潮館 (創紀之城五期(apm)) (已結業)

朋友帶住個B, 由天水圍黎觀塘食飯，假日好多地方都唔開，都以搵左間係apm既中式食肆。黎到食潮洲野，一定叫蠔仔粥😁依到既蠔仔粥既蠔仔都幾大粒，米都煲得幾綿😁老公話要食蠔仔餅，都幾多蠔仔，又大粒，但都幾油膩.....叫左個孖寶套餐， 沙薑雞加雜菜煲。隻沙薑雞都幾入味，雞肉又唔鞋，不過我一向都好怕沙薑d味，好似藥油味咁😝另外，個滷水拼盤，其實我成日食都唔係紅腸，點解既？雞腎ok啦，滷水鴨有d 蘇。豬耳都有點啫哩狀。但我覺得整碟都唔夠入味😆反而朋友點既四季豆好入味，豆又無根，肉味濃，做得唔錯👍🏻唔怪得知朋友話佢次次黎都叫😁

裝修後首次再來潮館，價錢也漲價不少，雖然宵夜時段打冷仍有7折，但每款菜式整體都比之前貴$20以上，裝修後感覺更擠迫，而且要乜冇乜，侍應下單不斷來回說這樣沒有了，然後那樣又沒有了，而且人手不足，我們等極都沒人來索性自己走出收銀下單改單，洗完碗的兜也一直沒有人收，加價但服務下降⋯已經不再抵食的價錢，而且特價款式也少了很多⋯我們點了滷水雙併，送來整個碟裡𥚃外外包括碟底都是滷水汁，碰完要洗手😡0K，我們點大腸和鵝肉，大腸很乾又不入味，鵝肉同樣是又乾又沒有肉汁的，還是墊底的蘿蔔較正常𧐢仔粥普普通通，𧐢仔尚算新鮮大粒，但肉碎超＂鞋＂，整體味道偏淡酥炸魷魚鬚光看賣相已經不及格了成份魷魚鬚食得出是翻炸的，因為很乾，很油，而且根本沾不到粉漿，甩皮甩骨的到底想點？吃到尾聲也沒有人來收洗碗兜的，味道沒有、服務也沒有，又不是抵食，打冷還是去正中打冷小店好了⋯以前免茶介加一，現在樣樣收足還要自行排隊結帳，相信我不會再來了！

潮州鹵水拼盤，鹵水汁堅掂， 唔會過鹹啱啱好， 梅羔骨唔會一味只有酸味， 又香又開胃， 芝士龍蝦伊麵底更加冇得頂，只可惜伊麵份量比較少， 其他小菜水準也不俗，5個人食6個餸，每人也只係消費約150蚊，超抵食👏👏

今次食套餐，基本上係幾好食⋯但絕對唔會再食佢地d鮑魚叫完半個鐘差唔多一次過上晒d菜，張枱都唔夠位放不過野食算唔錯，尤其蔬菜類我覺得幾入味，飯麵都好食，份量十分足夠（半席應該可以俾8位成年男女食）。炸子雞就麻麻地，皮脆但好乾。不過個主角--鮑魚就太差喇一黎就俾隻有黑點既鮑魚，好似腐爛左咁，好在叫服務生過黎有立即同我地換。但換返黎就發覺隻隻鮑魚都咬唔入，我食完隻鮑魚好似咬左半個鐘香口膠咁攰最後其他人都咬兩咬就食唔到了。

新手上黎寫食評，希望以後幫到大家共同對抗人生最大既哲學難題，今晚食乜好？平時甚少有空陪家中兩老吃飯，是日休假就一於陪佢地飲餐茶。觀塘APM潮館正是兩老既飲茶飯堂，新手報到當然都要為呢間飯堂評一評，去圖！總結：賣單200蚊有找，三個都抱住肚腩行出門口，飲茶黎講算係可以接受啦。

一直對連銷集團既中餐廳無乜好感，特別係稻香集團，越做越差但由於前排經常要去觀塘附近開會，已經食左好多間餐廳，想轉下食其他野，咁就行入去，一開始叫左個蠔酪，試下乜料先，食落唔錯咁就叫左個餐，中伏了，雖然話抵食，但都要俾返啲食物質素俾客人，總之一句，難食，出黎既菜係一啲都唔熱，食左一半，打包走人

正所謂冇期望，就唔會有失望 ; 相反，期望愈大，失望亦會愈大。點解要俾我體驗到呢個道理㗎 !上月底，見佢裝修後變得咁靚仔，就入去試咗個潮式蚝仔煎蛋，嗰日滿有驚喜，於是特意又再去試，但係。。。鳴鳴鳴。。。好失望呀！! !原來上次碟蚝仔煎蛋係限時㗎，而家已經冇咗喇。咁今次就點咗菜單上唯一嘅蚝仔菜式- 家鄉煎蚝烙。嘩，全碟蚝仔，唔知有冇10隻呢，好似喺度食炸(蛋+粉)醬，雖然炸得好脆，味道都唔會太鹹，但係就冇乜蛋味，冇乜蚝仔，以炸物嚟講已經唔算好油，但係我係點蚝仔吖嘛，好似玩尋寶遊戲咁，搵哂嗰幾粒蚝仔出嚟，個炸蛋醬我唔要lu，72蚊食炸蛋醬簡直係好唔抵啊！

星期六來apm這間晚飯，訂了8:15pm第二輪(晚市分兩輪），成圍枱咁多人當然預先訂位，但潮州館竟然冇哂蠔餅和烏頭，之後9時許想再點菜，舉目幾十張枱咁大間食肆，竟然等好耐一個侍應都無，唯有親自行到某侍應旁，竟然話冇人手😳，結果放棄埋單走人，也是要自己行去門囗收銀處比錢，似茶餐廳。以後不會再來。

以前路過呢間酒樓，總係覺得黑黑沉沉咁，無話特別想入去幫襯。原來佢已經變咗身，無咗嗰種陰暗feel，變得光猛咗，開揚咗。見佢變得咁醒神，入去叫番2碟、嘆下茶先。本來想點倉魚，不過已經賣哂lu，咁就點個雞煲啦。子薑炆雞煲，成煲都係雞肉，冇骨㗎，食得好方便呀! 子薑甜甜地，雞肉又甜甜地，so sweet! 蚵仔炒蛋，這個很啱我口味，蚝仔飽滿有肉，只可惜發現咗2、3粒殼碎，如果可以除去呢個小瑕疵，咁就perfect 喇。廚師加入潮州菜圃，蟹肉(好似係)一齊炒，成個餸味道即刻提升哂，菜圃令到味道有多咗層次，而(疑似係)蟹肉又豐富咗口感，呢個餸簡直係驚喜，一定會為咗佢再來！

如果無預早book 位，星期五晚起apm係超難有位嘅，特别係7點至9點呢d 開飯黄金時間。揾咗幾間食市，7點半去到，都話要等到8點半先有位。。上到去最高一層，諗住去潮館睇睇。睇下有無位先。。。順利哋。竟然唔使等，就有位喎，超開心。潮館新裝修咗，但價錢就無咩加到，仍然經濟實惠。嘉士百，大大支,都係12元支，去超市買，都要成十元啦。抵飲！叫咗個鹵水拼盤，有鹅片，蛋，腎，鴨掌，香腸，蘿白$85鹅片切得厚道適當，口感適中，有强烈嘅鹵水味,好食！蛋只係得半隻，真係小咗d ! 腎片煮得過度，太硬呢。雞煲，賣相及味道一流。都只係$70元葱同洋葱加雞真係最好嘅配搭，野味嘅餸，餸飯一流。炸餅，好好味！如果9點半後入座，所有鹵水菜有6折優惠，而小炒餸就無啦。下次可以约埋三五知己嚟啤啤佢呢

因為朋友遲到，但個半鐘後就要還枱，我一個人都落左單先，所以我可以打一個即場食評。其實潮館曾經都係我家庭的飯堂，包括早茶同晚飯，最喜歡佢既滷水拼盤，蠔仔粥，不過近來少去了，到今日重來，原來成間鋪裝修左，現代感重左，都幾靚。服務明顯差左，因為佢將四人枱拆左做二人枱，但餐牌就只有一份，我就剛好比人拎走左個餐牌，問個侍應就只係得到主餐牌一個，其他推廣餐牌是沒有的，算，話晒曾經飯堂，無餐牌係難我唔到。今日點了花膠蠔仔肉碎粥，滷水拼盤，蒜蓉西蘭花。第一樣上桌的是拼盤，嘩，個擺盤真係有點兒那個，以前是用一個復古的雞公盤盛著，但家下一個怪形狀的碟，而滷水汁又掛住在怪碟的坑紋上，給人一個污糟碟的感覺，還好味道跟從前差不多。記得以前無花膠，家下有一舊完整的花膠仔，仲有一點點瓜粒，45大元一碗我覺得都幾抵食，不過d蠔偏少同唔鮮味。普通的炒西蘭花，普通，唔難食又唔係好好食。直播完畢，小妹的朋友到左啦，我繼續食了。

慶祝生日黎到官塘既潮樓。今早打黎已經full booking，黎到人真係好多半席餐真係好多野食，圍返一人都係$150到潮頭鵝，份量每樣都有，鵝肉偏軟身而且好入味呢個有點怪，個汁唔知係咩味食落有d辣。不過鮑魚口感都幾彈牙個翅稀到好似水咁而且見唔到翅只有好多旺菜絲魚肉肉質好結實而且唔會煮得過老火喉控制好好，好食！炸子雞雞比位都ok，不過胸位干到有少少柴皮，麻麻地蛋白炒飯看似好清但食落有咸香調味控制得好好！好好食整體而言都可以，不過潮州送菜唔算太多款式。

今日一家人慶祝媽媽嘅生日，7:00去到觀塘apm既潮樓已經要等位了。幸好大概等左10分鐘到就有位五個人叫左個半席套餐。$838，選汕頭鵝王大併盤減 -$150 半席包一支啤酒三罐汽水（免茶芥免加一）真係平到喊😭金榜玉液原隻飽魚個名好L核突😅😅😅 鮑魚做得都算有咬口，但個汁有少少辣辣地整體有點怪黎得潮樓當然要食潮州餸汕頭鵝王大併盤，味道中規中矩唔算太有驚喜酥炸珍寶蠔Size有啲大細不一，炸粉唔太厚食落尚算鬆脆而且食落幾干身唔會覺得好油膩，不過蠔味唔算太濃潮式生淹螄hum🐚螄hum處理得好好，外殼清潔得好乾淨不過食落味道有點過龍搶左原有螄hum既鮮味而且個個人都鍾意個份血味打開好飽滿既螄hum😍👍🏻因為冇晒荷葉飯而轉左蛋白炒飯蛋白炒飯出奇地有驚喜炒飯入面有瑤柱絲而且炒飯炒得好乾身火喉控制得好好食落有些咸香，堅好味！👍🏻👍🏻👍🏻呢遠飯中規中矩唔算太大驚喜，觀塘中菜店算ok九點半到離開發覺越來越多人，原來九點後全單有六折，難怪有咁多人！

家人生日，為了方便就在觀塘搵間酒樓食圍菜，未試過潮館就一於試下囉！都係貪佢夠平，$1500就有得食圍菜。鮑魚細細隻，下面係白蘿蔔，整體上都算錯既。伊麵質感好彈牙，好好食，好少食到伊麵係咁既質地，個個都讚口不絕，龍蝦size都一般，不大不小，味道可以。茭荀好爽，蚌片和花姿都好味，雖然外表唔太美觀，但都好食。唔係原隻蟹鉗，食落好似食唔到蟹肉咁樣，只有一隻空蟹鉗作裝飾用途，唔知食左乜野落肚，唔掂！【瑤柱海味燴生翅】忘記影相，成碗都係芡，搵唔到幾條生翅，是旦啦！當飲羹湯，唔好要求太多野嘞！條魚就有啲睇頭嘞！好大條，肉質嫰，蒸到岩岩好，好味！【淮杞泡蕃薯苗】忘記影相，我好少食蕃薯苗，原來係咁好食架！因為媽媽認為蕃薯苗係下等菜，所以家裡從來都唔買，但今次食過後，真係要對蕃薯苗改觀，好嫰滑，一啲渣都冇，唔識形容，總之好特別既蔬菜啦！好有雞味，肉質嫰滑，但個皮就唔係咁脆身囉！呢個炒飯都可算係我食圍菜最難食既炒飯，冇呢味道，有一小粒既深色肉粒，唔知係乜東東，我估計可能係鴨肉粒，但不太受歡迎囉！冇乜人吼。原本係【香滑豆腐花】，但因為我地家人慶祝生日，我問服務員可否更改為壽包，佢答我可以，太高興了！我地只想

前個星期父親節，當然要出黎食下晚飯，而我地係潮州人，當然要食番D潮州野，所以我地去左潮館。佢地出名鹵水併盤，有掌翼，都幾厚肉；鹵蛋，唔會太鹹，但好有蛋味；鵝肉則鞋左D，有D韌，一般般。