潮館 (創紀之城五期(apm)) (已結業)

因為朋友遲到，但個半鐘後就要還枱，我一個人都落左單先，所以我可以打一個即場食評。其實潮館曾經都係我家庭的飯堂，包括早茶同晚飯，最喜歡佢既滷水拼盤，蠔仔粥，不過近來少去了，到今日重來，原來成間鋪裝修左，現代感重左，都幾靚。服務明顯差左，因為佢將四人枱拆左做二人枱，但餐牌就只有一份，我就剛好比人拎走左個餐牌，問個侍應就只係得到主餐牌一個，其他推廣餐牌是沒有的，算，話晒曾經飯堂，無餐牌係難我唔到。今日點了花膠蠔仔肉碎粥，滷水拼盤，蒜蓉西蘭花。第一樣上桌的是拼盤，嘩，個擺盤真係有點兒那個，以前是用一個復古的雞公盤盛著，但家下一個怪形狀的碟，而滷水汁又掛住在怪碟的坑紋上，給人一個污糟碟的感覺，還好味道跟從前差不多。記得以前無花膠，家下有一舊完整的花膠仔，仲有一點點瓜粒，45大元一碗我覺得都幾抵食，不過d蠔偏少同唔鮮味。普通的炒西蘭花，普通，唔難食又唔係好好食。直播完畢，小妹的朋友到左啦，我繼續食了。