澳洲牛奶公司

营业中

休息中

N年前幫襯過，已忘記什麼味道，聽聞而家好多自由行排隊，剛好經過又見無人排，於是就入去試試⋯餐廳裝修懷舊，啲伙記仲懷舊，全部中年至老年男人，聲大夾⋯一坐底就俾壓力你，企响你側邊，好似要你3秒內落單⋯因為我真係好耐無嚟，加上同小朋友一齊，點都要問小朋友想食乜，幾分鐘後終於決定食乜，伙記好唔耐煩咁落單（可能因為等咗幾分鐘)，我哋點咗杏汁燉蛋同奶油多，點知嚟咗燉奶，我問燉蛋唔係應該黃色的嗎？佢話「係！」，我話我要燉蛋喎⋯⋯呀伙記話「咁你下次講清楚要咩，一係講要咩色」（態度奇差加極度唔願意不先換）⋯但我明眀已經講得好清楚要燉蛋，連小朋友都證明我無講錯，係佢自己聽錯仲要聲大夾惡😠⋯食物方面都0k，非常傳統的奶油多，塊包嘅質感係舊式茶餐廳先有，同新式茶餐廳丶大家x丶大快x嗰啲多士唔同；個燉蛋就一般，可能因為杏汁關係，個人覺得麻麻，但都很滑整體而言，呢個質素嘅食物和服務態度唔值得排隊食=無下次

10年無黎過澳牛，難得今日遊遊閒，就的起心肝黎食返餐其實次次黎都係食嗰個特餐，炒蛋、通粉、凍奶茶，多個字都唔敢講呢個餐真係包含晒全店最好食既野，火腿炒蛋半份送多士；半份送通粉最後再慢慢嘆埋杯凍奶茶就係正

早幾年因為係佐敦返工，基本上每日嘅早餐都係喺澳牛攪掂但自從轉左工之後，已經好耐冇黎依度食過喇，不過間唔中都有聽到人講，澳牛已經變左旅遊景點、遊客飯堂、甚至話已經唔係做香港人嘅生意咁難得今日工作路經佐敦，咁就當然要嚟探下老朋友啦因為一個人關係好快就有位，快速坐低落單叫左個"茶餐"，轉個頭"牛通"就嚟啦因爲已經好肚餓，攞起隻羹諗都冇諗一啖就放入口，個種感覺即時返晒嚟濃濃嘅雞湯加上原全冇根位嘅靚牛肉依舊係絕配當然最緊要係個通心粉喇，通心粉中間全部充滿晒湯汁，令到每咬一口都有湯汁滲出嚟，感覺勁滿足"茶餐"嘅第2號主角緊係唔小得"炒蛋多士"啦，一攞件多士上手，確係同以前牛油多到滴出嚟嘅畫面有D分別，依家牛油大概只有以前一半到，但係都足夠鋪滿多士面，食落仲係咁香，麵包口感依然咁軟熟，真係冇得頂炒蛋都係以前一貫高水準，蛋味香濃口感綿滑，不過就比以前細份咗少少至於火腿，個人覺得就不嬲冇咩特別喇最後就係"凍奶茶"喇，一直都覺得澳牛嘅奶茶真係好唔錯，茶夠好，奶夠滑尤其是凍奶茶用冰份量真係好量要，太多冰會令奶茶味道變淡，太小冰又會好快融晒，令到奶茶面出水而攪到變晒味，澳牛嘅凍奶茶就唔會有以上問題，真心推介其

時常經過這間食肆都大排長龍，好多本地和內地客都喜歡光顧。這裹的價錢實惠，而且食物水準有返咁上下。 今天見時間早早地，即管去碰下運氣，睇下有冇位食個lunch。好彩唔係太多人排隊，等左一陣就可以入去。其實我都好多年冇嚟幫襯，之前食過覺得都OK，印象最深就係嗰份蛋治，厚厚的多士中間夾著厚厚的炒蛋，一份蛋治已經食到好飽，但只係需要$15- ，非常抵食。 今次因為時間尚早，未到中午十二時，所以還可以叫個早餐。多士好像沒有當年的那麼厚，但也不算薄，已塗上牛油，炒蛋的份量也很多，自己放係多士中間食，好有當年的那份滋味。喜歡通粉上的火腿切絲上，聽搭枱的男孩同身旁的女伴說這裏的火腿是用靚貨「金妹牌」，吾知係吾係呢！食完成份早餐，非常飽，非常滿足，但只需＄36，好抵啊！其實這裏還有好出名的雙皮奶等，但已食不下，下次再試。

心血來潮事件簿(6)😋百聞不如一「食」😃成日都聽人講澳洲牛奶公司好出名，食過之後果然名不虛傳，個日食嘅係晚餐，叫左一個常餐同埋一個蛋白燩鮮奶，先講一講個鮮奶蛋白燩奶好滑，食落唔會覺得好膩，同埋會有正宗嘅奶味係入面，令人有一種好懷念嘅感覺！雖然價錢可能對於普羅大眾有D貴，但係老實講香港真係無好多間可以將燩奶整得好好，依間係我其中一間好欣賞，值得一讚👍之後就講一講個常餐，可能好多人都唔係太鐘意食炒蛋同叉燒配意粉，其實去親依D茶餐廳佢地都可以俾你換炒蛋同埋通粉😼好配合你地嘅需要😻而我就係其中一位，所以我個人都幾鍾意依種茶餐廳嘅人情味😚成個常餐最特別係佢個炒蛋，食個炒蛋唔會太乾之如，會覺得好滑，係無hai hai地嘅感覺，唯一真係要彈嘅就係火腿如果可以切片變奄列就更加好😋不過依D都係我個人興趣，多啦！😺希望大家得閒都會試下香港依D難得嘅地度茶餐廳，會有好多有趣嘅經驗😎

店員態度極差，遲小小就係到燥，講錯一個字又係到煩，又黑面，都唔知邊個先係顧客，真心對佢哋服務態度冇嘢講，雖然野食真心好味，但係稍微顧及下顧客感受又係咩好難呢？真心有問題。唔好攞垃圾服務態度做綽頭黎吸引顧客好唔好？我知你野食好味，但係可唔可以請下D高服務質素ge員工呢。吃個野都俾D中三畢業ge打工仔鬧一餐，我真係無野好講。成班打工仔係到唔知做緊乜，叫佢過黎好似死左人咁，明明無所事事都唔肯過黎，真心冇嘢好講。

今日老公提議食呢間，因為上星期的對比，嘩！立即舉腳贊成啦不過我已經同老公講，要有定心理準備有排等喎，就係因為上星期見超長龍，所以先轉陣，anyway, 老公話照去睇睇估唔到去到淨係見到大概10個人排隊😱😱😱所以勁開心，亦都差不多五分鐘就已經入咗去每次黎呢間都係食茶餐，其實佢種類唔多，不過出名炒蛋同多士，炒蛋又香又滑，多士脆琳度剛好👍🏻👍🏻👍🏻我最鍾意就係火腿炒蛋放喺多士面一齊食落去老公就鍾意分開食，而且佢會放砂糖係多士面，如果唔怕肥嘅，大家可以試吓😋

佐敦名物，出名到出埋潮文，世界級的炒蛋多士，百吃不厭。光速餐？也視乎時間。早上、午間定必大排長龍，黃昏則可隨便坐。不用多想，每次也是吃快餐。簡單的炒蛋多士配鮮奶，輕盈版港式all day breakfast。炒蛋的水準及質素很有保障，從沒失手，滑溜又足料，回味無窮。喜愛澳牛的原因，除了是它招牌的炒蛋，澳牛叔叔們也很風趣幽默。他們轉數快，跟熟客打成一片。也眼明手快，主動實幹型，不會愈叫愈走。被mean被笑的食客，大概是真的做出了可笑的行為吧。

试过一早在这叫了一份炒蛋多士和一碗炖奶，最后饱的想吐，但是炖奶让我印象特别滑，所以之后都很推荐，尤其是冰冻的，很滑，奶味又很重，极钟意，传说这里的炒蛋很滑，但我觉得还没有华星冰室的炒蛋滑嫩

因為見成日排長龍，所以好耐都冇去佢度食了! 今日八點半喺門口有十個人排隊，都係唔打算入去坐，不過就決定買外賣，因為實在太想食啦! 買完個外賣蛋牛治，行返出嚟，仲多咗十個人排隊?! 唉！真係好誇張!哈哈!我買外賣就唔使等呢! 一攞咗就可以打開嚟食， 個蛋真係嫩滑到不得了，又厚，而且叫咗我最愛嘅鹹牛肉，呢個配搭係我由細食到大㗎! 佢嘅價錢到而家都好抵，都係20蚊一件三文治。其實以佢嘅知名度同埋質素，佢真係可以埋貴d, 但我覺得佢好為所有食客著想沒有大幅加價，只是我唔知幾時先可以有機會再入去坐坐，因為記得以前的waiter哥哥好搞笑，成日同你攪笑落order, 你話食A佢就覆B, 但次次都冇攪錯，唔知而家仲有冇呢個光景?!

說到香港餐廳熱店，澳洲牛奶公司一定榜上有名，由十多年前到現在，人氣一直能保持，當中不無原因。它被遊客大捧多年，感覺要進店吃一頓十分不容易，故近年來一直都是外帶為主。經常看到它沒營業時，遊客便會光顧到附近的義x牛奶公司，其實說到蛋治，澳洲牛奶公司做得實在出色得多。自己經常點的是芝蛋治烘底，厚厚的滑蛋配半溶的芝士，加上烘得香香的厚多士，實在是很好吃; 近來喜歡上它的蛋牛治，同樣跟雞蛋很配，不要少看烘底這步驟，多加1元便買到倍增的美味。雖然很多人就它的質素差了，但是就三文治來說，還是有無可取替的地位

同幾個外籍朋友 去到澳洲牛奶公司喺外面已經嚇親啲朋友佢哋話 嘩 乜咁多人 等㗎等咗大概半個鐘終於有位喇入到去 因為 朋友唔識中文我就幫佢哋揀咗 常餐個侍應 話咁快 就攞曬啲嘢呢到d蛋又新鮮又好味 食到外藉朋友 Lam lam脷

到底點解d滑蛋可以咁好食?出名服務態度唔好,但點解仲可以咁多人去幫襯?一定有佢原因!叫左個炒蛋多士,叉燒通粉.ok!真係冇得輸.個滑蛋係神級咁香咁滑.多士係好正宗的茶餐廳多士,一個字正!

周日假期，崇拜完與友人逛街，一到久未到嚐的澳牛吃下午茶是也。叉燒湯通及叉燒湯意實乃我們的至愛，是次亦不例外。茶記正宗的叉燒不要追求如燒臘舖的叉燒，只要瘦得來有燒香味便可收貨，況且更免掉卻過肥的危險。湯通及湯意俱為港產妙品；湯可能落了師父，但鹹淡適宜，不能說好，但就叫做有暖湯下一下肚。炒蛋滑得緊要，該加了不少油來炒吧……不過有些東西例如蛋確是需要油份的。把多士夾著炒蛋及火腿，一放入口，人間極品！這就是小人的本土滋味！

澳洲牛奶公司，我細細個就聽過呢個名啦，亦都相信無咩香港人唔識佢。澳牛位於佐敦，近住伊利沙伯醫院，是日去探完剛剛生完bb嘅朋友，剛好係晚飯時間，所以就獨個兒黎食飯啦。澳牛雖然有 a la carte, 但係一般黎講都係叫餐，晚飯時間有茶餐同快餐，前者有叉燒通，多士同埋火腿蛋，加一杯野飲。落單時記住唔可以慢慢落，要十秒內講晒你想食嘅野： 茶餐通粉煎蛋多士熱華田，唔好等佢續樣問。唔夠二十秒，通粉就到啦，再過多左陣，火腿蛋多士都到啦，通粉個湯底好好味，值得一讚，唯一美中不足嘅係唔記得轉炒蛋，下次一定要記住叫。飲品出乎意料地漏左單，所以好遲先到，亦都因為咁入口時比較熱，唔能夠即時飲到。當我拎銀包出黎準備行去埋單時，店員已經準備好張單俾我，一企起身就可以直接行去俾錢。由入門口到出門口，前後真係唔洗20分鐘，趕時間嘅人黎呢度食野都係個唔錯嘅選擇。