潮館 (創紀之城五期(apm)) (已結業)

去APM行街，晚飯選了這間潮州菜館，當然係食潮州菜啦！ 要食海鮮就唔會選這間所以二話不說叫了蠔仔肉碎粥及鹵水鵝片蠔仔肉碎粥一上枱，馬上一人一碗襯熱試下先，都多蠔仔，隨便一碗仔都有4-5隻，食落粥及蠔仔都好鮮甜，而且方魚碎竟然係脆的，好香的方魚味，提升了味道鹵水鵝片也好對眼，有好多片，也好嫩滑，也有完整兩大件鹵水豆腐在底，好入味台式香滑豆腐，醬油味剛好，不太咸，豆腐好滑，這個熱天食最啱栗子腩肉大芥菜煲，上枱時熱辣辣還滾的，這個比想像的更好味，用蝦米做湯底，大芥菜及栗子淋甜，腩肉爽口不油膩，成個餸食哂，連湯都飲哂金不換茄子蝦球煲，一樣上枱時還有啫啫聲，份量足，應該有8隻蝦左右，呢個都抵食最後叫甜品，馬蹄綠豆爽，朋友好喜歡，我就覺得太甜啦，只食了兩口因有優惠小菜，所以覺得都抵食, 份量夠，味道不錯

依期都好似無食中餐，係觀塘行完街，諗下食咩好。朋友話不如食下中菜，之後就揀左依間食，可能我地都比較遲食，星期五等左一陣就有位。我地都係第一次黎依間食，一入去估唔到依間中菜咁大間。雖然依間係稻香系列既中菜，但估唔到有D驚喜喎。 我地叫左一個龍蝦伊面SET, 包埋個炸子雞。因為肚餓，我地仲叫左個湯。個龍蝦伊面D 龍蝦都幾多肉，唔錯，炸子雞D雞幾滑，比起去飲個D 好食好多，個湯就好大碗，兩個人根本飲唔哂，食到太飽食唔哂，最後要打包D湯反屋企再飲。

今日和家人在觀塘有點事要辦，之後大約十一時想到在APM某間中菜館早茶，原來某館早市不開，所以轉去潮館，門口有幾班人等著，我們排了大約15分鐘，店員都很醒神，招呼很好。 桌前幾張不同餐單，大家好像做功課要研究一番，結果叫了數碟點心。 雖然餐館很大，點心備上時間頗快。點心計有一陣風叉燒飽、時菜鯪魚球、煎鴛鴦尖椒、潮式煎餃子、韭皇鮮蝦腸粉、原蝦燒賣皇和潮安芋泥粿整體點心不過不失，不求精緻，但求抵食。尖椒有點凍，一陣風叉燒飽雷聲大雨點小，混粿則有點特別因不常吃到。此集團秉承宗旨，抵食之餘裝修和店員服務都好，不得不讚。

今日喺apm潮館度食晚飯，叫左個孖寶餐。個蒜蓉蒸元貝本身最早叫，但都等咗好耐都未上。最少等左九個字其他嘢食都上咗嚟，都差唔多食晒先上，唔緊要。點知食落口係生嘅其餘果三隻都係生嘅，仲有隻已經放落口吞咗半隻，真係好鬼嬲。叫個經理黎，個經理仲話唔關佢事係廚房嘅問題。我明道餸唔係你整，但都唔係咁講野。淨係識叫我地打上寫字樓投訴。😭😭😭😭😭😭😭😭😭ps：海鮮煮會好大件事，仲要係貝殼類食物。😭😭😭😭😭😭😭😭

話說喺官塘翻工，食茶記呀米線呀放題呀⋯⋯食到悶悶地，總有日想飲茶！近近地就Apm朝館～今日2個人去，又見到周聰叔(唔知有幾多人唔識佢呢🤔)，佢似乎係超熟客。順帶一提：就算lunch time，呢度都好少要等位，可能因為附近太多食肆？Anyway la，今日食左：燒賣王～去飲茶必食之一😀呢度d燒賣肥瘦適中，唔會得肥肉，咬落去唔會過淋，味道唔錯～特價茄子～好似10蚊有找，炸得好香脆好夠味，不過通病都係油左d。翠肉瓜叉燒腸～第一次食，味道比較淡，d翠肉瓜切到太細，唔係好咬到，少左口感，腸粉都比較痴口。又係第一次食嘅蠳花蝦煎薄餐～竟然有驚喜，唔油仲好脆～d蠳花蝦好惹味，薄餐夠乾身👍🏻個人推介蠔王鮮竹卷😁我好中意食鮮竹卷，仲要係蠔王而唔要上湯嗰種～呢度嘅鮮竹卷就合哂河車～d汁有少少蒜味，特別香濃，鮮竹卷夠實淨，唔會夾起就爛哂😋兩個人去飲茶5個點心先$120，算好抵啦！樓下間茶餐廳都60幾一個set lunch，認真百物騰貴🤨

呢世都唔會再去...未試過食酒樓似食放題....定左兩個鐘要走....食唔晒都要你走！食淨左個經理話俾個盒你拎走啦，唔可以食埋至走....痴線架！食物又唔係好好食

今日同老朋友敘舊，聖誕節聚餐都係西餐邊邊BBQ，今次就決定食潮嘢，潮•洲•菜。咁啱有6個人，就叫咗半席「潮•盛宴」。「潮•盛宴」有魚有蝦有鮑魚有魚翅、啤酒汽水，如果跟上湯波士頓蝦伊麵就$888(平日價錢)，我地想潮啲，跟潮式鹵水鵝皇盤，就減$150。【潮式鹵水鵝皇盤】每人一片啱啱好，鹵水鹹度適中。【紅燒花膠雞絲生翅】雞絲花膠多，但翅就較少，都分到8碗仔。【清蒸珍珠躉仔】魚肉超鮮嫩，冇食過咁滑嘅魚，玻璃盤好精美，下面仲有細火㷫住保溫，正。【蠔皇原隻鮑魚伴金錢】冬菇鮑魚份量多，全部新鮮爽彈。【鮮茨實蟹腳泡青蔬】蟹腳原來只係蟹柳，有啲失望，不過成個餐都抵食，算你啦！【香甜壽桃】好Kawaii嘅飽飽，豬豬飽係奶黃飽，同壽飽一樣都係餡多又軟滑。成個餐仲有XO醬翡翠蝦仁墨魚、臘味鳳凰卷、一品脆皮穗香雞、生炒糯米飯。咁多嘢食唔駛加一，埋單每人百二蚊左右，抵到爛。

趁住今天早上放假，去銀行辦完事情，約了住在附近的伯父飲茶。伯父年紀老邁，去唔到太遠，況且潮館係佢嘅飯堂，當然就哂佢啦！時間尚早，唔係好多人，伯父指定要食蠔仔肉碎粥以為是普通盛上一碗粥，原來上枱都有講究， 用小洋燭保溫，防止粥會涷， 怪不得指定要食。粥算大碗， 肉碎和蠔仔都多，但味道淡口， 適合老人家食。牛肉腸，腸粉皮厚，幸好牛肉多。蘿蔔糕煎得唔夠燶， 粉厚，蝦米、臘味、蘿蔔小，我就覺得唔好食。結帳都是91元，老人家覺得平，就不理會好食與否！！

本來想吃蒸海鮮🦑🦀🦐，但～無～位，沒有太多思考，隨便來這裏吃個飯。最想最想分享的是這裏的潮州凍蟹～賣相是非常OK的，價錢亦很平宜。吃着便知希望不似預期，搣開殻已可見肉已乾晒水🍂，吃起來明顯是乾柴🍂，失望🥀。另外還叫了阿拉斯加蟹🦀伊面，心理補償，吃不到蒸海鮮。份量的確不少，但味道亦的確平庸😑，真的不值得來吃，每人吃了一小碗，打包送人了😑。燉湯🍵很平宜，而且足料，算沒有中伏。蔬菜🥒是每一餐不可缺少的，菜煲湯底是濃湯寶味道。滷水鵝片～水準之作👍🏿，豆腐比鵝片好味。兩個人👫，這個價錢。如果食物質素好，是吃得開心的，但似乎今餐有點覺得白花錢💸！

上星期五補祝老公餐生日🎂飯，去咗觀塘APM潮館慶祝。得兩個人撐枱腳，簡簡單單叫兩個白飯加三個小菜。第一道：欖菜肉碎炒四季豆。幾乎每枱都見到有人叫呢個餸。除咗多咗啲油之外，成碟菜都炒得唔錯。我鐘意食啲四季豆，所以成碟菜幾乎比我清哂😅😅😅第二道：懷舊無錫骨，見佢做緊Promotion,一於就試下啦！個賣相都算ok,啲排骨燜到好林，而且夠濃味同多汁，送飯一流呀！👍🏻第三道：芹香芋仔油鴨煲。呢道餸賣相一般，食落去仲更加一般。啲油鴨咸到呢。。。我地分別食咗一舊就唔想再食了😰😰😰但仲有成煲喔，惟有打包回家比老爺食啦！因為佢鐘意食啲咸味野，希望唔會哂野啦！

同一班朋友諗住揀間酒樓食下中菜，諗住開得係apm 唔使執都會有番一定質素，點知......叫左888半圍，以為有咁多野食就好抵啦，原來係惡夢開始。龍蝦新鮮度一般，伊麵好韌，個茨汁無味。花枝炒荷蘭豆幾好食，荷蘭豆好爽甜，是晚最受歡迎嘅小菜。燴生翅味道偏淡。蒸沙巴躉話清蒸，原來係豉椒蒸，因為條魚唔太新鮮，要用豉椒蓋住原味，肉質好韌。米網蟹鉗，好油，用魚肉包住霉嘅蟹鉗，極差。比較正常嘅炸子雞，但溫度唔太熱，味道正常。鮑魚無咩鮮味，要體會鮑魚嘅口感就還可以，冬菇幾厚肉，但炆得唔入味。高湯味道唔錯，但莧菜好老好鞋，完全投降。生炒糯米飯幾好食壽包個蓮蓉餡有陣酸餲味，食左一啖無人再想食喇。價錢每人百幾蚊算係平嘅，但係總要提供一個能接受嘅食物水準。服務水準亦不合格，人手不足，態度懶散，總之下次唔想再去。

家人都喜歡吃中菜，今晚預祝中秋節晚餐選定APM潮館潮盛宴。有一段時間沒有光顧潮館，裝修後環境較以前整潔，空間亦感覺較寬敞。二選一， 家人較喜歡燉湯不要翅，固早兩天已前來落訂。萬壽果螺頭燉老雞 - 上枱熱辣辣，料足，湯亦清甜。上湯波士頓龍蝦伊麵 - 一上枱不得了，全枱嘩嘩聲，三隻龍蝦原來有咁多？份量十足，啖啖肉，個個食得好滋味。醬爆翡翠花枝鳳片 - 調味剛好，蜜豆爽脆。脆香米網蟹鉗 - 賣相靚但味道略淡。清蒸珍珠躉 - 斤兩十足，上枱有氣勢，魚肉好滑，滿足晒鍾意食魚嘅我哋🤗杞子蜆肉泡青蔬 - 淡淡哋，味道一般。一品脆皮穗香雞 - 少少鹹，但味道都👌🏼生炒糯米飯 - 水準之上。香甜壽桃 - 完美的甜品。一家人食得好開心滿足，多謝晒😬

星期六book咗呢間酒樓同媽媽慶祝生日，適逢中秋節前夕，但等左5分鐘左右就能入座，非常開心！始終都係中秋節前，多數都係套餐，我就選擇左呢一款！價錢尚算合理！其實當晚人流已經開始多！上菜亦有點混亂實屬正常！所以菜式我都不大期望太高😅😅龍蝦伊面OK的，小朋友都食好多！証明都可以啦😆😆雞絲翅就真係好一般，但都見到有翅，不過估唔到佢嗰碟浸小棠菜又唔錯喎！因為好多地方煮得過左火會林得濟，黃黃地，呢碟又翠綠，而且爽甜，所以以為冇驚喜嘅居然有驚喜！另外冬菇鮑魚、糯米飯都好食！其實我好欣賞呢碟糯米飯，佢嘅料都好足，唔馬虎！👍🏻👍🏻但因為擺到最後上，所以好想食多一碗個肚容納唔到🤣🤣最後，以咁嘅價錢食呢餐生日飯！我覺得合理的！下次會再嚟幫襯😊😊

一行8人4對一齊聚聚～叫咗個開心6人餐再加幾個餸六人餐有金牌鵝皇拼盤、XO醬蝦仁帶子、紅燒蟹肉生翅、清蒸花尾疐仔、飽魚菇扒翡翠、壽包鵝皇拼盤夠入味～燒味一向都唔錯XO醬蝦仁帶子西芹偏多配紅椒黑木耳～XO醬味道唔夠濃淨係食到西芹味紅燒蟹肉生翅味道剛好唔會太鹹～仲要加勁多醋正呀清蒸花尾疐都算新鮮不會老飽魚菇扒翡翠汁過多有D杰蠔油汁野味壽包同其他地方嘅冇咩唔同都係咁加咗小食同蠔餅～蠔餅蠔肉中size即叫即整上枱仲熱辣辣脆脆口

又唔知幾時開始，總有d fd會話唔想食熱氣野🙋唔食生野🙋唔食辣野🙋甘…食中餐就實岩哂你、你同你喇！APM潮館，屬茶樓類，稻香名下。兩人食，豪叫左孖寶A餐: {清蒸花尾躉仔+花膠雜菜煲}味道符合預期，清清地，有三種菜:白菜、娃娃菜、西蘭花。有啲菇，花膠就得幾舊😅湯底有小量乾瑤柱絲。花膠就話係貴野，預左佢少，如果啲菜份量再多少少就好😌花尾躉係正係正既，啖啖肉，零腥味。都算大條，街市買都要成舊水一條，可能唔止添呀！雖然就普普通通蔥花豉油蒸，但就係簡單做法先唔會掩蓋魚鮮。家常便飯feel囉不過不失既。