潮丸 (已結業)

閒逛尖沙咀，發現有一間舖頭，門口放晒花，應該係今日新開張，同朋友講不如試下，入到去客人吾算多，可能仲未有熟客，叫左野食一陣，上菜好快手，一食發現呢間d牛雜，牛丸粉非常好食，原來呢間舖係主打牛丸，最貼心係佢有3種辣汁任掂，除左傳統潮州辣椒油外，仲有橙椒，紅椒醬，特別係隻橙椒辣醬，酸酸辣辣， 寧舍回味，同朋友邊食邊傾，又叫多份炸鯪魚球，配埋個蜆芥醬汁,食到飽晒先走，埋單百幾蚊，尖沙咀區來講算平， 環境清潔雅致，同其他一般潮州粉面舖吾同，吾駛食完急急腳走，臨走仲打包一盒拎比老婆食，下次會再來幫襯。