潮江春 (已結業)

傳聞話大埔既潮江春租約期滿,下個月要關閉今日特登嚟到大埔嘅潮江春試吓😊行到去潮江春門口有一部自動機是提取號碼等位的，非常方便， 等了大約15分鐘就有位了👍🏻行到入去地方非常大，亦很寛敞，人流好多😁食物種類都有好多，但係早茶粥飯只是到11點， 現在已經過時間了😫全部枱都坐滿人，但職員不夠，入到去冇人帶位😭😭服務相當差蘿蔔糕一疊有三件，味道都不錯，蘿蔔又夠多👍🏻叫咗兩款包點，一款雞包仔，入面有好多薑粒，我不太喜歡，而另一款包點就是叉燒包，味道非常甜，但是所有包類都熱辣辣，呢一點值得讚百花釀魚肚，超級好食，上面蝦滑，非常爽口，下面的魚肚又夠爽，滑脫脫，味道都不錯依家好多地方都冇蘿蔔絲酥食，今日見到我即刻要order😆剛剛炸起，新鮮出爐，外皮非常脆，入面蘿蔔絲又夠多餡料👍🏻牛肉普通沒有什麼特別，跟出邊的酒樓一樣這算是最清淡的點心了，百花瑤柱釀瓜甫👍🏻這味是我最喜歡的點心，節瓜上面有肉碎冬菇乾瑤柱👍🏻味道調校得剛剛好

朋友剛剛收到早前申請嘅信用卡，話食美心中菜有大折扣，要約食飯，咁啱大埔墟車站旁新達廣場就有間潮江春，於是叫佢今晚過來等我放工，然後去撐枱腳。吃潮州菜，當然唔少得潮州滷水鵝，我們點了一碟「好百年滷水鵝片」，貪佢啖啖肉無骨落地，另外再加「火焰燒汁野菌鱸魚」，只得兩個人，食住咁多先。始終是大集團，餸菜水準不會太差，「火焰燒汁野菌鱸魚」魚肉味道鮮美，豉油鹹度適中，但略為多油，空口吃時感覺較油膩，跟飯吃會較好。至於今日的重點推介是「滷水鵝片」，我唔係潮州人，唔識比較正宗味道，但個人覺得這碟「滷水鵝片」是我吃過幾間中最好吃的。鵝肉色澤深沉，應該浸在滷水中有一段時間，滷得非常入味，鵝皮薄，油脂少，連皮一起吃都唔會有罪惡感，肉質嫩滑不嚡口，鹹鮮味濃，連墊底的豆腐都好好味，軟硬度啱啱好，不容易散碎，吃到舔舔脷。最後埋單，因為呢張信用卡，正價小菜有五折，所以這頓晚飯只需$300左右，好抵食呀！

今日係大埔補完習，咁岩屋企人經過附近，咁就係大埔食埋晚餐先返屋企啦。行過見到潮江春個餐牌轉左，於是入去試試有無改善左。今日叫左三個餸，鹵水鵝片、煎蠔烙同肉骨茶。先講講鹵水鵝片，鹵水味非常甘香，而且味道夠濃，咸香味重，不過佢d肉質一d都唔會鹵到實晒，非常難得，肉質依然好嫩滑，非常值得一試。至於個煎蠔烙，都煎得幾金黃，粉唔算多，但蠔仔鋪滿成個面，非常足料。加埋魚露，咸鮮味十足。肉骨茶佢係新加坡式，蒜頭味比較重，但個一字骨煮得好淋，一咬就成條骨甩，配甜豉油非常好食。總括來說，雖然潮江春係連鎖餐廳，但質素保持得非常不錯，性價比高。

坐下十五分鐘都招呼唔到，人手工作態度訓練不足，有啲同事只係掛住執枱唔招呼人。但其實都冇乜人坐低，之後放上枱的食物呢系全部都凍嘅！俾人印象潮江春應該係高檔啲呀嘛！係得個燉湯保持熱和有水準！

今天去了大埔去的潮江春，我在門外等位等了大約15分鐘，但入到去之後發現原來很多枱是沒有人坐的！我叫了牛柏葉，但是分量非常少，只有六小片，但味道不錯，滿意！我也叫了菇齋腸，這個腸粉非常合我心😝腸粉的皮也很滑，菜肉包，只是少許暖，不夠熱！我坐了門口一入去第一張枱，冷氣非常不夠，很熱，所以二人吃了三個點心就要走了

因為有行動不便的家人住在大埔, 所以決定移磡就船, 十多人山長水遠從香港島跑到大埔新達的潮江春食晚飯. 回說一星期前, 致電潮江春訂檯, 接電話的說訂檯需要親身到大埔店面交訂金. 我們問是否可以銀行或櫃員機過數, 回覆說他們只接受親到酒樓交訂金. 唯有照辦, 姊姊來回花了幾小時就為了在這間與時代脫節的酒樓訂檯.昨晚吃完晚飯, 埋單. 帳單並沒有扣除訂金的數額($1000), 部長亦沒有提醒我們有訂金可扣除. 我大意錯付了全額, 但潮江春亦責無旁貸. 直至我們10時許回到香港, 姊姊才驚覺酒樓收多了錢. 即時致電潮江春. 部長亦開始留難我們,要求我們11時打烊前必須親身趕到才可辦理. 因為已經是10時許, 我們要求明天才取回訂金, 部長便聲稱他們埋數後便不能退款, 不接受明天處理.10時59分趕到, 張姓部長連一點歉意都沒有. 訂金是取回了, 但氣難下.# 我埋單沒有查清楚是我大意# 但用這種卑劣的手法去侵吞客人的訂金, 完全沒有誠信可言

開年飯去潮江春食，點咗五餸一湯，重點介紹一餸一湯杏江豬肺湯 - 去過好多餐廳飲杏汁豬肺湯，呢間都算其中一間最好飲，飲落唔覺有味精，湯料都好足紅燒元蹄 - 份量之大足夠6人食，炆得好淋，味道亦適中值得一提牙簽筒好有特色，全部以上上簽包裝並配以賀年字句，了牙都了得開心d

今日有啲事做所以晨早起身入咗大埔，早起身經常會，但真正的早茶真係起碼一至兩年都未試過，今日辦完事都係8點未到，經過大埔新達廣場的潮江春，見到有早茶飲就入去試吓，但一試就難忘了。以下是早茶時段及收費。星期一至五早上0800至早上1130小點$15中點$18大點$21特點$26頂點$30當時我點了以下三樣食物：淮山蒸素餃 大點21(過咸，除此之外都好足料，但試過就算)川芎燉魚雲 特點$26(魚雲唔夠新鮮，但湯水味道好飲的及好多魚眼位，如果喜歡食魚眼就正，不過可能只係咁啱我嗰碗係咁啫)鮮帶子腸粉 特點$26(超級難食的帶子腸粉，真心！帶子好似佔上了粉蒸，腸粉質地厚厚實實，總之就真係好難食)茶位費每位$9兩個人總數$100.10整體嚟講係唔好食，唯一茶味就係最好的。

午餐點左五個點心，只有芋泥流沙包係少熱之外，蘿蔔糕，排骨，小籠包，鹹水角全部都係微暖，午市價錢唔算好平，我都唔太要求係好好食，但點心起碼都要夠熱，重有埋單速度有d慢，叫樓面埋單等左十五分鐘都冇人比單我埋，要我自己出去埋，午餐真係冇下次

服務態度差。嗰個黑口黑面。啲餸到一半半。點點吓餸嗰侍應等太耐嬲走咗去，啲餸又唔貴，啲餸都幾新鮮，不過啲扁皮鴨太差，同佢講9個人，之後叫我地直走因為冇位，以後都唔會再過嚟食。

呢度飲茶幾時都咁多人，踏入暑假，更加多人黎飲茶。家中長者鍾意飲茶，唯有陪吓佢地。同一商場嘅酒樓，價錢平啲，又唔駛等咁耐位，但我地都係鍾意黎呢度飲，我覺得野食確係好食啲。香麻叉燒酥，屋企人好鍾意食呢度叉燒酥，牛油味香濃，又夠酥皮，仲要好多餡。鮮蝦腐皮卷，用料足，好多蝦，腐皮香脆，但略油膩。香茜牛肉腸，牛肉同芫茜都好多，腸粉皮即拉，好食。香芋鴨腳扎，屋企人鍾意食鴨掌，我就鍾意食芋頭。今日個湯汁好好味。沙嗲金錢肚，金錢肚夠腍，但蘿白未熟透，而且淡而冇味，明顯係同金錢肚分開煮。如果多人食有套餐，都幾吸引，有機會要試吓:而點心選擇好多，啱晒奄尖嘅屋企人。

呢間餐廳不嬲都服務差，但今睌真要寫出嚟，唔知點解食飯要比個落單嘅呀姐黑面，服務差到無朋友，不必要，別試！由訂枱起，服務比大排擋更差，無笑容，發晦氣！好似比錢食飯仲要受氣！

每年初二中午昕昕都要到大埔新達廣場的潮江春食開年飯，初一去林村跟其他親戚見面，所以呢兩日係昕昕主力拜年的日子，其餘日子我要安排活動俾昕昕(^_^;)今年新達廣場的新年佈置都幾吸引，如果去睇林村許願樹後可以順便到此一遊(^_-) 跟昕昕爸爸的表親食開年飯對我來講係我婚後第二個新年才正式參與，因為我婚後第一個新年在家中坐月，我跟昕昕的利是只係靠爸爸幫手逗回家(^_^;) 潮江春主要食上海小食，昕昕今次呢餐主要食小籠包，一食就兩個，皮薄饀又好食，而我就喜歡食豆腐，還有煎釀三寶~~~ 但由於職員太忙，所以有部份美食在加甜品時順便加單補回，昕昕食芝麻糕，我就依蛋散，魚肚好味之餘，我連浸魚肚的湯都飲埋(=^･ｪ･^=) 今次豐富的開年飯一如以往由昕昕爸爸的表姐們找數，皆因她們人數多而且高薪一族(其實年年都係一千幾百埋單)~~~個人最喜歡飲茶，雖然不是第一次到這兒午餐，但感覺到熟客在新年係特別受歡迎，因為有不少人向昕昕姨婆拜年(原因大家心照啦)

係屋企樓下，奶奶提前幫仔仔過生日過來吃！出品穩定好味！環境都OK！就是服務跟唔上，服務員叫好耐先有人過來！北京填鴨+松子魚，孖寶！北京填鴨水準中上，就係鴨架如果唔同距地講，係唔會俾返你、好浪費！可以同距地拿翻！松子魚好好味，但好細條，仔仔好鍾意食！豬手凍系我既摯愛，真係好好味，食左一份仲想食，又點多一份，一共兩份，可見我幾鍾意！臘味糯米飯太鹹了，蔬菜就唔咩好講，中規中矩！總體都幾滿意！

閒日下午茶，大中小點都係$15，真係好抵食。間間潮江春都唔同價錢，呢度特別抵，所以下午茶成日都人山人海，唔想等咁耐，準時用APP攞飛啦。甜酸炸雲吞($11) - 大大碟甜酸醬，雲吞炸得好大隻，入面有粒蝦仁，幾脆口炸醬手拉麵($32) - 賣相幾靚，但味道一般沙嗲金錢肚(大) - 金錢肚夠"淋"，下面墊左籮白蟹籽燒賣皇(大) - 味道不錯香麻叉燒酥(大) - 每次都會叫，我好鍾意食，多餡多醬多叉燒鮮蝦腐皮卷(大) - 煎得香脆，入面都好多蝦仁香茜牛肉腸(大) - 多牛肉，夠嫩滑