次都沒有得到惡劣態度呀，在門外等外賣，伙記們還友善跟我傾計，叫我事事要小心，還叫我待阿b大個點要帶佢黎幫襯^_^

三個人的晚餐七點幾無人排隊於是入去食晚餐，好開心有卡位坐，雖然都係好擠迫但是比較自在。三個人都嗌咗茶餐﹣叉燒通粉炒滑蛋，叉燒份量合理，通粉有啲淋，但佢既湯底比較淡所以比較起配意粉好味，其實主角係食佢香脆嘅多士同埋滑滑嘅炒蛋雞蛋燉奶－第一次試，覺得太稀丶冇乜雞蛋味又有無乜奶味蛋白燉奶－好香好滑唔會太甜，推介

得悉友人從未嚐過澳牛，所謂「不到澳牛非港人」，難得來到佐敦當然要跟他一試。星期日下午大概一時多到達,門外排了一條人龍。等了大概十五分鐘，伙計便帶領我們進又這個「戰場」。由於一早已知悉「戰場」節奏明快的遊戲規則，排隊的時候已跟友人想好要點的食物，甫一坐下便跟快手快腳又非常有性格的「指揮官」點了兩個茶餐。友人望著手錶計時，不消一分鐘所有食物便上枱。兩份茶餐 ($38) 都由煎蛋轉了招牌炒蛋，入口滑溜，咸度剛剛好，不會太乾，而且份量頗多。而牛油方飽比平日茶餐廳厚，如厚多士般，加上火腿炒蛋夾在一超變成三文治，這種吃法炒蛋又是另一番滋味,讚👍 炒蛋能夠此好吃，估計用了不少牛油，不過難得吃一次就盡情開懷大嚼吧接下來再試叉燒湯意粉，叉燒有五塊，屬半肥瘦，浸在湯裹依舊好吃，味道未有被沖淡。美中不足的是意粉略嫌煮得太耐有點淋，以及湯頭有點肥膩。吃過整個茶餐後友人還是覺得意猶未盡，另外點了一客熱蛋白燉鮮奶 ($26), 同樣不消一分鐘便上桌。燉奶非常香滑，而且奶味十分重，甜道比順義的高一至兩度，整體也是非常讚。吃了幾口才記得拍照🙈🙈🙈🙈花了只有二十分鐘吃過所有食物後，便跟友人滿足地離開「戰場」去Lego展

很久沒吃澳，雖然lunch時間需大排長龍，不過單人一支公去排隊其實很快就有位。澳牛的炒蛋多，依舊出色。炒蛋熱辣辣，有蛋汁。滿口是蛋香。 多士金黃香脆，配牛油吃非常香口。個人認為澳牛的牛通不錯，牛肉香滑淋身，比叉燒好吃。所以每次到澳牛必然選牛通或牛意。一個餐三十多元連飲品，在佐敦地段有如此質素已是超值。

同類太多 澳牛特色越少搵日收工行去食 眼見人氣略減, 想叫茶餐無晒义燒意粉。改做牛肉意粉。 伙記無晒火, 出餐超快的特色無晒。感覺唔似去了澳門。 睇番出品, 炒蛋無之前咁滑身。 多士同奶茶就差不多, 以38蚊來講, 不過不差啦。

話說新公司位於佐敦，四處都是不同的種類的食肆可供選擇，什麼中式西式日式台式等應有盡有，看來增添幾磅是在所難免。是日迎新，未能與自己部門的同事吃飯，一個人隨便吃些什麼也好，想起很久沒有到訪又絕對適合獨個兒前往的澳牛，立即動身。我時常有一個疑問，為何在國外沒有一些吃常餐的地方，明明我只想簡簡單單的吃個炒蛋多士加碗粉。澳牛算是一所馳名中外的餐廳，中午想吃就得花小小時間排隊，不過幸好店內流動得快，等了十分鐘左右便能內進。茶餐$38下午一時人們十居其九都是吃茶餐，多士／方包、叉燒／牛肉、意粉／通粉、煎蛋／炒蛋，全部二選一，下單後東西三兩分鐘內便送到，快得誇張。這兒出品速度雖然驚人，但品質還是讓人滿意的：多士烘得金黃香脆，配上半融牛油甚為滋味；而最有名的炒蛋多年沒吃原來仍會讓人感到幸福，炒蛋又滑又帶有濃濃的蛋香，一口接一口真是欲罷不能。叉燒意粉則中規中矩，用來裹腹而已。吃得七七八八時侍應才會過來給你寫飲品，好讓待會能騰出一些空位放飲料。吃得十分飽來一杯熱檸水作結，踏出門口的一刻盡是滿足，三十多塊錢，收貨了！

时不时都会去澳牛外卖蛋治烘底做早餐，大部分时候都好满足，蛋永远又香又滑又大份。速度快效率高。但是今早是我等待时间最长的一次，超过15分钟，等来的结果也非常非常差，蛋的分量非常少，烘底也只是草草了事。希望贵店不要因为人多手忙便忽略质量，虽然你们明显是不忧做。

今日同一位朋友去試炒蛋多士，通粉同埋燉奶，去到嘅時候依然好多人。入面嘅waiter依然素質全冇，懶理你，因為佢地知道冇咗呢個客，外面依然會排長龍。其實呢次係第二次去，但已經冇咗第一次嘅感覺，炒蛋嘅驚喜已經全冇。三樣食物都屬普通，最重要嘅點解我要俾錢去買難受？埋單的時候我想check下價錢，收銀佬即刻大嗌: 邊個負責呢張檯啊。果刻我知道自己錯了，瞬間變成了焦點，然後有個大叔態度極差，而且串爆，講咗粵語又講普通話，不如講埋英文啊？總結:絕對唔會再去。如果大家喜歡俾人買難受而又食普通嘢。Welcome!

去的時候大概是晚上7點左右.人也很多.但幸運地一進去就剛好有坐位.因為有點餓,所以就馬上點了一個腿蛋通粉和蛋白燉鮮奶.對我來說,這餐廳的主角當然是蛋白燉鮮奶啦.難得過來,又怎可不嘗呢?我選的是凍的蛋白燉鮮奶,十分好吃的.很幼滑的.甜度剛剛好!!價錢也很大眾化, 26元一大碗.腿蛋通粉也不錯, 湯底不是很濃.也不會淡而無味.

好開心又去依到食野喇炒蛋賣相不俗,炒到金黃色,蛋亦十分足料,約有3至鷄蛋。先看到用料十足,食落口感好滑,吃後還有絲絲蛋香留於口中，好特別！通粉湯底濃郁，無罐頭/味精味，最后連湯我都飲埋。火腿絲切工唔錯，條條差唔多大小，極好食，呢個火腿絲通粉簡單又美味。