潮江春 (已結業)

一家三口第一次黎食晚餐，呢到既菜式都幾多選擇，價錢屬於中上以上。我地叫左個韓江一品鍋，裏面有好多唔同既食材：海蔘、帶子、蝦、冬菇、花膠、雞塊等等。所以食材都燜得好入味，連海蔘都完全索晒d汁既味道。雞塊肉質都幾嫩滑，而蝦就好爽口。另外仲叫左一d小菜，魚香茄子非常惹味，茄子煮得夠晒淋，配白飯一流既菜式。瑤柱蝦崧炒桂花，睇個樣好似炒飯咁，食落去味道一般，係一個味道偏淡既炒蛋。唔會特別食到有瑤柱既味道，不過眼望就會見到瑤柱絲。

好一陣子沒有飲茶，也沒有打算在外國飲茶。不管味道是否夠道地，亦不想款式是否夠正宗，價錢已經是一下子叫你打消念頭。叫做係Tripadvisor有少少名氣既，每籠每碟四五十蚊起價，小點來算，兩倍有突。雖然回到香港之後沒有急著想要吃這個吃那樣，但還是跟著家人去食番啲中式野。　　遠遠入到新界去，只因之後要一嚐家人自家製生日蛋糕。要聚首飲餐茶，都要等到假日先有機會，然而茶點費倒會高些少，也沒辦法。以前要急急腳早早去等位，而家？就算是就近屋邨住宅區的商場，亦未見如舊日的興旺。當然，人還是不少，但跟昔日酒樓週末的盛況相比，還是有著落差。　　由早上十一時半起才供應的冰鎮豬手粒　$55似乎沒有什麼冰的出現。有五六件豬手粒，小食份量而言還可以吧？豬皮及膠質位富有彈性，煙煙韌韌，咬口十足。沒有連著太多的脂肪，加上涼涼的，吃起來清爽不膩，作以前菜則無負擔。　　XO醬炒腸粉　$48來得不算抵食，雖然外表賣相看來是頗上色會夠味。但是吃起來卻沒有多少XO醬香氣，就算只說最外面的一層，鹹味也不重。幸好叫做有少少煎香，加上吃來不太油，也沒有黏得過份。　　來份有餡的腸粉－－蜜汁叉燒腸（大）　$32，豉油是少不免的。餡料…

同定人慶節 當然食好一點啦黎左食潮江春 價錢需貴了 一點 但卻有相同品質的食物要一讚的是潮洲大錦盤仍外貌已經令人讚不絕口 盤中有個坎馬燈般的飾品 十分特別而盤有四樣潮洲食物一 是炸蝦球 有香濃的蝦味 蝦汁在炸的時候封在蝦球中 一咬香味四射二 海蜇 爽口彈牙 三 炸蟹球 配沙拉醬 正!四 鹵豆腐 鵝 鹵得十分入味 很香!!!!而其他菜也十分好食 而且份量大 各位記得試試哦!!!!!!!

我們是潮州人，一家人食團年飯，今年揀咗家鄉風味的潮江春，食物是不錯，推介「鹵水鵝肉併半掌翼」夠潮州打冷風味，「韓江一品煲」，蝦夠大隻、海蔘、冬菇、豬皮蚊得入味、雞肉鮮嫩；「瑤柱蛋白炒飯」保持水準，「茶樹菇炒豆苗」其實是小麥草：「清蒸沙巴海班」$388雖然唔抵食，不過大時大節食飯要有魚有肉嘛，廚師抵讚，可惜服務扣晒分。我知同場有大客包咗好大個廳，搞到招呼散客的侍應少之又少，人手不足可以體諒，埋到枱就好好招呼客人啦，但係最唔得就係嗰位女部長，完全冇耐性幫我們落單，之後想加單、加水、加茶都好似叫救命咁搵人，唉……傳統大時大節唔好揀响中式酒樓開飯的講法係有啲道理。

今日相約朋友入黎大埔BBQ, 但因為朋友突然肚痛, 所以我地改左去新達廣場入面既潮江春食飯~~去到時大約晚上8:30, 都有幾多人係度等緊位, 我地4個大約等左半個鐘就入得去啦!入面裝修好靚..有D似西式既宮廷~ 樓底好高, 地方夠大, 同隔離枱唔會距離太近一坐低侍應已經主動幫我地掛係椅背既大褸用衫袋笠住, 服務好周到前菜. 因為唔食青瓜既關係我無食到, 朋友食左話好辣..先黎到既係滷水鵝片 $108佢餐牌上面仲有好多其他滷水小食既選擇有一款係滷水鵝肉, 侍應解釋鵝肉係連骨, 而我地叫既呢個鵝片係無骨既鵝片好入味, 而且唔會好似其他地方食既咁多肥膏, 岩晒注重健康既我地!鋪底既豆腐都好好味!欖菜肉碎炒飯 $85因為朋友肚痛, 所以落單時我地叫少油, 廚師真係有做到, 值得一讚!飯粒炒得好分明, 聞落已經好香, 而且好夠熱, 食落夠味又唔會太咸全晚最受歡迎既川椒雞 $88雞炒得好香滑, 旁邊既珍珠葉炸得卜卜脆 好好味! 咕嚕肉 $88無諗過呢度既餸原來都幾大碟呢碟咕嚕肉, 肉比洋蔥同三色椒多, 而且菠蘿係用新鮮菠蘿而唔係罐頭個隻酸酸甜甜好好味最後埋單都係$480 以呢個價錢可以係咁好既

潮江春價錢唔太貴 但味道都係中上之選晚飯多數都多人排隊今次同屋企人食飯 叫左碟蒸斑條魚好大條！味道好鮮，火候岩岩岩好。唔係蒸得太老。 所以口感唔太un, 值得一讚！仲有個時蔬既汁好味！ 兩個小菜送飯真係一流！

放假同阿媽去新達飲茶，想去海x，目測最少有成50＋人等緊位......當時係星期五嘅12:00左右......算喇，未去過都試下去呢間朝X春，費事阿媽等或者行去第間遠嘅，貴啲就貴啲。點知入門口第一個接待已經黑口黑面，寫左檯號行入去再問人，都係俾佢地hea，又唔帶位，淨係話埋邊埋邊，坐低已經成肚氣。食野，野食係好味。雖然對我呢啲基層嚟講價錢偏貴，不過佢地啲點心係值呢個價錢！好味，尤其係牛栢葉。食完走人，俾錢果陣仲要同我過唔去，要令我難受。送阿媽出左間野之後，就忍唔住返轉頭投訴。老實講呢間新達朝肛X，野食真係好味，但態度差到唔係冇朋友，係差到冇老豆老母。我諗除非你帶定一萬幾千利是去派，或者放假都要透過衣著俾人知你係中產，可能會好啲呱⋯⋯其實自己返工附近間唔中都會去太古城潮樓，服務真係冇得比，點會好似新達呢間咁X眼看人低。

今日阿媽節~任何地方都非常多人~~大家都需要喺呢個重要的日子,做平時唔會做的事~!本來都唔想咁例牌出去飲茶同人迫,不過阿媽大人叫到~唯有都要去啦~去到門口~唔算話太多人~只係等十張枱, 唔洗等10分鐘就可以入座,心中感覺有點奇怪,一坐底一向怕凍的阿媽大人居然除左件風褸,我望左佢一眼, 佢話熱,真係令人意外!我就諗佢係等位時企得耐所以有D熱,食食下我地全家都食到出晒汗~!坐低左服務員姐姐放下碗筷同一碟小涼菜一邊行走一邊問我地要乜野茶,其實真係唔知佢聽唔聽到,我地都要照答佢..冇耐茶同一個洗筷子兜就放喺我地枱面, 一睇個兜~~真係唔講得笑~兜邊仲有唔知几耐之前留下的''痕跡'' ,好可怕~想叫服務員姐姐換一換~除左一班推車仔的送菜姐姐之外,想搵個服務員姐姐黎睇下都難~母親佳節~出左好多平時少有的款式,鮑魚燕窩...相當名貴,應有盡有,可惜我的阿媽大人胃功能唔太好, 所以好多新出點心都冇福消受,所以只係點左D簡單小吃.帶子腸粉 - 唔睇返張單都唔知自己係食緊''帶子腸粉'',粉皮好粗一D都唔滑, 帶子份量少到食唔出,以為自己食緊羅漢齋腸,上湯菜芯 - 埋黎睇埋黎揀~有熟有唔熟..菜心本身相當

We decided to go to this restaurant to have Dim Sum in the morning.  Upon arrival there was no one at the front desk to greet us so we waited for a few minutes then decided to walk in and take a seat at an EMPTY table, and to our surprise a guy in a black suit called BEN was sitting down near the table said us in a rude tone ''someone is sitting there!" , I walked over to him and ask him if he had any other tables and he replied "no, wait im busy" (rude tone again) so we decided to go over to th

由於趕時間又想飲茶，所以選擇了這間，不用等位嘛。今日星期六，價錢比平日貴D已經預左，但係似乎收費與質素不合比例吧!首先是蝦腸，蝦非常大隻，正!可惜皮較厚；影響哂，今天是$35不是嘛，仲未加一薑䈡牛栢葉，最美味的一碟，不過牛栢葉的質素在同一碟有好林既，有好靱既，奇怪!最後叫左潮洲粉果，果然係最好，皮較薄，味道一般

間唔中都會嚟潮江春飲吓下午茶，貪佢唔駛搭枱同埋D點心唔錯，仲有呢度既前菜小碟 <青瓜花生豆腐粒>夠凍又美，青瓜又爽脆，食左好開胃。依間酒樓會放碟前菜比D客，雖然有D人會覺得好似搶錢咁，食點心都要比多碟前菜錢，但我覺得依 $8 係值得比的，整得好有HEART，有青瓜、花生同豆腐粒，食左好開胃呢!雞札有內既雞好滑的，仲有我最愛的火腿，冬菇同魚肚，好味~好夠熱，而且腸粉好滑，內裡都係偏瘦的叉燒，GOOD~原來珍珠雞只有兩隻，唔似其他酒樓有三隻咁，好似無咁抵食，雖然內裡D肉都係瘦的，但無鹹蛋既，我最鐘意既鹹蛋居然無，都唔似珍珠雞既~

今天到潮江春，菜式比上次光顧時選擇多了，連梅菜扣肉也有，MENU也有幾份，看得眼花潦亂。鹵水三拼：鵝片瘦得很，無街邊檔有少少油脂咁香口，鵝味淡，反而成日做舖底O既豆腐最好味；鮑汁津白：好在個汁唔係好杰，津白都係襯魚湯好味啲；川椒雞：肥膩之作；鳳梨甜酸黃花：雖然條魚細細地，但真材實料，連皮炸有少少腥，個汁甜酸度啱啱好，$128抵！白果芋泥：芋泥鞋口唔夠滑；楊枝甘露雪糕：楊枝甘露加芒果雪糕，呃O靚仔嘢；反沙芋：芋頭夠粉，新鮮熱辣，六大舊好飽！四人共$650，上次光顧是平日，坐得舒服，今次是繁忙時間，外加三分一地方間板做宴席，雀局兩圍反在三分二的公眾飯區，興高采烈的雀友和其他飯眾，氣氛有點格格不入呢。

今晚5大2小去潮江春晚飯，起初見咁細碟頭都擔心唔多夠食，點知未食完個個都已經飽飽了。he... 眼闊肚窄添雞肉軟口不韌，味道適中魚汁夠鮮味，魚肉有口感鹵水汁空口食都不會太咸，墨魚夠淋身，蛋入味前菜爽口味道佳

101124 星期三 | 跟媽媽到大埔探訪親友後，便到車站旁邊的商場找個地方醫肚，媽媽總喜歡吃點心，所以經過潮江春看見下午茶時間，大、中、小點劃一價$11.8，便不作他想，雖然距離下午茶時段2pm還有10多分鐘，但都先拿個籌等一等，不一會便叫number入座了，一坐下便見到餐具和枱布都很有西洋風，感覺很得意。既然大、中、小點同價，當然又專攻大點喇，結果點了4個大點和一個湯河。蟹籽燒賣皇 (大點)，蟹籽很豐富，連肉餡內都有蟹籽的呢。四寶鮮雞扎 (大點)，腐皮包裹著魚肚、火腿、和滑雞，唔錯。紫菜墨丸河 ($22)，一般水準喇，墨丸都幾爽口彈牙嘅。百花蒸釀豆腐 (大點)，豆腐滑、蝦膠彈牙，但豆腐的分量比蝦膠的多好多，所以食落口稍為淡茂茂。香芒蘆薈果凍 (大點)，很特別的甜品，雖然個芒果汁有少少酸，但就剛好平衡蘆薈果凍的甜味，果凍內有蘆薈粒粒，少少煙韌，口感好得意。整體來說都唔錯的，但下午茶時段都擺碟餐前小吃(泡菜)，監人俾多十元八塊，似乎有點小家囉。

星期六，去咗大埔新達廣場嘅潮江春飲茶。雖然同商場有另一間平好多嘅酒樓，不過潮江春檯與檯之間都算鬆動，樓底夠高，又唔駛搭檯，所以就算星期六下午茶冇特價都揀呢度。一坐低就已經有一碟涼拌前菜，有青瓜、荀、花生同豆乾，竟然意外地好味。2個人叫咗4款點心，有鳳爪、芋茸春卷、煎蘿蔔糕同芫茜牛肉腸粉。鳳爪即叫即蒸，熱辣辣，夠入味。芋茸春卷咬咗一啖忍唔住大叫「好好味！」皮好薄好脆，入面嘅芋茸同豬肉碎好香，超級好味！煎蘿蔔糕好足料，有臘腸、臘肉、蝦米、冬菇，不過蘿蔔糕本身唔係好夠滑。芫茜牛肉腸粉呢個自稱為「芫茜牛肉腸粉」有D搞笑，佢根本就係腸粉包D壓扁咗嘅山竹牛肉！你想唔想像到條腸粉入面有幾粒馬蹄係有幾奇怪？唔算難食，不過好冇誠意。雖然2個人下午茶都要過百元好似有D貴，不過佢嘅食物質素絕對值！