漢城美食

营业中

休息中

掛住韓國菜就一定要黎金巴利道全條街都韓國菜💓今次見到想食嘅餐廳就入去.🌟泡菜雞肉飯泡菜酸酸辣辣 🥬配飯一流🤩加上雞肉好入味滿滿蛋白質泡菜同雞肉係最夾嘅餸😍.🌟炸醬麵 炸醬係用左韓國黑豆醬整🍜醬汁好多 夠晒撈麵食💓又唔會過鹹☺️麵好煙韌而且好掛汁❣️炸醬有薯仔粒🥔洋蔥🧅同少少豬肉片好有口感😍

咁大家一齊出街食當然係想食d又好睇又好食，打得卡之餘仲入得口啦😅不過呢一間韓國餐廳，雖然唔係特別差，但賣相方面稍為差dd🤣而且價錢亦都唔太符合性價比🤣🤣🤣先講個冷麵，之前去其他韓國餐廳食嘅冷麵都係有好多配菜，五光十色，呢間就配料較小，味道唔算了特別好食😂😅😅😅不過49蚊都無得要求d咩而個炒粉絲就…..都ok好食嘅，同之前韓國街邊食嘅差唔多嘅都…最好食就係個甜辣炸雞，都幾鬆脆，起碼唔淋，外表都唔差不過整體唔推薦🥱

之前有朋友介紹過呢間餐廳於是平安夜同兩個朋友晚餐去咗試 ！入到去坐低店員會比一啲小食俾大家食住先 但係全部都係凍嘅 感覺係放左好耐店員服務態度還好，一般都啲韓國姨姨/其他國家嘅店員，但係就比較難小小溝通。落單係自己將食物嘅號碼寫係一張點餐紙度再比佢哋。而我地叫左個《海鮮煎餅》但味道就真係一般般 食落無咩味全靠佢食物隨碟嘅醬汁調味 而且咬落去係有啲多粉嘅感覺。個餅亦係比較濕同淋身嘅 應該係煎得吾夠乾身而且調味亦都吾係好夠 所以感覺上食落就一般《辣豬肉石鍋拌飯》中規中矩嘅拌飯，不過不失。感覺上無太大嘅特別。不過啲飯有小小太爛，食落嘅感覺吾係咁好。《酸甜炸雞》半份太約5-6件，但味道就都係一般，而且啲雞食落有小小梅身，而且脂肪都多，炸到吾到乾身，所以食落感覺一般。總括而言，對於呢間餐廳今次嘅體驗吾係太好。唔知關唔關平安夜比較多人，廚房比較忙，所以嘢食感覺都差少少事呢

成條街啲韓國餐廳都要排隊，見呢間唔洗排就入左去，原來有佢原因！服務差到喊，仲好意思收加一！入到去同佢講兩位，店員掛住傾計，原地不動隔左陣先係咁易指左張枱，叫我地自己坐。因為第一次黎唔知佢係寫紙落單，張紙又放響角落頭，我咪嗌佢過黎囉，當我講曬食乜後，佢一句write down the number，然後轉身走左去！燥到我癲，一入黎又唔講，我開始落單果時又唔講！之後野食黎，不過不失，係啲飯爛左啲囉，比無牙既食就岩，同埋啲野食都少貴。嗌左兩個飯，加埋一都240。當我地一食完啖爛飯，短時間內就派左3個店員埋左枱4次，收碗，收杯，抹枱，執餐牌，務求趕到你走！想飲多啖水杯都收埋你！大佬，又唔係坐你一個中，食左半個中姐，仲趕過快餐店，真係趕客！

大家都應該知道尖沙咀有條韓國街🇰🇷專係食韓國菜 好多出名鋪頭都係呢到🤣一到食飯時間間間都超長人龍😭眼見呢間最小人等就決左入呢間「漢城」🤗ummm服務態度還好 但唔係幾溝通到～好似講中文 韓文 英文 都聽唔明咁🥲📍炸醬麵 ($49)呢個炸醬面真心正宗 係原味道❤️醬汁有好多薯仔🥔洋蔥🧅仲有少少青瓜絲煎蛋🍳都不錯 真係太陽蛋 冇爆黃到👌🏻味道都唔錯 幾好食😋唯一缺點真係唔夠熱🥲🥲 只能夠講暖撈埋一齊都唔熱 真係有d sad📍甜辣炸雞 半份 ($89）半份大約有6-8舊左右～多數都有骨🥺 炸粉唔算好厚 但雞未到嫩滑又未到鞋 啱啱好合格不過甜辣味就真係無得輸有大量醬汁係底 好正啊🤪 食到乾點一點真係可以救一命👏🏻📍魚片串($28）去韓國既時候一定會去小攤叫～兩串魚糕仲有少少湯💧冬天食真係暖粒粒‼️湯味道黎講同韓國都似 不過魚糕就….有少少雪藏味😆📍蜂蜜米酒 ($88）食韓國野唔會錯過米酒😍😍但小編飲酒🍻少廢 所以冇叫到純米酒加左honey既米酒依然好好飲🤗好易入口又好順口又甜甜地一大支上台 再比幾個碗客人飲真係好有韓國Feel🇰🇷整體唔難食 普普通通 唔係最好唔係最差🤣唯一好真心冇限時😎 任坐唔嬲

今日聖誕正日，幾左三五知己食飯，但唔知食咩好，所以行下行下行左落金巴街芭道，個到好多韓國野食，今次就揀左依間漢城美食😍😍😍今日叫了一個海鮮煲，牛肉伴飯同埋甜酸炸雞半隻一黎個煲就個好正，辣味岩岩好，辣得黎唔會遮左食物嘅味道，感覺似食韓式關東煮，好惹味！😍😍😍😍炸雞d炸皮炸得好脆，沒有油益嘅味道，加上個醬，好惹味😋😋。但個伴飯比想像中有出入，味道就比較一般，但還可以接受，下次可以再返黎試一試

一入去員工已經態度好差，之後我地同員工講仲有三個朋友黎緊，咁我地就叫左野食先，過左無耐佢話我地啲朋友唔黎就讓張枱比人，但前提我地一早同左佢地講好左人數，加上，啲野好難食，佢一開始黎左炸醬面，煎餅都唔好食，煎餅整到好淋好淋又無泡菜味，仲有，連杯水都好污糟，有好多黑色一點點，叫左佢換多次都無人理，唔會再有下次！

Hello 大家好，又係我地Hkfunlife小編分享好餐廳既時間啦 實在好耐冇去韓國旅行，今日專登早收黎食下韓國野當左去 呢間餐廳位於尖沙咀金巴利道74-76號地舖，叫做漢城美食。餐廳環境闊落企理，通道寬闊，私人空間足，最緊要就係冷氣夠勁。我地到達餐廳後，於門外量度體溫時，等5分鐘左右便可入座。埋到枱見到有齊備嘅餐具，擺設一致，十分整齊。店員是韓國人，感覺真的似去左韓國呢：P平時都好鐘意食壽司，我地就叫左呢個漢城紫菜飯卷醫醫五臟六府。呢個壽司最岩唔食得辣又想食韓國野既朋友，飯卷材料豐富，而且包得好好唔會散，推介。

坐車經過海邊過去尖沙咀找不地道的韓式小店有時上網尋找食店 都要靠運氣才行對於超多好評的店 我都會挺怕廣告 行銷比較多 不過這家就可圈可點 無需太高期待.甜辣雞翼正常炸雞翼 外皮挺脆口沾上韓式的甜辣醬 均勻的佈滿我喜歡醬汁比雞翼多😂😂雞肉沒有多汁 普通貨色另外配的年糕 軟糯糯的挺開胃.純豆腐海鮮湯 配米飯最愛這個 有海鮮味的豆腐湯豆腐挺滑 配上米飯會不自覺地吃多了米飯海鮮份量不多 蜆肉有點沙😮‍💨.另外也叫了個 韓式公仔麵就是普通的麵食

總結，平靚正，性格比高，環境舒服，完。呢間餐廳我應該幫襯過超過二十次，我好鐘意同朋一齊去食。首先，餐廳面積夠大，樓底夠高，而且兩面都有玻璃窗，所以空間感好夠，想坐得舒服，唔會拘謹。另外，食物方面我覺得都唔錯，紫菜飯卷，甜辣炸雞翼，泡菜辣豬肉烏東，牛肉煎餅都好好食。我每次都叫。（相我就無影啦，因為食太多次啦，費事再影，同埋就算影得靚，亦都唔代表真係好食）其他菜式我就好少叫，因為我係鐘意食就會不斷重複嘅人。其他款式好唔好味，就留待大家自己去試下再話我知😂。最後關於book位方面，一般座位都好足夠，就算最爆人時段都係等一陣就有位，以我食過咁多次，我未試過要等位。等你食完之後職員亦唔會趕你走。呢點幾好。總結，如果約朋友去尖沙咀，又想好食，又想傾偈舒服，又唔想貴，咁呢間幾適合。

黎到尖沙咀，必去既其中一個地方就係韓國街。 今日求其去左一間平民化既韓國餐廳。 炸醬麵，係成晚最好既菜式，入面有好多洋蔥同薯仔，炸醬味道正宗，薯仔好食。 炸雞就相對令人失望， 稍嫌有啲乾身。 鐵板泡菜餃子，分量唔細，細食既女仔一定夠食。味道方面就不過不失。

#flashback黎到尖沙咀，梗係要去韓國街食嘢啦！今次我地揀左係尖沙咀食韓餐～我哋四個叫左個set，之但係我地四個人食都食唔哂！ 超多超多野食！！呢個餐應該可以5-6個人食 lol 😝 真係超多，好飽好飽！！菜色包括： 紫菜飯卷( 麻油香～好味，街頭小食）公仔麵 (韓式泡麵，呢個就差少少)牛肉年糕(牛肉幾入味，年糕幾軟熟，好容易咬)炸雞(都揸得唔錯嘅，但乾身咗啲，如果有汁會好d)石鍋飯 (熱辣辣最好味、食韓式野一定要食)泡菜海鮮餅 (好足料！個八爪魚出左黎)泡菜鍋(估唔到好辣...)辣餃子( 脹卜卜，每一隻嘅餡料都好足夠）韓式粉絲(發揮正常)你睇吓，呢一個套餐，有包咁多嘢，但係價錢仲要好平！好抵食！我地仲要食唔晒，仲有得打包添。有平有貴食，無論食咩好，都係想吹下水姐😛

星期六公眾假期想食係尖沙咀食飯又冇book枱 就去左韓國街揾食睇吓邊間有位可以Walk in😂😂😂😂呢間之前其實都食過幾次 好似次次都唔使等位咁滯 簡直係懶人之選😅😅😅😅😅今次兩個人食飯又唔係好肚餓 所以只係叫左四個小食類既野 - 甜辣雞翼🐓；豬肉飯卷🍙；好好味嘅泡菜餅；煎餃子🥟不得不提佢個泡菜餅點嗰個豉油真係好好味 可能係四樣嘢之中最好食嘅😂😂😂😂😂😂下次冇book枱又諗唔到食乜 可以再嚟過😃😃😃

行行下街見到朋友，相請不如偶遇，唔使等位，就求其來到呢間，傾下食下首先來個辣豬肉飯卷，正常味道，不會太辣鐵板泡菜餃子，一睇就知係炸餃。。無乜泡菜味，只可以說餃子皮非常香脆。。😅牛肉炒粉絲，份量不多，不會太油膩，這個不錯最後叫個菜清清地，三色菜，呢個無乜特別，一般食韓國餐都會食到~最後服務可以用「差」來形容，點菜時叫極都無人應，又唔係多人，侍應只是行行企企周圍望但又好像望唔到客人要點菜，好辛苦叫到個侍應來加杯飲品，杯野又遲遲未到，埋單走人，轉場飲野好過。

韓國菜有一種好特別嘅魔力 就係睇完韓劇個一排會好想食 雖然菜式變化唔大但就係一排無食又會好想食 烤牛肉紫菜飯卷 HKD59一份有九嚿 每嚿嘅大細足以一啖放入口配料有蛋 紅蘿蔔 菠菜 酸蘿蔔 味道偏甜依然係我食韓國菜必點嘅食飯年糕人蔘雞湯 HKD98熱騰騰嘅湯底有好濃嘅胡椒味 入面有切開咗嘅雞柳條方便易食 人蔘已經切成粒但味道唔算重 本身以為係淨湯 原來有跟飯 加埋年糕好有飽足感！前菜 FREE泡菜醬汁偏多 應該係符合香港人口味所以唔辣涼拌海帶 比較少見嘅前菜 食落爽口蔥煎餅 放得太耐食得好淋☹食完冇得refill生米酒 $83少貴 🚩漢城美食 尖沙咀金巴利道74-76號地舖