潮州合成甜品

营业中

休息中

如果食唔慣太甜的人, 唔多唔少會唔係太喜歡呢間店.但係個凍馬啼沙綠豆糖水, 清得來又唔係太甜真係唔錯.等隔離牛肉, 就來這里吃糖水等, 倒是不錯.

吃完船河繼續找甜品,要不是咳嗽未清,真想去來個心太軟加雪糕,今次只好吃點熱甜品,首選就是一街之隔的合成甜品。躲在樓梯底的2人自閉位,看著那密密麻麻的餐牌有點目瞪口呆 最後還是選了個人完美組合:紅豆沙清心丸 所坐位置剛好看到店員在開放廚房中泡製糖水,還聽著小時候勁hit 的關正傑歌聲,時光彷彿倒流到小學時代.......顏色暗紅的紅豆沙看來火候十足,紅豆沙煲得起沙但仍有不少紅豆在內,未溶化的紅豆軟棉可口一點也不會硬,配合已煲得起沙的紅豆沙,實在妙不可言!可能因方便其他食客加冰凍食,熱食的糖水甜度較一般為高,吃至最後會有點點甜膩感,但卻忍不住將它全數完成!清心丸份量極多,每一次也有1-2粒在湯匙內,滿足!!清心丸煮得實在超讚,雖同時粉糰但這裡煮得晶瑩剔透又彈牙,隱約還有點點甜味,不是淡而無味的一團粉,好吃好吃!!! 蓮子鬆化不已,只用舌頭輕輕一壓已可輕易將它壓碎,完全不花氣力去咬,三者配合得極佳!! 吃罷這碗極滿意甜品後,再次證明甜品可以緩和情緒的,不只是朱古力或西式甜品才做到,中式甜品一樣有這功效 下次要試湯圓和其雪白滑溜的雞蛋!!

食了成檯潮州餐都未夠喉, 女友和媽的爆炸力真的不可小看.肚餓的女子真的不好惹!!!!!反正仍然有時間, 來了合成.叫了個蓮子腐竹雪耳百合, 蓮子綠豆邊薏米馬蹄沙其實女友最愛腐竹, 及這舖的蓮子, 覺得煲得o岩o岩好, 入口即溶, 她非常滿意!!!蓮子腐竹雪耳百合都好足料.腐竹淋而不爛, 也是一條過的, 都有15 cm, share 都要在碗邊切開, 好~蓮子綠豆邊薏米馬蹄沙好多薏米o下, 不太甜, 有咬口.馬蹄沙 "sock sock" 聲, 也很清甜.共 $50.不停播懷舊金曲, 陳百強等... 都有 d feel la...

一入呢間鋪，就聽到好多八十年代電影劇懷舊金曲．好似返回童年時．．朋友馬上話未聽過，好似怕人話佢老咁．．．　叫左個蓮子百合清心丸糖水，味道不錯．蓮子鬆化，百合有口感．再配合清心丸．係唔錯的配合．從來不知清心丸為何物．只覺咬落感覺好特別，雖然沒什麼味道，但我也愛上了．糖水係咖啡色的，應該用蔗糖煲的．可否用冰糖煲呢？感覺可能會好點．此店最大的缺點，就係廁所唔乾淨．好大陣味，似餿水味．．．令人倒胃．

飯後甜品:冰花腐竹清心丸-第一次食清心丸,清清地,好好味呀! 碗野又夠凍,真係透心涼呢!最緊要係感覺冇咁肥呀ma...男朋友就食冰花腐竹白果意米清心丸下次經過會試下其他,全部配料可以自由配答. good!

吃完清真，來這喝糖水，七時半，人非常少這店很值得來，有懷舊環境加歌曲 由於menu太複雜，我問了老闆娘有沒有『馬蹄及清心丸』的糖水她說馬蹄爽加清心丸（$19），就這個吧，要熱的：好味！甜度just rite，馬蹄味濃又多馬蹄。很喜歡清心丸的texture，沒有什麼味道，比椰果爽，卻又不是脆的那種，very good!!!朋友的海底椰燉雪梨（$32）都幾清甜，有大大粒的蓮子

九月十四日(星期日)吃完清真牛肉館之後,散了一陣步,就吃九龍城第二位的合成糖水很特別呢,店舖播著一些七,八十年代的歌,懷舊非常我們點了冰花腐竹雪耳清心丸,老公點了冰花連子雪耳清心丸一問店員之下,原來清心丸是潮式的甜品,是無味的口感不錯呢,冰花應該是指加了冰和花奶呢糖水不太漏,而且很清,很解渴呢!!!!感覺比平時吃的健康!而且清心丸很特別呢不過此時我們已經飽得捧著肚子了和老公過了一個非常滿足的中秋節!!!^^

食了成檯泰餐都未夠喉, 女友的爆炸力真的不可小看.尤其是個肚餓的女子!!!!!反正仍然有時間, 來了合成.叫了個綠荳邊清心丸 ($23.)好新鮮, 老闆馬上弄, 還俾了少許意見點配搭.非常好人!一上檯, 好香. 要小心, 熱~~~清心丸係薯粉開的, 但要做到像合成咁爽口, 真的要好手藝才行!另一路食, 邊看檯上的剪報, 原來要掌握煲蓮子也是好講功夫的, 也要六個鐘架坐定定看住個火o黎煲的!!!!粒粒皆辛苦呢....

一去到問老闆:有無燉蛋呀!! 老闆:無呀!!心情已經滑落餐牌就睇到眼花撩亂,想簡簡單單叫碗糖水都變得複雜化,係餐牌上彷彿只見到蓮子,紅豆,腐竹這幾個常見的名稱,大部份都係這幾種材料演變出不一樣的甜湯...............!好不容易叫了幾款甜湯,真係好足料,而且密度非常之高(好似一碗冬瓜粒湯飯)綠豆邊腐竹味道都ok,腐竹不會煲得太熔,甜度適中綠豆邊加清心丸原來清心丸又叫蘇心丸,係潮州雜貨店有售,味道甜甜地,清心丸味清帶爽芝麻湯圓芝麻一般香,好似不太熱食得太飽都不適去,除非留肚...........

去完清真牛肉館，個口辣辣地，過去隔籬合成食個甜品中和o下。老實講，例牌菜，去親都係食o個味，因為配搭過最o岩心水：腐竹蓮子綠荳邊清心丸馬蹄沙馬蹄沙好清潤，甜度o岩o岩好，清心丸有嚼頭，綠荳邊香得o黎口感亦夠滑，雖然蓮子冇之前食咁鬆化，但其他材料搭夠，仍然係好食。鍾意合成o既彈性，好一種香港精神。如果你o既選擇有o的怪，老闆會提議你再搭第二o的，又係而家香港人好應該學o既人情味。食完，舒服晒，係時候返屋企。

一直有興趣想試試 "合成" 的糖水, 所以昨天特別慕名試食我一家到附近的 汕頭澄海老四菜館 (九龍城) 吃過午餐後.... 差差差差差差差!!!!便抱著期望到 "合成", 小店面積不大, 大概可容納25人. 擺設平凡, 簡潔, 光線充足, 蠻衛生的. 我們一坐下, 老闆就滿面笑容的走來招呼我們, 其實我早就在openrice抄下一些食家們推薦的糖水, 但menu上的糖水款式太多, 又太吸引了!!! 一時間拿不定主意, 於是跟老闆說要遲些order, 老闆笑笑口的給予我們意見, 最後點了以下甜品:糖水方面: 潮州綠荳邊意米馬碲沙 ($27) : 老闆說綠荳可選 普通的綠豆/ 綠荳邊(相中黃色的). 我選了聽聞較有口感的綠荳邊, 其實分別不大 有冷/熱的選擇, 老闆說冷的會加冰, 於是我要了熱的~ "綠意馬沙"頗大份量, 用了好多材料, 清清甜甜, 馬碲有口感, 好味. $27其實有一點點貴, 但是這$27, 我付得開心 紅荳沙清心丸 ($19): 這個是媽咪的, 我只嚐了一顆清心丸, 覺得好特別啊!! 令我感受到真正爽口的定義!!! 爸爸說紅豆煲得好. $19不貴 芝麻糊 ($

2008年7月8日晚上9:00 食完清真牛肉餅咪去食甜品囉! 佢話係潮州甜品, 但係我只係搵到一兩款潮式炸喎! 其他係港式我食咗清心丸馬蹄沙, 沙牛男友食咩我已經唔記得, 另加湯丸糖不甩1) 清心丸馬蹄沙 – 我呢個好食過沙牛男友果個, 清心丸係幾得意, 煙煙un un, 好食, 馬沙普通啦! 偏甜少少.2) 糖不甩 – 係熱架, 用芝麻湯丸做, 又幾好食喎, 不過同荃灣民豐都係差一大截!味道算ok! 不過一d特式都無, 大家唔洗特登去!要食糖水都係西環森記或者北⻆福元啦!

清心丸是獨一無二的，好難型容，就是煙煙韌韌，爽爽脆脆.....好正呀！老闆每次的豪爽令我不其然, 再來一碗....( 外賣 ) 仲要單一聲多清心, 回到家裡再品嚐凍食的感覺美味d 糖水不太甜, 啱哂keep fit 緊又想食糖水gei 女仕我推介gei 其中一款糖水, 熱食及凍食都好美味

因為11:00pm,中環的糖水舖很多已打烊我便提議到九龍城吃中式甜品! 近來真的愛上九龍城喇!因為有很多不俗而價錢又OK的餐廳!我們點了腐竹意米清心丸,菠蘿馬蹄沙和西瓜西米沙冰腐竹意米清心丸好解渴呢!起初以為是一般的腐竹意米糖水!原本潮州糖水原本是稀身的,而渣是很分明的!腐竹片片,意米粒粒,還有多少的小冰粒,真的透心涼!清心丸好有趣,很爽滑,如果一不小心,便會把清心丸生吞!還以為清心丸是圓圓的一粒粒,原來是長方體,類似蒟蒻的東西! 菠蘿馬蹄沙超甜,可能是罐頭菠蘿+糖水吧!同樣是有小小的冰粒,有少少馬蹄粒爽爽的西瓜西米沙冰,點了好久還沒來,原來老板以為他的妹妹聽到原來沒有人聽到,所以漏單了!不過老板的妹妹也有跟我們說不好意思西瓜西米沙冰,我想是因為加了糖水,又係超甜 還有一點, 不過眼不見為乾淨,他們好多糖水的料都是一個個膠桶盛著的,衛不衛生,見仁見智吧!但我都俾個:笑",因為漏了單,所以收錢是平了 $3 給我們,真的很會做生意呢!

見咁多好評，即管去試吓。要了蓮子椰汁黑糯米芝麻湯圓同川貝木瓜燉雪耳。蓮子椰汁黑糯米芝麻湯圓:賣相一點都唔吸引，更可說是核突。色水不鮮，好似求其將d料畢埋一齊。好多人讚的蓮子不過不失，但其實無特別。黑糯米煙煙韌韌，幾有咬口，又不會太甜。湯圓唔掂，有少少油益味。咁嘅quality 都可以賣成30幾蚊，真係一點都不值。食松記好過。川貝木瓜燉雪耳:超淡，唔夠甜，無木瓜味，又無川貝味。唔知似咩！飲水好過飲佢。又細碗。一樣賣成幾廿蚊，真覺有點俾搵笨。環境衛生也不太好，好逼，枱面黐立立。老細要有門口拉客。食完行出黎又見到老細，仲問我地o岩唔o岩口味，唔o岩都唔會同你當面講啦！