潮丸 (已結業)

今日約左朋友去尖沙咀食飯，行行下見到有間新開餐廳， 人客都有好多。抱住試新餐廳既心態入去試一試。我叫左一杯咸檸檬梳打水。天氣好熱好焗，冰凍既梳打水配咸檸檬，酸酸甜甜帶輕輕咸味，竟然有一種清新感覺，即刻覺得好開胃。我叫左個牛腩米線。牛腩好香好入味，入口軟腍滷得好香，入口帶微微肥肉入口層次多，鬆化牛腩好香，米線是我最愛。湯底清清地唔會好油膩，加上腩汁又唔會太清。炸墨魚丸。餐廳叫潮丸，丸類好似好出名。我就叫個小食，墨魚丸彈牙爽口，入口炸到好香帶有墨魚粒有咬口。