漢發麵家 (大南街)

营业中

休息中

早晨。西多。行左到隔離區漢發食西多。黎之前一直好奇$35一份西多究竟有幾掂？！黎一份+奶茶，先講奶茶，茶味有，奶偏多，欠左d厚度。西多係好食既，每一啖都食到花生醬同少少蛋香。淨同煉奶唔加糖漿已經好好食。價錢係好貴不過食完又覺得算值得。抵食就一定唔會不過的確有心做好份西多。早餐時段見到基本枱枱都會點豬潤，豬潤望落的確比同區X記厚身同量多。下次黎試下先。食完過附近藍山買外賣咖啡慢慢行上山hea下放空。愉快。

以前講起潤牛麵，就會即刻諗起深水埗維記，今次爸爸大人話帶我黎呢間試下喎其實呢，本身我係麻麻地潤&牛嘅，純粹係陪下爸爸大人食，不過今次呢間確實係幾好食喎👍爸爸大人食潤牛麵+熱齋啡，我食潤牛米+凍奶茶，凍飲竟然只係比熱飲貴一蚊，即刻開心叫凍嘢飲試左個湯底&麵先，湯底雖然冇維記咁濃，但都幾清甜。個人口味而言，幾鍾意佢冇咁大陣薑味&啖啖薑渣。偷食爸爸大人個丁麵，配丁麵係好食啲喎配米粉就清淡啲，有食早餐的feel~再黎試個潤&牛個潤真係超~級~好食啊厚切的豬潤僅僅熟啱啱好，完全做到外脆內滑的質感，一啲苦澀味都冇，勁好食啊牛肉就普通啦，唔係超好食，冇乜肉味但質地嫩滑，都唔錯嘅重點係潤牛份量超多真係食餸都飽呀

微雨的週末中午，慕名而來深水埗大南街近黃竹街由綠皮大排檔搬入舖的人氣食店「漢發麵家」。按照老友推介，點了豬扒蛋丁、豬膶米、和必吃的西多士。豬扒非常厚身，但就煮得好腍，帶點獨特酒香，食得出係揀手新鮮貨，煎蛋煎得好香（經常話而家唔少平凡茶記係連蛋都唔識煎的），兩個孩子就頻呼碟豬扒飯好味轉眼就食哂；豬膶我唔食，冇得評，但太太話除咗厚之外亦係好腍冇臊味；西多士就真係令人眼前一亮，個心非常夠熱，花生醬、牛油和煉奶香味融為一體；奶茶夠滑，非常夠茶味，係上品，留意到牆上曾經做過的「飲食男女」專訪，原來佢地杯茶係舊蘇屋邨嘅「杜鵑茶餐廳」個師傅教的，唔怪得咁正啦，清拆前嘅「杜鵑」同青山道嘅「新華」在奶茶來講當時真的是一時瑜亮啊！總體而言，我對「漢發麵家」的評價甚高，絕對值得專程前來。

Thanks god theres no line or holiday here today.We’ve been craving the pork liver noodles for awhile. Cos the first time is really amazed me, super tender and thick slices. Well, is taste different now, still thick and tender but just different.The other noodle we ordered is pork chop with fried egg. Really big pork chop but too much soda to softened the meat, makes the texture weird.Normal peanut butter and condensed milk toast which I think they could have spread more on it.

經常幫襯。不同時間去都好多人。建議早上七點半或四點後會少啲人。招牌菜係豬膶麵粉，佢嘅西多士都好犀利。有水準的咖啡奶茶。雲吞麵都唔錯。講返招牌菜豬膶麵粉，全港九新界我食暈晒，各人覺得佢哋做得最好！冇得輸！員工態度都非常好，佢哋冇做套餐，感覺價錢有啲高但會繼續支持因為真係太好食。泊車就要睇彩數。有時有有事冇。我大個好多朋友落去食，個個食過返尋味，除咗一個係都唔落去食話一定唔好食係都要食飯深水埗另外一間。講真嘅我都食過另外幾間係深水埗真係越嚟越難食除咗漢發。

聞名已久， 但比較隔涉， 很少刻意過來這邊。 工作關係， 順道過嚟食碗麵。因為食咗lunch， 只能夠食一碗厚切豬潤出前一丁麵， 無法再使其他出品。豬潤煮得時間火候恰到， 豬膶雖然厚切， 但亦十分軟滑， 有點類似食鵝肝的感覺， 調味略淡， 但亦沒有豬騷味。 麵底是出前一丁， 照計冇得輸， 但事實係豬潤不是太夾， 問題是出自湯底。 食開維x的薑汁湯底， 跟住潤混為一體， 互相配合， 非常絕配。 這裏是出前一丁麻油湯底， 始終同豬潤有一些格格不入的感覺。順道一提， 辣椒油香而不太鹹不太辣， 值得讚一讚。鋪内十分清潔， 牆上繪有大排檔壁畫，有特色， 值得再一讚。

Weekday lunch time 路過叫左個牛筋牛腩飯牛筋同牛腩都好入味牛筋真係正😋牛腩就稍稍un左dd，個人鍾意淋個汁撈飯係正😋個人鍾意呢個多過豬潤麵😜單點，無餐，野飲另外叫，稍稍覺得貴左d🤨

去開深水埗，慕名而去。門外貼满明星合照，有發哥，金剛小儀等。下午茶時間都坐满食客，坐位很迫和木椅很硬，坐得很不舒服。叫了一碗牛腩面和奶茶，面質尚可，但牛腩很瘦和鞋囗，奶茶很苦瀝，-點不滑。同枱食客叫了西多士，雖然舖满奶油，但他說整塊包都索满油。水準如此價錢又貴，又不舒服，有負盛名。

曾經幫襯過佢地，但唔知道佢地嘅豬膶咁出名無食到。早前有食評推介豬膶麵，今天係第二次幫襯佢地，專程嚟食豬膶麵。2點幾一個人嚟幫襯都要排隊等入去。豬膶麵湯底味濃唔鹹，幼麵爽。豬膶有6件，厚身但唔會實，夠爽連老人家都咬到。

我地兩位，等左半個鐘就入到啦點左豬潤一丁，同西多豬潤係贊的！夠厚切！無怪味！唔會過老！啱啱好！西多就一般般了唔夠脆同幾吸油而且唔夠熱總括而言，好豬潤麵的，可吃！懷念大排擋嘅情懷，可吃！

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！豬潤呢味野同榴槤一樣，唔係個個啱食，如果食過腥臭嘅更會令你以後都有陰影唔想再試！而如果你問我第一次帶朋友食豬潤去邊度食，我就一定會提議你黎漢發！漢發都係見有人介意我先去，話好過有得賣咖央多個間，果然食過就知有幾堅！當日從深水埗站行過去，都行左十幾分鐘，唔係太易搵，好在平日四五點唔太多人，即刻叫個豬潤米！豬潤完全唔吝嗇有六七舊，全部大大件厚切僅僅熟，作為一塊靚豬潤，無渣無筋無腥臭大呢d真係基本，當你大啖咬落去係爽同彈牙，有d似食緊脆鯇嘅感覺，明顯係啤好耐水而且係新鮮先會咁好食！但係，咁好食點解都得唔到滿分？敗筆在於湯底，係咪老闆花左太多心血時間去製作豬潤而忽略左個湯底？個湯底好似係紅色出前一丁調味包咁，真係好失望，d豬潤咁完美唔應該係配d咁嘅湯底，希望下次

香港人對大排檔式嘅荼檔有一種說不出的情意結，漢發係其中一間由街邊搬入舖嘅荼檔，因為周圍都係布行、所以除左食晏時間多人，下午茶時間都好多人、尤其星期六更好冒名而來嘅人，所以經常排長龍，如果唔想排隊就避開尼D時間黎食。奶荼香濃，茶味重，唔澀。荼走就更香滑餐蛋丁，午餐肉煎得好香口，麵唔淋牛腩炆得入味，湯㡳不濃不淡，恰到好處門口貼滿老闆同明星光顧嘅合照塗鴉牆畫左以前街邊茶檔嘅樣貌

聽人講識食豬膶嘅一定係食厚切嘅豬膶。自問唔係好鍾意食豬潤，但近年人大左開始轉左啲口味，會試吓食豬膶。因為同朋友講起另一間食豬潤既老字號，果度既做法係薄切既，朋友就話我唔識食，並且推介我嚟咗呢間漢發麵家。佢嘅豬潤真係好大塊好厚，賣相好吸引。係爽口嘅，感覺就好似咬落去啲白色魚蛋嘅感覺咁，而入邊係棉質，對於我呢啲唔係好鍾意食豬膶嘅人來講，嗰陣豬潤味太濃烈，當然鍾意食豬膶嘅人就當然覺得好正，不過我就唔係好接受到啦。純粹唔啱個人口味。*午餐肉超正！！個面一上我就試咗一啖湯，原本以為係出前一丁嘅麻油公仔麵味，但之後先發現原來啲麻油香味係源自塊午餐肉。用麻油煎香脆，食完個面先再食塊五餐肉都仲食到脆口。出面食親都係白烚，所以真係好驚喜！炒牛都唔錯。呢個西多士係因為落單嘅時候佢話製作需時，冇得加單，引到我地叫埋，賣相唔錯，不過味道我覺得麻麻地，因為佢厚但做唔到好脆身既感覺。變左好似食包咁..

提起豬膶麵，很多人都會想起維記，但原來深水埗還有另一間小店的豬膶麵很受歡迎。窩夫與蝦子餅某星期六下午約兩點半去到漢發麵家，門外站滿等位的人，結果等了差不多30分鐘才有位，等位時看看玻璃上大量明星合照，光顧過的藝人有周潤發、張智霖、袁詠儀和林海峰等。窩夫很喜歡店內的兩幅壁畫，可惜只拍了其中一幅，記錄了漢發當年還是鐵皮檔的歷史一頁。先來熱奶茶($16)、凍奶茶($17)各一杯。窩夫點了豬膶麵($34)，麵底用的是出前一丁，水準有保證。大大塊的厚切豬膶才是主角，煮至剛剛熟，口感爽滑彈牙，啤過水的豬膶才有這樣的效果，愈來愈少食店會花時間花功夫來製作了。 窩夫與蝦子餅都認為漢發的豬膶比維記的好吃得多，維記的豬膶太薄太乾了，不過窩夫覺得維記的湯底比較甜，各有千秋吧。蝦子餅點了雲吞麵($34)，有意外驚喜，生麵很爽口，水準之作，蝦子餅十分滿意。最後上桌的是西多士($34)，在門外見到告示提醒客人西多士製作需時20至30分鐘，要預時間早點落單。窩夫與蝦子餅落單後才看到西多士索價34元，價格偏高，究竟有何特別之處呢？漢發的西多士不是正正方方的，質地也與別不同，口感有點像梳乎厘、魚腐，軟綿綿的，應該加了不

漢發星期六既例牌活動，同媽媽食早餐，呀媽話飲茶飲太多想食下新野，特登揸車黎到深水埗，食漢發！我就次次都食豬潤，媽媽唔鐘意內臟，所以叫左豬扒丁面俾佢，我自己都試左一件，食道好好，咸味適中，次次我都無寫食評，今次真係大讚，原來佢既豬扒好厚切勁好味呢，睇黎下次我都要轉口味啦。