漢發麵家 (大南街)

营业中

休息中

講起食豬膶麵 除咗維記 其實仲有其他選擇🤭就係 #🍋👧🏻 今日介紹嘅漢發 位於大南街 一試即刻愛上❤️.🐷每塊豬潤都有咁上下嘅厚度😆唔會淨係薄薄一片 有咬口得黎又爽😳爽得黎又淋😇吾會過熟 麵底係出前一丁🤩至於湯底 就係加左少少出前一丁味粉🍥.再加上少少豬膶味🐖雖然湯底唔及維記 知道佢有味精 不過主角豬膶已經贏晒😎不過就冇套餐選擇 要飲嘢就要另叫 所以價錢都會貴少少💸 ($34)👍🏻餐廳入面環境都算闊落 起碼坐得舒服啲 ☺️

今日第完第一餐後，由荔枝角步行到深水埗食接力賽🤣，女友今次話一定要黎漢發食豬潤麵，但我因為想試下其他就叫左牛肉餐肉麵加凍奶茶。豬潤麵真係無得輸，每一片都厚厚的豬潤，而且都至少有5-6片，又大又厚，配合埋出前一丁，簡直無敵。如果你愛食豬潤一定要試試。但相比下，牛肉就正正常常，肉身都幾軟，而且無筋。餐肉係出色的，外表煎到金黃色，好好味。至於凍奶茶係正常茶餐的水準。不過我叫少冰都成杯係冰。下次我要試下西多士，我見人地食得都好好味咁😅

之前兩次同朋友黎都摸門釘，一次星期日，後來先知佢星期日休息，另一次去開深水埗諗住星期六有開，點知撞正公眾假期都係休息今日咁岩平日有事要去深水埗，就諗起好想食豬潤麵，特登由西九果邊行黎，都有少少遠，但為左豬潤麵，值得的！諗起之前都有食過維記，果度豬潤好薄又有少許豬潤既腥味，唔太岩我口味，雖然好中意食豬潤但食過一次都無再去。終於今日試到呢度出名既豬潤，我點左豬潤公仔麵，見到d豬潤好厚，真係名符其實厚切，食之前見到咁大舊都諗會唔會有點un，但咬落去係爽口同滑既，而且完全無腥味，果然係招牌豬潤，仲要豬潤份量好多真係好好味！不過公仔麵就過淋同好咸，好彩叫左杯熱華田甜返，中和返d咸味。由於黎呢度最想試豬潤，所以無揀雙拼，但豬潤份量太多，食到最後兩舊有點滯，哈哈因為今日得一個人黎就淨係食到豬潤麵，見到西多士好吸引，要等下次同朋友黎再試先得喇

漢發的猪膶牛肉麵，獲評為全港最好，自然充滿期待。今天專程去試，還要冒着30多度高溫在門外等候。終於麵送上，一試，猪膶並非傳聞中的好吃，颜色不是剛熟的淡粉色，而是過熟的猪肝色。不够鲜嫩，有筋，没驚喜，只是吃過中的中上水平。湯太咸，牛肉尚可。座位太挤。

這裡仍是排檔時，我已曾來幫襯了....事隔許多年，排檔已變成舖，風味亦驟然而失....我不算得上是熟客，初次來時只懂點尋常的雲吞牛腩，吃過後覺得只是不過爾爾....及後才知過原來豬肝才是絕活。現在才知，仍然未算遲。趕快來與之一會，就好....店人流不停流轉，生意好得不得了。在每檯都能找到這店自慢的蹤跡，包括我的也是....豬肝雖只得四五片，但每片的件頭皆大得驚人，就這樣好幾片，就已輕易地將底下的麵蓋住了。用筷子夾起一片，肉極厚；面頭顏色有帶些微微的紅，但咬下去卻不見有血水標出，可見灼熟的火喉是剛啱好；肉質不算做粉糯但就很鮮嫩且爽脆，絕對是極新鮮的貨色....不過可惜的是，在細嗒之下豬肝仍是少不免有丁許的苦味跑出來，有點煞風景....論味道，這豬肝絕對比同區的那間賣豬肝賣到有幾間舖的老字號出色，但若說這是完美嗎，那又並不盡然....至於其他的"配料"，相對之下就較普通了 ---- 湯底基本上是用了一丁的味粉調出來，幸好份量下得不多，呷下去不覺太鹹；湯面上仍浮有少許的肝渣，可估計那些豬肝應是用這味粉湯灼熟的....一丁麵雖入口蠻夠爽彈不淰，但嚼入嘴時仍感到麵面頭那層蠟質營造出來的那"膠膠哋

每次途經深水埗，都會到某店一嚐豬潤既味道，今次約會了友人，亦知我愛吃豬潤，所以帶我到此店品嚐，若非友人帶路，我想我亦未必找到。豬潤牛肉麵：同平時食既，完全不一樣又厚又大塊，剛好夠熟，又juice酥炸鯪魚球：即叫即炸，新鮮熱辣，脹卜卜炸豬扒：賣相一般，唔算炸得太乾，略嫌唔夠juice

放假專登出深水埗搵食😆一直聽聞漢發既豬潤麵好正，所以專登黎一試，果然冇令我失望。叫左豬潤米$38蚊豬潤厚切，食落去好有質感，爽口👍🏻不過，令我估唔到係佢杯凍奶茶。凍奶茶茶味好出，茶奶比例好好，唔會太重奶味，好耐冇飲到咁高質既港式奶茶。（凍奶茶$17蚊）下次一定黎再食👍🏻試埋佢其他野先😂

必食豬膶面呢間漢發麵家的招牌豬膶麵係我呢幾年逢星期三必食的早餐，豬膶塊塊最少2-3cm厚，果個厚度咬落去勁彈牙，食落有膶味冇渣，同我以前係銅鑼灣sogo對面粥鋪果舊黃沙膶一樣的，另外還有厚切豬扒鬆軟彈牙最喜歡將佢分開碟上香口惹味，餐肉有炸過勁香口，再叫靚女姊姊加蔥，真係不得了，咁就真係當成碗拉麵咁食。有次親眼見過打扮有型的老闆娘包水餃落足料勁大粒，有食過的 好多蝦好彈牙，但今次冇食！！其他好味食品太多，未能盡錄 9.5/10分

是日到太子工作，又到中午又到醫肚時間🤤朋友介紹太子附近有間面檔非常岀名，岀面貼滿明星相的就是喇！地方不近太子，反而偏左去深水埗，未吃飯先運動，哈哈！水餃粗麵 $34湯底看上非常清，可是吃完都幾口渴，應該下了不少味精。粗麵彈牙，份量適中。水餃是雲吞皮包的，很大一顆，裏著幾隻大鮮蝦，少量雲耳絲和豬肉，非常好食，咬下去蝦肉和雲耳都很爽口，100分✅✅雲吞幼麵 $34相對來說水餃較為岀色，雲吞是一般質素啦。這餐廳沒有配飲品的，要單點。飲品質素也很好，茶濃而且有跟足order少甜☺️

上次有朋友帶我到漢發食豬膶麵，食完之後，真的不能再去別處食了，尋日再一家大細食多幾款野，真係全部心機整的，每一個小食都唔馬虎，一間可以一家4口都一致通過, 好食的一間食肆

漢發麵家，招牌上寫著始創於 1973年，早期是深水埗石硤尾街大牌檔，2012年才搬進大南街這個舖位，牆上壁畫就是當年大牌檔的情景。 以往以雲吞麵主打，由第二代掌舵人開發奶茶及豬潤麵，雖然同區有多間馳名豬潤麵的店舖，終於憑厚切豬潤配一丁成功俘虜各位食客的心。 厚切黃沙豬潤成為漢發的招牌菜式，一入舖頭即聞到一丁獨特的麻油香，本來想食米粉的我也改為一丁。而又因為另一名物為豬扒，貪心的我就點了豬潤拼豬扒一丁。 等了一會，店員送上一大碗放在我面前，非常足料，厚切豬潤有約5大件，爽脆嫩滑，火候剛好。另外加上整塊豬扒，鬆軟但有質感，沒有鬆肉粉的痕跡，未放下香味已到。湯底不是坊間的只有薑絲，而是多一層次有酒香。雖然價錢不便宜 $49，但很值得。

可能大家成日聽人話深水埗有豬潤麵食好多人好似我咁，好想試好耐今日特登去一試🧐今日試完，真係不得了呢間位深水埗大南街既漢發（我就唔係好熟，由深水埗站行過黎用了10分先搵到）😵😵😵黎到刻時叫左個豬潤麵試一試個莊我真係嘩左出黎我真係無諗過會咁大,同咁多的成碗麵滿囇豬潤，5-6件大豬潤重點係食落去係滑嘅一啲都唔似係豬潤因為我自己平時好少食豬潤的豬潤俾我既感覺都係比較硬身同有沙（講緊口感）但呢個豬潤麵真係令我改觀曬軟得黎易入口完全無話有滑潺潺既感覺食完話會嘔等等重有只係37蚊炸,真係不得了不過呢....飲野就有啲貴😂重括係扺食既😆✌🏻希望好似我未試過豬潤麵既朋友仔可以去試一試👍🏻👍🏻👍🏻

第一次去係朋友安排既生日lunch，因為佢知道，我鐘意食local food。食過返尋味，今次帶咗老公去試吓。老公見到個餐牌好興奮，因為有滾水蛋同埋谷咕，佢話細個阿媽唔會比佢飲滾水蛋，我估係大概因為老人家覺得呢一啲係簡單野，唔值得喺茶餐廳花錢。叫左一碗豬膶麵，一碗豬扒麵，一杯凍鴛鴦，一杯滾水蛋。$108 埋單。豬膶超級無敵好食，第一有厚度，熟既程度剛剛好97%熟，浸一浸湯，熟曬，好腍，好juice，120分。豬扒好香，又係剛剛熟，又係好juice。麵就梗係食出前一定啦，正👍🏻最後嘅驚喜，係辣椒油，鍾意食辣嘅應該會覺得幾好。

好多人諗起要食豬膶麵，都會諗起另一間係同區嘅鋪頭。但係，其實漢發先係臥虎藏龍！有好多明星專登揸車嚟呢度食佢嘅豬膶麵㗎！兩個女人仔，出嚟買布整嘢，行行吓又好肚餓，就決定不如食啲嘢啦！問吓朋友仔，原來佢未食過呢間嘢，就梗係要帶佢嚟食吓好嘢啦！每次去親呢度食嘢，我必定會帶一杯凍唂咕，因為出邊而家已經好少有得飲啦！其實唂咕可能都有好多人唔知係咩嚟，其實取名自Cocoa，真係純正朱古力粉沖成嘅飲品，本身唔會話好甜，加啲淡奶，但係飲落去就好香朱古力味！叫咗個豬膶豬扒麵，豬膶好味就唔使講，厚厚哋。唔係出面有啲薄到唔知食緊咩咁，爽口，唔會有一陣味咁！啲厚切豬扒炸到啱啱好，咬落去入邊仲係會有肉汁㗎！有陣時出街食豬扒啊雞扒啊牛扒呀呢啲，真係好怕醃到太濃味同埋乸到佢淋晒，但係呢度真係真材實料。雖然食完個粉都已經好飽，但係都忍唔住叫份西多士配煉奶。呢度嘅西多士，充滿着蛋香，加埋邪惡嘅牛油配煉奶，真係肥多兩磅都抵呀！

我承認自己對漢發有少少情意結，由細食到大，當中都同過好多朋友黎，食過都冇再去另一家麵店。而今日同呢位朋友黎食過豬潤麵，佢都覺得滿意。呢度冇套餐，一律散點，我地一人點左個麵、飲品。豬潤炒牛麵 $41我例牌點呢款豬潤炒牛，豬潤一律大塊、厚切，大嘅三，細嘅都有兩塊，炒牛幾件。豬潤啱啱好熟，輕輕浸番入湯食得，入口爽滑，唔會鞋口、冇渣冇筋，最重要係冇腥味。可能好多人唔食潤就係怕陣餲味，咁漢發嘅豬潤可以放心食其實好多年前我喺石硤尾街啲大排檔，我已經睇過佢煮麵，焯豬潤時會加入啲磨好嘅薑汁，剛熟就會撈起。所以豬潤唔會老，又可以僻去腥味。聽講係而家嘅老闆當年反覆試驗而整出黎。當然啦都聽過有啲人嫌佢豬潤太大舊，或者覺得唔好食，咁本來口味呢樣野就係主觀的事。個人就好鐘意呢度嘅潤麵其實除左豬潤出色，都好多人鐘意佢地嘅豬扒、豬手、西多。不過呢度逢紅休，加上下晝賣哂就冇，我都要就啱時間先黎到啊。餐牌：