潮丸 (已結業)

我每次去尖沙咀都係食西餐，因為尖沙咀西餐比較多而且人多都會去食西餐。今日一個人黎到尖沙咀，就去一間新餐廳食個午餐。潮丸。湯麵飯類小食，咩都有岩哂心大心細既我。落單紙自己畫。滷水拼盤。滷水好入味，好鐘意食豬手膠質好豐富豬皮完全唔膩，入口彈牙肉質好嫩。肥肉瘦肉比例適中，滷水好香好濃，豬腩肉肥肉位置完全唔覺肥膩。牛三鮮飯。我一定要有肉，我又唔多鐘意食菜，依個飯岩哂我。牛肚、牛筋和牛腩，全部滷得入味香口，牛筋彈牙有咬口唔會好腍，牛腩軟腍入口鬆化香口，完全有腩汁配飯好正

今日約左朋友去尖沙咀食飯，行行下見到有間新開餐廳， 人客都有好多。抱住試新餐廳既心態入去試一試。我叫左一杯咸檸檬梳打水。天氣好熱好焗，冰凍既梳打水配咸檸檬，酸酸甜甜帶輕輕咸味，竟然有一種清新感覺，即刻覺得好開胃。我叫左個牛腩米線。牛腩好香好入味，入口軟腍滷得好香，入口帶微微肥肉入口層次多，鬆化牛腩好香，米線是我最愛。湯底清清地唔會好油膩，加上腩汁又唔會太清。炸墨魚丸。餐廳叫潮丸，丸類好似好出名。我就叫個小食，墨魚丸彈牙爽口，入口炸到好香帶有墨魚粒有咬口。

愛湯粉麵的我一見到這店新開又去咗試了，尖沙咀港鐵一出行一陣就到好便利餐廳環境簡潔，一入門口有數張小檯後，行入少少就一張木系長檯，好鍾意呢種感覺，旁邊牆身也有單人一排長檯食物我點了杯凍檸茶$16，茶味剛好無苦澀味自家牛三鮮 $55入面有牛爽腩，牛筋，牛肚，我仲加$15要咗升級牛丸王牛爽腩爽口有嚼勁，而牛筋好嫩腍有少少漿口感最愛牛肚軟腍適中夠哂入味，河粉都係我喜歡嘅滑溜感另加嘅牛丸真係有別平常食開果啲，爽彈夠牛味生炸鯪魚球$30呢個不得了，雖然要$10粒，但真係好足料魚味夠之餘仲好香口，點少少蜆介已經好好食

今天和男友在尖沙咀逛街，途經金馬倫道，見到這家剛開業一星期的潮丸。門裡門外的裝修都有別於一般的粉麵專門店，風格清新，地方雖然不大，但不會有壓迫感。老闆推薦這裡主打的自家手打牛丸和墨丸。我們點了特級墨丸王米線和特級牛三鮮生麵。而配料的冬菜、蔥花、芫茜和芽菜可選擇多、少或正常三種份量，有點窩心的感覺。特級墨丸王米線 $55 大大粒的、雪白白的手打墨丸王，爽彈中帶點軟稔，有墨魚香。米線稔滑，吸收了清香和沒有味精的湯底，加上冬菜和芫茜等配料，整碗連湯也跑進我的肚子裡去。特級牛三鮮生麵 $55 有燜牛筋、牛爽腩和牛肚，三款都非常稔香入味，全蛋生麵不但有蛋香，而且軟韌適中，湯底又不會過鹹。 見枱上有紅燈籠椒醬、黃燈籠椒醬和自家炒製的辣椒醬。而牛三鮮蘸了自家製的炒辣椒醬，香辣撲鼻，更加惹味。炸雲吞王 $65 一碟有六粒外皮很薄脆，不油不膩，蝦肉新鮮。配埋清熱的鹹檸檬特飲 $22，感覺很完美。潮丸 = 美味 · 誠意

新開緊有一星期「潮丸」位於尖沙咀金馬倫道中。突破了一般粉面店的框框，裝修上明顯下個功夫，帶點潮味。我個人最欣賞點鐘一張大場枱，就算是單拖來吃碗麵，當坐在長枱中，感覺似一班朋友陪自己食面一樣，頓時孤獨感消失。選擇食物材料可在餐牌中看到食物以外，接着就可以在食物紙上選擇自己喜歡的配搭。例如我今天已牛丸為主調，加河粉，多蔥和冬菜。再追加牛跟。加加埋埋個價錢就自己計數。首先是份量適中，牛根入口軟腍腍欠點咬口，充滿黏黏的膠質，可以大量補充膠原。手打牛丸就真系冇得彈，爽、香、彈牙和滑溜的河粉成強烈對比。看看牛丸橫切面就會明白點解咁彈牙。在云云小食中選了「招牌滷水拼盤」$75材料圍繞著豬為主，有豬手、豬大腸、豬腩肉、滷水蛋，生菜墊底。賣相吸引，每樣兩件，滷水色滲透，豉油味比花椒八色味重，香味略遜，入味但略嫌豬手有點靭，其他水準不俗。凍檸茶太多冰，扣分。坐得舒服，以尖沙咀地段計，價錢尚算合理，食物上有 Fine Tune 地方。

同bb去完科學館睇木乃伊展，兩個人衝左入一間好新淨門面好大既粉面店食mum mum😋木紋裝修感覺帶台味，冷氣足，地方寬，衞生情況眼見良好，食得幾放心。價錢超值，但因為我地唔係好餓，兩個人叫左一碗面share黎食。自家牛三鮮55餸菜包括牛爽腩牛肚同牛筋，另外再叫左店員推介的招牌牛丸王，仲另外點左小妹最愛金錢肚tim🤣牛腩幾好嚼勁，牛肚入味，牛筋夠軟糯，牛丸超彈牙，牛筋丸有爆汁，正斗👏🏻金錢肚亦香軟。湯底不過咸，而且配料可自選，夠方便，鍾唔鍾意由我揀。奶茶16有驚喜，是茶記味道，茶夠奶濃，喜歡。食後感：粉面幼滑，成本捨得，食得岀入貨唔錯。

一個人走進潮丸，很乾淨利落的時尚的粉麵食店。點了一碗牛三鮮米加牛丸，店家說他們的牛丸做得不錯，再要個炸牛丸😍。 吃過後，湯裡的牛丸真的很juicy, 咬開中間，看看湯汁晶瀅，味道濃、肉汁味重帶點點蒜香味而不覺膩，我有吃過難忘的墨丸，這次卻遇上令人回味的牛丸。炸牛丸，皮炸得很脆，有咬口，乾身，味道跟湯牛丸顯然不同，但仍然覺得好吃，因為是那種越咬越出味的口感。牛三鮮的爽腩、牛筋、牛肚入味很腍，湯底鮮而不咸，米粉爽滑，做得很完美。 店家其實很親切，會細心介紹食物。 令我暗暗吃驚是就算日韓自由行來到，店員也會盡力用半英半日韓的語言介紹，態度欣切。 看見坐在我旁邊的日本人吃得津津有味，覺得很不錯。 無論是出外旅行還是一個人品嘗，吃到好吃的，遇到用心製作的餐廳，都是一種幸運與享受。

閒逛尖沙咀，發現有一間舖頭，門口放晒花，應該係今日新開張，同朋友講不如試下，入到去客人吾算多，可能仲未有熟客，叫左野食一陣，上菜好快手，一食發現呢間d牛雜，牛丸粉非常好食，原來呢間舖係主打牛丸，最貼心係佢有3種辣汁任掂，除左傳統潮州辣椒油外，仲有橙椒，紅椒醬，特別係隻橙椒辣醬，酸酸辣辣， 寧舍回味，同朋友邊食邊傾，又叫多份炸鯪魚球，配埋個蜆芥醬汁,食到飽晒先走，埋單百幾蚊，尖沙咀區來講算平， 環境清潔雅致，同其他一般潮州粉面舖吾同，吾駛食完急急腳走，臨走仲打包一盒拎比老婆食，下次會再來幫襯。