漢城美食

营业中

休息中

😆 小編依日出尖沙咀幫朋友打卡，臨到晏晝開始肚餓，索性喺附近隨便搵一日韓國食肆食lunch。🥘 純豆腐豬肉湯 😋😋😋😋😋小編幾鍾意食韓國豆腐湯，所以冇乜點考慮就叫咗配豬肉嘅。韓國辣湯唔係辣到灼喉嗰款，係惹味嘅辣。最滑嫩嘅係豆腐，幾乎水滑到可以直接吞 ☺️ 豬肉就係切得細舊啲，唔會好嚡。個湯配飯🍚食真係一流！午餐 💵💵 約港幣$70/人💁🏻‍♀️ 一嚟就已經有三小碟免費前菜 🤗 中午都見有唔少學生去食，原來係有學生價。當然都有唔少打工仔啦！店員食客普遍以英文溝通。小編覺得依間價錢算相宜，值得一試！🙆🏻‍♀️ 最後，喜歡嘅話，歡迎follow @foodirectory.hk！

有日係尖沙咀行街想食韓國菜，就隨心入咗呢間餐廳，估唔到咁就意外發現性價比高嘅韓國菜！咩都想食就嗌多咗，又以為份量唔會多，點知兩個人食到好飽🤣韓式年糕加拉麵大愛韓式年糕實在太惹味🔥食得好少辣嘅我，辣到流晒鼻水都食唔停口👅甜辣炸雞熱辣辣香噴噴嘅炸雞，一上枱就無左一半🤭韓式牛肉炒粉絲味道偏濃，但係粉絲牛肉配菜嘅比例好好！又係食唔停口泡菜煎餅即叫即整，夠晒熱又煎得脆口香港嘅韓國菜好多都定價高但味道未必值個價錢。呢間餐廳價錢較經濟，食物水準都對得住個價錢❤️ 總括嚟講，我會再幫襯！食物：⭐️⭐️⭐️⭐️環境：⭐️⭐️⭐️服務：⭐️⭐️⭐️(五⭐️為最高分數)

呢度算係我經常約朋友嘅落腳點，比起其他餐館同埋韓國餐廳，呢個地方唔洗排隊同埋唔會太多人。坐得舒服又唔會勁俾人趕走！最緊要係咩！價錢真係幾抵，唔會太貴，份量來得適當。去咗幾次，食物質素平穩，店員服務都好好，去咗幾次d店員都認得我哋。（可能酒量好掛）唯獨美中不足就係廁所成日俾客人整到好邋遢。。。Reliable food quality and service too 🫶🏻🫶🏻 Been there and the food quality sustains~Have been here countlessly especially the other competitors are queued up and the prices are pretty pricey📈A neighborhood type of Korean restaurant where it is comfortable to sit for as long as you like (when it's not crowded), excellent food and friendly service Love

🔺食物 🔸 年糕人蔘雞湯 $63年糕片好多 湯底一般 用左"老"雞 質地勁鞋 以雞絲上 不推薦☠️.🔸 純豆腐海鮮湯 (湯+飯）$63幾足料🤩 辣辣地 有bb size既青口仔、蜆冬天岩哂 食完暖足全身韓國仍被稱為 解酒湯之一🤣🤣.🔸 韓式套餐(辣豬肉＋配菜＋飯+湯) $69FULL SET咁上枱 感覺好豐富🤩配菜有雞蛋卷、牛蒡條、沙律 加埋紫菜湯辣豬肉味道好重 認真mama 偏死鹹🥲.🔸 蜜糖蒜蓉雞翼 $43外表勁吸引😍 炸到脆卜卜 一層厚厚蜜糖 極度邪惡🤤🤤 OMG‼️必試 另配3條蜜糖年糕🤪 好飽.➖➖ ➖➖ ➖➖ ➖➖ ➖➖ ➖➖ ➖➖ ➖自私評分：🌕🌕🌕🌑🌑自私評論：以尖咀韓國街黎講，lunch set真心幾抵食，平價之選‼️可以一試 ✨重點推介：雞翼🥳 同 豆腐湯🤪➖➖ ➖➖ ➖➖ ➖➖ ➖➖ ➖➖ ➖➖ ➖

漢城美食 - 尖沙咀 突然好想食韓國野，所以去到尖沙咀附近周圍搵下，見到呢間韓國餐廳好似都幾傳統及舒服。店員主要都是韓國人，好似去左韓國旅行咁。不過去到12:30大量既學生蜂擁而至，變得非常熱鬧。韓式套餐 $65（辣豬肉＋配菜+飯＋湯）叫了一個辣豬肉套餐，辣豬肉份量都幾多，而且成個套餐非常豐富。辣豬肉不會過辣，配上白飯剛剛好。配菜都有四款，個人最喜歡蛋卷及泡菜，紫菜湯都非常好飲。原味雞翼 $30原味雞翼幾脆，雞翼都大隻，雞肉嫩滑多汁。另外有四條表面煎脆的韓式年糕，味道不錯，但可能因為煎過，年糕有點厚身。整體都幾好食，呢個價位真係好抵食，怪不得咁多學生黎食Lunch

【尖沙咀】漢城美食 行晒成條韓國街，見到呢間餐廳嘅裝修幾地道，有啲似韓國地下街嗰種小店，價錢方面都比較平價，所以就決定呢間。✨紫菜飯卷 韓式飯卷係我其中一樣食韓菜必點嘅野食，原味飯卷裡面有菠菜、醃蘿蔔、甘荀、餐肉同蛋，配料豐富而且份量夠多！👍🏻✨純豆腐海鮮湯 海鮮都幾足料，豆腐比夠一磚，價錢可算非常合理。少少辣嘅熱湯最最最重要係配一碗白飯，啱晒而且開始凍嘅天氣下食。✨炸醬麵 比咗好大碗炸醬，上面仲配咗隻太陽蛋，一嚟到已經覺得好吸睛！麵底係較幼身嘅烏冬，個人比較喜歡食韓國黃色拉麵。炸醬個味調得幾好，雖然唔算好正宗但係幾啱香港人口味。👉🏻二人前最後埋單300蚊都唔洗，眼利的我發現到餐廳唔係用韓式做作筷子，唔識用扁筷子嘅我食得非常舒暢🤣✨ 漢城美食 📍尖沙咀金巴利道74-76號地舖

漢城美食🇰🇷🔹泡菜辣豬肉烏冬🔥🐖🔸牛肉炒年糕🐂🔹香辣雞芝士石頭鍋飯🔥🐓-有前菜提供，但份量比較少，一枱得一份。味道方面，泡菜辣豬肉烏冬真係好辣🔥，但好好味！牛肉炒年糕就可以中和下d辣😇然後辣雞芝士石頭鍋飯又辣返🤣但石頭鍋飯有飯焦！正！環境光猛，員工服務不錯，都係講英文。💲 泡菜辣豬肉烏冬: $48💲 牛肉炒年糕: $53💲 香辣雞芝士石頭鍋飯: $65*學生有優惠*

Happy Friday 收工去完附近拎結婚禮服，然後經過入去諗住食下韓國菜。一入去見到一班韓籍嘅菲律賓侍應，面無表情似死哂老豆咁樣。唔理咁多，肚餓，點菜！點左1. 酸辣炸雞：一咬落去，啲肉(鞋)到呢，完全係韓式咕嚕肉，得表面個醬食得下人👎🏻👎🏻👎🏻👎🏻👎🏻，失敗！2. 辣豬肉撈烏冬：還可以，係熱嘅，食得下人，味就只有一個辣字。👎🏻👎🏻3. 吞拿魚紫菜卷：完全冇味，低級菜式，完全係一道真真正正沒有靈魂的一道菜，狗也不吃！👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻食咗大概35分鐘左右啦，之後餐廳開始多人，而講啲沒有靈魂嘅侍應亦都開始過來執枱，但我仍然喺度飲緊嘢，過多5分鐘左右果位韓籍菲律賓人居然佢話有好多人等緊，叫我哋即刻埋單離開。亦見到隔籬枱淨係點咗半份炸雞之後食咗兩舊就埋單走咗🥶坦白講，真係唔好幫襯！如果唔係你哋會後悔 …….. 真心希望佢哋可以提早結業，唔好再禍害香港人

雖然幾鍾意食韓國包裝食品，但一直都未試過炸醬麵，因為聽講正宗嘅係好甜好難食，不過見韓國藝人食得咁開心，都好想試試係咩味🤣所以今次嚟到漢城美食，講聽係韓國人主理(食食下都見到老闆娘返嚟)🙈每人都會有芽菜、泡菜同煎餅做前菜，初頭見到煎餅好開心，不過食落好黏口，芽菜亦好硬又冇咩味😗因為冇放入雪櫃，泡菜都變咗室溫，小菜真係唔合格☹️炸醬麵($49)上枱嘅時候係熱辣辣，聞起嚟幾香幾吸引，表面有唔少肉碎同洋蔥，唔會話得汁撈麵🙈隔離仲有隻半熟太陽蛋，初頭以為係配黃色粗麵，但原來係用烏冬，煮嘅時間掌握得唔錯，食落幾Q彈👍🏻炸醬甜甜地但唔會好誇張，唔知有冇為香港人調較過🤔醬汁比較杰身、容易掛汁，所以配微粗、淡味嘅麵條就啱啱好😋如果未食過炸醬麵又唔想中伏，呢間的確係唔錯嘅選擇，不過最好平日去，否則真係好唔抵(好似成$80…)🫢

熱辣辣韓式牛肋排湯最近沉迷韓國女團、韓劇，今晚突然好想食韓國嘢，就去咗尖沙咀嘅韓國街行吓，行咗成條街都未揀到心水餐廳，最後見到呢一間餐廳，遠睇個裝修好似有啲韓國feel就入咗呢間食啦！之前去韓國，最鍾意就係食人蔘雞湯 $165 配飯雞湯有少少人蔘味，雞湯味不夠濃比較似未出晒味嘅雞湯+水感覺需要再煮耐少少先出味人蔘雞入面有少少藥材同埋飯都係唔太夠味雞肉好嫩滑，幾乎唔使用力撕開雞胸就「鞋」咗少少雖然個湯好淡，但係我都OK清清地另外叫咗韓式牛肋排湯 $158 配飯上枱嘅時候個湯仲係滾緊，勁熱呢個湯相對比較濃味，感覺好味好多牛肋排肉質相當嫩，好好味😋個湯幾好味，忍唔住飲晒😝另外叫咗豬肉餃子 $79煎得幾好味，外脆內軟，餃子肉質鮮甜多汁總括嚟講還可以接受🥰漢城美食 (尖沙咀)尖沙咀金巴利道74-76號地舖

餐廳位於尖沙咀、尖東及佐敦中間，離地鐵站唔算好近，我由尖沙咀行過去。我今次叫咗個韓式石頭飯，來到先知原來都幾大碗，肉嘅份量都好足夠，好彩蔬菜份量亦都多，好適合平時多肉少菜嘅香港人，隻生蛋加埋個韓式醬，撈埋成個飯來食，真係 yummy。

星期五晚放工 三個女仔食飯因為有啲趕時間附近嘅餐廳都要排隊 就求其見到唔使排隊嘅入去衛生環境一般坐喺門口隔離嘅玻璃位有好多塵跟住見到有隻昆蟲店員隨手攞紙巾掃走佢完全覺得若無其事🥲不過呢啲天氣又真係會容易有昆蟲嘅…食物等咗30分鐘以上 應該係咁漏單 睇嚟間舖頭係逐台整既 所以要耐心等候😅海鮮煎餅- $99好難食，炸得OK，但係好大浸韭菜同椒味？完全冇海鮮味，同埋好似冇調味咁😅如果對味道冇要求都可以放入口泡菜炒麵- $78啲醬落得好勁，過咸/甜？！，啲麵太濕，完全唔好食嘅感覺。牛肉鍋- $118算係最好食嘅一道（對比下）牛肉好碎 味道偏甜 有年糕配飯可以接受😌errr…. 對得住價錢的質素😏

This restaurant have a lunch set for a very good price and great taste , is good option if you’re between Tsim Sha Tsui and Tsim Sha Tsui East this is the best option for the value and taste, I choose kimchi spicy pork was hot but delicious even my mount was on fire cannot stop eating . The linch set come with soup , 3 appetizers and drink (great deal)

尖沙咀內的韓國街有好多間韓國餐廳, 間間都望落好正宗.剛好被呢間裝修簡約地方寬敞的"漢城"餐廳吸引住停下來食Lunch.好幾張8人大枱,個人覺得好似舊式大飯堂, 牆上掛上幾面鏡有點似澡堂.午餐meun價錢實惠, 不收加一.  很貼心有兩個價錢, 淺灰色係學生價. 每枱都有一壺水,加上全程自助手寫點單, 大大減少店員工作量.點餐後送上3小碟不同前菜. 味道正常沒驚喜.點了韓式牛肉炒粉絲估唔到都幾大碟.粉絲炒得非常入味, 牛肉質感似肥牛好夠淋.所有lunch meun不包飲品, 除了枱上那壺水. 但加$6 可以轉汽水以這個親民價來說,  實在是喜出望外.!

Before arrive we didnt know it would be nice or not big at the end it was a very tasty meal and me and my friends had a great enjoyable night, good recommend and a very specious place and my vegan friends like it as well and we would defo come back again. Highly recommend the kimchi pancake