漢發麵家 (大南街)

营业中

休息中

夏日炎炎 還是粉麵較吸引♥️在深水埗難得找到地方泊車那就一試相當有名氣的麵店下午兩點半門外依然人山人海😵等了足足三十分鐘終於有位了👏🏻👏🏻👏🏻餐牌有簡單分類不同的麵類👍🏻我們點了南乳豬手麵、豬排雞蛋一丁、油菜配凍奶茶🤤首先到的是凍奶茶跟油菜奶茶茶底很香👍🏻👍🏻而油菜是腩汁走油腩汁味道十分好👏🏻👏🏻朋友的南乳豬手麵到！光看賣相不錯喔♥️麵底很好👍🏻香而且爽口👍🏻但豬手味道太令人失望了👎🏻👎🏻👎🏻一點也不入味😣而我點的豬排雞蛋一丁豬排份量相當多👍🏻可是味道沒有預期的好豬排應該被梳打粉泡太久了引致沒有甚麼豬味☹️

當我見到天上星星我會想起漢發麵家皆因這天到來午餐時見到我很喜歡的歌星葉德嫻小姐， 不過面皮薄的我唔敢叫人合照！還是在鄰桌偷偷仰望吧！！ 漢發麵家位於深水埗大南街說實話易找不算，但我這天匿埋雙眼拉著車爸爸衫尾便能輕易到達！ 這天很幸運來到時不需等位，但我們坐落以後已經座無虛席，餐廳場內牆上畫滿以往大排檔光景的壁畫，其實我也很懷念以往在大排檔搵吃的日子，那份人情味絕對不易在現今食店找得到的。 講到人情味我就要讚一讚這間餐廳內的所有工作人員，近年到過不少懷舊名店內裏的員工甚至乎老闆都唔係咁寬容，但這兒的所有工作人員都笑容滿面而且十分有禮貌，在這兒開餐格外開心！ 去茶餐廳車爸爸當然要飲熱奶茶＄15，我試了一口香滑兼備味道不俗，而我的凍檸茶＄16亦富茶香不反不澀，檸檬亦都十分清香收貨有餘了！ 這天到絕對是為了這碗豬潤麵＄32，有嘴尖的食家劉總極力推薦又那會不好吃呀吖！ 公仔麵係出前一丁煮得幾爽口，我影完相食亦都唔會覺得太淋，加入了豬潤的湯絕對是吸引的。 極度厚切煮豬潤煮至剛剛熟，入口極具爽口充滿彈性，最重要豬潤仍然保留濃郁的味道，比起另一間深水埗出名但又退步不少的豬潤麵好吃百倍。 另一客我們點了

上個月先黎過, 因為上次每人叫左一碗麵, 食唔到我想食既西多士, 同埋又好掛住佢地既厚切豬潤, 所以又再一次到訪, 今次落住大雨, 但係都冇減人潮, 好在等左一陣就可以入座啦!今次都係叫返我地認為最正既配搭, 豬潤拼炒牛肉, 豬潤當然冇得輸啦...一樣照舊係厚切, 爽而不腥, 牛肉炒過同普通叫既白灼牛肉唔同, 香口好多, 雖然炒過, 但牛肉不會鞋口, 好淋身!芥苿炸雲吞, 入面包住一粒中SIZE 既蝦...正, 下次要試下佢地既蜆介鯪魚球, 當日未到三點, 已聽到話淨返兩碟, 莫非真係咁好味?!黎得茶記, 當然唔小得係奶茶啦..茶香奶滑...保持水準到我最期待既西多士, 等左好耐, 食完晒野, 起碼再等左十五分鐘先到, 差不多枱枱都叫一碟, 佢地既西多士型狀好得意, 係圓形, 可以楝煉奶或糖漿, 我都係鐘意跟返普通出面食法, 要糖漿! 西多新鮮熱辣炸起, 入面既花生醬不會太多或太小, 剛剛好!

深水埗有二檔有名的豬潤麵，這是其中一家，今天中午去試一試，一個人不用等五分鐘就有位,叫了個豬潤煎牛肉湯麵，五分鐘就到、豬潤大片，第一口感覺很爽脆，煎牛肉也很入味，豬潤湯味道也適合，整體食品質素比另一家的豬潤麵高，另一家的豬潤麵豬潤不爽脆的

難得星期六老公放假, 終於可以去食哩間係waiting list 入面排左好耐隊既豬潤麵, 去到已見到有十幾位客人等位....內裏裝修好特別, 畫左好多漫晝去介紹漢發以前係鐵皮檔起家...黎得既, 當然會點豬潤...叫左兩碗, 一碗豬潤+炒牛肉, 另一碗豬潤+腸仔, 腸仔冇特別, 加錢轉左 "炒"牛肉, 當然係香啲啦...炒完啲牛肉都唔鞋, 仲好淋, 哩度啲豬潤塊塊都係厚切, 熟度剛好, 唔似另一間好出名既豬潤麵咁, 有大大堆薑絲, 雖則佢冇放薑絲, 但係一啲都唔腥, 好爽口黎有咁多年歷史既茶記, 當然要試下佢地既奶茶, 茶香又夠滑, good..本身都已經好飽, 但係見隔離兩枱都點炸雲吞, 我地又為食, 最後都忍唔住加一客, 因為即炸, 所以都要等一段時間, 每粒雲吞入面都包住一隻蝦, 蝦爽, 佢配既醬係芥未沙律醬, 我本人都係鐘意配返傳統既甜酸醬好味啲.. 

Lunch time到，朋友話食過呢間嘅豬潤牛面就以後都唔駛去“嗰間”架喇，係咪咁正先，即刻拉大隊去試下啦。店內裝修企理，不過我覺得冷氣可以再凍d。因為行到過嚟都晒汗，即刻落柯打先。五碗豬潤牛面吖唔該。哇! 好多塊豬潤呀。仲好似午餐肉咁厚呀!! 夠晒吸睛，豬潤都夠爽口，不過就無咗“嗰間”熱辣辣加薑生滾嘅風味。而且越食越滯。可能係塊塊都咁厚嘅關係啦。至於滑牛肉同面都屬於標準。

經友人介紹之下，早已想試試這間店舖，根據網上資料顯示，這一間店舖以前應該是青綠色的排檔，後來搬了到這間店舖內。網上亦有很多報道，得知這間店舖的後人繼續延續漢發麵家。先不要理，歷史只屬空談，吃東西才是最重要，點了過這間店舖最著名的豬潤麵，因為獨自來進食，不可能吃麵又吃西多士。真的佩服對面位的女士，可以獨自吃一個豬潤麵，再配豬扒，再加一杯凍飲。豬潤份量不太多，放在麵條的上面，看來只有四至五天，但是非常之厚，豬潤厚切才是王道，可以吃得出那一個綿綿的質感。厚切豬潤，吃起上來非常之快慰，軟林得來沒有什麼酒味。比起深水埗另一間豬潤名店維記，質素好幾倍。大家不要再盲目相信傳媒報道，維記肯定不及漢發這麼好吃。雖然報道指，這間麵檔的奶茶相當之有名，享負盛名的樣子，但是我點了一個茶走，佢覺得不甚了了。第一口喝覺得有少少特別的香氣，但是之後都沒有濃厚的茶味。本以為麵條很少，豈料都吃樂落，才覺得份量挺多，一個豬潤麵都應該會夠飽

是日小花由兩位友人陪同到深水埗維修電腦， 到下午茶時間大家都肚餓，小花便提議到一直想試的漢發麵家吃豬潤麵。這裏的豬潤麵每天賣光就沒有了， 有點視乎運氣， 當天我們運氣應該不錯哈哈去到立刻點了兩碗豬潤麵，店員說這是最後兩碗黃沙豬潤的厚度令小花意想不到！豬潤雖然是厚切，但絕對是煮得剛剛好，呈微粉紅色，入口爽脆，而且感覺啖啖肉 唯一不足的是湯底偏咸，公仔麵的味精味重，不過仍會喝得出有酒味。小花的最好吃豬潤麵名單要變成漢發了嗎哈哈

如果我們不曾相遇，我會是在那裡如果我們從不曾相識........人生中，每日也有很多如果。 如果我早些岀門口，那不會塞車; 如果我有多一些時間，我可以把事情做得更好; 如果是unrealised profit/ unrealised loss, 因為它是無形，它是沒有發生的。唯一的如果是永恆的，那就是如果沒如果。或許是社會的高速發展，很多大排檔鐵皮檔也被清拆，買少見少。一些小店因下一代想岀外創一片天，不肯繼承家業，具有歷史的小店也宣布光榮結業。就連以為走入老麥就買到嘅板燒雞腿包，現在也說要下架了。 走到大南街漢發麵家，門牌寫著1973年，好奇心驅使下，上網翻查資料，得知漢興麵家原是鐵皮檔口來的，於2009年正式入店了。如果在2009年，老闆決定不再做了，那我今日就不能吃到好吃的豬潤麵，好吃的西多士。星期六下午到來，旁邊多是賣皮具，布料的，即使大南街也有好幾間文青咖啡店，但也未至於可以用熱鬧來形容他們。偏偏在漢發門口，聚集大班等待的食客們，我當然是其中一員。 幸而人流進岀快，等了大約15分鐘，就可以入店了。 餐廳裝潢新舊並立，桌面沿用著舊式麵家必備的 不鏽鋼筷子筒跟綠色筷子。 牆身則繪上

維記豬潤麪聲名大噪，假日常見人龍。年青一代多不知有另一間潤皇。在1973年開始，石峽尾街大牌檔有賣豬潤麪，聞說賣至遠近馳名。後來維記崛起稱霸潤林。維記以薑去除潤腥味，薑潤比例，火候，湯底均難以模仿，故歷久不衰。友人以私家車接送我到此店，我吃了豬潤幼麪。感覺是很老派食品。講究食材，用大黃沙潤，價貴，很厚（近1cm）很大（要咬三口）。很久沒有吃黃沙潤，懷舊感覺不錯。湯用雲吞麪湯底，偏咸。屬粉麪茶餐廳，聞說西多亦不錯。今日觀察到客路與深水埔其他食店不同，全是老人和文青（門前可泊車，停車）。喜維記薑味小片豬潤的勿來。不接受爽脆豬潤的勿來。搭地鐵的勿來，要行20分鐘。

位於大南街嘅漢發雖然處於較偏僻位置但依然吸引到大班捧場客每逢午飯時間 總會見到好多人排隊 有聽過朋友講漢發好寸，唔係成日開 尤其大時大節，唔想摸門釘 最好打個電話過去 雖然多客 但服務態度都唔差 我地一行3人去 2個去食住先 邊食邊等 個姐姐都盡力配合 十分唔錯 但一定要搭臺 介意者自己考慮喇 除左粉麺 仲有飯，多士小食，幾多元化 當日天氣好熱，我唔想食湯類嘅野 於是 叫左個魚蛋魚片撈河 魚蛋同魚片都好彈牙 河粉屬於幼身 質感好好 唔會煮到淋曬 加埋幾條生菜 可以encore! 呢個豬潤牛肉麺 鐘意食豬潤嘅朋友一定要試！ 個人認為好食過維記 唔會好大陣‘酥’味 又爽 個湯底唔係好濃 屬於中等 然後試左個炸蝦雲吞配芥末醬 炸物配芥末醬本身就好夾 加上皮夠薄 入面D 蝦又夠大隻 炸得均勻 唔會一大陣油‘億’ 味 令人食完一隻接一隻 呢個我都我都好推介大家試試 最後，食碟菜心走油 菜夠甜夠嫩 葉同莖分開 如此旺場 都顧及到細節 難怪食客不絕！

今日黎到等左15分鐘左右...好多人排隊呀!哩度地方唔算大! 但人客人黎快去! 食完就走! 所以等位都唔會話等得太耐! 但我真係好鐘意黎哩度食佢既豬潤麵呀! 所以等我都係要食! 又肥又厚既豬潤又彈牙又好味! 份量又要好多! 可以轉公仔麵或者生麵呀, 油麵呀都得! 但我就最鐘意出前一丁!!!另一樣我必食既係西多士! 見到老闆係廚房不停打蛋打到手軟!  佢係炸得勁鬆軟! 入口即溶既感覺! 必食推介呀! 我仲有叫左炸雲吞!佢係用芥末醬點黎食既! 大大粒, 入面既蝦又係爽口彈牙!炸到脆卜卜! 總括黎哩度係反兜再反兜既一間餐廳! 佢地做得足料又好味! 

多年前,因為一碗豬潤麫而吸引我不惜長途跋涉都要過來品嚐.因為豬潤夠爽夠滑,豬手林而不膩今日大失所望,完全失去以前味道,食後不停飲水,有需要用咁多味精嗎？一直幫襯咁多年,仲以為這間唔會似其他食店一樣,越旺越差,原來都冇分別

出發去韓國前，打算去鴨寮街買電話卡，男朋友乘機提出要去食佢至愛膶牛麵。我大鄉里第一次黎，週日都等左一陣先有位。雖然座無虛席，不過翻桌夠快。另外我覺得環境比我想像中企理、空間感足，雖然搭枱係基本，都唔會覺得又逼又狹。而且店員全部都好有禮，老闆老闆娘都係落手落腳做的。所以有時唔係話出左名就有資格有道理態度差嘅，至少呢次我對漢發印象好好。豬膶炒牛麵 $39男朋友認為好食過維記~豬膶保持到滑身，同一時間又係好爽口，唔韌，仲成塊餐肉咁厚！冇腥臭味再加上香濃薑汁味~識食仲一定要加兩蚊要炒牛，牛肉更香口~法蘭西多士 $32貴就貴左少少，但真係好食！現場製作，需時等候。落單時可以選擇要煉奶定糖漿~蛋漿充足，加上一大片牛油，表面炸得好鬆軟！比起瑞記嘅西多爭好遠~呢份好食得多！（價錢不過差$10，抵俾）油菜$18凍檸茶$16凍奶茶$16油菜純滿足我地無飯夫婦少食菜嘅慾望，普通菜一碟，冇特別。凍檸茶凍奶茶，茶味足，而且夠大杯！另外炸豬扒、鳳爪都值得一試~

來一碗豬潤面吧，這裡的豬潤也甚出名的。一碗有五大片豬潤，豬潤本身已經厚切，值得一食 店子可以令豬潤做得最佳火侯的厚薄度。豬潤呈微漲也隱滲嫩紅，賣相也不俗。咬落口，質地非常的爽脆，口感不錯的。味道帶一點酒味，該是用薑及酒醃過。看豬潤的橫切面，熟得九成多而不是全熟，火侯剛好。湯底甜美也真的有豬潤鮮味，補補佢不錯。這裡的招牌菜 這裡 西多士 更是不俗西多士外層蛋漿鬆化 入口又香 值得推介