澳洲牛奶公司

营业中

休息中

澳牛應該係一個不論係遊客定本地人都熟悉嘅名字～夜晚係尖沙咀睇完醫生想食得簡單啲又好似無乜選擇，所以決定行落去佐敦搵野食。忽然諗起好耐都冇黎過澳牛，就即管睇下多唔多人排隊啦～點知！竟然一去到就有位，注定要入去食個常餐啦！選擇一如既往唔，只係加左少少價～點左兩份常餐，一份太陽蛋，另一份就炒蛋。炒蛋依然係好滑好香奶味。意粉一上檯，睇落好似冇餸咁。不過其實係寶物尋歸底～叉燒係薄片，冇乜味又瘦瘦地。聽聞唔要叉燒可以轉牛肉或者火腿，下次可以試試。而最驚喜莫過於呢杯唂咕。依家已經冇乜地方有賣唂咕，而且唂咕粉嘅比例仲啱啱好，夠哂濃郁！是澳牛係少有嘅餐廳能夠係出左名之後仲可以保持質素同格調，實在值得支持啊～

早幾年係TST 返工每個月都會黎食1-2次, 每次Lunch 都要等好好好耐, 又只食得嗰15-20分鐘便唔好意思坐落去了~近2年都好小到這里吃飯了, 今日黎開開會, 雖見人龍, 但一個人去食係會快好多既, 即係就去排隊食返歺, 果然, 一個人勁快便排到我啦我都係叫我既例牌啦, 火腿滑蛋, 叉燒意粉, 牛油方包, 滑蛋繼續夠滑, 加上胡椒粉調下味更正, 通粉今次就salty 左D, 今次多士好正, 加埋滑蛋叉燒同火腿食真係好好味, 飲埋杯野, 好滿足, 因為一個人, 係食左唔夠1X 分鐘, 剩返杯野既時候己感到好大壓力.... 真係填完個肚就要埋單走了.... 一直都唔太LIKE 呢個FEEL, 但又LIKE 佢既滑蛋同杯奶荼, 無計啦, 出面D 荼歺廰有得坐耐D 但就食物都麻麻, 真心好矛盾..好想好想, 有一次可以坐一下下, 半個鐘都好呀 不過應該無咩機會啦, 係咩都講性價比既時代, 呢間OK LA~ 當然唔計service la

去到時門口得兩Pair人排緊隊，排排下我同男友講：死！我仲未揀好添！佢又笑我：仲有咩揀？炒蛋多士叉燒意粉囉！我：係囉！我未揀好要意粉定通粉，同埋未諗飲咩！但係入到去，哥仔無秒速黎落單，而周圍啲哥仔都用普通話招呼大陸食客，態度仲唔錯，又有介紹，仲提醒埋佢地記得拎電話！我係咪真係係澳牛？Anyways 拿拿聲落單野食都照舊拿拿聲到左係咪太耐無食呢雖然都係好食既，但無左從前嗰種「嘩嘩嘩正啊！」嗰種感覺🤷‍♀️但點都好 幾年無食澳牛由未拍拖男友已經話同我黎食奈何我地兩隻新界牛真係好少出城今次係第100日可以同男友一齊食澳牛係開心既🤗

而家呢個物價膨脹的社會出去同女朋友搵一個環境好啲嘅地方都用你六七百蚊食完就返屋企食杯麵頂肚.而作為香港精神代表澳牛,你唔好期待佢哋有service,但佢哋抵食,好味.40蚊就食到個晚餐,講返食物.燉奶,炒蛋就一定冇走雞,炒蛋炒得好軟又有蛋汁放喺個烘底多士上一啖咬落去真係人間享受,燉奶.味濃牛奶,味道呢就真係冇得頂既,而牛肉通粉個人認為比較普通,不過不失,但係又係嗰句,大佬呀40蚊你想點?

一如以往嘅星期三晚做Gym，做到晚上十點左右就完，做完運動就好想找地方醫肚，由於在佐敦附近，所以想搵間茶記開飯，我老婆提議去澳洲牛奶公司，佢話好耐未試過佢地嘅牛奶炒蛋，我都覺得這個提議幾好，又唔想食得太飽、太豐富，於是我地就朝著澳洲公司方向出發喇~來到餐廳門口唔見有人排隊，但餐廳內有八成座位有人坐緊，我倆一坐下等左好耐都冇人招呼，我地急不及待示意伙記落單，但佢好似唔想理你咁，我開始嬲嬲地揚聲，佢先肯過來，我地叫兩個茶餐，起初我以為澳牛咁先進，伙記用PDA落單，我好奇咁聚焦佢部PDA到，佢係部機到投注緊d波馬，好冇職業操守!最後我要重復好幾次先落到單，真有一點火!食物就味道保持到，叉燒湯意份量可以，只是炒蛋嘅份量比起以前真係小好多，味道上保持到的。進食途中突然聽到一把女人嘅罵聲，聽到用普通話講:「他只是一個小孩，你們會把小孩嚇壞的!」接著小朋友嚎哭中，個伙記才say sorry!總結澳牛食物出名，但服務差劣，伙記個人素質參差，沒有職業操守，這樣成個香港嘅服務質素會被破壞，希望澳牛老闆可以正視這個問題啦！

之前已經聽講過澳牛好出名，不過一直都無來食。一來多人排緊，二來燉蛋燉奶要廿幾蚊碗都幾貴，三來聽聞尼間餐廳既侍應都好有“態度”。今晚係隔離食完龍鳳祥餃子就決定順便試埋澳牛，睇下究竟有幾出名。可能時間尚早，都唔需要排隊，不過店舖已經坐滿9成食客，所以都要同另一位食客搭一張4人枱。一坐低，侍應就拎左2杯水俾我地，同時馬上建議我地叫茶餐(後來發覺，侍應好似對每位食客都會推介茶餐)。 侍應仲話背包可以放係另一個座位上，但如果一陣太多人，就要拎返起背包讓俾第2位食客坐。個一刻，既覺得侍應好貼心，但同時又感覺到佢好mean。由於已經食完晚餐，不加思索就直叫左熱燉奶熱燉蛋各一 (因為我地2個都唔記得係燉奶定燉蛋無咁好味)。落單唔使一分鐘就有得食(上菜速度超快，雖然都只係係熱櫃拎出來)。熱燉奶($30，咁岩係5月11加價了，之前睇食評都係$28)好滑，好有奶味，好味。熱燉蛋($30)都係好滑，一入口，先有淡淡既蛋味，過一陣，就會感受到口腔內有濃厚既杏汁味，苦苦的。兩者比較，我會更傾向燉奶。總括而言，侍應既態度又唔係真係咁差，只係好似茶餐廳咁，你唔好expect佢會俾咩service你。入座落單上菜，甚至

澳牛名氣大，永遠都坐滿散人，好多遊客都特登黎打卡朝聖。但至於味道，都不外如是，沒咩特別～order左個茶餐同杏汁燉蛋講左杏汁燉蛋先啦！杏汁味道好淡，頭一兩啖先食到，第三啖開始就比蛋味蓋過。蛋既質感嫩滑，但水份太多，唔夠挺身。只可以講，食落唔驚艷，唔係食過最好食既燉蛋，同埋索價$30，質素完全唔值，好多小店做得仲好過佢多多聲搭台既遊客話燉奶好食過燉蛋，但我諗我唔會再試嫁啦～炒蛋尚算嫩滑，奶味唔太重，最值得一提既係炒得唔油，少左罪惡感多士唔係勁脆果種，都接受到既。加左牛油果面就淋左，普通貨仔啦意粉吸湯吸到脹左喎大佬，叉燒份量多，但無味既，又係普通野值得一提，係跟餐杏霜幾好飲，唔甜、有些少杏仁既香味澳牛加左價叉燒湯粉哩個餐加到$46，雖然正常食飯既價錢，但味道唔值囉。入得黎就預左要食「全餐」嫁啦！如果好食，被催其實真係可以接受，但咁既食物質素，無下次啦！不過作為香港人，未試過都要去感受下既，咁食既當然唔係佢既味道，而係佢既「港式茶記文化」啦～

次次經過呢度都好多人排隊。遊客，香港人乜都有。但重來未試過。今日lunch終於的起心肝同同事食。雖然隊長，但速度無諗過咁快。吸引之處：1. 腿蛋治。好食有原因。麵包烘得鬆脆。口感非常好。2. 奶茶。奶茶整得好滑。好典型既茶餐廳，但野食野飲都高水準。終於感受度茶餐廳獨特既服務態度。亦都係我想食呢間茶餐廳既原因。侍應以快，唔耐煩既態度做野，正正反映香港人忙碌既生活。不過我覺得佢地唔係態度唔好，呢個只不過係道地香港既特色。食完一次，覺得唔係好特別。唔會特登再黎。

6299來香港，少不免要帶他們周圍飲飲食食，因為星仔的工作時間比較自由，只要上午在公司露個面，下午就可以出外，如果請一天假期太浪費，加上我的年假亦比他多，所以6299來港，通常早上都是由我帶他們吃吃逛逛，到中午星仔才接手。對上一次帶仔們來澳牛都有年多前，今次又帶他們來吃個早餐。平日早上人龍比假期短得多，大約等了10分鐘已經可以入座。想吃燉蛋和燉奶，所以三個人只點了兩個早餐($36)share，再另點燉蛋燉奶各一。雖然澳牛都係得三個套餐，但因為太耐冇黎，排隊時都有睇定食乜，心中記著，到侍應問食甚麼就可以流利說出。火腿通粉不是澳牛的重點，味道正正常常。炒蛋的確暫時食過咁多間佢係最滑的。多士亦烘得夠脆。奶茶茶味和奶味普通，不算得別香濃。鴛鴦不會過苦，味道可以。燉蛋和燉奶都很滑，燉蛋蛋味十足，個人亦比較喜歡燉蛋。好多人話澳牛侍應態度差，其實有時會否要求過高，以茶記價錢要求餐廳侍應質素呢？以我幫趁過幾次經驗，點菜的確是要快，食完亦不可以慢慢坐，要即走，但卻絕不會催促你食快點，今次和兩個老人家被安排坐四人卡座，全程食左近20分鐘，以澳牛標準算食得耐，全程侍應也沒有加插第４個食客來坐，亦沒有催促我們

又係星期三健身後進食，唔知點解好掛住澳牛個炒蛋，見今日做完時間尚早，即使急急腳去佐敦先。澳牛最特別既風格一定係串咀既侍應，叫你坐邊疊枱無得SAY NO，坐低九秒九好決定好自己食咩。入得黎澳牛既香港人好似都知道呢啲潛規則，個衰佬唔知頭唔知路差啲比人開拖。其實都唔怪得衰佬，幫我哋落單個侍應企近我嗰邊，我好清楚睇到佢喺度手機買緊馬仔，衰佬唔知做咩八卦望實人哋個手機，侍應見衰佬係咁望實佢手機勁惡落完單行開。侍應行開我就細細聲問衰佬：做咩無啦啦啤實人哋個手機呀？！都唔關你事啦人哋買咩馬仔。衰佬Ｏ晒咀覆：我都唔知佢買緊馬仔，我以為澳牛宜家咁先進電子落單咪望兩眼！真係得啖笑～我哋叫咗兩份茶餐－牛油方飽，火腿炒蛋，叉燒湯意粉，凍檸茶我最欣賞佢個炒蛋，香濃既雞蛋味再加上佢個滑嘟嘟既口感，不過個炒蛋好似細份咗。而呢度既牛油方飽有烘底係好味啲既～叉燒湯意粉既意粉煮得好似淋得濟，下次我都係叫返通粉。

去澳牛嗌野要快，呢句大家都知，但真係勁chur😪一入到去帶位既叔叔笑容好好，令我好驚喜但嗌野食諗多幾秒佢就黑左面了。。。環境都好懷舊，但好迫。而我地叫左兩個燉奶，佢黎左三個，我地同佢講，仲要啤我地，態度差咁拎走🤮另外嗌左個蛋治烘底🤤🤤🤤蛋好厚，望到都流哂口水🤤🤤🤤每一啖都好幸運，又厚又滑又好香蛋香，不得了燉奶直頭係100分好滑好重奶味，好好味好幸福呀😭😭😭😭😭不過係呢個環境食野，令人都不自覺地加速😂😂😂好快食完好快就走😂😂😂

（澳牛）呢個名唔會有香港人覺得陌生，呢度ge食物當然出名，但員工的速度同態度都享負盛名。 p.s. 仲有當年最出名的Levi’s 501係佢地ge工作褲😆😆基本上就係食呢3個餐，而我本人比較大食，次次都係叫茶餐的。雖然得3個餐，但可以有好多變化。方包： 可以選擇為多士，烘定唔烘都得煎蛋🍳可以叫太陽蛋、雙面煎、炒蛋叉燒湯意粉或通粉又得飲品就諗得出的港式野佢都有舖頭的所有野都無咩變過，連個餐的質素都保持得好好，今次最想讚的係叉燒通個叉燒，佢地做得比普通燒臘舖的更好，叉燒夠香又唔會乾。食緊時入左對情侶同枱，佢地無早早準備叫咩食，一路叫又一路改，好彩阿叔無爆佢地。過往的經驗教識我一定要諗定食咩先好入去叫野食，因為澳牛的節奏真係好爽快，坐低到食飽一定唔會過半粒鐘

常食了澳洲牛奶公司好耐了， 因為公司搬離佐敦後距離遠了很多。再加上最近經過他都沒有開門，白行了二次。幸好有同事登高早了出門，所以幫忙買到。澳洲奶公司作為早餐真是令全日加力。由其喜歡這裹的炒滑蛋，軟綿綿的還帶著蛋汁，夾在麵包內令麵包可以索下流出的蛋汁。這是十分喜愛的原因。加上厚厚的烘底麵包再帶出香氣。真是在打這一篇也想吃一份。平時吃餐我也會特登將蛋夾在麵包中。因為可以大口大口的吃下蛋和麵包，是十分滿足的。而且份量相當大，吃完後lunch 都但在飽飽的

聽就聽過無數次,睇食評都不下幾十次。昨日終於在(完全唔使排隊嘅情況下)先有心情入內試一試,真正感受一吓究竟因乜會咁勁。一入到去即有伙記帶位靠近門口左側嘅六人檯剛有三個空位,兩人坐落睇睇餐牌。一齊叫咗兩份茶餐(通粉+奶茶)覺得通粉同叉燒咪又係一般茶記啫,不過叉燒都OK,唔會又硬身又黑麻麻至於多士還算脆口。最值得讚嘅只有杯奶茶,真係香滑得嚟又保留番茶味,掂。最後一提係伙記態度OK㗎喎,幾好口又有禮貌。完全無雜誌報章講果啲野喎

今日早上去開佐敦，諗住10點3，非繁忙時間，不用排隊，便可可光顧那間久違了的澳牛；誰料，十个以上的人龍，加上好似甚麽景點一樣的有人舉機拍照，再看看店內人士，即時雅興盡失，即時改去大家樂為快。所以，現時只有國內人士必食澳牛，香港人當它是集體回憶罷了。