澳洲牛奶公司

营业中

休息中

聞名不如見面的超特快早餐，非常出名的店，其特色就係快，靚，正，好彩朝早去，唔算多人，一個人，好彩即刻有位入得，但都全場爆滿，到食完出來，外面已經好長人龍，一坐低即刻有阿叔問我要咩，其實都冇咩選擇，就早餐，因為這店為了省時快速出餐，盡量減少餐款，讓客快點上餐，我一坐低點完餐，三分鍾不到，餐就到我面前炒滑蛋，真係炒得靚，所以我先影得靚，件包烘過，脆脆地通粉，湯底好飲，通粉都唔太硬唔太軟，岩岩好，火腿份量剛好點綴通粉，如果整体份量多d更好，整碟野都靚，賣相口感味道水平都比一般茶餐廳高，真係快靚正，不過食完見到門口長龍，如果唔駛排隊就可以考慮下再來

由入去到結帳10分鐘完成，澳牛光速餐……之前一直都想去 ，但係晏晝嘅時間一定有二三十人喺門口 ，所以諗到諗唔到可以，今次可以去到食， 入到去整體感覺 ，講真待應比人地講好好多，今次都係叫每人一餐，蛋的確吾錯，但未至於好好食，可以再滑點。意粉覺得只屬正常，牛肉吾叫醃得好勁仲有口感，反而麵包有驚喜，烤得脆又多牛油。奶茶細杯裝多奶得滯，整體黎講，今次不用等位（晚上差不多十點半）就入去整體吾錯，但要我等的話就吾會去。

朋友約左去佐敦唱tea K, 既然去佐敦無理由唔食澳牛架!去到只係得4-5個人排隊, 就更加係必食無疑啦!排左5分鐘到就可以入座喇!被安排坐係自閉位, 係迫啲, 但係唔駛同人搭枱又幾好喎!諗都唔駛諗就嗌左腿蛋治烘底+熱谷咕, 個蛋好滑好有蛋味, 不愧為招牌菜不過食半份都已經好飽, 女仔最好搵人Share 一齊食!熱谷咕平時好少見, 無朱古力咁甜.男朋友仲嗌左碗燉奶, 超滑超好味呀!!!!去澳牛食野真係好快, 上菜食野到埋單, 15分鐘搞店

我小時住在佐敦，所以對澳牛一點也不陌生，印象小時候這𥚃的滑蛋很好吃，但是現在就......普普通通la! 老老實實都好過好多餐廳嘅，不過，並不代表佢好，只是其他餐廳渣😜眾所皆知澳牛的伙記勁寸及無禮貌，我就由細食到大，習慣哂d阿叔阿哥嘅態度，總唔明d自由行點解會頂得順，好似俾錢受氣，排隊排好耐，但d嘢真係無乜特別，講得衰d我都煮到la.今時今日香港大把好嘢食，真係唔駛排咁耐去食炒蛋/燉蛋。不過，今晚我行經佐敦想食過快餐，見無人排隊，於是走入去。常餐：睇到la! 咁簡單！真係我都煮到。

星期日下午茶時段，去左澳洲牛奶公司食野，去到有幾個人排緊隊，等左幾分鐘就可以入去喇！一坐低緊係即刻落單先啦，諗都唔洗諗，茶餐、多士、炒蛋、通粉！幾分鐘後，食物已經到齊。首先食多士，外脆內軟，麵包軟綿綿超好食！再試試炒蛋，又香又滑，正呀！通粉有好多片叉燒，不過我比較鍾意食煙韌既通粉，而呢度既通粉對我黎講就林左少少喇。食到一半再叫埋杯餐飲，熱奶茶好香濃，朋友叫既凍奶茶都好好飲！對面檯食燉蛋好吸引呀，下次一定要試埋先得。

身為香港人，聽過澳牛光速餐大名多次，但一直沒有機會一試，剛好那天平日順路經過，剛好店外沒有等候隊伍，終於可以一嚐澳牛滋味😋 第一次來到澳牛，點餐時有點緊張，努力想要儘快把要點的菜說完😂還好整個過程也沒有被店員黑面😂😂點了澳牛兩大名物，炒蛋三文治果然很嫩滑，份量十足，吃得好滿足！雖然油膩感不突出，但吃得出應該下了不少油才炒得出這樣滑的蛋。麵包口感軟熟，配合炒蛋天衣無縫，值得一試，是不會令人失望之作，但沒有別人口中說得那麼誇張，說成全港最好吃的蛋治有點牽強。蛋白燉鮮奶比起蛋治，個人更愛這道燉奶，美味又健康！蛋白燉鮮奶相當滑溜，糖度適中，不會過分甜膩，感覺健怡，特意點了熱食，香濃鮮奶味更突出，絕對是香港數一數二的好吃燉奶😋😋😋

一早已聞澳牛大名 好耐以前來過食一次覺得冇乜特別 但見始終好多人話好食 所以決定俾多次機會佢！我一早上openrice睇定食咩 因為知道落單時唔洗急 最緊要快！😂長期排隊 所以我地去到坐低即叫野食伙記係大聲啲 不過好細心 俾多張櫈我地擺袋👍🏻👍🏻👍🏻 牛油方包 叫左烘底炒蛋好好好好好食 夠嫩夠滑😍火腿冇切絲 應該係金妹牌本身想試叉燒 不過賣晒 得翻火腿通味道正常 不過隻通粉就麻麻地 好似仲有啲梘水味咁奶茶好正👍🏻真係同出面好唔同！茶底真係好有茶味 好香！一定要試！老公叫左馳名燉奶 好滑好重奶味 不過細細碗 要廿幾三十蚊 都唔平啊！

It is not an overstatement to say this is one of the best scrambled eggs in Hong Kong. It had a great consistency and so easily rolled down the throat. Though notorious for the queue it attracts, I found the queue on late Sunday morning to be very bearable. Definitely worth a visit.

咁大個女第一次嚟澳牛haha因為我都差唔多5 點幾先去到，個日又係平日，所以完全唔使等位。諗住喺出面睇咗menu、諗定食咩費時俾人鬧時，咁啱有旅客問侍應有咩好推介，個位侍應都話最出名嘅係燉奶，但最後都係驚食唔晒，所以冇嗌到 但下次嚟一定要試！雖然已經喺出面睇咗menu，但有選擇困難症嘅我都仲係未諗到食乜好oops然後入到去先發現原來有餐揀，最後差唔多成日都冇食過嘢嘅我揀咗最多嘢食嘅茶餐，有烘多士(可揀包)、叉燒通粉(可揀意粉)、火腿炒蛋(可揀煎蛋)，再加2 蚊要咗杯凍OT。又雖然我好似揀嘢食揀咗好耐，但都冇俾人催， 仲有侍應推張櫈俾我，叫我擺低手上面嘅嘢喺 lol事實證明timing 係光顧澳牛嘅一個重要因素！講返嘢食：食多士我就鍾意夾蛋食，因為齋食太dry，佢個炒蛋都算係juicy同滑，起碼我食落係有蛋汁；通粉個湯好似有d 咸，不過我不嬲食嘢都成日覺得d 嘢偏咸，可能係我太熱氣haha然後杯OT 估唔到係用熱飲杯嚟裝... 好似飲幾淡就會冇晒，所以我好珍惜咁食幾口嘢先飲一啖TT

落完單講飲乜，講完又話唔俾咁落單，唔可以飲呢d,乜野餐廳黎？叫佐個叉燒意粉，叉燒超少，得兩三塊，串要難食到無得用文字黎形容，d湯鹹到不得了，勁過味精湯。埋單唔記得拎單走，諗住返轉頭拎，俾個待應罵，仲不禮貌對待我兩位朋友叫佢離開鋪頭...發生乜事，不知所謂既茶餐廳，呢世都唔會再光顧第二次。又貴又垃圾！衰過一般茶餐廳

保持一貫水準😊排隊快 上菜快 炒蛋好滑好食🤤 叉燒河就正常發揮啦 最緊要係配合埋一杯茶記涷飲 涷檸茶又好 涷奶茶又有 咁經典既組合簡直係perfect池🤤每次識到新既外國朋友都會帶佢地黎食😆完全體現到香港生活節奏既急速 但同時又可以提供高質素既食物 係一間完全代表到香港既餐廳 當然黎到澳牛就唔好期待服務質素啦外國朋友唔識野申手去接食物 俾侍應哥哥鬧左幾句😂 侍應哥哥：好危險嫁😡你有冇見人開車會申手出去 😡搞到我同另一個朋友係隔離忍笑忍到好辛苦😂但佢都話下次會再黎 體驗香港文化😝 被人鬧上癮😹

已經有好一段時間無黎澳牛食滑蛋啦! 自從變成旅客必食嘅餐廳之後,就越來越難排隊。突然心血來潮想回味一下澳牛嘅滑蛋，所以揀禮拜五放假下午去食個茶餐。同朋友1:30到澳牛門外，已經有20個人等緊位啦，眼見7成旅客你成本地客，大家都討論緊一陣入到去會唔會俾侍應鬧，反應要快，要有問必答，哈哈!!其實一直都無試過佢地嘅燉鮮奶，但蛋嘅食材佢地係真係做得好出色。等咗20分鐘就有位啦，卡位出名又窄又有壓迫感，所以建議唔好拖住一件二件入去，顧得個袋嚟又無位食野。我地2個人叫左一個茶餐，叉燒湯通粉＋火腿滑蛋多士，再加一份公司三文治，西多士。叉燒湯通粉，叉燒同平時食嘅唔太一樣，裡面唔係好嫩好多肉汁果隻，又唔係一絲絲嘅豬肉咁，但浸湯食係夾嘅，叉燒份量亦都好多。湯底方面只係鹹鹹地嘅普通湯麵味，最值得食嘅部份應該係滑蛋，蛋黃味好香濃，口感唔會好嚡。不過最錯愕嘅係凍飲竟然係熱飲杯size??可能係特式嚟掛...西多士唔脆，比較腍身，索哂油嘅味道，中間竟然無夾花生醬，好失望!但都係用番厚多士嚟炸，口感算攞番少少分。公司三文治有驚喜!夾咗炒蛋、火腿、白芝士、酸瓜、咸牛肉、蕃茄。咬落發現有牛肉香，之後發現原來有夾咸牛肉，

之前一直都想黎食，但網上見人話餐廳職員又無禮貌又趕食完嘢既人走，所以一直唸緊去唔去，正當苦惱之際，有親自遠方來，咁梗係乘機去食!一去到職員用一隻手'扇'4杯水過黎，係型鍋~不過唔知手指有冇插到d水:-P本人一坐低即刻叫常餐，因為傳言呢到要快!點之親友同家人就有選擇困難症，當刻心唸，死喇，會比人話喇，點之又無鍋，仲叫我地慢慢揀，佢地仲唸緊，我個餐就到，超快，咁住咁快唔似新鮮煮，一定擺左好耐，但食落去又估佢唔到係熱辣辣似新鮮整，而且味道唔錯，炒蛋香滑，麵包唔太硬!叉燒通湯底唔係平時味精湯，似雞湯底，叉燒又肥瘦適中!家人就選左花生醬多士，多士厚切，花生醬又不膩，唔錯!至於親友就選擇左輕型常餐~後話:1.職員好有禮，4人架位，但見我地拎住2好多嘢，竟然拎張圓櫈比我地放嘢~2.親友唔識點餐，仲教佢點叫3.走個時仲問我地好唔好食成件事好有愛，完全無趕人走，邊個話佢地差，我就覺得好好!比出面既餐廳好百倍~型爆服務~

專登黎到黎到呢度都係食茶餐，可以轉牛肉通粉，個湯幾濃味而杰身，牛肉份量可以，通粉偏䭃，加少少楜椒粉又香又辣，好惹味！另外必要炒蛋，個蛋好滑身，夾多士一齊食會無咁漏，再飲埋杯香滑凍奶茶，光速餐完成！yeah!!!

每次黎呢度食，長人龍就梗架啦，但真係好奇怪，無論排到遠三定四個舖位，計過時每次連排隊到食完埋單比錢都係30分鐘！勁！今次都唔例外！黎到呢度都係食茶餐，可以轉牛肉通粉，個湯幾濃味而杰身，牛肉份量可以，通粉偏䭃，加少少楜椒粉又香又辣，好惹味！另外必要炒蛋，個蛋好滑身，夾多士一齊食會無咁漏，再飲埋杯香滑凍奶茶，光速餐完成！yeah!!!