潮州人粉麵店

营业中

休息中

西營盤潮州人，好多港島人都熟識，供應潮式粉麵，特色既有黃喉天梯同埋蝴蝶腩，辣椒油仲係街知巷聞的好味，夠香又夠辣。今日點了豬雜米，豬雜裡有豬膶，豬脷，豬心，豬粉腸，切得唔太碎，大小剛好易入口嘴嚼。出色既仲有佢既白胡椒湯底，味道一流，仲加了大量香芹，好味好食，精彩滿分！口味：🥚🥚🥚🥚🥚环境：🥚🥚🥚服务：🥚🥚🥚性价比：🥚🥚🥚

今天午餐我們去了西環的潮州人，果然要排隊，所以選擇了三點來用餐。這裏食麵要預了搭枱。⏰ 這次我們點了雙拼，真的非常滿足！🍜😍這裡的湯底與一般粉麵檔的不同，帶有一點胡椒的味，讓每一口都充滿驚喜。我最愛的魚皮餃更是必點，🐟內餡鮮美，於是決定買一斤外賣回家煮！🏠🥟此外，這裡的牛腩也非常軟熟，絕對值得推薦。🥩 每道菜都讓人感受到潮州的獨特風味，讓人忍不住想再來一次！🍽️如果點粗麵，店員會介紹食他的伊麵（比較像平時外面點的上海麵），挺特別的。總之，這次的午餐體驗很愉快，不僅美味，還能帶回家享受，真是一舉兩得！🎉

Chef Ecy’s Dining Experience:🥰 Price | Food | Service | Easy Access | Restroom Cleanliness | Wheelchair🙂 Ambience😠 Pet Friendly | Corkage Fee | Cake Cutting Fee | Easy ParkingThis restaurant has no branches in Hong Kong. There is always a long queue outside the restaurant. If you want to try, I would suggest you go earlier before lunch or in the afternoon. They also serve breakfast with toast & sandwich but they are famous for their noodle soup. It is easy to access there by bus, minibus, tr

潮洲人係我係西營盤既早午餐食堂佢哋嘅粉麵湯底係胡椒湯 非常鮮甜香濃 但飲完唔會口渴而配料我最愛就係蝴蝶腩和鮮牛肉配河粉蝴蝶腩非常腍；鮮牛肉唔會好似坊間咁用梳打粉醃到變咗質感每一次我都會連湯都飲埋 真心極力推薦唯一缺點係大部份時間都會有長長嘅人龍排隊如果想避開人龍 建議早上光顧 既可以避開人流，亦可以確保食到想食嘅食材 因為真係好容易就賣哂🥲😀如果係西營盤街坊 可以預先打電話落order 然後再去pick up 咁就唔使等咁耐啦😊

呢間舖頭不嬲都好多人排隊，永遠都有一條人龍喺度，想食佢真係有啲難！今日剛好經過西營盤，見到有四五個人，馬上排隊！真係未試過可以排隊5分鐘就有得食！大開心了！嚟到潮州人，應該係食啲豬什，但今日反而好想食牛，所以嗌咗三餸配米粉，揀咗牛筋、牛腩同鮮牛肉！再叫咗一份鮮牛油多士，再配埋杯凍檸茶！就係一個完美嘅午餐！店員喺5分鐘後就即刻送上食物，份量都幾大碗！見到米粉上面鋪滿好多餸，最開心嘅係有西芹碎喺上面，我即刻加咗啲冬菜，再配埋佢秘製嘅辣椒油！真係好正！湯底飲得好舒服，加上濃濃嘅西芹香味，真係好好味！首先講吓啲牛筋，真係好正！軟腍腍得嚟，又醃得好入味！正！跟住就到牛腩，呢個反而有啲失色，有少少嚡口，下次可以叫第二樣。跟住就到鮮牛肉，呢個真係冇得頂，嚟到仲係有啲鮮粉紅色，證明啱啱淥起，啱啱熟，軟腍得來唔會過老，而且又好重牛肉味！呢個係值得推介！佢嘅辣椒油亦都係一絕，非常之辣！而且又好香！最後加埋鮮牛油多士，食到又熱又凍嘅感覺，真係好match！今日真係不枉此行！

想試好耐，終於，唔洗排隊添，賣緊既特製辣椒醬已經預訂到一月，so crazy本身好鍾意河粉，牛腩新鮮，一啲都唔肥，湯既鮮味足，本身好怕會太鹹，但係 so far 味道適宜如果路過肚餓，一定會再入黎食

已經食咗好幾年每次嚟都要排隊有時早啲放lunch 11.9嚟到就可以排少啲😂通常排隊嘅時候阿姐已經會出嚟問你食乜所以可以一早望定揀咩餸通常我都會叫豬潤牛肉入到去坐低嘅時候等多幾分鐘就可以有得食湯底絕對一流有啲似冬天食胡椒豬肚鍋嘅濃縮版每次我都會飲晒啲湯先走豬潤同牛肉都係煮到啱啱好牛肉帶少少粉紅再浸吓湯就剛剛好有肉味 亦都唔會「那」得過分豬潤薄切，但係份量都幾多辣椒油自家製 相當香辣超多人預訂，而家訂已經到下年一月才有我見有客一口氣訂左十樽另外試過鮮油多真係一般塊牛油薄到上枱嘅時候已經融哂

西環達濠仔。門口長龍有氣勢。正宗潮汕味。對個口。fit個胃。唔啱傾偈。人聲鼎沸。一碗豬潤粉腸河。不怕肥。材料份量足。等一陣就嚟。可惜座位編排太無稽。面壁制唔制？玩自閉。遇上抄牌。魂魄不齊。服務員前仆後繼。專業自成一系。豬潤薄切不贊成。三十六計。慳皮閉翳。厚切口感冇得揮。粉腸畀得大方。其實此物矜貴。粥品麵食舖。列為高消費。河粉太冧。很難補飛。另碗魚蛋豬潤粉。只論魚蛋數量。其他免提。得兩粒。包你唔會滯！香港魚蛋。蜚聲國際。老細！

有次我入去，見到仲有兩枱客食緊， 之後話唔做生意了，就快收工， 我出返去，個侍應姐姐好惡咁鬧，踏污糟曬個地下 ，好奇怪莫非嗰兩枱客食完走嗰陣時又唔踏污糟個地下？ 個惡侍應姐姐放工時， 行出去又唔污糟個地下咩？莫非惡侍應姐姐係飄嘅？？？

西環潮州粉麵選擇真係多呢間潮州人隔離都已經有間相似既粉麵今次係星期六中午1:15 左右黎到門口已經排緊長龍一排就排左大約半個鐘如果撞正夏天同好天出猛太陽的話都真係幾熱幾曬下今次黎試兩餸：牛肉。蝴蝶腩湯底夠曬胡椒辣食過3 間西環既我偏向呢間湯底牛肉係鮮既推薦牛肉。蝴蝶腩

啱啱試咗潮州人嗰碗粉麵，食得出手藝同心思喎。三拼粉麵揀咗牛腩、魚皮餃同墨魚丸，湯底濃濃白胡椒香🌶️，喝一口暖笠笠，秒殺疲倦！牛腩啖啖肉，腍滑嫩口；墨魚丸同魚皮餃都係夠晒彈牙，每一啖都咁滿足。辣椒油落去，蒜香香辣辣，晒到太陽咁開心🌞。第二碗雙拼粉麵就攞牛肉同魚蛋，牛肉新鮮得黎無失色，咬落去微帶粉紅，好有嚼勁，魚蛋更加爆破，傳統手打風味好過癮！過翻癮，真係靚湯靚料，好味得黎又實在，畀個讚手指都捉唔住👍。下次要試下其他啲，肯定返嚟約戰牛筋同蝴蝶腩。要講呀，這】【店食客多得滯，想安樂享受麵食，記得閃避高峰時間，唔係要等到啲牙長草㗎啦！🐢

天氣轉涼，就是要來一碗熱騰騰的豬雜麵啦！西環此餐廳帶來了這道香港經典美食，絕對讓你回味無窮！🔥豬雜麵以其獨特的背景故事而聞名。選用新鮮的豬內臟和豬肉，到慢慢熬製的高湯，打造出最美味的一口。👨‍🍳豬雜麵湯汁濃鬱，配上鮮嫩多汁的豬肉和豬內臟，口感豐富。每一口都能品嚐到豬肉的鮮甜和內臟🤤每一口都能讓你感受到香港傳統美食的魅力！🌟趁著天氣涼爽，來品嚐這道經典豬雜麵吧！#豬雜麵 #香港美食 #西環必食 #經典 #濃

話說我打電話外賣自取，店員話15分鐘後可以拿，點知去到等左半個鐘？！一直追 但係佢地只會prioritise 堂食 。。。所以由落單到自取係50分鐘,建議大家唔好買外賣 可以考慮堂食 條隊超長但起碼郁😂

於2023年12月9日，買了外賣，再駕駛15分鐘車程後進食。位於西環正街有兩間連着，都是潮州麵店，一間是潮州人，一間是達濠仔。潮州人-魚蛋、牛筋、魚片頭米粉 腩汁 分湯湯底分析🥣潮的胡椒味較突出。麵底分析🍜米粉，軟硬度都適中。餸菜分析🐖當日下午，潮很多餸菜已售光。選的魚片頭和魚蛋味道很普通，沒太多魚味，而牛筋很香濃，值得一試。另外，在潮額外點了鹹牛肉芝士三文治，芝士不像其他茶餐廳一塊塊，是乳體狀，濃烈的芝士味顯出牛肉味不夠鹹香，但稱得上85分小吃。有機會會早一點去潮食較出名的配搭

上個月22號因為之前睇到D KOL介紹，所以專登試吓係咪咁好食😅，朝上11點門口就已經係排緊隊，好典型嘅家庭式舖頭仔，座位唔多。入舖前職員幫客人已經落咗order。我叫左碗大豬雜河，冇指定部位，所以有豬粉腸、豬膶、豬肺同豬心，全部都冇豬腥膻味、幾新鮮，唯一係豬粉腸洗得稍為太乾淨、冇乜肥膏，變咗口感冇咁豐富。本身有啲擔心豬肺可能會煮得太生或者太乾，好彩剛剛好，配埋佢地嘅辣醬堅正，最後忍不住加左落去成碗粉，味道層次更上一層樓😋。另外醎菜對於本人就太鹹，味道同南記感覺差唔多😅整體來講，$47大碗豬雜河，本人覺得物有所值，而且非常近地鐵站，對於我呢啲區外人都好方便😊。