潮州人粉麵店

营业中

休息中

鄉下人出城，今天來到正街附近。辦完正經事，才有時間吃午飯，（其實已經是下午四點半）。向地膽查詢附近有咩好食。得高人指點，去“潮州人”啦！閱讀完餐牌，點了個三拼米粉，選擇了粉腸、豬肺、蝴蝶腩。呢D咁唔普遍嘅食品是呢間舖頭嘅特色。去買餸，街市可以買到粉腸同豬肺嘅，不過洗是一個浩大工程。咁，有專門店，就去食啦！反正呢D內臟，淺嚐就好啦！三種內臟各有特色，平時煲湯，D豬肺會大舊D，咬落痛快D。不過呢度襯粉麫，就要“薄切”啦。粉腸最好食，有它獨有的香味。三拼米粉＋熱檸水＝＄36。食品有特色，味道絕對是及格以上，值得支持的小店！下次再出城，我會“安哥”ga。

鋪頭裝修簡潔光猛，唔會好逼。一坐低就叫豬雜米粉，好快就有得食。一來先飲一啖湯底，勁香胡椒味 材料非常豐富，鋪到整碗都有，有豬粉腸、豬脷、豬膶、豬心同豬肺，全部都好入味同新鮮。豬粉腸 - 入口唔會太粉無異味，而且唔韌，洗得乾淨，食得安心豬肺 - 索哂d湯底，好味豬脷 - 豬既香味齒頰留香豬膶 - 夠爽好味，一點都不會苦，好新鮮豬心 - 爽口無異味咁多款材料中，個人最喜歡豬粉腸同豬肺，因為好索湯底。最後當然要將胡椒味湯底一飲而盡，感覺好滿足。下一次會再試豬黃喉同蝴蝶腩。

要是說北角是福建人的聚腳點，那麼西環便一定是潮州人的集中地了。其他的不說，單是售賣別區難得找到的潮式豬雜湯的店子，便有位於修打蘭街的「永記」、在皇后街街市內營業的「陳春記」和這間座落於正街的「潮州人粉麵店」。在這三間售賣正宗潮州豬雜湯的店子裡面，這間「潮州人」應是最新的，也最少人提及。其實根據道聽途說，聽說這間「潮州人」與「永記」是有點淵源的，既然兩者同出一脈，那麼實力方面應該都是不相伯仲吧！這一天，因為晚上的飯局還沒有那麼早開始，而我又已經感到肚餓，於是正在附近蹓躂的我，想起這間「潮州人粉麵店」還未曾幫襯過，便決定先來個下午茶，試試它的馳名出品 。這小店的馳名出品可是挺多的，就在店子門外已貼上近期「紅極一時」的蘇絲黃對它的介紹，評分竟是「甲」等 ，無論豬雜、蝴蝶腩、黑柏葉、豬天梯以至辣椒油都得到阿蘇的盛讚。見到阿蘇的強力推介，我竟有點擔心 。幸好，這天所吃的最終並沒有令我失望 。店子地方不大，除了其中一邊擺放有數張大圓檯外，另一邊便只有一排靠牆面壁的座位，讓客人坐在顏色鮮明的藍色膠櫈子上，把各式食品放在上面的鋁質長架子上進食。不過店子陳設雖然簡潔，可也光鮮乾淨，坐得都

潮州菜是我喜歡的中國菜式之一，但多是要上館子，又或是到打冷的小店方可品嚐。在上環工作使我認識到一些潮州的老號，還有潮州人的 "雜技"。除了歷史悠久、為人熟悉的永記，潮州人算是較新進的潮州 "雜技" 店。曾有好幾趟跟老公到訪潮州人，均遇上休息日，這趟跟 "KS" 還有她的妹妹在工作日前去，肯定不會被迫吃 "閉門羮"。潮州人的餐牌就掛在牆上，一目了然！馳名的有豬雜、鮮牛百頁和蝴碟腩。這列面壁排排坐的座位，有著六、七十年代街邊檔的風格。我們三人要了一碗包括有牛百頁、蝴碟腩、豬黃喉及豬粉腸四款的淨餸，以便慢慢細嚐潮州人的 "雜技"。最喜歡原汁原味、沒有經過漂白的黑百頁，入口爽脆，縱使牛百頁本身是無味之物，光是那份泡在清湯中的爽勁，就是其吸引之處。首次嚐清湯的蝴蝶腩，質感依然軟腍、帶嚼勁，可是蝴蝶腩跟牛百頁不一樣，清湯下的蝴蝶腩有點像燉湯後的豬鍵肉，有點乏味，還是帶有調味的蝴蝶腩較可取。潔白如雪的是豬黃喉。豬黃喉是豬的大血管，異常爽脆，口感不失過癮！豬粉腸質素不算太突出。粉腸入口軟潤，可是腸壁內的粉狀物不夠豐厚。嚐過潮洲人的 "雜技" 後，跟著要嚐的是麵食，我選了紫菜豬脷湯米粉。一呷湯頭，味道自

這店不大，坐滿也大概二三十人。但光潔企理，由枱面以至地上亦都乾乾淨淨，衛生程度是可以放心的。食物有兩大纇:豬或牛，再分內臟還是腩類，即牛腩和豬腩（這裏稱蝴蝶腩）。第一次叫了一個細牛腩米，湯是清湯底，淡淡的豬骨味早上吃起來味道是很舒服的，若覺得不夠，枱上有冬菜魚露辣油隨意添加。牛腩吃兩次都能保持鬆化的咬感，正因為清湯味道不太搶，所以還可以吃到牛肉的甜酥，好味！蝴蝶腩外刑反比牛腩收引，一層半透明跟膜包住腩肉，立刻想像到入口是怎麽樣的感覺！無錯，咬感的確有煙韌，跟膜爽滑，只不過蝴蝶腩肉質較實較乾，肉味帶微微腥，不太吸引。要吃，于脆來個豬雜好了！

今日走去philip睇牙, 突然記起好多食友提起正街間潮州人, 問阿姐有乜好食, 阿姐話媩媟腩同牛腩.咁我要了個細牛腩河粉(18元), 牛腩味道普通, 冇什特別, 河粉又係普普通通, 沒有滑嫩感, 並不如食評所說那麼好味. 大家經過當醫肚都唔差既.

西環是潮州人之集散地，除了各式大大小小潮州飯店，打冷，以豬雜湯掛帥的食店，已經有三間，皇后街街市的陳春記，修打蘭街的永記，還有正街的潮州人。聽說後兩者是有點關係，就算真的是兄弟兵，也不是新奇事。一早便開門營業，想想早上可以喝一口豬雜湯，比茶餐廳的例牌早餐更為享受。淨豬雜有粉腸，豬肺，豬喉嚨，用料很新鮮，豬肺爽滑得彈破，鮮味突出，粉腸肥美，入口感覺夠粉，兼沒有那陣苦味，偶然都會吃豬天梯，通常都是京式的蔥爆，以清甜的湯底上，味道或許有點不及，但入口很爽脆。豬心米也是值得一讚，每片豬心都很爽口，沒有異味，只有鮮味，湯底更是清甜得喝得一滴不剩。你說三間豬雜湯，那一間最好，我真的很難答，唯一要比較，會不會是其出品的辣醬？很可惜，我並沒有試潮州人的辣醬，還是不能評價。

豬雜唔係度度都整得好食, 下價食物, 但需要花好多功夫先做到.最近做野唔係太忙, 趁得閒就搭叮叮黎左潮州人度食碗粉先.食左蝴蝶腩米, 個湯幾好, 唔多味精, d蝴蝶腩又炆得岩岩好, 唔會太老好似都係$25蚊就埋單走到, 好在間野係西環, 租平.

呢個美食之旅.我本來去西環一間壽司店.點知我去到門口.壽司店休息,我唯有找第二間食店...途中我見到呢間潮州人粉麵店是剛剛開業的店,抱著以身試菜的心態.行入去,裝修簡單,衛生唔錯,有幾個嬸嬸落單...都有禮的....餐牌上.有平日潮州最出名魚旦牛丸.牛腩等....我覺得太普通...最後點了一個平日麵店無的食物,豬什米.加一杯凍檸茶..25元..我由凍檸茶開始評...我覺得茶的顏色深,重茶味...而檸也不少.只重茶味,一點都不甜....辣椒油...入口時感覺不大...過左1分鍾.有種麻辣味出左來...而感到香口.個辣椒油味道好好...而個種辣.平常人一定接受到...豬什米...我覺得簡單就是美,豬肺,豬利,豬腸...豬潤切得好細..用酒,醬油調味...放落水灼熟.火喉控制得好好.我覺得切得細係有原因.入口鮮甜,而湯底就係豬什湯...好食...不過健康最重要,不宜多食有緣再經過呢間店,我反而對辣椒油興趣大,一心想去食壽司.變左食豬什米,有點失望

星期日，同屋企人去西環朋友度，順道再試潮州人。我試豬什河(有肺、心、膶、脷和粉腸)。好正，各種配料煮嘅時間啱啱好，河粉又夠滑，最正係個有胡椒味嘅湯底，不過胡椒味多啲重正(個人喜好)。我老婆就試蝴蝶腩(豬)拼豬心麵。我抽水試咗舊蝴蝶腩，幾好味，軟硬啱啱好。總括嚟講，各種食物都好有水準。值得再試。差啲唔記得佢地仲有冬菜比客自己加。幾好！

過開西環做嘢，落雨濕濕，3點幾，肚又餓餓地，見有間新嘢，入去試吓先。坐低，唔知咩好食。穩陣啲，叫個牛腩麵試吓先。麵到，嘩，賣相唔錯，牛腩份量十足。食落，牛腩同油麵軟硬啱啱好，唔會稔pat pat，味道唔錯。鋪仔唔大但服務幾好，店員又好傾，街坊生意就係呢樣好。 佢哋仲推介我食豬什話係招牌菜。不過飽飽，下次先試。埋單麵連凍入都係20蚊，超值！！ 大XX都唔只呢嗰價錢。