澳洲牛奶公司

营业中

休息中

今日與同事去澳洲牛奶公司午餐.龍尾已經超越了隔離書店了, 澳牛吸引力真係好大好在等左陣就可入座.全部同事都叫38蚊果個餐我落單只係同職員講呢八個字 <<炒蛋 多士 叉通 茶酒>>噢, 學埋專業用語TIM多士 : 金黃色配溶化的牛油炒蛋: 呢度炒蛋出名係滑嫁啦未攪前 - 茶酒表面好清,攪完後 - 匙羹係無痴到任何野飲落好香好滑.部份餐廳的奶茶, 上枱後, 已經有一層深色LAYER係表面形成.攪完係會有深啡色一塊塊咁痴住匙羹/攪棍, 雖然唔知係咩原因,但個人感覺 : 果D深啡色唔靚香港地, 咩都要快.客人落單要快, 食物上得好快只因為LUNCH時間係過特別快

這間有我最愛的炒蛋。一份早餐包個火腿通，炒蛋多士加杯野飲，又或者茶餐包個叉燒意，炒蛋多士加杯野飲，係我中學時代每隔幾天便吃我東西。就算他被批評服務有多差，吃得有多趕，這家還是我最愛的“茶餐廳”！就算畢業了，也不在附近上班或居住，還是每隔一陣子便掛念他的炒蛋味道，心癢癢要去走一趟。服務我不說了，反正太多人講過，我自己就好鍾意呢度嘅文化，五十年不變！你覺得坐得唔自在覺得趕覺得佢地態度唔好就唔好食唔好再黎，佢地唔憂做你生意亦唔會同你講句唔好意思。好，入返正題 - 炒蛋。點解咁好食。因為佢炒得好滑，蛋味好濃，成個蛋漿好full and creamy。我試過用好多唔同方法喺屋企自己炒都做唔到佢嘅味道，有人搵到其他餐廳都以炒蛋作賣點嘅蛋漿秘方，但就係搵唔到澳牛果個。呢個就係佢嘅魔力…每次食完都有d罪惡感，因為知道有幾heavy同“漏”，但又忍唔住清碟…除左炒蛋外，都想介紹下大家食其他野，就係鮮油多多油，同芝士炒蛋三文治烘底。利申：一定要係好唔怕肥豁左出去又或者食極唔肥果d人先好食！鮮油多好食主要係因為佢個麵包夠厚同鬆軟，牛油慢慢溶化滲透落兩片麵包中，唔洗多講，食左先。至於芝士蛋三文治，原理差不多，

幾年無食澳牛，但一直都記得佢嘅炒蛋好好味，因為食過喜喜、北海道茶餐廳同華星，我始終覺得澳牛炒蛋最滑最好食，果然今次無令我失望！下午茶時間去唔駛等位，即刻有位坐，全店清一色男侍應，都有d擔心佢地會串，不過竟然好nice，仲幫隔離枱遊客影相，又推介我食乜好，幾好呀！識食梗係叫茶餐，$38有炒蛋厚多士、叉燒意粉加杯碎冰凍奶茶。先食炒蛋厚多士，鋪埋火腿，人間美味！多士已經搽左牛油，好香好脆又唔會太燶。炒蛋質素唔駛多講，我覺得佢可能係全香港最好食嘅炒蛋！叉燒意粉嘅叉燒薄薄地，半肥瘦，又夠多，湯又夠香濃，正！

小時候到香港玩，印象深刻的就是招牌都大到跨街，澳洲牛的招牌就是好示範阿哈哈哈都要碰到對面大樓了~真是好犀利的阿~ 到香港好幾次，都沒有來吃澳洲牛，因為想到要排隊就覺得好麻煩阿不過這次經過老饕朋友不斷推薦我們一定要來試試炒蛋(他說他老婆非常喜歡)，我們就決定來排一下想不到不用10分鐘就進去了，而且還是假日咧!!!香港老饕推薦的還有：檀島咖啡餅店 (他的第一名蛋塔)金鳳茶餐廳 (我的第一名蛋塔)北角 嚐囍清湯腩 (老饕最愛!)大坑NEW YORK CLUB 大排檔 (越式、泰式、上海菜)大坑分子雪糕 (氮氣製作的冰淇淋)金滿堂甜品 (低糖甜品,他老婆的最愛~找時間再來介紹)今天是跟我另外一個香港好朋友一起來，我每次都會跟他見面因為假日他不用上班，就陪我們吃早餐上次來很多餐都給他們招待阿(詳情請看 20歲女孩勇闖香港10日遊記)人真的非常的多，我們也想快點吃完就去排珍妮所以都點一樣的早餐套餐 價錢普普，不是便宜，但有名就要來試試的! 三人份，我們跟別人拚桌，剛好前面也是台灣人(就看的出來台灣人愛排隊了XD)阿桂(香港朋友) 、 掌掌(我) 、 達莉亞(後面大哥是在.....O.,O)本來要自

要作為稱職香港人，一定要有食過呢間嘅光速餐！首先大家唔好畀條長龍嚇到，就算係排到去雜貨店（經常）都係十五分鐘左右有得坐低食。坐低就唔好諗咁多，直接叫個餐啦，因為絕大部分香港人都唔會嗌上述以外嘅嘢食！但千祈唔好宜家就落嘢飲，因為佢會用好獨特嘅態度同你講張枱冇位擺。叫得光速餐，佢落單到有嘢食係講緊兩三分鐘嘅事。一般而言即上嘅炒蛋火腿厚多士係可以即刻擺落口，炒蛋滑嘅程度...要睇師傅心情，但次次去都基本滿意嘅！蛋味好出（可能好多蛋黃？），多士夠脆，牛油味都係恰到好處，啱啱夠鹹又唔會油膩。重有差唔多時間上嘅係通粉，雖然係出煙，不過都係可入口程度。叉燒普通，唔好期待太高。（浸喺湯丫嘛）到最後食哂，佢收碟嗰陣就可以順手嗌嘢飲同叫佢畀單你。嘢飲方面不得不推薦凍朱古力，夠濃郁，夠味！凍奶茶都可以一試。跟著就可以起身攞埋張單出櫃檯畀錢。後記呢篇係集教學同食評於一身嘅原因係唔想大家去到嗌錢嘢畀人鬧。如果同女仔同行，可以嗌埋燉奶或者燉蛋。兩者都係味道濃厚嘅，但偏甜。最後，千祈千祈記著喺入面講粗口係會畀人鬧架！（好似係，之前有同學畀伙記x番轉頭：講乜x嘢粗口啊？！ 咁）For English readers,

論食物價錢係香港地方叫低食, 一個午餐係飽肚。 味道一般。 罐頭味精雞湯通粉或意大利粉, 好鬼油的煎雞蛋,或 鲜奶炒蛋, 白麵包厚身牛油多士。 加杯港式咖啡或奶茶。有乜特別? 對於旅客尤其年青人, 可能叫特別。論服務也沒有, 粗聲粗氣, 快手快腳。環境又坐得逼又唔舒服。碗碟又舊又殘又破。 你食得快, 服務員收碟更快。 你想食飽坐多一陣都不行, 因為環境狹窄及服務員令人不想多留。 食應該係一種享受才是。但在這間绝對係難受。本來想吃双皮奶, 但算了, 走人。一分錢一分貨。 整體六十分。 排隊為吃好普通的港式茶餐廳, 不值,而且不再去了。以上內容不獲刊登, 因為欠缺食物味道形容。好吧。再寫多些囉。厚片多士就是一般白麵包。普通多士加牛油, 只是厚片令口感有外脆內軟較明顯。煎蛋就好多油。至於炒蛋加左鲜奶令蛋更香滑。但吃多兩口就不想吃。因為全脂奶味同油去炒關係。湯意粉係湯濃, 粉弹牙。 味精重。奶茶茶濃奶味重。 但茶不滑。

叫左個火腿通粉、炒蛋牛油多士、熱咖啡，好味，識食要食呢間︿︿炒蛋牛油多士很脆，炒蛋很滑，面包充滿牛油香。通粉湯汁無什麼特別，不過又便宜又抵又飽，真係唔錯的選擇

澳牛一直都係我心目中最好食既茶記，見今日day off就同朋友去食下。 啲人成日話澳牛光速餐食完趕人走態度又差，但我一向少理呢啲因為質素先係最重要！ 可能因為今日係閒日，而且又撞唔中啲OL既放飯時間，我同朋友等左大約十分鐘就入到去！ 識食一定係嗌叉燒通，炒蛋多士同火腿，再加枝鮮奶或者熱奶茶！話到明係光速餐，上餐既速度當然係快，快快手影張相，就立即開大餐喇！ 澳牛既蛋永遠係皇牌，又香又滑，一啲都唔油。多士烘得岩岩好，又厚又鬆脆，配埋啲蛋食簡直係一流！火腿 就正正常常啦冇咩好講，嗰通粉啲湯好好飲，叉燒都幾好食！飲埋一啖涷鮮奶就無敵！ 澳牛簡直係食極都食唔厭，滿分！

這次依舊點了$38的常餐，叉燒通粉、火腿炒蛋牛油多士、凍奶茶。凍奶茶依然是我最喜歡的味道，濃郁的奶味，而且比例剛好，不會苦澀或是太多奶。火腿炒蛋牛油多士可能是自己放涼了才吃，所以沒有那種熱烘烘的味道，但是炒蛋依然很滑，加上火腿放在充滿牛油香的脆多士上吃很好味道。叉燒通粉的叉燒不會肉質粗糙，但稍嫌通粉可能煮久了一點，吃下去軟了一點。

一直都唔明點解"澳牛"咁多人食都讚??老實講, 大把茶餐廳好味過佢.一早見完客經過, 又即管再食一次, 睇下點.炒蛋: 係香既, 不過又唔可以去到話好好味.多士: 咪正常多士一件, 牛油唔會無味囉.通粉: 普通到唔普通既一碟通粉.奶茶: 夠茶香, 算滑.整體計, 真係一個好普通既茶餐廳早餐,好味未輪到佢, 難食又無佢份咁囉.價錢話平唔平, 話貴唔貴,但如果真係要受d伙計氣, 點解要食??

看過潮文'澳牛的黃昏',加上失落蛋漿秘方(相傳去了聯發),心中感到又一個傳奇變平淡.隨著太多自由行幫趁,不想去迫,很久也沒去過.今早七時許經過,點都要試下!閘門只升起了三分一,顧客(包括我)都要彎低身'捐'入去.也許只有澳牛才會令大家折腰.照舊叫早餐炒蛋多士!平心而論,炒蛋味道沒以前那麼香口,但仍算香滑,有以前九成半水準!已拋離其餘茶記啦.總之自己點做都冇這水平,惟有死死地氣幫趁.多士保持水準,夠熱,外脆內軟,陣陣牛油香,正!通粉有進步,湯底沒那麼鹹,可能係一早關係.茶走都算佳作,有點茶香.整體而言都十分好,加上仍是$32,今時今日已是超值.伙記很有禮貌又唔係.今早隔離有一枱同胞,她們吃剩了一小塊多士(約一隻食指大小),想叫伙計打包.伙計見到已算忍耐,說:吃剩一口怎麼打包.同胞愕然:你開玩笑嗎?伙計開始有點火:那有空跟你開玩笑.說完就行開,剩下一臉無奈的同胞.收銀仍是木口木面,和以前一樣.對我來說,潮文好看,但並不中肯.

今朝一早來到這間快快快的澳牛食早餐。當然入去的一剎那就要知道自己要食D咩，唔係就有排你受~黎到呢到，就要預左。咁我就緊係諗好喇。早餐火腿通粉，炒蛋多士。你快佢都快，好快就有得食。炒蛋出名好食，熱辣辣的，有點牛奶味道，炒到似熟非熟，超滑。而且大大份。多士脆卜卜，多士同炒蛋配埋一齊食，變成一份與眾不同的蛋治。通粉就普普通通。因為主要都係黎食炒蛋多士。通粉成為了合口味的配角。

睇完網上潮文”澳牛的黃昏” (非常長的文章, 我會選它為2014年最佳食家潮文, 雖然可能與食物沒有大家關係…), 突然好懷念呢間”視客人為乞兒嘅待客之道”既名店. 於是專登, 早一站落車, 食翻個”茶餐”, 才與友人食晚飯…唔好誤會, 其實, 我係佐敦長大, 點會無食過”澳牛”, 由細到大, 食過不知幾百次, 到大過仔, 搬離開佐敦後, 就少幫襯了.真係今時唔同往日, “潮文”都已經講咗, 你一心想去”澳牛”受氣, 誰知時代不同, 自由行當旺, 人家今天睇錢, 收錢和侍應的都不時把”多謝”和”唔該”掛在口, 你想感受一吓我當年的受過情懷, 已經如如逝去的流水, 沒有了……記得數年之前, 有位外國回流的朋友, 請教我, 去澳牛食茶餐的禮儀..(係…你無聽錯, 食澳牛, 係有基本禮儀要知的, 否則, 你會被侍應”得”到你一面屁…). 如事者, 我為朋友上了一課”澳牛”落單要訣.(當時, 數年前, 還未如今天的排隊情景, 只要入內, 侍應便會安排你有位坐, 就算無位時, 侍應都會叫你係另一位食緊茶餐的食客後面, 通常佢都尚未食完, 可能飲緊杯餐茶, 然後大大聲講:”呢度啦, 佢食完, 就走

由於同事極力推薦這家店，另外兩個同事都讚同，於是一行四人特意去吃。 這個餐廳只提供早餐，快餐和常餐（好像是這麼叫的），其實都是這幾樣東西：奶茶，多士，通粉，腸仔蛋這些，可能只是多一樣少一樣不同的搭配而已!炒蛋是他們家特色，說是加牛奶炒的，炒到似熟非熟，像是平時的炒亂蛋那樣，口感非常嫩滑，配上厚片多士，超讚那個杏汁燉蛋果然是名不虛傳!好香杏仁味，蛋又夠滑，很好吃啊!花生醬+煉乳+厚度恰到好處的包片，我沒有好好珍惜，到了後面幾天在德昌魚蛋和新鈔記吃的多士，都不能讓我重溫那個味道了

幾年前仲讀緊書既時侯成日黎幫襯澳牛...自從出黎做野之後都無黎過.. 今日再黎 好多回憶湧現返幾年時間可以令好多野改變, 但澳牛既一切一D都無變過~!侍應依然好有效率同埋無服務態度可言, 但你唔會覺得佢係無禮貌, 只係呢個係佢地既風格野食依然係落單後10秒內送到, 味道仍然係一咬落去已經令人覺得好滿足!我同朋友一坐低即刻叫左茶餐 $38包: 牛油方包/多士 + 火腿煎雙蛋/炒蛋 + 叉燒湯意粉/通粉 + 飲品首先黎到既係叉燒通粉, 比較普通, 鐘意佢既叉燒唔會肥成份茶餐既主角係炒蛋同牛油多!!好多朋友鐘意將火腿蛋夾上多士度食, 但我鐘意每樣食物分開食, 因為我覺得夾埋一齊食浪費左每樣食物獨有既美味..哈哈呢度既炒蛋真係獨一無二.. 係第度係唔會食到咁香咁滑既炒蛋...牛油多士底部烤得岩岩好, 夠香脆, 面既牛油好足料, 令多士由配角變成主角好香好好味 呢度供應既三種餐... 因為影個時好驚比人催食完快D走, 所以影到震震地 其他野食~ 見到都有好多人叫燉奶~~ 下次要試下!成餐飯係15分鐘內完成~~~